豬手工房

營業中

休息中

今日朋友帶左黎大圍工廈入面間餐廳, 話呢到啲豬手好好食.門口清簡, 不過你會知呢間係餐廳.小食要左魷魚圈, 新鮮炸出黎, 炸粉同魷魚無分開證明唔係現成買返黎炸, 配沙律醬減低油膩感.前菜叫左份自家製沙律, 啲菜好爽囗, 火腿唔算咸, 鍾意佢係落醋而唔係落醬, 真正健康.主食就叫左個辣肉腸pizza, 餅底唔厚, 而邊位都脆脆地, 芝士味唔太濃無掩蓋到辣肉腸既味道.主角鹹豬手終於到了, 望落塊皮幾硬, 但食落超脆, 而肉好腍好嫰滑, 唔係好咸好好味.

今日拎左架車去大圍整，工廠區夜晚除左車房乜都閂哂，惟有上網搵下附近有咩食。搵到間食豬手好似唔錯，亦都好彩搵到朋友一齊開飯。因為係工廈既關係，地方好大，有室內同戶外，天氣涼涼地其實坐出面好舒服，但最後友人想坐室內。小食叫左炸魷魚圈，外面脆得黎入面煙煙韌韌，配埋沙律醬甜甜地好好味。菠菜雜菌意大利雲吞，有啲黑松露所以令到個白汁好香菇味，非常好味！只係菠菜略為少左啲。主角脆爆咸豬手到了，皮唔係硬而係非常脆，肉亦都好腍一啲都唔乾，完全唔洗醬汁已經夠哂味，值得推薦！

早前見好多朋友仔大推位於大圍的豬手工房，係火炭返工的我，早早已經Plan好同埋同事係放工後去大食一餐。餐廳雖然位於工廠區，但其實超近大圍火車站，只要係A出口一出轉右，行3、4分鐘就會到。餐廳分為室內及室外的用餐區，大家可以按自己的喜好去揀位置坐。雖然餐廳新開唔係好耐，但Weekday都有10枱客到，認真唔可以低估。脆炸魷魚圈配沙律醬炸得金黃，魷魚幾有咬口，可惜個粉厚左DD，不過整體都算可以的。係香港真係唔係好多餐廳有意大利雲呑，見餐廳有波菜雜菌意大利介子雲呑，諗都無諗就照Order。一食就知無叫錯，雲呑的雜菌餡料好香，同我係英國食的味道好相似。加上好Creamy及香濃黑松露味的忌廉汁，再加埋洋蔥粒，令到呢份意大利雲呑的味道更昇華。餐廳共有兩款香腸拼盤，餐廳推介為精選德國香腸拼盤。共有5款腸仔，可以令你次過試曬所有味道。最上個條大腸味道香辣，而且份量十足；最肥個條腸應該係司華力腸；幼長的腸的皮較脆；白色個條釀左香草係入面，味道會較為豐富；雙連的幼腸的油脂較多，所以都係5條腸最香口的一款。富有甜味的燒烤汁，可以平衡腸仔的咸味。雖然唔知同銅鑼灣有咩關係，不過呢客招牌銅鑼灣第一脆爆鹹豬手果然同

經上網揾下有乜好食，就俾我揾到呢一間餐廳。係大圍火車站附近，但步行要預返8分鐘左右，但店舖的門口就難揾左少少，可能因為我們是假日去的關係，樓下的Lift無開，所以要找個停車場入口側邊才有Lift上到去。店舖在於角落位，不太顯眼。入到去，真係心裡嘩左一聲，呢到是有室內同室外，環境一流，好有氣氛，一點也不像在工廠區位置。個感覺真係有點想係到搞個小型Party脆炸魷魚圈配沙律醬呢到是即口即整的，所以勁酥脆可口再配上沙律醬係一流，份量都幾多下，勁有口感。個泰式炸雞翼，熱辣辣送上，勁好味。炭燒香脆扇貝，滿滿鮮味，整得剛剛好。勁香濃的熱咖啡呢到個氣氛好好，感覺都唔錯。有機會一定會再來。