轉角‧見

營業中

休息中

今日去咗間開咗幾耐既漢堡cafe, 幾年前已經開始食緊去，疫情之後就少去咗，而且放假去一定大排長龍，今日平日再去返，少人啲，一去到就有位。今次叫咗個型男漢堡同經典牛堡，因為即叫即整，所以都等左一陣，一個餐有配薯條同野飲，一個散叫。型男漢堡既分別就係有芝士，個包都幾大，男士食會好啲。經典牛堡就啱女士多點，薯條係粗薯條，好脆！其實仲有all day breakfast, 見隔離枱食，賣相都唔差。飲品叫左個抹茶奶昔，唔太甜不錯！服務態度良好，衛生都ok.環境略嫌有啲暗🙈

荃灣小商場內的小店，主打漢堡包，另有All Day Breakfast、小食、沙律等。有室內及室外座位，可帶寵物到室外進餐🐕經典牛堡💰約58🔸💯％新鮮牛肉🥩、番茄🍅、芝士🧀、酸青瓜🥒、炒洋蔥🧅、沙律菜🥗🔸漢堡如加正價飲品送細薯條 / 沙律🔸牛肉厚身多汁🔸牛肉原汁原味，牛味濃郁，食落啖啖肉🔸薯條入口香脆🔸即叫即整，新鮮熱辣🔸漢堡足料，份量大🙂員工服務質素佳🙂客人離開後員工會消毒檯面‼️店鋪座位數量有限，需在門口排隊輪候，等左約30分鐘先有得入座。

呢間 轉角·見 已經食過幾次~就係因為食過幾次，佢都保持到水準，所以想介紹俾大家🤗今次分別嗌左:❤️ 型男漢堡 $64🧡 經典牛堡 $58💛 特濃花生奶昔 $38💚 抹茶奶昔 $38❤️型男漢堡呢個漢堡最特別就係佢有紅菜頭同流心蛋~出面唔係好多餐廳有呢種配搭，佢既配料加埋個source 真係好好味。$64黎講 個漢堡絕對係好足料 加上牛肉大大舊又好juice，絕對係呢間餐廳既招牌burger~ 另外值得一提就係薯條，係好脆、好有薯仔味~之前有試過burger伴沙律，但係我覺得薯條好味d~🧡經典牛堡呢個入面係classic burger配料~都okay既 但係就冇型男漢堡咁特別。呢個burger令我驚喜既係入面既pickles~食親pickles 都好怕食d好酸既，但經典牛堡入面既pickles 酸味啱啱好，夾埋牛肉食都好好味架！💛特濃花生奶昔個奶昔係好有驚喜，個口感好rich，仲要有飲落有粒粒花生粒😋 但係飲完之後都幾飽肚😂💚抹茶奶昔相對起黎就冇特濃花生奶昔既口感咁rich, 佢係有淡淡既抹茶香，都一樣好好味😋🔹環境:位置寧靜，放假去食下野都幾relax，有室外同室內既坐位選擇。

😄好耐無黎荃灣啦！！今日同男朋友黎呢邊拍拖❤️係荃灣to go list裡面，佢揀左呢間小店。中午12點幾到，前面三四人，以為都要排一陣，點知等左兩三分鐘就入得😆😆❤️特濃花生奶昔 $37 第一次飲，好香濃花生味！好滑！🥰又唔會太甜太漏，幾驚喜😋同男朋友爭住飲🤣🤣❤️經典牛堡 $55鍾意食漢堡包🥰麵包微暖，入面有沙津菜、蕃茄芝士等配料，因為加左酸瓜，大大減少左油膩感，塊漢堡唔乾唔硬，好唔錯啵😊❤️卡邦尼意粉 $55睇個樣就知好creamy啦😂😂有磨菇片煙肉片配料，分量幾多，忌廉味濃，掛汁力強😋😋不過食多兩啖就會有啲膩😅仲有兩塊烘熱左，脆卜卜既蒜蓉包👍🏻呢間人氣小店😋😋我地走時有十令人排緊隊。價錢公道有良心👍🏻唔洗加一！食物質素都好唔錯！職員感覺麻麻地😅😅無咩笑容咁囉

今日同女朋友行去悅來坊食野既，但突然下大雨，所以決定荃昌搵野食，見到荃昌有間裝修非凡既店，見到入面都坐滿左人，但剛巧有2個位，所以就決定同女友試下，入到去睇餐牌，見到原來食漢堡為主，咁當然要試吓佢哋嘅王牌產品啦！型男漢堡啦，流沙彈生熟程度剛剛好，非常之有蛋汁，薯條都係以粗薯條為主，非常有口感，好脆，正，仲叫咗杯鮮奶抹茶，好夠綠茶味，好飲，單單睇個樣啦就知係高級野啦我哋仲叫咗個經典牛堡，牛味都好重，非常足料，另外叫咗杯熱嘅柚子蜜，味道都唔錯，總結來講，色 香 味 俱全，值得再光臨

推薦呢個荃灣隱世漢堡小店，地點在昌寧大廈地下，但並不易找，兜轉左幾個圈 好不容易才找到，到達時門口已排左人龍，等左差不多半小時先可以入座🤕店員們都好有效率又有禮貌我地叫左沙嗲雞堡同經典牛堡🍔雞堡塊雞好juicy，雞扒加左沙嗲醬，令雞扒更加惹味，呢個配搭好特別美味！！經典牛堡既漢堡扒好有牛肉味，生菜同蕃茄令到個包感覺健康左🥗🍅薯條分量充足，充滿薯味🍟食晒成個餐其實都好飽🤤仲有杯花生奶昔都好好飲🍼不過冇影相😂荃灣又多個食漢堡包嘅好去處👍🏻👍🏻

荃灣美食多蘿蘿，真係揀食乜都揀到頭痕今日既然行經荃昌中心，咁就梗要食佢呢度最多人排隊既漢堡啦好彩去到有最後一張雙人枱，雖然係店外位置，但都唔駛怕會被職員忽視，因為店舖係全透明玻璃，職員完全可以睇到店外客人既情況餐牌好簡單，只有漢堡同飲品資料，如果想食其他食物如意粉，就要睇店內既Blackboard啦我點左個經典牛堡配薯條同蜜糖雲呢拿甘菊茶朋友點左個沙嗲雞堡配薯條同凍朱古力左蜜糖雲呢拿甘菊茶 ($23) & 右凍朱古力 ($32)蜜糖雲呢拿甘菊茶用個透明壼裝住，Café Feel見到原來係茶包沖出黎有少少失望，雖然無蜜糖既甜味，但個茶好香凍朱古力就係朱古力味，無咩特別經典牛堡 ($45)內有漢堡牛扒、蕃茄片、芝士、酸青瓜、沙洋蔥、沙律菜漢堡用料豐富，一D都唔姑寒；酸青瓜都有好多塊；漢堡扒比快餐店厚身得多，不過略嫌牛味比其他食材蓋過左另外，漢堡既料有好多都係汁水較重既食材，食果陣唔止成手都濕哂，就連包底都已經濕埋薯條係新鮮炸出既有皮粗薯條，灑上少少鹽，外脆內軟，薯味充足!! 比漢堡更吸引我 (請願諒我呢個薯怪)沙嗲雞堡 ($45)內有沙嗲雞扒、蕃茄片、沙律菜呢個反而比味道平平既牛堡更有驚喜

今天帶狗狗去街街， 肚餓時想起狗友經常推薦的好地方，乾淨企理，而且價錢合理！不過室外座位較少，不太合適一大班人/狗友聚餐！另外要提一提的，就是雖然大街有路邊位泊車，但經常性抄牌，所以駕駛人士要留意！我們兩人點了: 經典牛堡、沙嗲雞堡、抹茶鮮奶、柚子蜜。(正價飲品送薯條/沙律)雖然我不吃牛，但見到牛堡好多肉汁，沙嗲雞堡好香，不過食到有點污糟，d沙嗲汁周圍滴好味道！40多元，就已經大大個包，夠飽到上心口！再配飲品送薯條/沙律，真的下午茶飽到夜晚！薯條新鮮炸起，熱辣辣，又夠咬口！果然好推介！