Arcadia

營業中

休息中

原先放工節目黎飲下free flow $178點知餐廳裝左噴雪裝置定時噴雪~所以幾有feel，可以早鳥享受聖誕氣氛~ ~free flow野飲有白酒紅酒,apple soda同fruit punch可以自由配搭一下~叫左幾款小食餸酒 😊😊脆炸魷魚鬚🦑🦑🦑炸到色澤金黃 , 外表吸引。食落口感外脆內軟，鮮嫩彈牙，而且魷魚鬚獨有既咀嚼感好正~ *\(^o^)/*脆炸薯條配黑松露醬🍟🍟送酒既經典小菜。炸到金黃酥脆，外層酥脆，內裡仲保持著軟綿既口感。個黑松露醬好好味，點薯條食增加左個層次感，令人回味無窮!(≧ω≦)/總括黎講都幾relax~

別號「Mad Pink」嘅舞伴發現銅鑼灣Midtown大廈天台有打卡新熱點「Arcadia」，得悉網上訂座可享八五折優惠，即相約爛蒲小組探索一番！酒吧餐廳合共兩層。有瓦遮頭嘅三十樓接待處旁有隻巨型啤啤好嘆咁hea咗喺個浴缸度。門口兩旁為酒吧區域。用餐大堂樓底高高，面積十分寬廣，上下內外嘅主題都一樣咁花花世界。厚墊絨櫈相當舒適。人少少的話，最正係坐到窗邊個輕氣球位，入夜後著埋燈更覺情調尤甚。人多就梗係入房玩最盡興啦，最低消費$5,000一啲都唔難過！通往粉紅天台可行上裝飾別緻嘅樓梯。不接受網上預訂嘅天台室外散座都配有大大把沙灘遮，只係炎炎夏日，未必人人頂得順三十幾度嘅高溫。大家要留意，不同時段嘅用餐限時及最低消費都有所不同。蕃薯uncle嫌熱唔肯上上落落，小肥就快速幫Mad Pink女神喺個粉紅鞦韆位影咗幾幅靚相後即閃返落樓下。厚本酒牌列出多款世界各地出產嘅氈酒，明顯係主打。酒鬼們早就打聽到新店下午三點至六點玩緊瘋狂時光優惠，指定酒酒$28/杯，款色每天不同；當日碰巧有名牌Hoegaarden生啤飲喎，堅抵玩！只可惜XO仔早極都要五點先收得工，開行turbo六點前都只能飲到四杯。好似唱K

今晚同朋友揀咗一間走熱帶風路線嘅餐廳，一出lift已經見到超大隻熊仔坐住喺浴缸度嘆，另一個吸睛位係大大個熱氣球，而牆壁上佈滿左色彩繽紛嘅葉子，彷彿置身於熱帶森林。座位非常寬敞，坐得好舒服。脆炸薯條配黑松露醬脆炸薯條配上黑松露醬，味道香濃而唔油膩，薯條酥脆可口。吞拿魚他他配陳皮黃桃醬用生菜包住吞拿魚刺身碎粒同埋香桃粒，加左陳皮黃桃醬令整道菜帶有微妙嘅酸甜味，非常開胃。海膽三文魚籽配多士海膽嘅味道非常鮮甜，三文魚籽帶有微妙嘅鹹香味，同多士嘅酥脆口感好搭配。脆炸巴馬火腿伴卡邦尼意粉意粉掛住Creamy有蛋香味汁，加上煙肉粒同埋巴馬火腿鹹香味，口感有完美嘅平衡。Sakura以櫻花為主題的飲品，顏色像粉色的花瓣一樣優雅迷人，用左Beefeater Pink Gin、荔枝、玫瑰帶出獨特的花香味，清新怡人。Echo Pie一款非常易入口嘅雞尾酒，有著濃濃的蘋果和肉桂味道，入口滑順，讓人回味無窮。

幫朋友生日，餐廳環境比想像中靚，仲要有2層! 不得不讚既係細節位都做得好好，會安排Bar Tender了解眾人口味後，客製化地調酒。食物質素以Bar黎講都唔差。餐廳提供左sparkling-candle，亦可以自攜蛋糕。Bar tender同侍應都好熱心，係一次難忘既用餐體驗。-1️⃣Special Cocktail ($118@1)🍓Strawberries and Cream Cocktail 🍓迷人Pink lady~ sparking candle襯粉紅色既飲品好少女~影相好吸睛食落似草莓蛋糕，酒味唔會好搶，而且有pockey 同oreo，又可以食又可以飲。☕️Coffee Cocktail with Bailey超好飲! 在這道飲品中，濃郁的酒香與咖啡香佔據味蕾，再加上Bailey既Creamy ，好岩女仔飲。🍌Banana milk Cocktail😋評分：8/10好似奶昔，有濃濃既vanilla香，酒味係3款最出既。——————————2️⃣脆炸薯條配黑松露醬薯條粗幼適中, 炸得香脆，有黑松露醬既薯條係冇得輸既，一條接一條食。 ————————3️⃣脆炸巴馬火腿伴卡邦尼意粉($168)