香港永年車仔麵茶冰廳

海外朋友過泥香港玩 一於盡地主之誼 帶佢試下啲香港地道美食😋 -【香港永年車仔麵茶冰廳】 交通地點夠晒方便 沙田新城市 購物大商場 🛍血拼完過泥食岩晒😊環境舒服之餘😚餐廳懷舊佈置 富有舊式香港情懷 比我地打卡影相📸😆🥩【美國極佳級封門柳】一人套餐(~10oz) $238 轉意粉+$12港式扒房🔪鋸扒 擇左五成熟 洋蔥汁10oz既封門柳上枱 勁大份超足料席前淋汁 滋滋聲🎇 好有氣氛😆肉嫩外焦 肉質口感非常柔軟 牛味濃👍🏻招牌港式酥皮牛尾羅宋湯 +$15羅宋湯😋味道香濃色澤深紅🍅再加上一叠脆脆既酥皮 絕配💯精選紅酒 +$28講起絕配 點少得牛排配紅酒🍷單寧那澀澀的感覺 正好化解牛排帶給你的油膩感🍜【女神麵】 $108 跟米線配清湯辣汁 BB辣包左6款材料 仲有碗紫菜湯另上充滿骨膠原的鮑汁燜花膠 超清甜咖喱白蘿蔔 索晒湯勁入味既鮮腐竹卷 冬菇同菜芯 👍🏻麵底可選粗麵、幼麵、油麵等 今次米線硬度亦剛剛好 配料自由配撘 各有喜好 鍾意咩就食咩 好豐富😆-凍檸茶 +$4🍹解膩🥰 茶香回甘腐乳通菜 +$18 少腐乳醬叫碟菜減輕罪惡感😜有腐乳醬加持 咸香又惹味永年特飲$28 樽仔鳥籠茶 用冷泡鳥籠茶 茶甘味濃樽仔奶茶 奶茶幼滑 甜度啱啱好 飲落陣陣茶香樽裝夠曬方便拎返屋企慢慢嗒😁最鍾意食車仔麵 港式茶餐廳 無論少冰少甜 多汁少汁就係咩都有選 先係老闆😎…查看更多

放工同朋友約咗去沙田新城市廣場行街買嘢，佢話比較少食茶餐廳，但係佢揀咗間打卡都幾靚有香港特色嘅茶餐廳一齊去鋸扒！見到佢呢個鐵籠同埋舊香港理髮舖嘅霓虹燈，即刻知道呢間茶餐廳應該會有我想打卡嘅感覺。晚餐有得鋸扒，我哋兩個人就叫人二人餐！慢煮鐵板2人套餐二人餐有兩個鐵板燒套餐，兩杯飲品，兩碗湯或沙律 ，我哋額外加咗兩個小食同埋一個蒜蓉包。美國安格斯封門柳五成熟嘅安格斯封門柳，淋上黑椒汁，非常惹味，炸麵比較乾，下次可能加錢改成飯或者意粉會比較易入口。不過個牛就好好食！永年雜扒有豬牛雞扒，我揀咗洋蔥汁跟炸麵。個人感覺雞扒比較好味，牛、豬扒就正常嘅。招牌港式牛尾羅宋湯足料嘅牛尾湯，田園味道！周打蜆肉魚湯有別於一般嘅忌廉湯，呢碗湯似我學西餐嘅時候用自己Pan煮嘅薯仔做呢碗湯嘅基礎，令到魚湯有忌廉湯質感。都算唔錯。加配香脆蒜蓉包懷醬蝦多士一共有三件蝦多士，多士炸得好鬆脆！黑芝麻西多士伴雲呢拿雪糕冇諗過個甜品都幾好味，我下便個西多係熱騰騰嘅，而上邊嘅雪糕就好冰涼，黑芝麻餡好好食。一啖雪糕一啖西士，簡直就係冰火兩重奏。腐乳通菜多腐乳，通菜炒得好新鮮！- - 抹茶紅豆冰-- 檸檬水(熱）紅豆嘅香甜攪拌之後令到清淡嘅綠茶味道提升。…查看更多

食過幾次，大商場裡面食車仔麵，係比較坐得舒服。呢度港式懷舊鐵板真係無得輸嘅，例如今次食嘅美國極級封門柳鐵板餐碗牛油果薯仔沙律，跟永年辣汁，個餐包括埋炸麵同餐飲。個牛柳夠又入味，沾一沾辣辣地又濃味嘅汁，又或者將汁淋上炸麵，都非常好味！沙律雖然比第一次食細杯左，但性格比仲算ok，有3隻蝦、牛油果、桃等等，成本本來都比只係得菜嘅沙律更高。女神麵加永年三寶係必食嘅，個麵包括嘅餸有我超鍾意嘅酸甜適中又唔油嘅酸齋、入哂味靚花膠、魚腐、冬菇、菜心等等，餐飲可以加錢點涼粉冰，絕配！永年三寶有陳皮魚蛋、豬皮、同好軟淋香甜嘅白籮蔔。出色嘅韮菜豬紅同腐乳通菜都係好野黎，尤其是豬紅入哂味又滑口，每次黎必食。…查看更多

講到香港的經典食物，一定食茶餐廳!🤩不過人大了多了選擇都少左機會去!😆今日剛好經過沙田，見到有好大間的香港永年車仔麵茶冰廳📍決定去食晚餐試下先!😉-原來這家香港永年車仔麵茶冰廳主打鐵板餐🍴真係好耐無食過!所以決定一試! 老公點了美國安格斯封門柳鐵板燒🥩選了黑椒汁，搭配薯菜，好豐富呀!😉熱辣裃的上桌，牛扒肉汁滿滿好JUICY😋選了5成熟，所以剛剛好! 而且肉身好厚，啖啖肉!😎跟餐仲會有招牌港式牛尾羅宋湯,真係好經典🤩羅宋湯好足料，同埋唔會好咸，順口! 都係驚喜之作呢!🧡-而我則點了好耐無食過既永年車仔麵🍜車仔麵好耐無食呢! 麵身我點了米粉，食物方面點了豬紅，牛柏葉，紫菜，芝士丸🥬及清湯麻辣汁要中辣🌶中辣好過癮，又麻又辣，食得辣既朋友可以挑戰一下!🌶🌶而食材份量都好足夠! 真係好耐無食過!💚豬紅同牛柏葉真係最好有港式經典😆-而小食方面則點了腐乳通菜~ 份量都好足夠!🥬我自己又真係好鍾意食通菜呢!飲品方面，都有幾多唔同選擇!🧃我們分別點了檸檬香桃烏龍茶同樽仔烏龍茶🥃檸檬香桃烏龍茶好消暑，好岩夏天飲!☀️而樽仔烏龍茶則小清新同無負擔之選呢!💦-晚餐來說都幾多選擇!✨價錢屬中價!不過要留意這家的門口較隱閉，要一點時間才找到呢!‼️…查看更多

Not doubt that Local food are closing year by year and hardly found in big shopping mall. Yet, 𝙷𝚘𝚗𝚐 𝙺𝚘𝚗𝚐 𝚆𝚒𝚗𝚐 𝙽𝚒𝚗 did well to balance the traditional favor and operate in modern way. It’s located at New Town Plaza, offering a comfortable environment that fills with old HK decorations.What we ordered for lunch?•𝑾𝒊𝒏𝒈 𝑵𝒊𝒏 𝑩𝒊𝒈 𝑩𝒐𝒘𝒆𝒍 𝑵𝒐𝒐𝒅𝒍𝒆 (永年大碗麵）👍🏻∙𝑮𝒐𝒅𝒏𝒆𝒔𝒔 𝑵𝒐𝒐𝒅𝒍𝒆(女神麵）∙𝑾𝒂𝒕𝒆𝒓 𝑺𝒑𝒊𝒏𝒂𝒄𝒉 𝒘𝒊𝒕𝒉 𝑭𝒆𝒓𝒎𝒆𝒏𝒕𝒆𝒅 𝑩𝒆𝒂𝒏𝒄𝒖𝒓𝒅 𝑺𝒂𝒖𝒄𝒆（腐乳通菜）👍🏻∙𝑷𝒊𝒏𝒆𝒂𝒑𝒑𝒍𝒆 𝑰𝒄𝒆∙𝑬𝒈𝒈 𝑻𝒂𝒓𝒅 & 𝑺𝒂𝒖𝒔𝒂𝒈𝒆 𝒃𝒖𝒏 I love their traditional soup base as it recall my old memory of 𝑪𝒂𝒓𝒕 𝑵𝒐𝒐𝒅𝒍𝒆（車仔麵）. Topping with Tender radish, smoked red sausage, marinated chicken wings, Pig skin and curdled pig’s blood (豬紅）and flat rice noodles, so nice! yumyum😋If you want something enhance your health &skin condition, do try 𝑮𝒐𝒅𝒏𝒆𝒔𝒔 𝒃𝒐𝒘𝒆𝒍 𝒏𝒐𝒐𝒅𝒍𝒆! It served with fish maw which is traditionally believe it function for better skin quality. They use a nice 𝑭𝒆𝒓𝒎𝒆𝒕𝒆𝒅 𝒃𝒆𝒂𝒏𝒄𝒖𝒓𝒅 𝒔𝒂𝒖𝒄𝒆 for 𝑾𝒂𝒕𝒆𝒓 𝒔𝒑𝒊𝒏𝒂𝒄𝒉, which tasting so good, too. Have to say its always worth to go back for another round of cart noodles, that explained why there is always a queue outside the shop. 𝑨𝒅𝒅𝒓𝒆𝒔𝒔:香港永年車仔麵茶冰廳Shop 113, L1, New town plaza phase 1, 18-19 Sha Tin Centre St, Sha Tin𝑷𝒉𝒐𝒏𝒆 𝒏𝒐: 21172368…查看更多

之前試過呢間嘅堂食唔錯，今日特登嚟幫襯外賣，攞返去同屋企人一齊食揀咗個中式小菜二人套餐，第一個小菜揀咗招牌花膠雞煲，花膠夠大塊夠厚身，多雞肉， 唔會一味淨係得骨頭招牌花膠雞煲煮得夠惹味，香噴噴，夠足料，雞肉彈牙，唔會有雪藏味第二個小菜揀咗蒜子火腩大鱔煲，火腩炆得夠稔，又夠香口呢個餸超惹味，勁好送飯，大鱔有好多嚿，肉質肥美又嫰滑，大鱔燜得夠入味又唔會過熟配埋啖啖肉嘅火腩，質感超豐富。套餐包埋白飯同燉湯，今日個燉湯係蘋果雪梨燉豬雞腳湯，可能個湯落咗蘋果同雪梨，飲落覺得好潤，係老火湯嘅味道真係煲出嚟嘅湯，唔係嗰啲好hea嘅味精湯或者加水加到好淡嘅例湯而且好足料，兩碗湯都有好多湯渣屋企人都食哂啲湯渣，二人套餐仲包咗油菜一碟， 揀咗腐乳通菜，腐乳鹹香惹味， 通菜新鮮爽脆，轉眼間大家就清曬 因為真係好惹味送飯一流凡惠顧套餐，可以特惠價錢升級享用額外小食或燉湯，所以加咗懷舊蝦多士蝦多士香口鬆脆， 蝦膠彈牙， 口感一流跟住仲叫咗個車仔麵套餐，揀咗永年車仔麵，自選四款$9餸，永年清湯配辣汁，麵底揀咗幼麵，醬汁揀少辣，配料就揀咗豆卜、豬紅、魷魚同蟹籽丸，如果外賣車仔麵， 舖頭會幫你將啲湯同個麵分開，免得令到個面浸到發脹淋曬呢間嘅豬紅好惹味， 同平時出面嘅豬紅唔同，口感Q彈啲， 味道香濃啲四個餸同埋個麵底份量都多， 夠飽肚，一共有三杯餐飲， 分別係熱齋啡同熱奶茶，熱奶茶好飲，夠香濃夠滑係水準之上總結： 雖然今餐係外賣， 但因為之前試過堂食，所以其實呢間餐廳裝修靚， 特登裝修到有舊香港冰室風味，座位舒適寬敞， 食物質素亦都係水準之上，好適合食小菜同埋車仔麵， 高質，性價比高，侍應服務亦很好， 笑容可掬， 有禮貌下次都一定會再幫襯…查看更多

很久沒來過沙田，一輪shopping血拼過後，發現永年在沙田新城市廣場開了一間懷舊茶冰廳，晚飯的時間蠻多人排隊的，於是試一下。本想點招牌迷你盆菜的，但當日已售罄，唯有轉投中式小菜二人套餐。包括：𓈍 招牌花膠雞煲𓈍 蒜子火腩大鱔煲𓈍 蘋果雪梨燉豬展𓈍 腐乳通菜𓈍 韭菜豬紅𓈍 南乳雞翼𓈍 樽仔奶茶𓈍 紅豆冰蒜子火腩大鱔煲是惹味送飯首選！個人必點推介！招牌花膠雞煲也非常足料，花膠多又軟稔，芡汁入味，也是不錯吃的。來到永年車仔麵，怎樣也得點一個韭菜豬紅吧，保持一貫高水準。南乳雞翼很香口，三隻可不夠吃呢。飲品方面，當然點招牌樽仔奶茶和紅豆冰，港式港味！最驚喜的是蘋果雪梨燉豬展，看照片就知道燉湯很清很滋潤。這二人餐那麼豐富，埋單都不用$400，的確是抵食之選。…查看更多

今日嚟沙田永年食飯，裝修風格復古，座位舒適寬敞，有好多卡位。估唔到除咗車仔麵呢間分店仲有中式小菜食，惠顧套餐仲可以以五折加一款小菜，感覺都幾抵食。蒜子火腩大鱔煲上碟嘅時候仲係出晒煙，熱辣辣好有鑊氣👍🏻，有五件火腩同五件大鱔，仲有兩舊大冬菇，好足料😍，加咗好多香蔥同蒜爆香，好惹味😋 大鱔好鮮味，肉質彈牙，唔多骨，走左油所以好香口好入味，配埋啲醬汁送飯一流😋 ；火腩肥瘦分明，大大件好滋味；大冬菇都幾厚身，好入味，呢個煲值得推薦👍🏻👍🏻👍🏻馬拉盞醬爆龍躉球🐟龍躉球有五六件，全部起晒骨，肉質彈牙，新鮮多肉大大件，上碟嘅時候熱辣辣，加咗青紅椒爆得好有鑊氣，配埋盞鬼馬拉盞醬好惹味😍白灼鮮蝦🦐大部份都好新鮮，肉質爽口彈牙，簡單配上辣椒豉油，原汁原味😋豬皮蘿蔔魚蛋套餐加$28就有呢款小食，都幾抵，豬皮爽口彈牙，蘿蔔煮得好淋好入味，魚蛋就比較細粒，質感結實。腐乳通菜：通菜翠綠，已經切好咗方便食，腐乳醬好特別，好似芝士咁Creamy，鹹香味濃。雪梨蘋果燉豬展雞腳湯燉湯材料豐富，有一大舊豬展同一隻大雞腳，加咗雪梨同蘋果好清甜，油份都唔算太多👍🏻樽仔奶茶☕️加$9可以轉特飲，好香茶味，質感好幼滑，茶味同奶味嘅平衡非常好，甜度適中☺️整體來講，食物質素不錯，中式小菜好有鑊氣，上菜速度非常快；職員會主動帶位同執枱。…查看更多

呢間新店都開左有一般時間，今日特登走左黎食！午市時間都幾多人，要預時間排下隊～店舖有本土復刻風格，坐得都好舒適🥰🍜永年大碗麵 ($88)大碗車仔麵超足料！完全係二人份量黎～入面有豬腸、豬皮、魷魚、雞翼等，全部都好入味！湯底揀左清湯辣汁bb辣，食落都幾辣，但好過癮🌶🍳厚切叉燒滑蛋飯 ($82)試左車仔麵，就緊係要揀翻個港式飯黎食啦～滑蛋口感嫩滑，加上蔥油味更香🤤叉燒厚切，口感軟腍，港式味濃郁～🥬腐乳通菜 ($26)平時出街食菜好貴，呢個份量同價錢黎講真係好抵！通菜口感爽脆，配上腐乳嘅鹹香，滿足感十足～🍗南乳雞翼 ($28)雞翼炸完後面皮香脆，但食落一啲都唔乾！南乳味道較濃，小食叫一份都真係一流🙌🏻…查看更多

放工買二人小菜晚餐揀兩個小菜，有兩個燉湯、白飯、飲品，要upgrade小菜都係加少少錢，出名嘅樽仔奶茶都係加幾蚊。有酒樓水準嘅咸檸陳皮蒸烏頭，鹹檸檬味同甘香陳皮味煮出嚟嘅醬汁，令到烏頭魚嘅味道提鮮，攞到返屋企食都仲好好味。例牌招牌蔥油雞，足夠二人份量，雞皮有啲肥，但勝在雞肉夠嫩滑，充滿油香嘅蔥油豉油，送飯簡直一流。今日燉湯係蘋果雪梨燉豬展，燉湯冇咩油，濃郁湯頭夠哂滋潤。個餐包埋嘅腐乳通菜同加幾蚊轉樽仔奶茶，抵到爛！由於老婆好為食，其中一個白飯我都加咗幾蚊轉幼麵，仲叫埋佢鍾意食嘅韭菜豬紅、同三樣淨餸（鳳爪、牛筋、酸齋，永年辣汁），結果返到去擺到枱都擺唔晒，但我哋就食得非常滿足！外賣都好好味！…查看更多

位於#沙田新城市廣場 嘅 #香港永年車仔麵茶冰廳係元朗超過50年歷史嘅 #永年車仔麵 @wingninyl 其中一間分店難得晚市堂食重開#淘小姐 我今日就食佢哋嘅 #晚市套餐二人晚市套餐$298可以喺11款小菜裏面揀選兩款而我就揀咗荷葉籠仔蒸白鱔同鐵板黑椒牛柳粒手機自助落單上菜十分之快先來兩碗原盅燉湯今日嘅燉湯係 #蘋果雪梨燉豬展雞腳湯味道十分清甜十分滋補套餐包一款油菜我哋就揀咗 #腐乳通菜可以揀少腐乳但師傅出手仍然闊綽😂#鐵板黑椒牛柳粒 份量都多好夠鑊氣黑椒味道香濃如果牛柳粒醃嘅時間耐多少少就更好#荷葉籠仔蒸白鱔 喺最後上枱果然係即叫即蒸白鱔口感爽脆 十分新鮮豆豉味道恰到好處而且份量都幾多套餐仲附送兩碗白飯同飲品飲品揀咗#凍檸檬茶 同 #熱檸茶有三四片檸檬好夠味適逢係「永年感謝折」我哋可以以五折加購食品我哋就嗌咗 #白灼鮮蝦都幾鮮甜彈牙點下辣椒豉油就更加惹味🍽香港永年車仔麵茶冰廳 (沙田)📍沙田沙田正街18號新城市廣場L1樓113號舖…查看更多

平時係元朗食得多嘅永年車仔麵，突然係沙田開一間咁大嘅餐廳。依家已經唔係平時嘅車仔麵，係一間大餐廳。改寫左世人對車仔麵嘅認知。咁大嘅門面，好明顯係比人打卡影相有氣勢成件事高級左，價錢冇點加。人都係照舊多，要等位。不過坐得舒服好多影左幾張menu , 小菜果d 冇影。下次試左再寫食評。男神麵，豬腸，牛柏葉，牛腩，豬紅，牛肚，牛丸，時菜，蘿蔔聽到咁多餸，真係怕怕。食餸都飽。個汁小辣，開胃。特別要講嘅係豬腸，唔臭，洗得乾淨。水準同元朗總店一樣。朋友就醒，叫淨餸，唔要麵。花膠，牛腩，蘿蔔，牛根，冬菇，雞肉都好飽，一個男人食一定飽。d 餸冇野可以挑剔，花膠要加$48, 不過比左起碼3大舊，同高汁。建議大家要加。想食菜就叫左個菜食，水準正常蝦多士，新鮮炸出黎比你。好熱，同好飽滿，比足料你。個湯，唔係普通嘅例湯，飲得出足料，同好夠味。飲完唔口渴試下d 特色野奶茶紅豆冰同綠茶紅豆冰唔會太甜，用細冰，所以可以飲得哂，唔會飲淨好多冰用綠茶同奶茶夠新鮮，相信好多茶就都會抄佢地。永年奶茶咁出名，一定要叫樽仔奶茶，夠哂濃咪。一個完尾嘅句號。…查看更多

最近因著疫情，都減少大魚大肉，反而多咗幫襯茶記，快捷又方便。這次來到永年。沙田店以車仔麵與港式美食作主打，同時為懷舊特色食品加入新元素。車仔麵餐，扒餐，飯餐加上煎釀三寶同雞蛋仔等街頭小食，港式食物應有盡有。餐廳亦加入QR落單與時並進。焗鮮菠蘿蕃茄豬扒太陽蛋飯 $108新鮮菠蘿蕃茄，太陽蛋，大大塊豬扒，賣相吸引。豬扒厚切，酥軟啖啖肉，加上焗得金黃的芝士一試難忘。配懷舊西湯腐乳通菜 +$16通菜可揀多醬，即時充滿澎湃腐乳香，非常開胃。永年大碗麵餐 (米粉) $108餐廳招牌車仔麵絕對不能錯過。大大碗車仔麵份量十足，魚蛋，豬皮，豬腸，豬紅，雞翼，雞翼尖，魷魚，紅腸，時菜極豐富。獨特的車仔麵湯非常吸引，揀咗蕃茄濃湯加永年辣汁，夠開胃。加配懷舊蝦多士車仔麵餐加配的懷舊蝦多士香口鬆脆，蝦肉彈牙，一試就愛上。冰火菠蘿油 $18熱辣辣菠蘿包配冰凍牛油非常邪惡。樽仔奶茶 +$9濃香奶茶味入口順滑，茶記的味道即刻出晒嚟。黑牛爆樽大枝野 +$35經典黑牛以”大枝野”方式呈現，融合經典與創新，仲有爆炸糖增加玩味。…查看更多

Brother話比多次機會呢間車仔麵，話近來味道服務都好左，於是我來也！Ok，永年大碗麵，大辣，朋友係話勁香辣，辣到出汗嘅！仲讚口不絕話10個餸嘅車仔麵，雞翼尖雞翼魷魚勁入味。平時食嘅車仔麵，都好難食到每樣餸本身嘅味道。呢碗麵與別不同，樣樣餸都高質食得到佢原有味道。我就最欣賞個豬腸，保留到裡面少少脂肪之餘一d都唔臭，口感有d爽勁仲有油脂香。所以我地唔夠喉又再叫多個豬三寶。我食自選4餸車仔麵，番茄湯，花膠必叫，手工韮菜豬肉餃，豬皮，酸齋。老實講，真係好耐無食過好似童年食過咁好味酸齋，有d感動~少有嘅紅油萵筍唔錯，爽口冰涼。炸魚皮好香脆，無油回滲，配車仔麵又咸又香係個幾好配搭👍🏻。新鮮檸檬沖嘅檸水先飲到fresh同唔苦澀秘製辣汁牛腩件件靚腩，小食黎講份量算多，辣度都幾勁，食番茄湯底嘅話會勁夾的。唔好用一般車仔麵嘅價值黎比較，因為真心用料係比一般高，以質量去計其實係抵食嘅，就睇閣下重質重量定重價錢。…查看更多

早前係永年食過焗豬扒飯，味道唔錯留下左對永年既深刻印象。今日路過沙田又心思思想食永年。今次真真正正叫番碗車仔麵食下，同女朋友每人叫左一個套餐。佢點左永年大碗麵+腐乳通菜+綠茶紅豆冰，而我就揀左男神麵+生菜豬腸+南乳雞翼+凍柚子蜜，另外再加多左個麻辣豬耳絲。上菜效率快絕對係抵讚，啲麵同小食好快就上哂枱，見到成枱都係野食都覺得自己過份左小小，不過真係有啲餓。繼上次食左焗豬，今次就試番佢地既車仔麵，男神麵入面有既你牛為主，牛筋腩，牛丸，牛柏葉等，另外我再加左雞翼同炸魚皮，而辣汁就揀左小辣，味道好就不在話下，所有餸菜既味道好夾，特別要讚既係粒牛丸，好爽口彈牙，絕對唔係一般街市貨色。跟餐小食叫左碗豬大腸，味道一流配埋生菜。南乳雞翼上次食過，今次仍然keep住水準。而女朋友叫既大碗麵就係咩都有，勝在夠份量，每樣有啲，滿足貪心咩都想試既我地，跟餐有碟腐乳通菜，腐乳味十足。最後既小食係麻辣豬耳絲，佢個辣汁好濃而且杰身，夾起豬耳既時候啲汁會痴住係豬耳，所以食落口會覺得好惹味，絕對係今次既新發現。食左咁多野我地兩個飽住離開，好滿足！…查看更多