大興餐廳 (第尾牛扒)

食完下午茶3個鐘有人話要食dinner佢叫咗個肉眼扒餐$109+10%先上羅宋湯同牛油餐包，羅宋湯好少，唔係我飲開好辛辣惹味果種，比較甜帶微辛。牛油餐包就唔多熱肉眼叫咗9成熟，都好鬆軟嘅，有小部分好似得5成熟，整體係ok,上枱時都「咋咋」聲，不過好快就完，完全唔洗打開張紙巾驚會彈到件衫，黑椒正常水準，薯條係曲曲薯條都夠熱嘅，另一邊係雜豆墊底我捨命陪君子 諗住叫個小食算點知份「小食」一啲都唔小雞翼薯條🍟$46+10%落咗好多華鹽，一路食都覺得自己食緊紅燒乳鴿😅 係6隻雞翼呀！雖然唔係大隻，但係真係食唔落🥲早知叫杯野飲算啦點諗到佢咁對得住個價錢～一心諗住下午茶份量少咗杯野飲嘅姐🥺味道嚟講就睇得出就咁炸嘅細雞翼，冇咗華鹽就應該冇咩味，雞翼都比較乾身，薯條就食到尾都仲係熱，唯獨係我食完會爆瘡姐🙈…查看更多

今日放假，去完覆診就來了太子吃牛排餐。今次是第2次來，第1次是好朋友帶我來的，住港島區的我，從小去吃牛排的地方都是波士頓，不過之前也有聽過在九龍吃牛排就要來第尾，果然是真的。跟上次一樣，我點了是日鐵板餐，西冷。羅宋湯好飲，不過我覺得可以再濃啲。西冷排很淋，雖然牛味唔濃，但配上黑椒汁和蕃茄醬已經可以滿足到我啦。我覺得這裡很有親切感，而且服務一流，店員都好幫忙，真想每天都來。今日自己來是有點失色，下次要同好朋友再來。…查看更多

突然心血來潮好想飲羅宋湯, 第一時間就諗起第尾啦, 之前都嚟過好多次㗎啦 不過都唔係好記得個宋湯咩味了,見佢個午餐-肉眼扒餐$67蚊已經有羅宋湯同埋餐飲, 果然冇令我失望羅宋湯真係超好味好夠濃, 真係想連個碗都飲埋, 凍檸茶啲茶味又好夠茶味好正! 好啦到主角啦- 肉眼扒, 我叫五成上, 真係啱啱好唔會過熟又唔會過生, 啲味道都幾好又夠大份$67蚊又唔加一真係抵到爛。 美中不足係午餐冇個餐包囉如果有埋個餐包就perfect啊最鍾意呢啲懷舊扒房,會有好多細個童年嘅回憶, 食完好開心 …查看更多

🧸今日樹熊約好左熊妹去旺角睇啲野，買完野🛍就緊係醫肚喇。📌樹熊好耐無据過扒🥩，熊妹一唸就唸到位於太子西洋菜南街成日經過但無食過的《第尾牛扒》。📌餐廳源遠流長，歷史悠久，隨著時代變遷，一格格卡位🛋，仍然原用著綠色格仔枱布，再配合柔和燈光💡，可見怖局依然充滿懷舊風味。📌晚餐🅰️至ℹ️餐，一份主食：据扒或者飯食，包餐包餐湯同餐飲，價錢$87-$107，免加一，都幾抵食。牛油餐包餐包就係普通餐包，微軟，加一盒盒裝牛油🧈，溶溶地滲出淡淡牛油味。餐湯-羅宋湯樹熊同熊妹都揀左紅湯-羅宋湯，因為樹熊忌奶，熊妹又鐘意食雜菜。嘩，好驚喜喎！蕃茄湯味濃，絕對唔係水稀稀的，雜菜料好足，一塊塊椰菜、紅蘿蔔、西芹、青椒大大件，啖啖都食到，最特別係味道偏辣少少，放左紅辣椒🌶️一齊煮，變得酸酸味味又帶點辣味，鐵板肉眼牛扒，$99📌樹熊一心想据扒，肉眼就最🈴適不過喇。要左7️⃣成熟，大路食法。都幾大一塊，有大半吋的厚度，7成肉質幾嫩，無血水，顏色依然粉嫩，怕生可以烘多一陣先食。配菜有雜豆、蕃茄片同薯條，其實食完塊扒，連大食樹熊都唔係好食得落呢堆執飽肚野。鐵板什扒，$99📌熊妹見樹熊揀左牛，無謂又揀牛變成得牛食，所以揀什扒，咩都有。豬、牛、雞扒各一塊，仲有一片煙肉、一片火腿同一條腸仔，同樣地，有雜豆，蕃茄片同薯條托底。豬扒同雞扒就比較普通貨，鞋左啲啲，味道都係靠住濃烈的蒜蓉汁調味。反而牛扒都幾淋，唔係雪藏牛扒，肉質好嫩無血水，比肉眼薄啲仲易入口。餐飲-凍檸茶餐飲就例牌凍檸茶🍹，樹熊正常甜度，熊妹就少甜少冰。📌老字號《第尾牛扒》仲沿用著舊燈箱設計，相信都食到街知巷聞，想据平民價錢牛扒又要有質素，《第尾牛扒》都真係街坊福利喇。…查看更多

當晚20:00去到，唔洗等位就即刻入去啦😛我哋叫咗2個餐，餐湯一個要咗羅宋湯，一個要牛尾湯，個牛尾湯就一般啦，但係個羅宋湯好好飲，好足料👍🏻主菜就叫咗鐵板帶子鑊仔牛柳餐同埋鐵板西冷扒我地都2份都叫咗五成熟鐵板帶子鑊仔牛柳啲帶子就有啲鹹，而且口感有啲假，吾係太好食🙈另外塊牛柳都幾薄，不過勝在唔會韌，不過不失啦至於鐵板西冷扒塊扒就好夠厚亦都吾韌👍🏻👍🏻但係食得出佢啲牛一定有”乸”過，不過應該而家嘅港式鐵板扒房都會咁做🙈總括而言，以呢個街坊價錢嚟講呢個質素都算okay嘅~…查看更多

星期五又覓食，行下多人到爆嘅旺角，同我妹2人邊行街邊等老公放工，行下行下行到去金魚街，之後再行下行下老公話差不多，咁就見到第尾就不如去食下牛扒啦。我地6點45分上去，可能時間仲早可以直入唔洗等位。燈光有少少暗嘅環境正係我細細個時爸爸帶我去鋸扒嘅畫面，綠白色格仔嘅檯布雖然感覺上未必乾淨，但回憶返哂黎，舊式嘅卡位亦都令人懷念。侍應都係有咁上下年資嘅舊伙記，人情味濃。港式嘅鋸扒當然要用鐵板上啦。牛油餐包：間唔中食返呢d餐包都唔錯，雖然包唔係暖嘅但好軟熟，加上冰凍嘅牛油食一流。羅宋湯：酸味夠，亦足料，偏辣但惹味。忌廉粟米湯：都夠creamy,粟米粒都唔少，雖則有一舊舊面粉但呢d就係港式西湯。鐵板牛仔扒配蒜蓉汁：一上檯渣渣聲！夠熱辣！比起幾百蚊一碟嘅牛扒，呢份更有人情味。香味向面上攻擊，個陣蒜香味令人更想快d食。牛扒當然係港式好淋身嘅牛扒，但牛味仲係度，再加上有用黑椒醃過，冇雪味。老公嘅黑椒汁雜扒：有煙肉，火腿扒，豬扒，雞扒同牛。份量夠大，啱哂男人食，眼見當晚寔中有不少大隻男士食雜扒，煙肉當然都係港式，豬扒夠淋唔會鞋，雞扒亦冇雪味。我嘅肉眼牛扒配蒜蓉汁：落單時有問我要幾多成，我要求要5成。上到檯可能因為鐵板夠熱嘅關係所以唔係5成 不過唔會令牛扒變硬，都一樣夠淋身，牛扒份量都算大，女人黎講絕對夠食，再加埋側面嘅薯菜係可以捧住個肚走。老公眼見好多人飲呢個雜果賓治，佢又好似返老還童咁話要一杯，當然係罐頭雜果但最重要係令老公飲得開心。二百幾蚊買回兒時回憶絕對係值嘅。…查看更多

一間在太子多年的牛扒餐廳，第尾牛扒餐廳每次經過也沒機會嘗，今天終於有時間入內一試，果然沒有令人失望😎羅宋湯 - 酸辣適中茄味濃現在要飲到有水凖的羅宋湯真的不易西冷牛扒 - 大大件五成熟的西冷牛扒肉味濃厚而且火候控制得非常好肉還是粉紅色，十分嫩滑紐西蘭肉眼扒 - 差小小看不到塊鐵板的肉眼扒🙈肉質軟腍肉汁豐富可惜肉味較淡整體還是可以的紅豆冰 - 味道不會太甜紅豆份量足什果賓治 - 什果味濃味道特別已這個價錢真的十分超值抵食🤗…查看更多

想體驗乜野叫香港精神? 來這裡可以俾到你, 食個飯唔急, 但最緊要快 , 光顧這裡多年, 扒類做得不錯, 速度一如以往般驚人, 落完order, 剛放低menu, 你的餐湯和餐包已放於檯上 , 侍應亦有如雜技人一般, 一人起碼3至4碟餐湯在手, 勁!鐵板扒也一樣, 每人也是3,4個咁出 , 臂力, 平衡力驚人 說回食物 : 羅宋湯 : 夠味, 多料, 老餐廳的好滋味 , 白湯 : 有忌廉味, 不會水水的西冷牛扒 : 五成(加左鐵板來到就變七成), 有肉味, 配料亦多, 薯條夠, 價格相宜, 難怪每次來到都座無虛席!…查看更多

我都唔知有幾多年冇去扒房喇，呢晚老友話想鋸扒，話呢間好食唔使等咁就去啦，點知要係樓梯排隊，如果要坐卡位就要等耐Ｄ，我地４個人唔揀卡位會坐得鬆動Ｄ，所以今次等左２０分鐘已經覺得快喇。入到去，佢地係熟客仔已經極速諗到要乜野餐，我就要等到佢地點哂餐上到枱先諗到食乜，我真係有選擇困難症架哩！！呢晚我地４個點左以下食品：① 晚餐F：鐵板肉眼牛扒配黑椒汁、鮮油餐包、羅宋湯、凍檸茶 (84)② 晚餐G：鐵板西冷牛扒配黑椒汁、鮮油餐包、羅宋湯、凍檸茶 (84)③ 雞絲湯米粉 ($42) + 鮮油餐包、羅宋湯、熱咖啡 ($24)④ 晚餐A：鐵板牛仔扒配蒜茸汁、鮮油餐包、羅宋湯、凍檸茶 (72)Total = $30610% Service Charge Total = $336鮮油餐包：本身個餐包已經有牛油味，唔使額外塗牛油食都得，不過個包實的的嘅，麻麻地。羅宋湯：睇落好稀，但又估唔到味道幾濃，有好多椰菜，也有牛肉碎、甘筍同西芹，都幾好味喎！鐵板肉眼牛扒(黑椒汁)：有２塊大肉眼扒，厚身唔韌且嫩，唔錯；扒下面有好多雜豆，冇雪味唔經食得落，則邊有厚切薯條，唔脆又腍....。鐵板西冷牛扒(黑椒汁)：黑椒汁唔辣帶有甜味；有一大塊西冷，呢件都係厚身，但比較韌，唔夠嫩、牛肉味淡；呢個薯條脆少少。雞絲湯米粉：第一次係扒房食湯米粉，仲要揀食雞，湯底好飲又濃帶有雞油味；米粉爽；雞絲好似唔使錢咁食極都有，而且有雞味又嫩滑，芽菜又爽，呢碗好食！鐵板牛仔扒(蒜茸汁)：牛仔扒錘得薄Ｄ唔韌，雖然薄都仲有Ｄ肉味；同樣都有好多雜豆，有一顆硬硬的西蘭花，可惜蒜茸汁食唔出蒜茸味，個汁就麻麻。咖啡：我知我知，我係唔應該係扒房叫咖啡....就是用即沖咖啡粉沖嘅味...好難飲。 …查看更多

呢間港式西餐扒店由我中學時代已開始吃，由我穿校服吃不到30元個午餐吃到現在已46元，第尾已算是加幅算少的餐廳相比起其他餐廳。中午十二點半到達不用等位，內裹人煙稀疏卡位任坐，來到一坐下便點了西冷牛扒餐$46包凍飲及餐湯，晚上才有餐包(很久前還有牛奶公司雪糕奉送)味道適中及不辣，多肉多菜若湯再濃一點就更好黑椒汁有點辣，西冷牛扒只有一塊不過肉質佳食落感覺像牛扒般軟，這份量若生女生絕對夠吃不過若是男生絕對不飽，整體水準比吃翠華好，坐得舒服(至少周圍都沒有國語人)…查看更多

某天在巴士上偶然遇見「第尾牛扒」的招牌, 頓生興趣之意...「第尾」都夠膽起招牌 遂決定有天去拜訪一下。終於這天因為要走到PCCW去換禮物, 我便可以承機去嘆嘆「第尾牛扒」 從大堂乘搭升降機上一樓, 門一打開就覺得餐廳的裝修好古舊, 好「花園餐廳」式的佈置。  侍應生一見到我們便立刻引領到稍偏的側廳, 侍應生的效率奇快, 我們一坐下便立刻有別一位年齡稍長的男侍應生拿著紅湯擺放在我們檯上並詢問我們點什麼餐  我們連餐牌都未睇, 唯有叫他先離開一陣。羅宋湯裏有紅蘿蔔、椰菜、蕃茄及牛腩等材料, 所有材料都煲得好溶, 因此材料的味道都全部溶入湯裏, 飲得到啖啖濃郁的蔬菜味。送上檯時已經淋了汁, 黑椒汁「滋‧滋‧滋」在鐵板上翻騰著, 熱蒸汽不斷地冒上來, 鐵板實在是太熱所以不論牛扒還是雜豆還是薯條都被黏在鐵板上, 只好邊吃邊把食物翻來翻去, 要與時間比賽!明知牛仔扒一定會是被鬆肉粉過, 可是到真正放入口裏吃的那刻, 卻驚覺肉質並非被鬆到爛死, 還吃得出牛味, 那真是幸運, 然而薯條就不要得, 食得出是翻炸到硬實的質感。跟餐炒飯是另碟奉上, 薄薄的舖在一小碟上, 奈何憑味道就嚐不出有炒過, 而炒飯的顏色較白及只見到有零碎炒蛋碎撈在飯內。…查看更多