甜姨姨私房甜品 (清風街)

營業中

休息中

同朋友去天后食飯，由於比較遲食飯，所以先食甜品，呢度除咗甜品之外，仲有小食，啱晒貪食嘅我。蕃薯手工芋圓（熱）$58 （+$8 椰果）非常養生，又足料嘅番薯芋圓湯，入邊有好多材料，包括豆腐花、芝麻湯圓、薑湯 、手工三色芋圓、薏米、珍珠，蕃薯🍠。芋圓好Q彈，番薯薑湯好養生，適合周期性不適嘅女仔。綠茶豆腐西米露 $48揀咗芝麻雪糕球，綠茶豆腐整嘅西米露好特別，配合芝麻感覺好好。六小寶 $88 呢個感覺上有啲似日式嘅便當盒，糖心蛋同埋花生糖不甩，經典好食。草莓忌廉窩夫脆脆，吉列炸蝦🍤大大份，炸燒賣脆脆地幾好食。芒果特飲值得一讚就係好多芒果，仲有啲椰子奶，非常之好飲。評分：環境：⭐️⭐️⭐️⭐️食物：⭐️⭐️⭐️⭐️整體：⭐️⭐️⭐️⭐️

星期二晚同朋友喺大坑食完飯後，朋友想食甜品，於是就行返去天后清風街嗰邊，行行下就揀呢間甜姨姨。舖頭滿座，不過都好快入座。朋友推介話呢度出名食榴連，而豆品都唔錯，咁我第一次食就叫咗個綠茶豆腐西米露，朋友就叫原味豆腐西米露。我個綠茶豆腐西米露，配咗雲尼拿雪糕。個綠茶豆腐好似豆腐花沙冰咁，但又好有豆味，又有茶味，撈埋一齊嘅味道幾唔錯，唔會好甜，配合返個雲尼拿雪糕就啱啱好了。我見好多食客都叫一桶桶嘅豆腐花，可能下次我都會試下架。

同朋友吹水吹唔停索性搵糖水舖坐低繼續round2，原來呢間店之前電視劇有出現過，最出名就係豆腐花～豆腐花 $34豆腐花用一個桶仔上，呢個玩法都幾過癮！佢唔單止外型吸引，豆腐花仲真真真！係咁滑，大豆味超香濃，最正係佢本身已經帶甜，唔需要落多餘糖，可以一啖一啖品嚐佢嘅真味，嗰種連綿幼滑絕對需要親口品嚐先能體會，姐姐仲會好貼心畀個計時器你，焗夠鐘先揭蓋，咁先是到最滑溜嘅豆腐花，又學到嘢。綠茶豆腐西米露 $40身為豆腐控嘅我都幾貪心，選擇咗呢個又有綠茶嘅西米露，其實係綠茶雪糕+豆腐花+西米露，以為佢會好甜，事實上豆腐花仲甜過佢！綠茶雪糕奶味比較重，都食到綠茶味，但未算強烈，撞埋去豆腐花度唔算非常夾不過口感就變得豐富，而西米露都幾有咬口，整體而言清清地，對平時食開無味嘢嘅我黎講，其實已經好足夠。芒果大合奏$50三款甜品之中，呢款可以話甜度爆曬燈！當然佢係因為芒果本身嘅鮮甜啦～芒果肉都幾靚無渣，一碗裡面包含5款芒果食材：芒果雪糕、芒果乾、芒果肉、芒果蓉連布丁都有，布丁真係神來之筆呢。

同男友食完飯梗係黎甜姨姨食個甜品我自己叫咗個綠茶豆腐西米露好重綠茶味好凍啊碗野！夏天食啱曬！豆腐味都勁出！最愛就係個豆腐雪糕勁滑 又香！配搭得好好美中不足係太多西米露下次再黎試其他！