毫無分串陀地串燒酒場

銅鑼灣太多美食啦，呢間串燒店bookmark咗好耐，呢晚終於嚟食啦😎 串燒店喺世貿中心對面，好啱行完街去食飯 。維他奶芝士系列呢個係餐廳獨有嘅招牌菜，用維他奶同芝士整成醬，味道都幾特別，而且芝士有超勁嘅拉絲效果，真係望到都覺得好正🧀 今次試咗呢個系列嘅幾款串燒，最鍾意都係芝士年糕嘅配搭，外層同埋裏面嘅芝士係兩種不同嘅味道👅♦️維他奶芝士免治雞肉條♦️維他奶芝士翠玉瓜♦️維他奶芝士獅子狗♦️維他奶芝士豆卜♦️維他奶芝士小甜薯♦️維他奶芝士芝士年糕惹味辣雞腎幾爽口，調味帶少少香辣🐥鹽燒牛舌心幾推介呢個牛舌心，入口軟腍又Juicy⭐️老銅牛叉燒第一次食用牛整嘅叉燒，比起豬叉燒有咬口，但食落口唔會好韌🐮蒜蓉燒蠔有三款口味可以選擇，我哋揀咗最Classic嘅蒜蓉味，蠔肉肥美🦪和牛炒飯炒得夠乾身，炒到粒粒分明，入面仲有啲和牛碎🍚 唔L同沙嗲牛麵個名令到我好好奇究竟呢度嘅沙嗲牛麵會有幾特別，牛肉冇過分醃製，每一片都食到肉嘅紋理😗 另外個沙嗲非常香花生味。飲品♦️維他奶奶凍紅豆冰紅豆煲得好腍，唔用椰奶，用上維他奶都幾好味🤤♦️維他奶奶凍黑芝麻冰黑芝麻味道濃郁，配埋用維他奶製成嘅奶凍，可以增加口感。呢間港式串燒店好有特色，好鍾意呢種fusion嘅新派感覺 。餐廳仲有唔少霓虹燈、小巴牌同麻雀嘅裝飾，將香港最標誌性嘅嘢放晒出嚟，邊食邊打卡就啱晒📸…查看更多

同朋友諗緊晚飯食咩嘅時候，路過這間串燒店好有懷舊感覺，貪得意入去食晚飯😂位於銅鑼灣的「毫無分串陀地串燒酒場」店內裝潢玩味十足，一踏入串燒店就見到牆上掛有霓虹燈牌💡仲有貼滿寫上不同祝福句的特式小巴膠牌🖼及麻將膠牌🀄，餐桌椅則是舊式茶餐廳的款式。串燒店主打港式創意串燒🍢，菜式如維他奶醬燒、老銅牛叉燒等充滿驚喜🤩。店員介紹晚市餐牌的同時，亦有介紹午市優惠，原來惠顧午市就可以+$0.5轉加加大勁量凍飲🥤，足足有1L🤩睇下我同朋友食咗啲咩啦😁唔L同沙嗲牛肉麵 名字很地道，店家自己將沙嗲牛肉麵加以改良🍜，牛肉份量不少🐮，牛肉片厚薄適中，肉質唔會過份軟腍有嚼勁，味道偏甜，仲有少少麻辣味🌶，加入了沙嗲醬汁的湯底，味道香濃不膩🤭。維他奶醬燒維他維奶醬燒系列 係今次最大亮點之一，將港式懷舊飲品融入串燒🍢，玩味十足🤍🔹️免治雞肉條肉質嫩滑，入口可以吃到粒粒的雞軟骨🐔，帶少少焦香。🔹️獅子狗口感煙韌，維他奶醬添加層次感。🔹️豆卜燒得外皮香脆，內裡口感嫰滑，加上面頭的維他奶醬，口感豐富❣️🔹️翠玉瓜 烤過後仍保持水份💦，而且好清甜。🔹️日本小甜薯外脆內綿，甜度剛好。🔹️芝士年糕煙韌年糕加上拉絲芝士🧀，邪惡得嚟又好食。維他奶奶凍特維維他奶奶凍飲 是港式懷舊凍飲回憶🧊🔹️紅豆冰紅豆煮得夠腍🫘，甜度適中，奶味濃郁🥛。🔹️黑芝麻冰 芝麻味道濃郁，加入奶凍，口感滑順又豐富。蒜蓉燒蠔 燒燒燒蠔 (半打) Follow餐廳FB或IG，每一枱只要叫夠10串串燒🍢就可以以+$68 叫半打蒜蓉燒蠔🧄🦪 (原價$145)，還可以追加人頭一份。蠔肉肉肥美，蒜香撲鼻🧄，火喉控制得好，唔會過熟，抵食又鮮味。其他串燒🍢🤭老銅牛叉燒🐮店員介紹必食串燒，外層微焦，肉質有嚼勁，甜中帶鹹，好有港式燒味風味。鹽燒牛舌鹽鹽鹽燒牛舌芯 牛舌芯切得厚薄適中🐮，口感軟腍，鹽味提升牛舌本身的味道。惹味雞腎惹惹惹味雞腎雞腎無腥味，醬汁惹味帶微辣🌶，食落爽脆，口感有嚼勁😋腐乳多士腐腐腐乳多士 腐乳味濃而不嗆，配上香脆多士🍞，估唔到咁夾。…查看更多

今時今日出街食飯得一個目標，以最小資本達至最大效益，三個字講哂，性價比！一張單我300蚊同500蚊落樓，而所得到既服務、食物、環境，都係一樣既話，咁我無理由同錢鬥氣咖？所以呢間「毫無分串陀地串燒酒場」絕對係king of抵食！👇🏻📌人 氣 推 介 -▪️ 陀 地 燒 -▫️「惹味辣雞腎」爽口彈牙，staff用火爐㷫住保持溫度，呢下細心體貼。▫️「邪惡燒牛腸」食落煙煙韌韌，果然名不處傳，夠哂邪惡。▫️「老銅牛叉燒」叉燒食得多，牛既叉燒真係第一次食，入口濃香惹味，面頭脆身，帶點焦香，值得一試。▫️「雞中翼」裡面保持到相當juicy，肉汁豐富，雞翼控一定要嗌！▫️「原條蒜香燒茄子」茄子入口即化，夠哂腍身，相當入味，好食！▪️ 出 糧 食 好 啲 - ▫️「陀地醬燒豬頸肉」份量十足，夠哂誠意，肉質爽嫩，完全唔乾身，加埋醬汁一齊食，惹味到極致。▪️ 暢 飲 邊 少 得 小 食 - ▫️「脆炸雞軟骨」呢d小食真係要送下野飲，粒粒脆卜卜，過足口癮。 ▪️ 粥 麵 飯 包 -▫️「和牛炒飯」首先炒飯夠鑊氣，入口係熱辣辣，而和牛既油香吸收哂係炒飯裡面，成個飯都充滿住油香，我幾鍾意！▫️「唔L同沙嗲牛肉麵」真係同平時食開沙嗲牛好大分別，呢隻沙嗲香味更加突出，帶少少辣勁，而且牛肉相當嫩滑，完全唔韌，麵底煮得岩岩好，好有咬口，呢個真係必試！ …查看更多