小火焰韓式咖啡廳 (觀點中心)

蟹黃炒淮山麵 $88淮山麵面頭有好多蟹肉，蟹肉鮮甜彈牙，而佢個蟹黃醬汁好濃稠，令本來麵質比較幼嘅准山麵好入味。炒麵仲加入咗蟹籽、香菇、翠肉瓜、豆苗等等，正好中和返濃味嘅麵底。-韓式煎雜菜蝦餅 $78每次嚟食必定會點個韓式煎餅，佢煎餅餅底同邊位煎得香脆，今次選擇咗雜菜蝦餅，入面一共有大約6-7隻蝦，配合埋泡菜、沙律菜、蘿蔔絲同粟米粒，簡單又可口。-紫薯沙冰 $48紫薯味道唔太濃，清淡嘅奶香混合埋有咬口嘅沙冰，入面仲有四粒日本小番薯，味道清甜。唯一嘅小缺點就係沙冰倒得太滿，未開始飲已經不停溢出🤣🤣…Read More

🍽菜式：韓國菜🏡裝潢：茶餐廳式、卡位式💰價錢：$100-150/人😋味道：🌟🌟🌟🌟(4/5)📸打卡：🌟🌟🌟🌟(4.5/5).🧀熔岩芝士炸雞麵包$148 (8/10)一整舊芝士🧀食完唔方唔濟😵芝士好香濃 而且唔會好稀 絕對輕鬆做到拉芝！仲有幾款芝士撈埋好夠味😋不過隔離嘅薯片就好似擺咗一陣 唔夠碎卜卜😣勝在有芝士醬啲味都唔差！炸雞嘅皮稍為較厚 有少少影響口感 好彩雞肉夠滑夠嫩🍗但係芝士配炸雞係一個不敗嘅combination!😆又濃又熱辣辣嘅芝士配上香口炸雞冇得輸🤤Anyway食完所有芝士之後 仲可以食埋舊麵包🥯不過個人覺得佢個皮好硬而入面又比芝士浸到林晒🥴同埋食完芝士同炸雞之後已經夠飽haha.🍜牛肉水冷麵$78 (7/10)同傳統嘅水冷麵有啲分別 佢有自己嘅醬調味 變咗個'湯'唔會好似傳統咁主要得酸酸甜甜🤔反而係個醬嘅味較突出 另外牛肉份量幾多🐮爭啲食唔晒！不過肉質少少韌 個麵都唔差 夠煙韌🤤但最大問題係個麵唔夠冰凍🥶出面好多都會加冰🧊但呢到完全唔凍 好形響食水冷面嘅感覺🥺.🍠紫薯沙冰$46 (9/10)紫薯味好夠 濃得嚟唔會好甜😋沙冰都夠綿 少少冰粒令口感更豐富 但真係好滿好大杯😵 再加上4粒小蕃薯真係好足料 一個人飲真係飽飽地 同埋如果飲得唔夠快就會融左啲冰漏出嚟😢…Read More

今日收工過觀塘食晚飯。醒起APM附近有間唔錯嘅韓食，佢就係小火焰韓式咖啡餐廳喇。觀塘喺一個充滿新鮮感的地方，因為每隔一段時間，就會有新嘅食肆進駐。小火焰喺觀塘都有成4年喇，能夠喺依個競爭激烈嘅地方咁耐，足以證明佢嘅CP值都幾高。* 韓式蟹籽卷蛋 - 依度菜有沙律菜伴碟，佢為前菜確實一流。蛋卷面頭加上微辣嘅辣醬，面頭嘅蟹籽同埋中間嘅飯餡增加咗蛋卷嘅口感。* 蟹黃炒淮山麵 - 除咗蟹黃嘅香味，仲有雜菇嘅鮮味，再加上較健康嘅淮山麵，整個麵非常好食。* 紫薯沙冰 - 非常香濃嘅紫薯味，中意紫薯嘅朋友一定要試。依杯紫薯沙冰，可以話介乎餐飲與甜品之間，而且色香味俱全。…Read More

之前來過許多次幫襯，這裡美食樣樣都咁好味，回頭指數極高。平時真係無咩機會留肚食佢地嘅甜品。趁今晚和朋友APM睇完戲，下半場就過來食下小食甜品啦。蜂蜜提子脆米炸雞(半份) $88雞皮炸到要用「脆卜卜」三個字來形容。塗了蜂蜜糖漿味道清甜易入口，雖然係炸雞但就唔係好油膩。雞鎚大件外脆內軟，大啖一咬好幸福，肉嫩有汁味道好得，值得推介！紫薯沙冰 $46賣相吸引紫色大大杯勁襟飲，放了幾粒紫薯有誠意，飲落好香濃紫薯味，沙冰幼滑甜度適中而且夠凍，飲至杯底味道仍未變淡，相當好飲和抵飲。芒果布朗尼3.6牛乳雪花冰 $68面層佈滿芒果粒粒和一球芒果雪糕球帶出芒果芳香，冰裡滲透著淡淡的奶香味，味道清清地，綿滑的口感可以慢慢歎，幾粒布朗尼蛋糕食落係有點甜膩，食番啖雪花冰就可中和返味覺，大大碗確係抵食。…Read More

心血來潮事件簿(31)🤤話說本尊好耐無食過韓國野，見到依間餐廳好多人都大讚，就特登同朋友一齊黎依間餐廳食🤤望完餐牌，點完野食之後，好快第一樣野就黎啦😊多啦😼意想不到咁，原來第一樣野就係本尊同朋友一齊點的紫薯沙冰🍹店員係依個時候真係好貼心，佢特登提我地要快D飲左杯野佢，同解釋話天氣太熱，冰都溶左😂不過杯野都仲係咁好飲🤤真係好值得大家叫👍之後黎到嘅就係牛肉石鍋飯🤤本尊覺得份量十分足夠，食一個飯已經好飽肚😵然後朋友叫個個係泡菜鰻魚石鍋炒飯，本尊雖然覺得鰻魚份量較少🤔，但朋友就認為飯香，鰻魚嫩滑，而且唔辣，都好適合大家食😊而當本尊和朋友食食下飯嘅時候，芝味炸雞就登場啦😆一眼就覺得份量十足，兩個人食都覺得飽😂不過理應炸雞熱食先好，可惜我地遲左，等到個雞凍左先食😢結果口感同預料嘅唔同，真正的味道如何，就留俾大家黎評論😉最後就係依個醬油蝦配糖心蛋手握紫菜飯😃不過本尊我就比較唔鍾意食蝦，所以就交俾朋友食啦，朋友試完就覺得好impressive，因為鹹得黎又有少少酒香👍可以推薦俾大家今日本尊就介紹到依到，希望有時間就同大家分享一下港式韓食好去處啦😸…Read More

兄弟姊妹出嚟食個飯，梗係搵間氣氛後生D嘅鋪頭（上網睇其他人食評又好似講到好正咁），費事成日話我地啲老嘢同D後生嘅有代溝，唔講咁多廢話，食評依家開始。👴🏻（撮要內容；炒淮山麵一定必食！！！🐎意外黑馬水準勁好食，蘑菇雞翼都唔錯， 十分推薦，紫薯沙冰必飲，CP值超高，卡邦尼年糕水準一般，熔岩芝士麵包炸雞水準一般，炸雞🍗/打卡📷愛好者可以一試😘，炸紫菜卷幾好食，可惜份量一般，綠茶朱古力雪花冰水準一般以下，窩夫好似泥膠，質感好似謝霆鋒焗嘅嘅雞蛋仔😨）👴🏻👴🏻環境給店員服務 7/10分琴晚就九點到開始入座，店裏面環境乾淨整齊，店員提醒我哋入座至離開鋪頭開始計算90分鐘，環境都算闊落，就算老爺我而D大肥佬拖個行李喼係路上面行都仲有小小位剩，如果有帶手袋/書包/公事包，四人卡位可能坐落有D迫，不過老爺我入座前見到係籃可以借嚟擺嘢，同埋上菜嗰陣枱面嘅位置大概只可以放四五碟嘢食（已經計埋自己啲碗碗碟碟，餐具餐牌位位置），店員服務真係絕對加分，老闆亦都要為佢哋絕對加薪，落單叫嘢食嗰陣，問店員有咩推薦，店員答樣樣都咁好食，喺再三詢問下，店員推薦我哋淮山麵，真係推薦得冇錯👍🏻👍🏻👴🏻熔岩芝士麵包炸雞$128炸雞炸得唔錯，至少食落唔會柴唔會乾，沙律OK，但份量較少，雖然話係熔岩芝士麵包，個芝士只有上面嗰浸，下面嘅醬只係忌廉汁，建議最好將芝士同忌廉汁撈埋先點炸雞會更好，個脆片都唔錯，脆片上面係芝士醬，當小食就咁食真係唔錯，點埋個芝士忌廉汁認真更加好食，個包偏硬身，切開點醬食還可以。👴🏻卡邦尼年糕$78年糕唔會過硬，軟糯煙韌，卡邦尼個忌廉汁幾香，溫泉蛋切開，少少蛋汁連埋年糕蘑菇煙肉忌廉汁，一齊食真係唔錯🤤。👴🏻酥脆蘑菇雞翼$48 必點！即係忌廉汁蘑菇釀冇骨雞翼，超級無敵推薦🤪🤪好鬼好食，可能佢有經過焗烤，肉汁都鎖住晒喺裏面，咬開肉質爆曬出嚟，而且蘑菇同忌廉汁嘅香味同雞翼好撘，再加上本身雞翼係有調味過，有微微嘅香料味，令成個配搭更加正！（記得等佢攤凍少少，咬開太熱小心辣親）👴🏻炒豬腸（唔記得左個名同幾錢😭sorry）用辣醬炒（真係幾辣），上枱嗰陣好香，因為鐵板上枱，食落嗰陣好辣嘴，可能個鐵板真係太熱，有燶底嘅情況，嗰陣淨係食咗一舊就退貨，因為真係燶得太勁，但係味道唔錯嘅。👴🏻蟹黃炒淮山麵$88 超級無敵推薦必點！！！除咗蟹黃之外，仲有少量嘅海鮮（兩隻蝦一隻青口仲有少少魷魚鬚）算新鮮，淮山麵我都係第一次聽，食落有啲似生麵，同埋果汁係重點！！酸酸甜甜幾清新，撘埋個麵食真係勁正！👴🏻紫薯沙冰 （又唔記得咗幾錢😭sorry，好似大概40幾蚊） 性價比超高，大份夾抵食，仲要勁香紫薯味，唔係化學嗰隻紫薯味，好鬼正。👴🏻三色窩夫$58 感覺似中伏唔推薦點！！！🤮窩夫質地似泥膠，上面話佢似謝霆鋒雞蛋仔，實在太俾面佢，又唔淋又唔硬咁，同埋食落有浸怪味（唔係臭嘅，香嘅，唔識點形容，唔似肉桂味），仲有個糖漿食落甜到漏（仲要係唔好食嗰隻甜）仲有個雪糕係算最好食（勁似朱古力味X巢雪糕）所有嘢完全唔搭，我覺得可以叫做難食，嚴重破壞我味蕾。（可能有人鍾意可以試吓，但切勿以身試伏🤘🏻）👴🏻綠茶朱古力3.6牛乳雪花冰$58 唔太推薦聽個名就好好食啦，唔知識落點樣呢，全部都好一般，綠茶雪糕（冇錯又係好似X巢雪糕）朱古力（粉，冇錯係朱古力粉🤪）雪花冰係有牛奶味（吾重牛奶味），到最後紅豆係我覺得扣分嘅位（食落去有浸鐵銹味仲要勁甜😨嗰陣我仲好擔心以為係食完窩夫嘅後遺症）最後評價係整體一般，紅豆敗筆。 （我覺得可以慳返叫多個小食或者其他嘢都好，除咗窩夫！🌚）總結係個窩夫搞到我好大怨氣，不過其他都唔錯好食，環境其他都唔錯，淨係個炒淮山麵已經可以令我再返嚟食多次🤪🤪🤪。…Read More

平時週末諗食咩真係好煩 男朋友突然想食韓國野但我地又懶得出去太遠既地方 記得朋友介紹過觀塘有間幾靚既韓國餐廳響地鐵站行過少少就搵到 都好方便去到已經見到有唔少客人等緊睇黎都幾受歡迎等左一陣我地就入左去我個人特別鐘意佢既裝修風格比其他同類韓國餐廳舒服食物都好多選擇 而且都好特別價錢亦都好平好少見韓國野咁抵食我地兩個餓鬼叫左幾樣野食包括有芝士炸雞麵包、吹漲牛肉野菌、蘑菇釀雞翼另外仲叫左杯紫薯沙冰釀雞翼一份有4隻每隻都漲卜卜咁嫁咬開仲淡淡餡料 好滿足！我最期待既芝士炸雞麵包到啦成個農夫包都係滿滿既芝士 好邪惡！！炸雞係無骨既 芝士都非常濃滑側邊仲有啲粟米脆片 可以將成兜芝士點哂再黎係一個好特別既菜式我覺得個配搭好似沙律個名叫吹漲牛肉 原來係有個波波係到好似細個玩既吹波糖咁 賣相100分切開其實係芝士黎既 幾得意而塊牛肉都好好味 腍軟適中紫薯沙冰名符其實紫薯味好濃 上台時都聞到輕輕既香味最後我地仲叫左個甜品 為今餐做個完美既總結係我最鐘意既雪花冰 上面仲有糯米糍做topping好滿足！真係捧住個肚走，人均都200蚊左右食左咁多野 好抵…Read More

作為一個就黎變中女既中女，食炸野，仲要出名浸曬芝士醬咁肥咁熱氣既野真係好抗拒，但觀塘我都食到厭，又要就腳真係選擇唔多，加上朋友建議，「事但啦，頂硬上」咁就答應左食。見有食評話要排隊，我地都book左位。6點去到無咩人，7點幾開始就接近坐滿了～去到都無咩期望，食咩我都無意見，最後就叫左三樣菜，三杯飲品。質素居然喜出望外！其實唔差，好味過school xxxx既水冷麵，更大碗麵更多材料。分四個碗都無問題！可能我食唔慣有冰水浸住，所以比3/5。$128一個沙律都唔便宜，但咁大碟，又勁靚！個芝士氣球超吸睛，少女心大發味道居然好食，簡直色香味區全💕超出預期！本身見佢咁平，以為d雞又炸得老，點知幾嫩喔，仲有其他炸物，包括紫菜粉絲，餅乾仔，仲有少少沙律添！講返個芝士麵包，芝士唔係好濃好「結」果隻，淡淡既芝士味反而唔會咁膩。重點！麵包控既我，超中意食個包！外面食到尾仲係好脆！入面吸左芝士醬無變到好濕，反而吸左佢既味，食到好掙我地都盡力食曬個包！大杯到傻左！由頭飲到尾都係咁濃既綠茶味，飲到尾沒有變淡。最重要係佢沒有超甜，甜度適中，仲有紅豆溶朋友說太甜，只飲了1/3。waitress說要搞勻個底先好飲，搞左都好甜。不過甜唔甜就見人見智啦～我三個女人都唔好甜🙈最後埋單$526食到好掙，又幾好味，好抵哦…Read More

今日同fd做義工(佢番工，我義工)，體力勞動完，當然要刷餐勁既。上網見呢間餐廳係觀塘幾出名咁，環境同野食都幾呃到like，決定一於一試。天氣咁熱，當然要整番杯凍野飲下。呢杯紫薯沙冰好大杯，夠冰凍，放係度影陣相都未溶，賣相咁靚，呃like一流。紫薯味濃郁，沙冰都夠細滑，啖啖都有紫薯味，正。飲左一半，仲發現佢附送左粒紫薯。呢個麵包入面d芝士肉醬好正，夠重口味，仲有d墨西哥脆片、紫菜卷同牛肋串燒可以拉黎食。拉絲成功。雞翼有4大隻，又係可以拉絲黎食。個飯可以揀泡菜炒飯或白飯。泡菜炒飯加埋d拉絲芝士都係微微辣(10小辣都吾有一半)，但味道夠重，好惹味。呢度d擺設簡單得黎都幾卡哇伊。收銀處仲有Handmade 曲奇買。門口得英文同韓文。韓式既裝修門口有部機，好似係比人網上拎定飛。呢度好多野食都有得拉芝，而且有好幾個Mon係頭頂播韓歌，店名又得韓文同英文，連侍應都有韓妹feel，黎呢度可以當自己去左韓國，哈 。…Read More

觀塘區真是美食天堂，星期五晚與朋友到了觀塘道觀點中心找到一間韓式美食，名字《小火焰韓式咖啡廳》，幸好我們早到才不用大排長龍。我之前在韓國已聽聞麵包芝士炸雞很出名，只是份量和口感一人很難品嚐，今晚可與朋友到這間店舖品嚐重頭美食《溶岩芝士炸雞麵包》，果然味道不錯，芝士充塞在鬆軟可口麵包裡，將炸雞沾滿芝士醬，一次過可品嚐到炸雞香味和芝士醬濃厚味道，簡直美味可口不能自拔，還有只食芝士麵包都很好美，麵包鬆軟度剛好，不會太硬，但一定快食，否則芝士乾了不好味。韓式餃子煎得剛剛好，不會太油膩，再配合埋醬汁，味道很好。最後，我最喜愛紫薯沙冰，味道不太甜和食到紫薯很香很好味，但我朋友點了芒果沙冰味道很甜很酸，不太喜歡。總括來說，我下次一定會再來食炸雞和其他美食如甜品，韓式年糕，蓋飯等。…Read More

是日晚上同媽媽兩個人撐枱腳，難得媽媽主動話想食韓國菜，咁我就openrice搵左呢間，地理位置幾OK，好近觀塘地鐵站，A出口行過去5分鍾左右。七點半到左餐廳，果個鍾數竟然唔洗等位，有D意外，入座之後，我和媽媽因為肚餓既關係好快就落左單，決定叫兩個主食加一杯野飲share。餐牌內的食物選擇有好多，唔係單式只有炸雞，主食、沙津、小食、飲品，我覺得比起自己食過比較單調sell韓式炸雞既餐廳好。 價錢黎講亦算公道，唔係太貴，絕對可接受。拉絲芝士BB牛肋骨配泡菜炒飯 $88第一份黎到既主食係泡菜炒飯，呢個泡菜炒飯好好味，泡菜唔會酸酸甜甜好特別，芝士拉絲好正，我覺得呢個主食最好味係果三條牛肋骨，佢本身已經用籤叉住左一條條，肉汁好鮮，軟度好好味，真係好好味！(題外話: $88真係好抵)芝味炸雞 $168呢個芝味炸雞既芝士味真係好重好重，如果鍾意芝士味既人一定要試試，我同媽媽唔算好鍾意芝士，但我地覺得呢個炸雞還可以，主要係因為佢肉既分量幾多，骨唔算多，肉質都嫩，有外脆內軟既感覺。(題外話: 價錢唔算平)紫薯沙冰$34媽媽好鍾意呢杯紫薯沙冰，紫薯味超重但好自然，飲飲下會飲到紫薯皮，好有真材實料既感覺，同埋呢杯飲品唔算好甜，我以為會好甜，但飲落真係還好，一個人都飲得哂咁大杯，價錢又唔算貴，幾值得試下！…Read More

觀塘呢邊其實冇乜韓國菜，基於有好多工廈，所以大部份工廈都系以cafe為主，而我咁岩就搵到一間係食韓國菜，位置都幾方便嘅，好近APM，對於路痴嘅我來講搵路嘅問題都不大由於同友人太即興咁約，所以系冇訂位，跟住一去到就要拎飛先，2人位要等11個號碼，等左岩岩好一個鐘，終於有得食。個人認為可於門口放置梳化/ 櫈，始終呢度睇落去應該成日都多人等位。呢度既招牌菜系芝士炸雞包，當然要一試，前排食過cwb好出名戈間Soxxx Chicken既炸雞麵包到呢家都好掛住呢。呢度既芝士系面頭戈層有層「伊」，下面就系液態既芝士，十分吸引當然吾少得既仲有第2個主角—— 炸雞，炸雞每一件都有啲芝士，令賣相更佳。不過呢度既芝士同我想像中既吾太一樣，因為之前食Soxxx Chicken既芝士系全固態，而呢度系液態，芝士更有麵包盛載，食完炸雞仲可以將啲麵包點芝士食炸雞每一件都新鮮滾熱辣，食落塊雞味十分鮮，食得出吾系冰鮮雞，雞味系個口徘徊既感覺真心正之後仲點埋芝士令幸福感大增，不過如果就咁食啲芝士陣味真系好似忌廉湯相信忌廉都落左吾少。叫完嘢食又點少得嘢飲？呢度嘅紫薯沙冰都好出名，叫完之後真係發覺值呢個價，一嚟到真係O左咀大杯到痴線！入面仲加左棵葉喺度好得意，仲有塊紫薯片系度好搞笑，沙冰溶得有啲快，會變咗紫薯汁lol，不過味道都吾會變就冇所謂啦，飲落去有好濃郁嘅紫薯味，不過睇落似提子沙冰多啲，可能太多色素。雪冰既質素似乎就冇炸雞同沙冰咁好了，以前食過某間出名既雪冰店之後就知道真正好味既雪冰應系入口即溶、有煉奶。呢個雪冰睇落個樣都吾錯，冰層上有好多抹茶粉，但再食落去會發覺啲冰只有好少既甜味應供應糖水/煉奶，同埋綠茶雪糕既綠茶味吾算好濃，系偏甜的，食雪冰都系番雪冰專門店食會好啲。P.s. 有樣野真系幾抵讚的，由於入去戈陣已經8:30左右，食食下唔經唔覺已經10:30，即店舖關門既時間，但職員都差唔多去到臨收舖先至會叫人埋單，唔會好似某啲餐廳咁早成半粒鐘已經叫人埋單。…Read More

本身一直對Korea food 情有獨鍾，近日發現觀塘開了間fusion韓式炸雞店，心已經很想來試試。就在這個下著大雨的下午，沒什麼地方想去，所以回家前獨自來到這裏「吃一個人的下午茶」，由於只得一人，但又想試多一點東西，所以選了一份瘋狂炸雞和一杯特色飲品紫薯沙冰。瘋狂炸雞有兩款不同的雞及薯角，讓我能一次中試三款食物，炸雞件的確好味，十分香脆，炸漿很薄，十分惹味，而雞柳也很滑稔多汁紫薯沙冰賣相一流，有很香的紫薯味一邊吃炸雞，一邊飲著沙冰，實在天衣無縫在這裡邊一人吃著炸雞，邊看看書，就這樣我過了一個悠閒的星期天吧！…Read More

見到杯紫薯沙冰,第一下反應就係覺得好大杯同好紫呀。但係飲落就覺得色素應該落左好多,因為紫薯味好淡,而且都幾多碎冰,好難啜黎飲。焗到香脆嘅農夫包裏面有五條牛肋串,仲有大量可以拉到絲嘅芝士。不過個醬與其話係韓式醬汁我反而覺得味道更加似西式嘅蕃茄醬味。牛肋肉煮得好淋好入味,一路捲着芝士食夠晒邪惡,唯一吾太好就係醬汁太多,食到最尾個包已經淋晒贖同吸收晒D醬汁所以有D咸。…Read More

[香港 – 小火焰韓式咖啡餐廳Aidan Korean Dessert Café]開業兩個月已大獲好評, 今次我都拿拿聲去試一下這家火熱韓式餐廳大家先要留意店家不接受任何形式預訂座位, 所以小東建議大家要早一點來排隊(中午十二點/晚上六點半)店內沒有傳統韓式裝潢, 反而是大走年輕路線, 播著韓國KPOP MV, 如果要係到排隊等位都不怕悶這次我們兩個人共點了兩個主菜, 一個甜品和兩杯飲品溶岩芝士韓醬牛肋麵包 (HKD 108)算是有驚喜的一道菜, 農夫包焗得非常香脆, 入面是滿佈Parmesan芝士和Mozzarella芝士和韓醬!! 一根根插在芝士內的是牛肋肉, 牛肉咬起來很腍, 感覺是經過長時間烹飪, 而且啖啖肉, 最重要是芝士可以拉絲, 可以將整個牛肋肉包住除了牛肋肉, 大家也別遺忘外面的農夫包, 切開麵包後, 沾滿芝士和韓醬的麵包也十分吸引, 會有一種在吃PIZZA的味道,而麵包份量超多,十分飽肚的, 希望可以再加多一點韓醬, 因為吃到最後有一點乾呢!瘋狂炸雞COMBO (HKD 80)雖然名字是瘋狂炸雞, 但其實分別是炸雞、炸厚薯條和炸魚柳上餐時是超熱的, 明顯是即叫即炸, 肉質滑和易撕開配以兩個醬料有蜜糖芥末醬同韓式辣醬, 店家有特以調整韓式辣醬的辣度, 令一眾怕辣的朋友也可以一嘗韓式辣醬的魔力。紫薯沙冰 (HKD 34)留意啊! 這一個沙冰絕對不是普通的碎冰或是棉花冰, 每一口都是超香濃的紫薯味而且不會喝到有碎冰, 就算沙冰溶了也不會有變淡的問題。份量超多超澎湃, 根刺大杯到不可能飲完! 面層還有一塊紫薯脆片作裝飾, 紫薯可以說是呃LIKE良品, 所以一家要試啊!草莓番石榴熱情果梳打 (HKD 45)這個沒有什麼特別, 反而覺得太甜, 由一開始到尾也是超甜, 有一點伏宇治綠茶雪花冰 (HKD 62)壓軸推介的是宇治綠茶雪花冰, 先講最上面的雪糕, 並不是用普通的綠茶牛奶雪糕, 因為每一口也吃到回甘, 雪花冰有融合甜甜的牛奶, 所以吃雪花冰不會只吃到冰味, 加入紅豆令整個甜品也加分，好喜翻^^!這一間餐廳的食物性價比是蠻高的~味道不錯, 價格也不貴, 推薦啊來港旅遊的台灣朋友可以試一下過一家火紅的韓式餐廳啊!味道: 8/10環境: 7/10服務: 8/10抵食: 7/10推介度: 8/10地址: 觀塘道410號觀點中心1樓1號舖電話: 3549 6060營業時間: 星期一至日: 11:00-22:30付款方式: 現金…Read More