米走雞Deluxe

今晚和老公替兩位九月之星慶祝生曰，佢地最愛食雞煲所以今次安排了一個特別的雞煲邊爐賀一賀。在openrice看到米走雞有芝士雞煲邊爐，兩位愛試新的朋友一定會好驚喜，所以訂了銅鑼灣的 Deluxe 店來試。位於渣甸中心3樓，門口以低調的黑色裝飾，推門進內才見到接待處。店內燈火通明和門口形成強烈對比，內裡全是卡位，非常闊落，還有一間可容納十多人的房，可以約大班朋友開邊爐趴地。餐牌有兩款雞煲：芝士雞煲及麻辣雞煲，每款雞煲都有一些推介配料，我們當然是點芝士雞煲😃火鍋配料選擇太多花多眼亂，交比壽星拍板好了。黃金芝士雞鍋我們被一鍋滿滿的芝士吸引，心想雞鍋的雞呢？原來雞是藏在芝士裡，職員先為雞鍋煲蓋上蓋等待一會，我們一邊看著芝士在溶化，一邊在吞口水😂一開蓋我們急不及待往鍋裡淘寶，嘩~夾起雞件時看到拉絲芝士掛在雞件上，濃濃的芝士包圍著雞肉，雞肉很嫩滑，芝士和雞很夾，芝士的香濃為雞肉提升到另一個層次，我們每人吃了幾件後職員便往鍋裡加芝士湯準備打邊爐😍加了芝士湯鍋裡的手切新鮮牛頸脊雪花牛肉好大碟，雪花分佈平勻，牛肉入口好軟淋，很有牛肉香味大家都掙住食，一整碟好快就被我地清光👍美國桶蠔桶蠔有六大隻，淥熟後都仍然夠份量，一咬時蠔肉很脆，肉汁即時咇出溢滿口腔，一陣很鮮的海洋味，非常好味😍西班牙黑豚肉黑豚肉肉質彈牙唔韌，豬肉味濃而沒有肉臊味，不用點調味料都很好吃😃吸湯精選：鮮炸響鈴 及 蜂巢冰豆腐響鈴是我的火鍋伴侶，放入湯3秒夾起就剛剛好，但今次的鮮炸響鈴癲覆了我的進食習慣，它比平時的響鈴更厚更脆吸得更多湯汁，放了入湯10秒後吃還會脆口，吸滿了芝士湯汁，超正！😋蜂巢冰豆腐都是吸湯精選，淋淋的吸滿了湯汁。我們還點了一些蔬菜和餃子：油麥菜 生菜 / 粟米 / 魚皮鮫鮮製四拼餃四拼餃有韭菜餃，鳳城水餃，牛肉餃及鮮蝦雲吞。這一餐的芝士雞鍋沒我想像中的邪惡，不自覺地吃了很多，而火鍋配料質素高，我們都吃得很滿足😊…查看更多

米走雞之前老婆同朋友去旺角分店食過一次, 讚不絕口, 今晚約埋朋友兩公婆4個人去銅鑼灣呢間Deluxe版開餐, 睇睇係咪真係咁Deluxe先。😙米走雞Deluxe好近銅鑼灣地鐵站, 我地約齊係希慎出口行幾分鐘就到。店內裝修以木色為主, 座位寬闊, 抽風都唔錯, 環境幾舒服。鍋底選擇都好多, 不過最吸引都係黃金芝士同火焰麻辣雞鍋, 最後我地選擇左唔辣的黃金芝士雞鍋, 枱上面有圖示食黃金芝士雞鍋的步驟。黃金芝士雞鍋份量比想像中多好多, 雞肉佈滿芝士同洋蔥粒, 雖然芝士好香濃, 不過唔膩, 雞肉好鮮嫩, 沾上煮溶了的芝士非常惹味。😋食完芝士雞之後, 店員會加上芝士湯底俾我地打邊爐。火鍋配料有差不多100款, 好彩我地有4個大胃王, 總共點左10款食個夠。😁我朋友超愛吃桶蠔, 每次打邊爐我地都必點俾佢食,美國桶蠔超大隻, 有6隻, 味道好鮮甜。👍牛我地揀左$298呢款手切新鮮牛頸脊, 份量好多, 油花好靚, 肉質好軟腍, 連唔太好牛肉的老婆都食左幾片。😆西班牙黑豚肉係老婆最愛, 估唔到火鍋店會用呢款高級豬肉, 黑豚肉肉味比較濃郁而且多汁, 配上芝士鍋底的芝士黑豚肉非常惹味。😍鮮炸響鈴應該係自家製, 因為比平時食的更大件同厚身, 而且更香脆。👍蜂巢冰豆腐賣相好特別, 好似真係有層冰係面, 冰豆腐吸滿芝士湯底, 味道變得好濃厚。其他火鍋配料都唔錯, 埋單價錢同任食火鍋店差唔多, 不過食物質素就高好多。…查看更多

情人節同男朋友出街食飯慶祝，一早已經協定左唔食西餐set dinner，而且凍冰冰想食火鍋。於是諗起之前食過米走雞的雞煲火鍋，一search之下先知原來開左deluxe版！Deluxe坐位較舒服闊落，menu上的野食高級啲，情人節就豪一豪！Gillardeau生蠔 ($88)先黎個蠔華的頭盤！見$88有4隻法國即開生蠔，平均$22隻，都幾抵食！呢款生蠔有咸咸的海水味，肉質爽脆。佢比左兩款醬汁，一款係茄汁，另一款係我喜歡的青檸汁，除左比左新鮮檸檬我地，淋埋青檸汁更加清新！Floris Mango;  Floris Passion  Fruit ($48)打邊爐唔少得冰凍啤酒，呢度竟然有依家好hit既手工啤！Floris啤入口較淡，好香鮮果味，比較適合女士！個人覺得熱情果味比芒果香。黃金芝士雞煲(小) ($158)個雞煲有超多芹菜、乾蔥同最重要既--芝士碎！雞件啖啖肉，每一啖都食得好芝味，因為啲芝士汁都掛曬係啲肉上。呢度個芝士汁唔似平時中式酒樓既芝士龍蝦個汁咁杰咁膩，但依然好香好滑。美國桶蠔 (148)食完生蠔都未夠喉，要食多幾隻桶蠔先滿足。桶蠔有手掌咁大隻，又好厚肉，烚完之後都無咩點縮水，保留到海水味而且非常軟滑，每人食三隻非常滿足！:)蒙古羊肉片 ($138)上碟時砌成左個花型，疊起好多塊，食起上黎唔算太膻，不過有啲根。特級霜降和牛粒 ($188)肥牛片食得多，而且淥肥牛要好快就拎起，所以點左和牛粒，可以擺係個煲到淥耐啲。和牛粒油脂均勻，一咬落口啲油係嘴裏溶化，芝士和牛粒都係第一次食。蟹子鮮蝦滑 ($88)食到蝦滑裏面既蝦一粒粒，真材實料，加上蟹子脆卜卜，口感幾得意。竹笙 ($42)竹笙索曬所有海鮮同芝士濃湯，超好味！魚皮餃 (半份) ($20)食到最後，意猶未盡，叫多半份魚皮餃送公仔麵。點知半份都有6-7粒，魚皮餃彈牙唔油。出前一丁加芝士 ($26)最邪惡的食物，留返係最後食！將成個出前一丁墊芝士濃湯，食個時再放芝士，啲芝士溶係熱湯中，變成終極芝味一丁，係形容不了的滋味！呢個情人節火鍋好滿足，雖然豪食左好多野，但鐘意呢度野食夠乾淨企理、又大碟，價錢合理。…查看更多

米走雞絕對是一個成功的商標，既有其獨特性，令人聯想到雞，也包含著「不要錯過」的訊息，重要是易記。今次是我和胖友人第二次到米走雞。上一次是半年前為胖友人洗塵，我們都大愛雞煲。雖說雞煲熱潮相比幾年前退卻，但我對雞煲的熱情，實在非筆墨所能形容。半年前光顧米走雞後，覺得固然出色雞煲出色，而且火鍋配料也價格相宜，甚有質素。所以我們決定雞年第一雞煲重臨米走雞！米走雞有卡位，而且座位也有沙發椅背，環境舒適不限時，最適合一家大細有小朋友。另外有不少食物都有半份選擇，適合情侶或少人聚會。米走雞芝士雞煲極受歡迎，但我們還是情有獨鐘於麻辣雞煲。火焰麻辣雞煲上檯後服務員會點火即席炒雞煲，甚有睇頭。炒過後兩分鐘打開煲蓋，就像香氣炸彈，麻辣味隨即四散，香味直達中樞神經。連隔兩檯的食客也說「麻辣味好勁！」雞件多為雞脾肉，件件雞都大件，雞肉軟滑。有時吃其他雞煲，半只一定不飽，因為多為雞背、雞殼，骨比肉多。米走雞照顧食肉獸食客，即使雞煲加其他一兩樣配料，相信都飽肚。手切特級霜降和牛今次我們食好西，點了貴價的手切牛。油脂分佈平均，牛味充分發揮，而配上麻辣湯底亦保留牛味。竹笙竹笙和麻辣基本是薯仔配芝士一樣。平平無奇的竹笙，吸收了麻辣湯底後，進化為另一種食物。由於雞煲選了小辣，竹笙不會太過麻，恰到好處。鵝腸鵝腸最重要是既新鮮，而油脂比例亦要合適，滾熟後的鵝腸油脂溶化在爽脆的腸皮。美國桶蠔每隻蠔都有掌心般大，麻辣絕對掩蓋不了蠔的鮮味。鮮蝦雲吞蝦和豬肉的比例是50:50，剛好。咬開後有肉汁，沒有雪藏味。油麥菜半份的份量不少，新鮮而且賣相也令人吃得安心。半年前的米走雞我和胖友人都點得太多，飽到上心口。今次都不例外，但我們都沒有浪費。是晚星期四都滿座，地方不大，但服務員都會主動加湯，收走吉碟。雞煲以外配料質素對得起價格。而且坐得舒服。下次再來必定要一嘗芝士雞煲。…查看更多

小編一直都是前世與雞有仇，無雞🐓不歡之人。 食米線要雞肉，BBQ又必食雞扒雞翼， 「雞，全部都係雞。」簡直就係我座右銘！😂 所以凍冰冰的天氣最適合食暖笠笠的雞煲火鍋了！ 小編之前食過太子的「米走雞」，俾過舔舔舌😋的評分。 得知銅鑼灣開了「米走雞」分店，仲要話係deluxe版，梗係要睇下有幾deluxe啦！🙈  Deluxe果然環境都deluxe d！😳 餐廳裝潢以啡褐色為主， 牆壁上很有格調地掛着Brooklyn Bridge的油畫。  而且餐廳大部份座位都是梳化卡位，每張枱都有獨立電磁爐， 間隔寬敞，坐得舒適，適合情侶二人撐枱腳和一大班朋友gathering。 另外還有免費wifi和充電器提供，服務好周到呀！☺️  米走雞有兩種主打雞煲：「黃金芝士雞煲」和「火焰麻辣雞煲」。 除此之外，還有其他湯底可選擇，例如香濃豬骨湯、惹味沙嗲湯、四川麻辣湯、粟米蕃茄豬骨湯等。 「黃金芝士雞煲」是獨家首創， 今次就同小妹二人撐枱腳，小妹是🧀芝士迷，當然要試下啦～😏 🧀黃金芝士雞煲（小）（$158） 芝士濃度可以自行選擇，芝士迷梗係選激量啦！ 金黃色的秘製芝士醬覆蓋整個雞煲，很吸睛呢！😍😍😍  雞煲除了有雞和芝士作為主角之外， 還有多種配料如洋蔥、芫荽等，令雞煲味道都生色不少。 雖然只是叫左細份，雞件的份量也不少， 而且所有雞件都是厚肉的雞腿斬件。 小編是食肉獸，雞的部位中最愛吃的就是雞腿，因為雞腿肉質最嫩滑，而且必定是啖啖肉。😋 所以雞腿肉為主的雞煲，深得我心呢！😊  🧀芝士味濃郁，又做到拉絲的效果， 再加上雞腿肉質鮮嫩多汁， 芝士迷萬勿錯過！👍🏻 我們把雞吃光光後，便着店員為我們加入黃金色的芝士上湯，準備下半場的火鍋，火鍋配料亦逐一登場😏  火鍋配料種類繁多，由肉類、海鮮、蔬菜及菇菌類、內臟、丸類，粉麵等，一共有60款之多。 值得一讚的是有些配菜還可點半份或全份， 最適合二人撐枱腳、小聚會或想試多種款式食材的為食貓😼。 值得一提的是deluxe還deluxe， 火鍋配料價錢與九龍分店一樣，没有因為deluxe而加價！👍🏻 美國桶蠔（$148） 每次到「米走雞」，必食美國桶蠔！因為真係覺得最抵食！🤗 一份有四、五隻「巨型」桶蠔，每隻都有一隻手掌咁大✋🏻。  只睇貝柱就有成粒波子咁大，就知道桶蠔絕對唔惹小😏！ 桶蠔洗得乾淨，沒有多餘的腥味或酸味， 肉質鮮甜肥美，一放入口，好幸福啊！☺️  手切特級霜降和牛（小）（$288） 不愧為霜降和牛 ！😳 牛肉油花分佈均勻密集，如同雪花般的美麗， 由於油花極多，只需涮一涮，涮至變色便可。  火鍋高溫將和牛瞬間涮熟，把肉汁徹底鎖住， 入口即化，而且牛味濃郁，肉質細嫩軟腍， 以其上等質素，一份份量有幾十塊，性價比很高 ！😋 白鱔片（$88） 一份有十片，厚薄切得剛好，份量又十足！  小編不懂得吃多骨的魚，而白鱔片沒有半點魚骨，就最適合不過了。 白鱔片爽脆彈牙，有嚼勁的口感， 最重要的是新鮮，不會有魚腥味，愛吃魚的必試啊😼！ 謹記白鱔片只需涮20-30秒左右，看到魚肉捲起來便可以吃，涮太久的話，魚肉就會變得太韌。 哈哈蝦中寶（$118） 自從第一次去「米走雞」，蝦中寶就是每次必點。😏 晶瑩剔透的蝦膠，混入了大量蟹籽、芹菜和原隻中蝦，用料十足，絕不馬虎！  蝦膠焯熟後，仍然保持着鮮蝦彈牙有嚼勁的口感， 同時又食到脆卜卜的蟹籽，多重口感， 味道又滋味，食到停唔到口，令小編一試便迷上😋。 黑松露魚麵（$138） 細過成日見到魚麵廣告就好想食， 因為有得玩又有得食，難得見到「米走雞」有自家製的黑松露魚麵，當然要試下啦！ 店家自家製黑松露魚麵，用墨魚滑混合了黑松露醬，未食就已經聞到好香的松露味。😌  唧唧唧，涮涮涮之後， 魚麵彈牙可口，黑松露味道十足， 拌上旁邊的秘製松露蟹籽醬，味道和層次感更上一層樓呢～😋  小編就最喜歡食雞煲飲杯咸檸七（$16）gur gur佢。餐廳飲品價格都算合理，不會定價太高。  整體來說， 小編覺得「米走雞」芝士雞煲很滋味又啖啖肉， 火鍋配料又真材實料，價格合理，性價比很高呢！ 其中每次都令我十分滿足的美國桶蠔真的值得一試啊！😋 另外，有些火鍋配料還可點半份或全份，適合大小聚會。二人撐枱腳點半份得，家庭聚會或大夥兒點全份都得！😎 「米走雞Deluxe」食得招積，又坐得舒適， 所以話，未食過「米走雞」真係會「走雞」呢！😂 …查看更多

當芝士遇上雞 當小妹既最愛遇上米飯班主既最愛 錦後果係咩？當然係要去食啦米走雞一直好hit 但住港島既小妹一直都未有機會試 Finally 米走雞deluxe 終於登陸港島 港島人有福了 辛苦了好一陣子 那當然要擦餐勁稿想一下自己八點多來到 好多枱都在打邊爐非常熱鬧 不過話明deluxe 當然裝修豪啲啦 牆身掛了幾幅油畫 裝修華麗得黎又不失溫馨 即使坐滿了也不會擠而且仲有強勁wif，充電器提供除左招牌芝士雞煲 仲有麻辣雞煲可以選擇 岩曬唔好芝士既食家亦有不少配料可以選擇 除左基本款 仲有米走雞自創 好似蝦中寶黑松露魚麵等基本款仲可以半份半份甘嗌即使係人數少都可以食多啲款最後我們選擇了 芝士雞煲, 手切特級霜降牛肉, 哈哈蝦中煲黑松露魚麵 ,美國桶蠔 ,白鱔片芝士雞煲 雞煲加入了大量洋蔥 令味道更鮮甜 激多芝士已且仲有拉絲既效果 芝士味頗香濃帶微甜,非常滋味而嚿嚿都係雞脾肉 啖啖肉盡是滋味食完就係加湯打邊爐 加既係芝士湯而唔係普通雞湯 所以加左湯後湯底亦能保持芝味手切特級霜降牛肉牛肉無論色澤紋理都好靚 肉質而且非常嫩,牛肉味濃無筋 連米飯班主都要同小妹搶 白鱔片魚厚度適中而且新鮮唔腥 魚肉結實煮久亦唔會爛 美國桶蠔 138的價錢就有六隻大大隻既新鮮桶蠔 蠔鮮甜多汁一啲都唔腥 食完大滿足 哈哈蝦中寶 是這裏其中一個招牌 賣相每一粒都脹卜卜猶如一個個潛水艇 而哩粒並不是普通的蝦膠 而是內有乾坤爽彈的蝦膠入面包著鮮嫩多汁既蝦 上面撒上了蟹籽 大大提升了口感和層次感不過這個非常飽肚 多人share就最好不過黑松露魚麵唧唧唧唧唧唧唧唧唧 記得細過成日見到魚麵廣告就好想食 因為有得玩又有得食 見到哩度有而且仲有黑松露 所以便點了這個 店員一拎上枱就已經聞到好香既松露味 魚麵非常彈牙而且配有另外松露醬蟹籽 增加了味道和層次 總括而言，食物創新而且有質素 價錢信理係打邊爐食雞煲既好地方 不過如果連其他配料都可以半份半份叫就最好不過:)…查看更多

朋友生日應承左帶佢食好野, 見佢甘鍾意食雞煲, 就帶左佢黎我最鍾意既米走雞食, 銅鑼灣分店比太子分店還要靚, Deluxe 果然係唔同d呀!! 牆上仲掛滿左好多既油畫, 每張枱都有獨立既電磁爐, 而且每個坐位都好闊落, 食都食得舒服d~~選擇應有盡有, 除基本既火鍋料, 仲有d坊間罕有既食材, 絕對滿足晒我地所有既要求~~嘩~ 二人前真係有d過份, 但朋友生日就比籍口自己食盡d佢啦!! 減肥既事永遠都係明天既事!! 黃金芝士雞煲(小)       HK$138點解鍾情呢度既雞煲, 因為只有呢度既雞煲先會全選用雞肶肉, 每件都好大件, 肉質又特別滑, 食落啖啖肉, 出面個d, 每次食都淨返d雞既下欄部位無人食的, 而且呢度既芝士雞煲絕對吸引, 芝士味極濃, 配埋洋蔥既香, 絕對係真材實料, 加也是加芝士湯底, 真係好食到無朋友呀~~手切特級霜降和牛(小)   HK$288呢度既和牛切得夠薄, 脂肪份佈平均, 肉味香濃, 肉質又夠鮮嫩, 份量又啱啱好~~ 花膠                  HK$88女人堅係想吸收多d骨膠源, 無論花膠有定無功效, 係女人眼中總係覺得有, 哈哈!! 所以都係點左, 口感勁滑, 又夠軟身同腍, 好似食左好多膠源BB落肚甘, 哈哈~~美國桶蠔   HK$148好好好大隻呀!! D蠔好鮮甜同好滑, 大到要分開幾啖黎食, 堅正~~黑松露蟹子魚面    HK$138呢個黑松露蟹子魚面又有得玩又有得食, 唧個刻的確幾得意! 呢個面堅彈牙, 又香黑松露味, 配埋個黑松露蟹子醬, 真係食到停唔到口, 必叫的~~白鱔片    HK$88鱔片夠新鮮同爽脆, 又無骨, 火煱料魚類最正都係鱔片~~虎蝦    HK$88虎蝦都超大隻, 有成隻手掌甘長, 肉質新鮮同彈牙, 以呢個價黎講都算優惠呀~~竹笙    HK$38超爽, 吸收埋芝士既咩, 食落更滋味~~ 山藥    HK$38爽得黎腍, 腍得黎又粉粉地, 口感好特別~~ 雜菇併盤    HK$38一兜入面有齊晒冬菇, 金菇, 雞肶菇等, 唔洗分開叫, 每樣食少少, 真心堅滿足, 讚~~咸檸七    HK$14大大杯透心涼既咸檸七, 只賣$14蚊, 加配七喜都係10蚊罐, 火鍋同咸檸七都算Friend底, 都幾夾ga~~呢餐朋友食到反晒艇, 講左多謝超過三次, 話我真係無介紹錯, 同時講左好食超過十次之多, 哈哈~~…查看更多