士林·便丼達人 (帝城大廈)

大胃就係咁，自己鄉下唔掛住，係都要掛住人地個鄉下真係好想念台灣（雖然只去過一次），唯有食呢間好台灣嘅便當店一解莫名相思病估唔到呢度都會有樽仔奶茶同冷泡咖啡賣，一扭開個蓋幾香咖啡味奶茶似係港式味道，順滑香口炸雞扒炸得超脆口，果然冇改錯名，啖啖嗦嗦聲。肉燥又惹味，撈飯食真係好過癮便當除咗飯，仲可以改做乾拌，即係撈麵滷水三寶有豬紅、豬腸同滷蛋，樣樣都好入味，撈米線仲索味唔係度度都有賣雞卷，呢度有當然要揀啦！呢份口味非一般，帶點酸味，但就非常有藥膳香紫薯餅大大舊，但炸得外脆內綿，餡料爆香紫薯同芋香，熱辣辣咁食真係好興奮唔知點解金拱門冇賣地瓜薯條，明明好受歡迎，唔緊要呢間都有仲有得shake shake𠻹，落埋五重芝士粉，勁芝味囉…查看更多

若果唔係朋友介紹，真係唔知呢度有間隱蔽嘅台式小店！原本想堂食，但到步後發現座位比較少，亦坐得唔太舒服，所以決定外賣！買咗勁多炸物：鹽酥雞、甘紫薯芋餅、地瓜條、蒜脆杏鮑菇、雞軟骨、仲有蒜味香腸古早味肉燥乾拌麵同滷水高麗菜、四季豆、豬紅、甜不辣、豆皮！由取餐後到朋友屋企開餐大約花了十分鐘左右，鹽酥雞、雞軟骨同甘紫薯芋餅仲係非常脆但係地瓜條同杏鮑菇就唔掂，淋晒，一啲都唔好味另外香腸拌麵都唔錯，滷水物亦都唔差！最值得推介就係鹽酥雞、雞軟骨同甘紫薯芋餅！…查看更多

今日去完教會，我哋黎到銅鑼灣同灣仔附近，見到這間台灣美食餐廳，因為好耐無食台灣嘢，所以試下先地方唔係好大，主要應該是做外賣，見好多人取外賣，堂食有2張枱，每枱3張椅子食物方面，台式選擇唔少，有：台式便丼、各式滷肉飯、即點即製小食、滷味小食等等我們點了幾種一齊分享：1. 麻辣火爆雞配客飯味道惹味開胃，唔會好辣有麻香，雞炸的脆口，配有洋蔥、紅青椒，配飯一流2. 台式三杯雞配客飯香口三杯雞，雞也是炸過，吸收了醬汁，也是配飯之選，唔辣的3. 招牌滷肉肉燥飯滷汁好香，滷肉肥瘦一層層，肉燥粒配飯唔錯，豐富的配了青菜及滷蛋，飯份量多，好抵食4. SHAKE SHAKE 薯條即點即炸薯條，有好多種shake shake粉選擇，喜歡這薯條粗身有薯蓉在中心，熱熱上枱、外脆內軟好好食5. 脆口甘紫薯芋餅這個必食的，外脆內軟又香口又熱辣辣，中間有栗子、紫薯蓉，好香又好味…查看更多

係灣仔小巷入面發現左呢間台式小店，餐廳用餐位置雖然得4個到，主要都係外賣或自取居多。一開店已經好多人係到等外賣啦，整體質素好抵食，價錢親民而且質素都好唔錯呢😜去唔到台灣士林食野，就黎呢到滿足下口癮先啦😗 🔸 台式墨魚腐皮卷肉燥丼 (HK$54)便丼好大份，炸完嘅墨魚腐皮卷口感彈牙，肉燥都好多，仲有好多豬肉碎，配返白飯超開胃呀，一個人食完飽到夜晚都得呀😆🔸 台式黑椒香腸肉燥滷水乾拌 (HK$54)乾拌可以揀米線或者烏冬，滷汁濃度適中。切塊嘅黑椒香腸黑椒味好突出，配埋肉燥就更香口啦。更驚喜嘅係有埋原隻滷蛋、青菜以及滷水蘿蔔，滷水嘅配菜同樣好入味，呢個價錢食到咁完整嘅台式美食真係超推介呀😎🔸 鹽酥雞小食(輕量版) (HK$$28)輕量版其實2個人都好夠食啦，炸落惹味香口，外皮脆身，入面都仲有肉汁，一口食好過癮，好有台灣夜市嘅感覺呀🙂🔸 酥炸花枝丸 (HK$20)三大粒嘅花枝丸咬落好爽口，仲有細細粒嘅墨魚添呀，即叫即炸熱辣辣～🔸 脆口甘紫薯芋餅 (HK$28)兩大塊紫薯餅，炸粉唔會太厚，紫薯餡就超滿，食落仲好香甜，紫薯控一定要試呢個呀☺️🔸樽仔奶茶 (跟餐+HK$10)🔸樽仔鴛鴦 (跟餐+HK$10)近排好hit嘅樽仔造型，長方設計都好容易收納，飲唔曬攞走都可以呢。奶茶同鴛鴦都好香滑，配台式熱食好match!…查看更多

呢間餐廳其實我同男朋友已經食過好多次，平時都會叫foodpanda🐼外賣，次次都好快送到，而且連炸物都keep到好食。今次係第一次同朋友試佢哋嘅堂食，朋友都話我果然冇介紹錯呀🙌🏻。🍱鹽酥雞古早肉燥便丼 $58鹽酥雞絕對係台灣小食number 1🏆，之前男朋友都大力推介過呢間嘅鹽酥雞。可以見到每一舊鹽酥雞都大大舊，但絕對唔係得層炸粉，而係真係啖啖肉。炸得酥脆又入味，鹹淡適中，唔會好似出面其他鹽酥雞咁鹹。肉燥雖然係比較少肥肉，但都超級香，唔會油膩之餘又好下飯。便丼入面仲有好多菜同埋滷水蛋🥚，份量超大，真係食唔晒呀。👅評分：8/10🍗手作惹味烤焗雞槌肉燥乾拌烏冬 $62大熱天時有時真係唔想食飯，所以乾拌烏冬絕對係一個好嘅代替。呢個烤焗雞槌肉之前冇試過，原來都好好食，雞肉嫩而多汁，而且個皮好薄又唔會油膩。個蘿蔔特別值得一提，見到顏色就知到係滷得超夠入味，而且又冧又濕潤，真係大加分。加咗香蔥同肉燥，整個烏冬夠香又層次豐富，比起個飯就冇咁滯。👅評分：8.5/10🥤士林樽仔奶茶 & 士林樽仔鴛鴦 套餐+$10之前叫外賣就試過佢哋嘅樽仔奶茶，整體偏苦澀，茶底味道濃。今次試埋鴛鴦，覺得比奶茶 更好飲。一打開個樽仔就聞得到一陣碳培味，飲入口就會由碳培味轉化成奶茶香，最後以咖啡收尾，整體好多層次。👅評分：8/10🧆酥炸花枝丸 $20｜黑椒味台灣香腸 $14｜士林必點狂惹雞軟骨 $33試咗幾款唔同嘅小食，雞軟骨真係冇得彈😍。炸得脆又有咬口，上面均勻地灑慢調味粉，粒粒都好味。花枝丸同台灣腸自然係有滿滿嘅台灣風味，好似去咗士林夜市掃街咁，超local🙌🏻。💬後記：最後3張圖係之前叫嘅外賣，平時會叫紫薯餅同埋滷水百頁豆腐，紫薯餅可以俾到9.5分，大推介喔👍🏻！…查看更多