珺

7月18日星期日，我和父母到中環的珺吃午餐。珺是東方素的分餐廳。與東方素不同，珺是純素餐廳，而且定價較高。有中菜之餘，也有西式餐點。餐廳佔用全層，地方不算小。離開時才仔細打量門面。櫃台上有六瓶無酒精香檳。每一款我都想喝。步出升降機，右面有一個小空間，可以讓四人一組客人用餐。另有一個房間，可供客人私人聚餐。左邊是較大的用餐區。這邊的餐桌大多靠窗邊。窗下有沙發椅，對面則是低靠背椅。一排的大窗戶讓餐廳能足夠採光。空間感亦較大。餐廳中間是廚房。廚房後面有洗手間。女洗手間內有三個厠格，但空間狹窄。我們點了二人商務套餐，$398。另加一個湯品。食物份量多，我們三人都吃得很飽。餐廳並不是傳統中菜館，所以客人不一定要點中國茶。店員可以提供免費的水。我們想喝茶，於是便各自點了茶。爸爸要鐵觀音，我要玫瑰，媽媽要荔枝茶。以每位$15計算。每人一個茶壼，並可以續壼。鐵觀音和玫瑰的味道都濃。荔枝味則淡，只隱約聞到荔枝香味。所以，媽媽添加鐵觀音或玫瑰到杯子內，混合荔枝來喝。此套餐的前菜有萵筍絲雲耳配XO醬或牛油果沙律。前者辣，我便選了兩客牛油果沙律。看起來份量很多，其實被那器皿設計騙了。裝食物的空間只有球形器皿上半部份。也幸好份量不多才能吃得完。牛油果軟滑鮮味。沙律菜看起來很新鮮。我猜沙律醬汁是千島醬，甜味會比較多。媽媽喜歡這醬汁。湯品也有兩款選擇。分別是桃膠雪耳粟米豆腐湯和白甘筍紅菜頭椰汁湯。兩款湯我們都選了。額外點了一客雞油菌竹笙素翅（碗），$68。我們選了各自的湯，然後嚐一點別人的湯。爸爸要桃膠雪耳粟米豆腐湯。味道清甜。我選了白甘筍紅菜頭椰汁湯。表面有兩片麵包。略脆的口感。湯的味道甜。椰汁味不會太突出，或許紅菜頭的味道比椰汁更濃烈。兩者融合起來感覺搭配。質感不會太稠厚。媽媽要雞油菌竹笙素翅。跟往常喝到的素翅不同。這裡有雞油菌，多了菌類濃郁芳香的味道。那味道不會一吞進喉嚨裡便消失。還會縈繞在口腔中一陣子。加深我們對湯的味道的記憶。主菜有八款，可以任選三款。我們選了玫瑰叉燒、法式芥末蛋黃醬素蝦和雪裡紅新肉絲炆米。玫瑰叉燒是這裡的招牌菜式。本身我對叉燒的喜好不大。所以，這裡的叉燒沒有給我特別的好感。味道有點甜，就是我不喜愛叉燒的原因。這道法式芥末蛋黃醬素蝦，素蝦外層的粉漿不厚。不會炸得十分焦脆。咬開薄薄的脆皮外層，素蝦是爽滑的口感。本身已沒有令人飽膩的感覺。再沾上法式芥末蛋黃醬，微微刺激著味覺和嗅覺，誘發我們的食慾。雪裡紅新肉絲炆米。是較普通的一道主菜。那並不代表味道不好。新肉絲處理得不錯，我們嚐不到原本那怪怪的味道。另外，此套餐可讓客人多加$30要一客甜品。共有四款甜品。沒有限制點甜品的數量。我們點了脆皮燕麥奶和生磨蓮子露。脆皮燕麥奶是推介甜品。而且，很少吃到純素的炸奶。我早已想好要點了。外層的米粒炸得十分脆。那粗糙的表面讓我們冒著因燥熱而弄傷口腔的風險。裡面的燕麥奶帶有少少甜味。液體燕麥奶變成固體，密度變多了，就像濃縮了的燕麥奶，感覺會變得飽膩。廚師心思細密，甜品搭配水果和芒果醬。炸奶沾上香甜鮮味的芒果醬便減去一點點飽膩感。水果的酸甜味能解膩。這生磨蓮子露給我們驚喜。我是第一次吃蓮子露。想不到是那麼清甜。比合桃糊稀一點。沒有那麼膩。稠厚的感覺剛好。口感很綿密。除此以外，亦可多加$20要咖啡一杯。這要留待下一次才可以品嚐了。…查看更多

肥膩野食得多，偶爾都想食下素，無意中搵到呢間位於中環嘅樓上素食店，環境幾靚，食物好有驚喜🤩— — — — — — — — — — — — — — — — — — —【法式蔬菜凍】$108呢個前菜有秋葵、紫椰菜、法邊豆，外面有層薄薄嘅腐皮包住，第一次食呢種蔬菜凍，感覺幾特別！— — — — — — — — — — — — — — — — — — —【黑虎拳燉雞油菌燉湯】$98估唔到個湯係用茶壺上，一上枱都有少少驚訝，份量大概係每人有一杯半嘅茶杯。雖然份量唔多，但飲落都感覺到係用心燉製，完全無味精，非常清甜嘅菇香味。— — — — — — — — — — — — — — — — — — —【玫瑰叉燒】$118呢個皇牌菜式果然名不虛傳，叉燒係用麵筋造，配有機玫瑰醬，外層焦脆，內裡夠腍而又實在，都真係有幾分似真叉燒，最欣賞係佢嘅醬，好香玫瑰露嘅味道。— — — — — — — — — — — — — — — — — — —【千絲虎蝦配日式芥茉泡】$128個蝦係用蒟蒻做， 外型又真係做得好似蝦咁，咬落有鮮蝦嘅爽滑，重真係有d蝦味，好似真嘅蝦一樣😮 外層包住麵粉絲 ，好脆！而上面層泡係Wasabi 泡沫，冇食佢😂— — — — — — — — — — — — — — — — — — —【XO醬牛肝菌新竹米粉】$118當日餐廳冇用到牛肝菌，轉左用雜菌炒，都一樣惹味，不過XO醬偏辣咗少少。— — — — — — — — — — — — — — — — — — —【脆皮燕麥奶】外脆內軟，好香奶味，兩個人share 一舊岩岩好！【純素青檸芝士蛋糕】第一次食素芝士蛋糕，質感略為硬左少少，不過味道有青檸嘅酸酸甜甜，重有少少椰子味，都幾好食！（甜品忘記了mark 價錢）…查看更多

越嚟越多人食齊，搞到而定啲水準都越嚟越高 👍🏻 唔單止好得健康，仲睇得又岩哂打咭，仲有啲 fine dining 嘅感覺番茄牛油果素蟹肉千層 📍$108用咗3塊番茄去夾住牛油果同仿蟹肉，開胃得黎又又幾種味道日本南瓜盅 📍$98原個南瓜盅咁上架 😍 好似個雀巢咁，入面啲南瓜勁甜勁creamy, 日本蔬菜果然唔同啲。同埋唔好睇佢細細地，佢好似食極都仲有黃金素鵝肝球佐松露白汁 📍$138大家有無試過素食嘅鵝肝呢？ 我就真係第一次聽，更加係第一次食啦 😬 質感估唔到又幾似喎，外面炸到脆卜卜，點埋啲松露汁，揸上個包到，真係幾似菠菜瑞可塔芝士雲吞 📍$128有5-6粒塞滿菠菜嘅手製雲吞，芝士味好濃好多，鋪滿哂成個碗呀青檸芝士蛋糕📍酸酸地嘅青檸味，好啱食完飯之後食，清一清個味蕾再食個燕麥奶 🍰 芝士味唔算好出，不過就好滑，仲但係有少少椰絲味 脆皮燕麥奶 📍個甜品嘅外面好脆，不過一啲都唔油膩，燕麥奶都好香滑，外脆內軟，好睇又好食 👍🏻…查看更多

前排去了中環跟朋友吃午飯，我食到中段才知道這間是素菜餐廳，叉燒口感非常似真豬肉，質素非常好，每一碟餸菜都非常有心思去設計，而且並非普通食材，例如蓮藕BB、繡球菌、牛肝菌。。。二人套餐$428頭盤朋友選了素芝士蕃茄配黑醋珍珠，黑醋及蕃茄同芝士非常夾。我揀咗麻辣繡球菌蒿筍絲，第一次食繡球菌，味道香濃而蒿筍絲非常爽口，配上麻辣，加強了兩者嘅口感。特濃蘑菇湯，一放低就聞到蘑菇味，好多蘑菇蓉。主菜有三款  1 . 玫瑰叉燒  2.  至尊猴頭菇（食落口感真係好似咕嚕肉，如果唔睇餐牌根本唔知道佢係猴頭菇）  3.  雲耳、蓮藕BB、撈擔擔麵 (蓮藕BB外型好幼，非常爽脆)甜品需要加$30，我叫咗一個生磨蓮子露，好香甜，朋友叫咗脆皮燕麥奶，雖然係油炸，但係一啲都唔油膩！好多時食素菜都會感到好油膩，而這間餐廳真係好與別不同，係一間非常有誠意去營運嘅素菜餐廳。…查看更多

早排清假，同契媽去了中環行下街，順便食個Lunch。今次了去好多餐廳的M88，入面有間新開的Fusion中菜館，見佢Lunch有做過Lunch Set，一次過可以試到唔同的菜式，啱曬眼闊肚窄的我。當日我倆12點半就已經去到，到了大約1點幾2點先多人，如果有興趣食，建議可以book定位。今日我叫了兩人份的Lunch set，係等食的途中，我試了呢個反沙腰果，用了糖粉同埋薑粉一齊炒，食落有薑味而不辣。前菜我就叫了昆布天使麵配欖油爆珠，雖然係前菜，但佢一點都唔細份。除了用了西式的凍天使面同埋「分子料理」般的欖油珠珠，食的時候爆下爆下，好得意。另外，天使麵仲加了我親愛的沙律醬 (其實我真係好鍾意食沙律醬撈麵)，一個字 好香！餐湯唔係一般的餐湯，佢有西班牙蕃茄波椒湯同埋秘制牛肝菌酸辣湯可以揀。秘制牛肝菌酸辣湯的味道好足，酸酸辣辣真係好醒胃。如果個芡汁可以薄少少會更好。西班牙蕃茄波椒湯雖然唔算特別，但除了茄湯濃郁，入面的紅椒保留了佢的爽脆，而且好味，加埋焗到脆卜卜的多士，真係不錯。素叉燒用了玫瑰茶開，惹味得嚟仲有玫瑰的香。個醬真係好好味，令我忍唔住將旁邊的汁點清光。玫瑰芥末鳳尾蝦係我同契媽的Best Pick！同樣用了剛才的玫瑰醬，另外表面炸得香脆的素蝦，入面輕輕加了惹味的芥辣。素蝦的「肉質」厚實彈牙，呢個係必食的！係自選的主菜中，除了素叉燒同素蝦外，仲有飯麵呢D飽肚的野可以選。呢個特色紅菜頭新豬肉炒雙色飯，用了近排好Hit的素豬肉，加上紅菜頭汁，炒了呢個充滿鑊氣的炒飯。雖然要加30蚊先有甜品，不過呢到的餐甜品一D都唔hea。除咗有少見的純素蛋糕、雪影酪梨、生磨蓮子露，同埋呢個脆皮燕麥奶。炸鮮奶係香港已經買少見少，仲要用燕麥奶真係絕無僅有。香滑的燕麥奶，加埋脆脆皮，真係不錯！==============================我係一個愛寫字愛分享的吃貨！如果鍾意我分享的，我邀請您訂閲我的食評，我會繼續與大家繼續發掘有咩CP高的冰糧！(敬禮)…查看更多

講咗想食素好耐啦，都一直未有機會試吓。今次有朋友介紹！所以今個禮拜日，我地嚟到喺中環蘭桂坊附近嘅一間新餐廳。位置方便，裝修又新又靚，枱面有玫瑰花做裝飾（相片中間），仲可以望到半山嘅景色。呢間係新餐廳，入到去得我地同另一枱客，所以坐落好舒服，唔會嘈。侍應同經理都好耐心，有禮貌，同好好服務。經理話：佢呢度嘅單人/二人餐單係每個禮拜一都會轉，亦都會有A la carte。我諗咁就可以比到顧客一啲新鮮感。咁食開素食嘅顧客就可以做回頭客，又唔會怕生厭，呢個主意幾好啊。我地就叫咗一個二人餐，每人都有２個前菜，揀１個湯，同埋可以揀３個主菜，仲可以加甜品添！介紹下野食先：😛✨田園沙律（左上）沙律新鮮，加上黑醋同西柚、橙、車厘茄子，令人開胃。😋✨羊肚耳秋葵（右上）羊肚耳新鮮爽脆，秋葵爽而嫩，唔會有啲老秋葵或者渣。😋✨南瓜湯（中上）我中意南瓜湯夠甜夠濃。麵包夠脆，增添多一層口感。😋✨百合竹笙羹（中下）呢個清火，潤肺，安神。入口溫和。✨玫瑰叉燒（中左）甜甜的，有咬口，有「肉質」的感覺。上碟吸晴，用咗玫瑰花瓣做裝飾，有玫瑰花香。😆 ✨咖哩茄子獅子球（右下）有濃郁既咖哩香， 好惹味！獅子球口感軟軟的，有薯仔、茄子同埋麵包。✨野菌大明蝦干燒新竹米粉（左下）😋一望到就覺得好有驚喜！上面既蝦係用蒟蒻做，好吸引。米粉夠哂味道！✨脆皮燕麥奶（中右）🧁雖然係炸物，但係已經放凍咗，唔會覺得油膩。外脆內軟，正！經理真係好貼心，見我地２個男仔，好關心我地，又擔心我地夠唔夠飽。咁既價位有超水準既服務，要大讚！😆 推介呢度！估唔到素食都可以有咁多選擇，又新鮮又滿足到自己既口味。呢度感覺好舒服，服務周到，職員都斯文有禮，仲唔洗同人迫添。…查看更多

睇見相熟食友嘅食評，大讚呢一家中西合璧嘅新派素食餐廳，故趁周六方便，同老婆過嚟試試，因為佢喺偏素愛好者，而是日天氣又好，暖暖哋加上陽光普照，更可以順道行一行港島區嘅行山徑。「珺」字，究竟讀「君」定「郡」？原來正音喺讀「菌」，查查字典解美玉，而店名英文用了「Emerald」，即綠寶石，未知喺咪配合店名，一排梳化椅都用上綠色；然而，從店名，約略感到其所想帶出的君子雅氣。大部份座位都設晌靠玻璃窗一邊，所以，當日陽光充沛，拉下半簾，既有天然光照入嚟，但又唔會太曬，予人感覺寧舍舒服。 而餐廳裝修簡約得嚟又幾雅緻，除了一些「草牆」，增加綠油油嘅感覺，每枱更放有鮮花作點綴，多添幾分自然氣息。 此外，枱上嘅擺設都頗有心思，中西合璧嘅裝飾碟，喺打卡焦點；而餐具方面，既有刀叉，亦有筷子，更特別把餐紙巾摺成一層層，套上所有餐具，單喺呢樣都睇到店家嘅誠意。 反沙腰果（免費）坐落無耐，仲未點菜，侍應先送上小食「反沙腰果」，喺以潮州菜反沙芋嚟處理啲腰果，除好脆口之外，有種粉粉甜甜嘅感覺，而且，個小盛器都份外別緻。 再介紹吓餐牌，我估可能仍處開業初期，所以，散點餐牌都只喺以一大版A3紙印出嚟，雖然簡單，但都清晰易睇。大致上，分咗前菜、湯品、主菜、飯麵，除咗走蛋奶五辛之外，用料配搭都頗顯心思。散點外，當然有啲套餐供選擇，分一人餐及二人餐，當然，套餐點都比散點划算。前者定價$188，包前菜、湯品及主菜（4揀1），後者定價$428，都喺包前菜、湯品及主菜（8揀3），分別在於多一份主菜，以及選擇範圍亦多啲。而兩者都可以額外加配甜品、咖啡，據店員講，每星期會轉一次餐牌，可留意番官方臉書。特別一提，餐廳會將西式嘅用餐體驗帶入服務中，即喺注重擺盤、留意客人用餐進度、同步上菜……等等。 昆布天使麵配欖油爆珠不甘於傳統，所以，簡單嘅冷盤亦可以好有創造性，更加點食用花增加美感。天使麵做到好爽口，帶點涼意，細味到點點昆布嘅鹹鮮味，而橄欖油以分子料理方式做成「魚籽」嘅效果，一咬即爆，令麵條添了幾分油潤感。 水晶粉撈素翅配芝麻柚子醬同樣喺賣相清秀，透明嘅水晶粉入口好滑溜，加入素翅，令口感多添爽口嘅感覺，再拌以芝麻柚子醬，柚子嘅香味非常突出。如果食我辣嘅，可以試試麻辣醬，相信清爽中帶來點點刺激。西班牙蕃茄波椒湯點解特別加上西班牙之名，店員話師傅好有要求，蕃茄及紅椒都用上西班牙貨色，之前食西班牙菜時，都知道西班牙紅椒喺特別甜。這一道湯色澤橙紅，呷一口，蕃茄味好濃郁鮮活，又帶點甜香。此外，較西式咁配上一片西班牙水晶包（Crystal lot，店員介紹時我先識），香脆到不得了，但感覺幾似我哋廣東嘅油炸鬼。 秘製牛肝菌酸辣湯簡單嚟講，就喺一道滬菜嘅酸辣湯，亮點就喺加入牛肝菌，不過，飲落就唔喺太覺有菌香，因為胡椒下得重手咗，辣味比較搶；不過，配料仲有木耳、竹笙、豆腐、素翅，而豆腐切到如文思豆腐般幼細，故每一口湯都充滿唔同口感。 玫瑰叉燒主菜之一選了玫瑰叉燒，喺店家嘅推介菜式，初以為個叉燒喺一碟過，但原來細分為兩碟，方便我哋各自食（我方便我慢慢影相）。啲叉燒唔會紅到好似平常齋鋪好色素染到咁紅，細問之下，喺用咗自家浸泡嘅玫瑰花茶、自家製嘅玫瑰醬去做，故食落有微微一陣陣玫瑰花香。口感方面，又幾像真喎，咬落外層脆脆哋口，裡面就軟軟腍腍，面頭灑了少少開心果仁碎，純粹令賣相好睇啲。 菠菜瑞可塔芝士雲吞食完道叉燒後，意式雲吞及炒雙色飯就同步登場。先分享道雲吞先，一客裡面有3大隻意式雲吞，選用嘅器皿，菜式嘅顏色配搭，都展現出繽紛嘅一面。手製嘅雲吞皮煙韌有咬口，裡面填滿菠菜及芝士，食味很搭配，而碟中嘅喺上述嘅波椒湯，又可以美味重溫。特色紅菜頭炒新豬肉炒雙色飯西式代表嘅意大利雲吞做得出色，中式嘅炒雙色飯又會點呢？賣相同樣好靚仔，因為飯粒加入紅菜頭汁去煲，又伴以紫椰菜，仲加咗幾片牛肝菌作點綴，色彩亮麗。一入口，就食到除白米外，就喺加入咗小米，所以叫雙色飯，飯粒炒得爽身，絕對食得出喺少油，飯內混有栗米粒、青豆、新豬肉，既口感豐富，亦非常健康。 店員知我哋啲甜品喺共享，所以，好醒目自動送上一套新嘅碗碟。脆皮燕麥奶 +$30有啲人對乳製品會有敏感，所以，由植物所做嘅燕麥奶就為呢一類人提供多一個選擇。而呢一款賣相西化嘅甜點，炸到金黃，伴以雜莓及芒果汁，睇樣已經好吸引吓。外層沾上麵包糠，炸過後入口自不然非常之香脆，重點喺一啲都唔油，而裡面嘅燕麥奶咬落軟滑，感覺有啲似食順德名菜大良炸鮮奶，總之就好睇又好食。 生磨蓮子露 +$30另一款純素甜點揀咗生磨蓮子露，皆因芝麻糊、花生糊、合桃露……等等乜糊物露都食得多，蓮子露就印象中喺第一次喇。夠膽稱為生磨，就唔喺現成貨，稀杰度啱啱好，口感十分綿密，而且，蓮子味濃郁而清甜，此外，裡面仲有加有原粒蓮子，非常好食嘅中式甜點，果然真材實料。 晌每一個環節，無論前菜、湯品、主菜，抑或甜品，都有西式、中式可揀，既可遷就到唔同口味嘅人，又可以有機會試到中西素食嘅唔同處理手法，最難得喺，無論中式，還是西式，菜式都做得色香味全，師傅可謂使出渾身解數。再者，用餐環境，以及服務，都予人稱心滿意，老婆亦少有哋大讚今餐好好。…查看更多

珺位於中環威靈頓廣場，每星期一都會更新菜單，可留意餐廳社交平台 貼文，多道色香味俱全既素食都係來自法國私房菜大廚、三星大廚去研究，素食都可以食得健康好味－－－－－－二人套餐 $428前菜昆布天使麵配橄欖爆珠 7.5/10天使麵麵加左黑松露醬汁配上日本昆布，幾新式配搭，仲有畫龍點睛既橄欖爆珠，令菜式更吸睛😍不過麵凍左好易黏埋，夾既時間有點不便水晶粉撈素翅配芝麻柚子醬 8.5/10水晶粉上加上花瓣去點綴，完全唔捨得去食🙈湯西班牙蕃茄波椒湯 7.5/10顏色相當吸引，蕃茄同蔬菜煮到好濃，冬天飲好暖胃☺️秘製牛肝菌酸辣湯 7/10味道比想像中辣，同碗仔翅有點相似，但湯非常足料，每啖都飲到牛肝菌同配料，但辣度太強😣有點蓋過原味道主菜玫瑰叉燒 9.5/10😍完全唔覺食緊素菜，素叉燒燒至外脆內軟，配搭玫瑰醬帶少少甜，口感豐富，想食完再食🤤金湯鮮竹竹笙浸時蔬 8.5/10竹笙非常入味，一咬金湯完全係口腔湧出，菇都整到好軟腍，而菠菜份量亦相當多羊肚耳伴三色麵 8/10餐廳好著重美感，每一隻碟同擺盤都好靚🥰平時好少食羊肚耳，但營養價值好高，重點係低熱量同低脂，味道好清，所以會跟配蠔油去調味，鮮味得黎幾清新甜品脆皮燕麥奶 9/10金黃色外表，包住燕麥奶，同平時飲宴食到炸鮮奶差不多，但少了一份油膩感，好香好滑…查看更多

🇭🇰珺·M88近排開咗呢一間新嘅素菜fusion餐廳 我覺得啲嘢食真係好精緻 擺盤又靚 而且佢好多特別既配搭 好有心思😌尤其適合同長輩去食 因為佢環境坐得好舒服 而且佢係勁貼心會將所有嘢都同你分晒兩份😍😍·二人套餐$428呢一個套餐係包2個頭盤 2個湯 再可以揀3個主菜 所以食落真係好豐富 而且佢係你每食完一樣 佢先會上下一碟比你 超級好服務☺️☺️而且佢哋個Menu係每個禮拜都會轉嘅 超有心😎·麻辣繡球菌萵筍絲素芝士蕃茄配黑醋珍珠佢個麻辣萵筍絲超級惹味 不過佢都幾多辣椒籽 所以真係有少少辣 佢嗰繡球菌就有啲似煙韌版既豆乾 兩樣嘢都幾夾😎佢嗰素芝士芝士味都好濃 不過我本人麻麻哋呢芝士 我鍾意伴碟啲蕃茄仔多啲🤣🤣·雞油菌竹笙素翅特濃蘑菇湯佢呢兩個湯我哋都勁鍾意 佢個竹笙素翅係真係好似平時酒樓嗰啲質感 而且佢入面都好多素翅 如果入面再多啲菇片一定仲正🤤之後佢個蘑菇湯又係超濃 而且係真係食得出有好幾種蘑菇嘅味 配埋佢面頭啲炸蘑菇 超好飲😋😋·千絲虎蝦配日式芥末泡末玫瑰叉燒黑松露新豬肉炒雙色飯·主菜方面我自己最鍾意佢嗰千絲虎蝦 真係好有驚喜🦐佢隻蝦就算包左黎炸啲detail位都做得好好 而且口感好似 佢出邊嘅薯仔炸得好夠脆 配埋佢嘅蕃茄蓉同埋pesto醬口感同埋味道都好好🤤🤤佢個玫瑰叉燒係真係做到燶邊 勁犀利 之後中間其實就係豆乾黎既 口感都唔錯 不過我就略嫌佢個調味有少少太杰身🤭最後個黑松露炒飯又係炒得好好食 啲飯粒粒分明 黑松露味好出 而且入面好多配料 所以口感好好😍😍·脆皮燕麥奶 +$30最後呢個甜品我又係超滿意 佢中間嗰奶個樣有少少芋頭 但係食落係濃奶味既 好似布甸咁 入口超順滑 雖然我食完都唔知佢係咩🤣🤣出面啲燕麥炸到好脆 點埋佢嗰芒果醬超好食🥭·#rbyeat#rby中菜 #rby西餐#rby尖沙咀·📍中環威靈頓街2-8號威靈頓廣場M88 6樓…查看更多

一行二人星期六十二時半到中環M88的珺食素.  裝潢簡潔而典雅,自然光線下用膳舒暢十分. 二人午餐由頭盤到甜品豐富而且選擇又多. 餐碟也份外雅緻. 頭盤各點一款, 昆布天使麵配欖油爆珠和水晶粉撈素翅配芝麻柚子醬.  麵線乾爽,滿滿橄欖油. 麻醬水晶粉彈牙, 素翅爽口. 餐湯素西湯有西班牙蕃茄波椒湯. 蕃茄味濃,湯身厚厚,配有鬆脆酥物. 而另一碗秘制牛肝菌酸辣湯, 材料豐富,酸辣醒胃,主菜我們選了三款, 有玫瑰叉燒, 金湯鮮竹竹笙浸時蔬和大烤菇意大利飯.  平時素菜以中式為主, 西式菜單也來得特別.  玫瑰叉燒, 最喜歡的一道, 蜜香撲鼻, 質感軟腍, 份量剛好. 而金湯鮮竹竹笙浸時蔬, 同樣也很喜歡. 波菜竹笙菇菌片跟濃滑南瓜湯汁, 意外地配襯. 旁邊的鮮竹卷尤其吸收南瓜湯味, 美味豐富. 最後主菜,大烤菇意大利飯. 比平常意大利飯少些忌廉感,不至飽滯. 而意大利飯亦非軟淋, 有嚼口. 甜品脆皮燕麥奶和生磨蓮子露也很值得點.  脆口米通炸層,內裡香滑燕麥奶. 很讚的口感.  而生磨蓮子露, 很喜歡那綿滑濃郁的質感, 微甜柔滑,不錯啊. …查看更多