畢打奧餐廳

營業中

休息中

上水畢打奧餐廳好似話開咗70年想試好耐終於抽到時間去餐湯選羅宋湯，用料十足，個人覺得略為偏甜，味道仍十分滿意主菜要10盎司肉眼扒五成熟跟意粉黑椒汁肉眼扒望到好大塊，肉質好厚，五成熟充滿肉汁，好有肉味，意粉軟硬適中，撈了蒜油，十分惹味，黑椒汁比較普通冇咩驚喜，所以黑椒汁我只試了少少，沒有多嚐。個人認為，不加汁，食原味，更好吃。同場望到旁邊情侶選了西冷扒，八安士，望落比我的肉眼扒10安士還大，下次一定要再試佢嘅西冷扒。跟餐熱齋啡，不過不失。套餐主菜湯餐飲$159再加一

網上睇介紹，食店源自1947，嘩！相當有歷史，重陽節於是到來走番轉，出門前致電，即日有位。準時12:30pm 到達，唔使5分鐘可以入座。殊不知未夠30分鐘左右，門外已有十幾廿個在門外等候⋯⋯一走進食店，聞到濃濃的牛油香味⋯⋯此外，走進食店熱鬧非常。反而另一邊吧枱位置較為清靜⋯⋯桌上的餐墊就是餐牌，就是喜歡懷舊餐廳這特式，唔使打開餐牌，看著枱墊就可以點餐，可恨的是，仍然是QR CODE 落單。餐湯: 羅宋湯味夠濃，加點點辣椒仔汁，惹味，配暖暖的餐飽，滿足。法式焗田螺~老實話，對筆者而言，那薯蓉才是主角，田螺汁滴在薯蓉，邪惡味美。燒德國咸豬手~附上的餐刀切不開，要求更換刀才勉強切倒，還有很多進步空間⋯⋯酥皮海鮮湯~肉眼~在QR code 落單註明是三成，出來效果大約七成，店員很客氣話可更換，但相信忙中有錯，無謂浪費食物。畢打奧焗豬扒飯~濃濃番茄味，豬扒很腍，不知不覺會吃多點飯。整體來說:回味一下懷舊餐廳的感覺，可能最近人氣餐廳，所以餐牌加了價，而電腦單仍是舊價，無論在人手配套方面，應註意一下，有種急急趕的感覺。

畢打奧餐廳屹立咗喺上水75年，由以前細個住上水成日同屋企人嚟食，到搬離北區之後好一段時間無食，今次突登返嚟回味吓😇即將入秋，是晚細雨綿綿，八點去到畢打奧都有唔少人排緊隊，好彩餐廳位置都多，好快就可以入座😚如果撞啱weekend有波睇肯定排餐死一入門成個感覺好熟悉，好有懷舊感但又唔會覺得殘舊，呢種情懷風味好有feel🌸同廿幾年前細個嚟嘅時候好相似，餐廳氛圍一流👍🏼法式焗田螺🐚食落好重香草味🌿再加埋啲牛油香同埋薯蓉。田螺口感好彈牙同埋好好咬口，嚼勁十足非常稱職嘅頭盤😝新西蘭青口一坐低店員就介紹啱啱今日先到嘅青口，即管試吓，點知真係非常驚喜，用酒煮蕃茄再加埋牛油浸住青口，提起曬青口啲鮮味，非常高水準嘅前菜😋之後拎片麵包點嚟食，吸收曬啲汁嘅精華，鮮而不膩忌廉湯&羅宋湯🥣兩碗湯都非常足料，味道都一流👍🏼忌廉湯好creamy，點埋牛油餐包食好正美國肉眼扒🥩配黑椒汁意粉兩份主菜份量都非常多，肉眼牛扒真係非常好嘅選擇，肉同筋比例啱啱好，又保持到牛肉嘅濃味，意粉質感都唔錯香煎新界農場豬扒配蒜蓉汁意粉豬扒有兩塊，一上檯見煎到金黃色好靚，好好食又唔會太肥膩。豬扒非常鬆化，但完全無鬆肉粉味道，肉質口感鮮嫩，配

我食過2.3次每次都好食 服務又好好尋日剛好生日 因為平日吾想出到甘遠食 就去左呢度好難得等位甘多人 不過都ok 起碼個哥仔都好快就散晒啲客但系服務既同事就。。好似欠左佢哋甘🥲兵兵呯呯大力放低啲野湯放低仲倒左幾啖落枱都算😂最緊要好食，但係重點係佢今日所有嘢都係苦😂不過不失的湯苦到喊的牛扒一啲油都無既田螺🥲薯蓉一樣 苦既個汁好苦既白汁意粉平時盒有白酒香🥲我吾敢再去真系好失望好傷心700蚊一餐食左一半都無我就走了

又係呢間間中就反兜一次既酒吧餐廳，始終上水美食既選擇真係唔多。之前喺度試過三文魚同鱸魚，今次等我試下牛扒先！點知…🥩新西蘭西冷牛扒（$129）🥩牛扒8安士，叫左三成熟，諗住可以食到腍得黎又有嚼勁既肉質，點知成塊扒佈滿筋，難切之餘又難食，影響晒個口感，有啲失望！🙃好彩伴碟既醃紅蘿蔔同薯角，味道還好。薯角可以脆多些少就更好～餐前既羅宋湯都好味，好濃郁，少少辣～👍🏻希望今次只係個別例子啦...

晏晝嘆完金都點心返屋企再訓，訓醒六點半到晚餐時間喇！豬一般的生活，訓飽食、食飽訓，夫復何求，人生一樂也！出乎意料好多食客到此晚飯，被叔叔嬸嬸、阿婆阿伯重重包圍，您地可否靜少少，講說話細聲一點呢？真係非常騷擾十分吵耳，我想安安樂樂清靜地享用佳餚。牆壁掛著幾十年前畢打奧適雅餐廳門口照片勁有趣，仲有剪報都好得意！藍妹生啤，飲得日本啤多，試試陀地啤吧。忌廉蘑菇湯，厚杰似汁可以撈意粉食，罐頭味濃。Asahi 朝日生啤，曉奧指定生啤，還有麒麟都係。焗法包，熱到燙手香噴噴，被深深吸引著。難得牛油能夠完全溶掉讓麵包吸引透徹，使我不愛包的都食指大動，狠狠地咬下！外脆內軟，濃厚麵包味道，牛油咸香幼滑，真係好好味。焗芝麻餐包，打開好似百香果！熱辣辣將牛油迅速溶掉立即吸收，脆卜卜的包皮芝麻香口，包肉綿綿像乜墳。焗脆包，比起以前凍冰冰麵包好食百倍有驚喜！微暖塗上滿滿略溶牛油，香脆包皮配嚥韌包肉，麵包味出眾跟牛油咸香撞得精采絕倫，小有地給我兩啖吞晒落肚。焗餐包，一向走包的我面對如此燙手外脆內軟香噴噴麵包，不得不心動！整磚牛油塞入，耐心等候溶化被吸收，半件入口趙得不亦樂乎。發現麵包經常轉款，唔係次次一樣架喎。羅宋湯

難得休息唔洗做，收到朋友电話約食飯，當然係近近地上水搞掂佢。上水西餐首選係適雅，幫襯左咁多年都未試過食魚，今晚決定試下佢，点餐當然化至愛羅宋湯，起沙又多菜，加幾滴辣椒仔一流。今日係黑芝麻包，即焗係唔同点，个包真係好正。來親都要叫靚女送多个包。熟客唔洗加銀。主菜海鱸魚扒，完全超岀預期，大大塊，外面香草蒜蓉焗到卜卜脆，內面魚肉多汁又滑。100个讚。食完配番杯熱咖啡，慢慢吹下水咁就成晚。希望疫情快点過，岀街唔洗帶口罩

工作中食午餐，揀咗呢間西餐廳，剛好門口可以泊車，舊式扒房嘅門面，推門入內反而似比較光猛酒吧，牆上有霓虹燈光招牌，懷舊味十足！去到已過午餐高峰時段，食物價錢都幾貴，不過有個相宜啲嘅午餐餐牌！食物幾快到！餐包：似法包外脆內軟，熱熱的好味羅宋湯（跟餐）用大咖啡杯上，湯夠濃夠熱，材料好多，已經煲淋晒，酸酸地開胃！鮮茄焗牛脷飯（$73）賣相不錯，本來見3大片厚切牛脷好開心，點知⋯⋯牛脷雖然淋，但有好強嘅壓味（係牛脷本身嘅味）我落好多辣椒仔辣汁🌶️先可以食到！但最後都食唔晒！茄汁有好多焗淋咗嘅蕃茄，酸酸地開胃！飯底薄，炒過幾香，粒粒分明好味！只差個牛脷熱檸茶（跟餐）茶底正常夠熱！檸檬🍋唔澀同事食：俄羅斯牛柳飯（$55）忌廉湯（跟餐）凍檸茶：汽水：熱檸水：食物失望，店員們比較悠閒！動作慢慢的！唔會催促！定時自動走埋來落餐飲！感覺舒服！牛脷唔好味，連加一要$80好失望😞

位於上水石湖墟既適雅餐廳 (畢打奧) 從外觀看，一定會以為是高級餐廳，價錢必定高昂。但驚喜的是價錢出奇地便宜，例如午餐也是由$48 - $60 不等，還送餐湯&餐包&飲品。呢度d羅宋湯調得好濃，再自行加上適量的胡椒粉，的確可登大雅之堂。首先主菜是A餐的T骨牛扒($48)和午餐的德國豬手($62)，牛扒份量超大，男仕食完也有超飽肚之感覺。肉質也沒有因"大"而變得"老"，還能保持嫩滑。至於德國豬手也非常巨型，幸好豬手是皮嫩肉滑，還多餘擔心豬手的皮會否像燒乳豬一樣脆。真的讚

　　這天中午相約朋友，到上水購物，順便出外食午飯。上水區的餐廳好似都為連鎖快餐店，可是我們又不想到茶餐廳，一心想著食西餐的我，忽然想起一間經常過門而不入的餐廳，於是就有點山長水遠地走去一試。　　一踏入餐廳，已經被它的裝潢吸引，燈光是柔和暗淡的，給人有點浪漫的氣氛，有點可惜是旁人不是愛人。　　點菜後，一會兒餐湯來了，有點奇怪是餐包不是一起送來的。本人喜歡吃酸的，這個羅宋湯正合我心意，而且裡面的材料十足，洋蔥和紅蘿蔔不會煲得過腍，不會有入口即溶的感覺，友人都大讚好味。至於餐包只是一般貨色，不值一提。　　蕃茄焗鮮牛脷飯先送來，可惜的是份量有點偏少，比起大快活的差一截。這個明明是焗飯，但看起來好似沒有被放進過焗爐，可能是因為沒有放芝士。汁的味道很不錯，似洋蔥汁多於蕃茄汁，蕃茄的份量較少，因此並不酸。主角牛脷共有三塊，口感不硬，間中有脂肪，非常好味。炒飯是不油膩的，可惜是份量可能只能放滿大半碗。　　焗飯吃到一大半，咖啡雞肉飯姍姍來遲，嚇人的是白飯份量太多。咖哩是香而不辣，沒有椰汁的甜味，可能只用了咖哩粉。之前以為雞肉是雞球或雞柳的「啖啖肉」，原來是切件雞肉，有點驚喜。薯仔炸得香脆，是整碟之中最有