王牌冰室 (南豐紗廠)

趁假日去南豐紗廠逛一逛，南豐紗廠內有好多食肆可以選擇，睇過好幾間之後，俾依間加入中式茶嘅飲品吸引到，所以就算排隊都決定試一試。套餐選擇多，以中式炒粉麵飯為主。炒麵同汁分開碟上，炒麵炸得通透，每個都非常香脆。汁有冬菇、韮黃及肉絲味道不錯。叉燒偏瘦，牛乳炒蛋嫩滑，加上少許蔥花夠香口。炒得均勻每條河粉都掛上瑞士汁，河粉煙韌唔會糊口。瑞士汁濃，雞全翼嫩滑夠入味。飲品款式創新，以中式茶為主，仲有養生系列。（左）東方美人茶味香濃，奶味夠，半糖甜度剛剛好。（右）觀音茶味濃，無糖都唔會苦澀，桂花珍珠口感煙韌外帶有啖啖桂花清香。觀音茶味濃，冰燉雙柚甜度適中。…查看更多

今日同朋友去咗紗廠打卡，就睇吓有咩食👀 見到頂層竟然有間裝修都比較新式嘅冰室，仲有依家好hit既台式野飲，咁就即管trytry佢🙆🏼.豐乳奶蓋龍井奶茶 $29 + 桂花凍 $5奶蓋既份量比得岩岩好，飲落都好芝士仲飲到少許既海鹽味😍 桂花凍好大舊好似啫喱咁😙 個奶茶都好香滑，配埋個奶蓋真係勁邪惡🙈.黃金奶蓋東方美人 $35 鹹蛋黃既奶蓋應該好少地方有，估唔到又幾match😆 東方美人個茶味都幾出同埋好香濃～.咖哩吉列豬扒飯 $60塊豬扒超大塊，一黎到既時候嚇親我😂 切落去已經聽到好清脆既脆卜卜聲，食落去果然好香脆 配埋個稍微辣既咖哩真係幾正🙆🏼 仲比佐好大碟飯可以慢慢撈黎食 好惹味😙.爆香葱油煎雞扒撈丁 $55去茶記超鐘意食依個😍 即刻撈下佢先～ 一食落就有陣陣葱油夾雜住豉油既味 鹹淡適中 真心唔錯🙆🏼 個雞扒都好啖啖肉唔會好un.脆炸肉絲炒麵 $58同普通茶記唔同，佢係將面同埋個汁分開上，好有心思咁將個麵整成六團脆卜卜既麵糰，點完個汁食都依然係脆卜卜，同埋食到滿滿既肉絲同菇。.芝士生菜鹹牛肉炒滑蛋三文治 $38去冰室點可以唔試吓佢個三文治🤤 多料到一咬落去就跌晒出黎👍🏻 食到好重既芝士同牛油味之餘 再夾雜住滑蛋同鹹牛肉 仲有生菜解膩 真係無得輸😆.總結，全部野都好大份好足料而且味道都相當唔錯。…查看更多

荃灣南豐紗廠開左年幾，雖然去左兩次，但我一次都無係入面食過飯，因為Ｄ文青打卡餐廳真係有少少貴。不過近排新開左間主打特色港式美食嘅茶餐廳叫「#王牌冰室」，仲有新開張優惠！不過我樣衰左，因為周末無折/王1️⃣ <笑死我仲有王二王三王四>🍝#脆炸肉絲炒麵💰 HK $58講真我第一次食炸嘅肉絲炒麵！麵餅同茨汁分開上，可以直接將麵餅蘸落茨汁到，亦都可以敲碎麵餅再淋上茨汁！一開始上菜見到6個麵餅咁多真係呆左，雖然細細粒但份量好足，一定夠飽。麵餅炸得好脆，咬落係有聲，最重要係唔會好油！亦都無油溢味，反而我嫌佢太寡。茨汁唔會太杰，不過唔夠鹹, 要係咁蘸先夠味，如果茨汁份量多啲會好啲，依家咁樣唔夠分啊!王4️⃣🍛 特濃牛乳炒滑蛋叉燒蝦仁雙拼飯💰HK $64一上菜我就覺得賣相好吸引！個色水好靚，啲蝦大大粒，而且啲滑蛋大概八九成熟咁，唔錯！🥚滑蛋有少少薄，好怕食到最尾會唔夠撈飯食，不過唔夠鹹🍤蝦仁夠大粒，冇雪藏味，醃得啱啱好夠味🍖我鍾意佢偏瘦嘅已經叉燒，但又有少少油脂令成碟飯更加香！成碟飯好啱我口味，食完都唔會口渴，不過鍾意重口味嘅可能會覺得有啲淡。我幾鍾意餐廳嘅裝潢同氣氛，係少少宮廷＋本土風，幾有特色，仲要可睇到少少廚房，衛生狀況都合格。同埋伙計幾熱情，如果想無咁頹地食茶餐廳可以一試！…查看更多