篤篤車

之前一直都好想試呢間「篤篤車」車仔麵，而家終於由元朗開左過嚟旺角，旺角返工有口福啦！💕淨三餸或兩餸麵起$36，三餸麵$44，完全係平民價！另外仲有套餐添～三餸麵+1款小食（可四揀一）+ 1碟菜都只係$81起～都幾抵食！😏 比平時散叫平$7至$11。「篤篤車」主打坊間少見的泰式湯底，包括鱷魚湯底、冬陰功湯底，非常特別。鱷魚湯底呈奶白色，以鱷魚骨烘過再熬成湯，配上杞子、茶樹菇等，有藥膳湯底嘅感覺，味道清甜，健康補身～牛腩（+$6）肥瘦均勻，值得一試！⭐️推薦❗牛筋炆得軟腍入味～⭐️推薦❗豬紅冇半點腥味，必試！冬陰功湯底由店家自家調配嘅口味，全用泰國青檸葉、南薑、 香茅來熬製而成，酸辣惹味～紅腸、墨魚丸普普通通，⭐️推薦❗扎肉相當有質素！仲可以加店家自家辣菜脯，微辣開胃。另外，可以$8加購小食一件，我哋分別加左香甜蔗蝦和泰式炸魚餅各一件，雖然唔係好大件，但勝在即叫即炸，味道不錯！⭐️推薦❗泰式炸雞翼（原價$28）一份雞翼有四隻之多，雞翼用香茅醃過，炸得香脆，香茅味清香，鹹香惹味。網紋春卷（原價$28）炸得香脆可口，蘸上甜辣醬，perfect match!腐乳唐生菜或馬拉盞芥蘭份量相當充足！馬拉盞芥蘭重口啲惹味啲！😏跟餐仲可以用優惠價$10加購樽裝紅茶花伝檸檬茶。除咗車仔麵之外，仲有泰式炒粉麵，星期一至五仲有下午茶添！外賣自取有九折優惠。…查看更多

平時出街，我都會搵下車仔面食每樣野食都可以食D， 最開心行到去通菜街附近，上網搵到有間叫「篤篤車」既車仔面，個名幾過癮入到去見到樓面整體幾乾淨﹑燈光都光猛而且，店面比一般車仔面店相對闊落，坐得唔迫陝4人枱約有7﹑8枱左右筷子係即棄既木筷子﹑有紙包住個隻既靚款算幾衛生，因為好驚遇到D 濕笠笠既枱上有紙仔俾自己圈野食菜單仲有英文版， 可以等外國食客都方便叫到~睇menu發現呢間係非一般既車仔面佢係有泰式成份的，因為有泰式的小食提供同泰式湯底好似有炸蝦餅﹑炸魚餅﹑泰式鳳爪等等我仲食過其中一款係香泰式炸雞翼，真係好食! 另外仲有一個特別位， 就係個湯底除左有泰式湯底冬蔭功，更有我從未見過既「泰國鱷魚湯」其實真係未試過鱷魚湯，但因為見到呢個湯底有兩個大拇指推薦，於是就信佢試一次最尾真係好驚喜，真係好得!此外，除了以上提及既，係菜式方面，都仲見到店家既用心， 就係佢地有提供「炒」既菜基本車仔面都唔會見到有菜係炒既形式而且個價錢仲要係$20 咋!整體係一間有心做﹑質素高既車仔面店而且係旺角要搵好味既車仔面， 唔容易，哈哈此外，枱上都有辣菜脯俾食客任加餸約有三十多款揀，有分特選餸同經典餸兩餸面餐$36，三餸面餐$44另加特選餸就加$14， 另加經典餸就加$8仲有個套餐，係三餸面+小食+菜，$81車仔面除左有面底，仲有飯底， 變左車仔飯，哈哈飲品主要係罐裝既選擇為主，好似可樂﹑芬達等支裝飲品有紅茶花伝檸檬茶同淳茶舍既烏龍茶價錢都係$8-$10 唯一人手沖既係薄荷青檸梳打，要$20， 跟餐就$14➽鱷魚湯車仔面個湯好驚喜﹑好好飲!湯色呈奶白色，味道入口好甜，且濃郁好得也沒有任何的腥味餸式我揀了以下咖哩雞翼尖 雞翼尖都幾大隻，醃得好入味，有咖哩的香味，不過幾辣下~ 但真係好好食豬腸整得好腍，味道都好夠，推薦雞腎食埋雞腎我更覺得店家做醃菜式呢一環真係好用心因為出去食雞腎普遍都好硬，而店家整既雞腎好軟身唔係好腍，但入口好易咬而且味道都係好夠要讚➽鱷魚湯泡飯+小食+菜 $83想講鱷魚湯好夾個飯因為個湯好濃郁鮮甜，所以D 飯浸入去更加索到個湯既味道!好建議大家試泡飯~!餸揀左元貝﹑牛肚同牛丸元貝仔落得好多粒， 加左元貝落飯度令個鮮度更多 牛肚醃得夠腍，好食! 小食揀左炸雞翼 有4隻好頂食，而且都幾大隻味道有D香茅味新鮮炸真係好脆好好食同埋就算炸完個肉質都唔乾~推薦呀!菜就揀左腐乳唐生菜唐生菜跟腐乳都少見上文提到佢係用炒既形式所以個菜唔係就咁白烚咁簡單，炒過後食到個獲氣味，腐乳味都幾入到生菜香及惹味腐乳配唐生菜真係好夾， 都係好推薦既一個!➽薄荷青檸梳打 加$14跟餐叫既， 大滿足!➽紅茶花伝檸檬茶 $10…查看更多

放工約左朋友出去旺角行街，行到咁上下就餓到打哂鼓🙈 不過大家都知係旺角太多野食可以揀，花多眼亂，都唔知食咩好！不過好在朋友提議去女人街搵食，最後就入左今次食既呢間泰式車仔麵餐廳喇😯店舖唔大，但勝在上菜夠快。落完單後5分鐘後就上菜了，我地叫左兩個套餐，一個泡飯，另一個面。先講泡飯，套餐揀左3餸泡飯，揀左芝士丸、札肉同埋墨魚丸，湯底要左鱷魚湯。上菜嘅時候已經聞到好香既藥材味，好岩我呢啲要養生既人🙈另外套餐包左小食同菜，我就要左雞翼同馬拉盞炒芥蘭，雞翼外脆內軟，兩個小食既份量都好多，絕對岩哂大胃王來挑戰。另一個車仔麵揀左豬大腸、豬紅同埋咖哩魚蛋配埋冬陰公湯底，麵底要左河粉。咖哩魚蛋係陳皮魚蛋，絕對要加分😍冬陰公湯好濃，好飲到好似去左泰國咁呀。小食要左炸春卷同埋腐乳炒生菜。…查看更多