大將 (已結業)

今日嚟將軍澳食日式放題，餐廳位於Popcorn 2樓，地點方便。門口有個紅色將軍鎮守，另外有間迷你超市，可以係等入座嘅時間逛一逛。餐廳空間好大好寬闊，裝修以簡約木色條子為主，搭配縷空圓形吊燈，好有現代日式風格。座位寬闊，枱面夠晒大，仲有個透明架俾你放多啲嘢食，向高空發展。職員服務態度不錯，帶位後會講解落單流程，如何使用電子爐，亦會主動加湯及執拾枱面，呢度仲有個小幫手 - 送餐機械人，好有效率👍🏻呢度採用一人一鍋，想自己一個獨獨食得，想同朋友一人一鍋share食都得👍🏻我哋揀咗巨塔芫荽火山濃湯&🍅完熟番茄海老濃湯。芫荽湯芫荽香味幾重，不過芫荽湯唔係同所有食材都咁夾；蕃茄濃湯蕃茄味比較淡，可能因為加湯只會提供清湯，所以我出去拎咗啲蕃茄茄落去。自助區食物款式多元化，有多種丸類和蔬菜🥬；另外仲會有少量伴菜同熱食；飲品亦有各款支裝飲品及熱飲；醬料亦有多款選擇；仲有雪糕同甜品；最特別係有窩夫機可以自製窩夫🧇，好受小朋友歡迎。伴菜酸酸甜甜幾開胃，可以作為餐前開胃菜同中間過渡消消滯；熱食有暖燈暖住暖暖地，如果好肚餓等唔切嘅朋友可以食住先。🧇自製窩夫好香脆好香牛油味，厚薄口感可自由調節，配上朱古力醬同雪

位於將軍澳Popcorn li間”大將”成日都好多人食, 店內嗰架自動送餐機械人固然係一大賣點, 佢任飲飲食嘅自助區食物款式多又好食相信都係長期keep住多人食嘅原因. 🐂美國SRF和牛套餐 (HKD218@)橫掂唸住食牛shabu shabu, 就梗係揀美國SRF和牛set, 真係一人食多過2 round已經抵返唒. Order無幾耐就見到送餐機械人黎緊(都要店員拎落黎放枱🤣), 啲牛比想像中厚切呢! 要淥多一陣陣先食得而唔係薄到一hi湯底就熟個隻👍🏻. 食落牛味好香濃而且係一咬就食得好正!!🍴附近多係一家大細食, 個電子爐係build in喺木枱度非常安全, 無打瀉啲滾湯嘅危險. 但就要留意唔好掂個鍋…. 因為個鍋邊都ok熱.🍴Shabu shabu湯底都好緊要架, 我地li個”富士蘋果湯”同”博多味噌湯”咁特別搞到一滾起就忍唔住呷左幾口, 夠唒日式風味! 店員會不時留意住有無乾水(因為個鍋本身唔太厚底), 主動加湯, 都唔多需要舉手等人加. 🍴追加個碟肉係比第一輪嘅多ga, 好彩無一次過嗌幾碟jei.🍴90分鐘放題黎講又hotpot又有出面熟食/生料bar都幾緊湊完全係香港人節奏

二月頭個陣嚟食過一次，環境整潔，食物優質，於是今晚放咗工同朋友又嚟食火鍋放題，諗起都興奮😙美國SRF和牛套餐 ($218再加一)美國SRF和牛質素真係唔惹少，切片紅潤透薄，油脂分布均勻鮮明，入口牛香味濃郁，食到啖啖牛味，好正啊😍套餐仲痛五花肉、特選雞腿肉，五花八門，牛豚雞都有齊，啱曬啲十五十六心大心細嘅食客🤓個人幾鍾意特選雞腿肉，肉質細膩，香軟嫩滑，配搭埋自選區嘅香麻油同其他醬汁，風味倍增，好好味啊😋平時麵好鍾意辣湯，今次想試嚇新口味湯底方面—博多味噌湯、富士蘋果湯，博多味噌湯鹹香惹味，味噌味道突出，都幾突顯到肉嘅鮮味；富士蘋果湯味道好新鮮，酸甜得嚟帶點清新，可以一試😆 配料種類都多到花多眼亂，蔬菜、小食同甜品選擇多元，有丸子、烏冬、年糕條等等，樣樣都想試下😍甜品選擇都唔錯，有唔同嘅cake仔同糕點，今次仲自製抹茶waffle，DIY體驗一流😊同上次一樣，員工服務態度好，密密地加湯☺️整體用餐體驗冇得輸，飽到要捧住個圓滾滾嘅肚仔走👍🏻

大將新開張的時候食過一次， 今次再encore， 位於將軍澳PopCorn商場1樓， 地點方便。 喜歡餐廳日式新派設計， 座位舒適， 環境和食物都很衛生。 還記得上次吃阿古豬， 今次又試下美國SRF和牛放題$218先， 湯底點新款的富士蘋果湯和博多味噌湯。美國SRF和牛餐包括美國SRF和牛、美國嚴選極上牛、美國特上牛、 五花肉、豚肩肉和特選雞腿肉。 富士蘋果湯清清地，博多味噌湯香濃滋味，美國SRF和牛有適量的油花，肉質鮮而肉味濃。 其他火鍋肉類都很新鮮，自助區有多款醬料、熟食、丸類、菜類、湯類、飲品和甜品， 熟食有炒飯炒麵、 醃菜和炸雞， 炸得香口又肉嫩。 丸類有多款選擇，最特別就是福袋年糕， 煙煙韌韌口感正。 菜類選擇亦很多， 每款都超級新鮮。 飲品有鴻福堂飲品、汽水機和咖啡機。最後一定要試下自製窩夫機🧇， 用1分30秒DIY個靚靚窩夫之後， 再加雪糕、 朱古力醬和朱古力脆脆，最喜歡一人一鍋， 感覺特別衛生， 很推介這間日式火鍋店， 吃shabushabu🍲之選。👍🏻

好耐都未試過出去打邊爐咁啱行Popcorn見到呢度有一間"大將"見佢一個價錢任食就試下啦！有美國同澳洲牛揀我就揀咗$218美國SRF和牛套餐入面有美國SRF和牛、美國嚴選極上牛、美國特上牛、五花肉、豚肩肉、特選雞腿肉至於湯底我地就揀左最新發行既富士蘋果湯同埋博多味噌湯一人一鍋唔駛掙呀第一次食用生果做湯底幾有趣又可以拎返撈起啲蘋果嚟食啲蘋果煲完都仲係甜架！而另外一個就揀咗味增湯底都好好味好有日式風情呢度仲有送餐機械人佢仲有唔同表情小朋友一定好鐘意！美國SRF和牛嘅味道都濃一盒有四片切片較為厚所以食下食下都幾飽另外仲有雞同埋豬全部都係任食嘅雖然好似主打任食牛但佢地既雞同豬既質素都不錯～而外面有仲有蔬菜任君選擇仲有我最鍾意嘅山藥、秋葵同埋日本南瓜添仲有大量嘅丸腸仔等等飲品熟食都係任飲任食超多選擇淘小姐好欣賞呢隻膠碗食野放係上面，湯汁就流去下面唔會浸住呢個設計十分好！好少地方有年糕福袋食上面個件係仿真魷魚都幾好食呢度重點推介梗係呢度嘅甜品啦有得自己整窩夫同埋自己斟軟雪糕雪糕有原味同朱古力味最後仲可以自己揀topping有甜草莓醬、朱古力醬等等我就加咗朱古力碎啦好味～

臨近新年，夜晚仲係冇得打邊爐，大胃唯有唔食飯，讓個午餐schedule畀火鍋放題啦呢個餐都幾抵，兩舊水多啲就已經食到和牛雞牛豬食完任嗌肉質幾唔錯𠻹除咗肉肉，外面嘅世界很精彩好多火鍋配料、蔬菜大軍、熟食、甜品全部任君食用醬料方面，除咗一般嘅蒜呀芫荽呀，仲有好特別嘅醬料，例如味噌芝麻、柚子昆布大胃最欣賞係佢個椰子芫荽，menu有教大家咩肉配咩醬㗎呢度嘅甜品都好出色，完全唔似平時放題嗰啲質素而且有得自己整窩夫，好食又唔嘥時間，1分半鐘就搞掂同埋雪糕一齊食絕對唔錯佢地嘅炸雞同吉列豬扒，好脆口，但唔乾飲品除咗汽水，仲有養生系列，可以稍微減低罪疚感