金金日式燒肉店

營業中

休息中

今日居然搵到間日式燒肉店喺銅鑼灣SOGO對面嘅美珍香樓上，位置超近而且價錢好抵！餐廳裝修舒服，服務員友善，推介俾喺銅鑼灣返工或者行街嘅朋友。.🌟精選燒肉三品盛 套餐跟沙律同麵豉湯，沙律有芥末醬好開胃，牛舌爽口彈牙，白飯仲可以添！燒肉今日有一口牛、五花肉同醃製雞肉。肉質新鮮，牛味濃，雞肉嫩滑，五花肉油香滿分，送飯一流。.🌟精選是日推介 今日老闆推薦套餐有三文魚刺身同紅燒雞肉，套餐同樣有沙律、麵豉湯、牛舌同白飯，最正係只需63蚊！三文魚肥美新鮮，雞肉無骨嫩滑，白飯仲可以添碗！.🌟網燒可樂雞腿肉 肉質嫩滑唔鞋，可樂中和咗醬油嘅厚重，汁濃但唔會太甜。雞腿肉飽滿多汁，送飯超正！建議燒到微焦更香口。.🌟自家制和牛餃子 將和牛打成肉碎包入餃子，咬落去有啲似肉鬆嘅口感，但保留咗和牛嘅香味！

餐廳：金金日式燒肉店地點：銅鑼灣怡和街菜式：日式燒肉餐牌：前菜，沙律，豆腐，極佳級牛肉，日本和牛，澳洲和牛，和羊，牛舌，海鮮，雞，黑豚，飯，野菜，配搭，內臟，湯，麵，無酒精飲品，甜品，酒類飲品。仲有超激安半價餐牌。大滿足燒肉盛合 $148 另加一大滿足燒肉盛合包括以下五款肉，每款三件，一共250g：澳洲M9牛油花好靚，口感好嫩燒汁牛肋骨好嫩又多汁牛舌口感彈牙多汁 手羽中一共有一隻半，變左單骨，方便食用黑豚頸肉非常爽脆，個醬汁厚身又酸酸地，好味道。肉類伴有南瓜一片。網燒可樂雞腿肉 200g $38 另加一網燒可樂雞腿肉 都有七件，面頭加上黑芝麻粒，已經加有醬汁，口感味道都唔錯，帶有雞皮。呢個價錢超抵食。西班牙黑豚頸肉 $78 另加一西班牙黑豚頸肉一客十片，賣相不俗。醬汁4選1，我揀左岩鹽青檸，味道酸酸甜甜，好開胃，口感爽脆。法式香草羊肉柳 $78 另加一呢款法式香草羊肉柳係燒肉新品，羊肉柳一客7件，非常多汁，算嫩口，完全無肥膏，帶微微酥味。伴有南瓜一片。枱上有燒肉汁，辣汁同檸檬酸汁，令燒肉好惹味。燒肉質素不俗，牛豬雞羊都幾好。環境唔錯，位置方便。超激安半價餐牌特別抵食。