屋企人生日所以打算一家大細一齊去漁屋放題開心下，但早三日book閒日都full哂，最快要九點半先得，咁無辦法啦，照等。基本上兩間分店都好爆，我地七點幾到想食早啲都walk in等唔到，咁好彩一早都有book到，唔緊要啦，點知九點半入去食，已經有好多樣無哂，例如花螺，炸壕呢啲必食既放題食材，之後如果想叫普通大甜蝦要每人再加10蚊先有得食，其實本身決定加，但覺得閒日都可以呢樣又無個樣又無覺得麻麻就無叫，我地成家都食得好小，十點三叫甜品已經無哂紅豆雪糕同四方果。但野食總括而言都唔係少選擇，味道一般，價錢問題二百蚊一個唔太值，環境係唔好，係超級超級逼，唯一安慰係員工效率高同nice. 
最後送上名牌雪糕批作結，再番黎幫襯機會不大。
…查看更多
首先到步的溏心蛋，叫了兩件小試，用筷子夾不到的，流心蛋黃好滑又好味。 刺身叫多叫少，都會擺得好精緻。放題紙上的差不多全部都試過，三文魚、北寄貝、帶子、鮑魚片、希靈魚、凍螺、玻璃蝦，每一款都好新鮮，魚類的刺身亦厚切 
想不到自己會叫這多軍艦壽司來食，來得食放題的，同食自助餐的原理一樣，不貴不食，粥粉麵飯乃是兵家大忌，但見到餐紙上，又不叫不快，尤其是火灸壽司，芝士香味十足，食過後是有encore的沖動，但已比小姐炸我型叫那麼多壽司，唯有收手。
食了一輪冷盤後，就開始試熱食。來一客地獄鐵板辣炒蜆，上碟雖然好多粒，但是味道太咸太辣了，食了不夠兩粒就要飲茶，兩個人食了不夠十粒，或者叫清酒煮蜆會好食點。另一輪試了兩款的串燒和燒羊架，燒雞翼燒得非常香，而且咸味剛剛好，雖然等得稍久，但即叫即燒，來到一定要試。 燒羊架的味道都不錯，羊肉的羶味不多，而且肉質不韌，分開來食都容易，但分別在於不是即燒，上碟的時候只是微暖，跟燒雞翼有好大對比。食到個肚都飽飽地，但又想試下個鍋，在三款的鍋中選擇了這個「店家推薦」的牛肉鍋，牛肉是肥牛，裡面有金菇、粉絲、還有生雞蛋，相當滋補，味道似壽喜鍋，湯底甜甜的，不過小弟對甜的火鍋沒有興趣，小姐也食到好飽，整個鍋她沒有食過。
店面雖小，但食物質素出眾，小弟尤其鐘意漁屋的壽司刺身，多款式味道又好。放題假日每位 $188，絕對試得過。…查看更多
