Baker Talent

營業中

休息中

🍍招牌榴槤菠蘿包 $15童叟無欺標榜選用咗D24榴蓮打成蓉榴蓮肉軟綿綿滑 味道香甜唔會有任何苦澀味最開心係佢唔會帶纖維所以口感好順滑平時食開冰室都鍾意食脆皮嘅菠蘿包 一開始睇到人話呢款係軟皮都有啲擔心但係意想不到地啱我胃口😍因為菠蘿皮偏軟所以唔需要熱辣辣咁食 同榴槤餡都更加夾另外係唔會食得好狼狽啲碎碎跌到周圍都係🤣味道雖然係甜但完全唔會膩🍫爆漿朱古力包 $9.5呢款絕對係佢哋另一個招牌款❗️之前經過單買咗呢款包覺得好唔錯所以今次就買埋其他款式試試～朱古力甜中帶點苦 所以就算內餡唔少都唔會令你覺得太甜太膩味道都平衡得好好麵包表面仲撒咗啲可可粉 令整體層次更豐富🍠紫薯軟包 $9.5紫薯內餡好似連紫薯皮打成蓉咁好天然配搭鬆軟嘅麵包體 感覺男女老幼都好啱食就算追求健康嘅人士都可以開心食 唔會好重負擔🇭🇰港式雞尾包 $7.5包體豐滿柔軟呢款相對之下餡料就會比較少 但椰絲味足夠突出整體味道香甜純樸🧅洋蔥吞拿魚 $9呢款包體同樣非常鬆軟 帶微微甜味吞拿魚就混合咗沙律醬 味道酸酸地好鍾意佢加入咗啲洋蔥同埋酸瓜粒粒食到洋蔥獨特嘅香味甜味又無咗佢嘅辛辣感好簡單好balance

星期日去左深水埗新開既新加坡麵包達人買左好多麵包返屋企。咖啡班蘭咖椰菠蘿包 $8.5食落有淡淡既班蘭味，咖啡味就唔太食到，入面包住甜甜既咖椰醬，超有東南亞風味。爆漿朱古力包 $9.5撕開有好多朱古力醬，朱古力整得夠滑，麵包鬆軟，好食。紫薯軟包 $9.5麵包超級軟熟，紫薯餡夠多，紫薯控必食。健康南瓜包 $7.5食落都覺得好健康，甜度唔高，除左係南瓜餡外，連個包都有南瓜味。港式雞尾包 $7.5相對比較遜色，餡料比較少，但味道係ok既，只係可能港式麵包係港式麵包舖買會好啲。大大個提子包 $10黑糖味幾出，唔係空氣包，而且甘大個都只係$10，無得輸。特濃芝士撻 $6芝士味好濃，半熟既狀態特別好食，而且價錢好抵。