牛大人台灣火鍋吃到飽 (瓊華中心) (已搬遷) 新店位置

今日同呀媽兩個食飯，開始天氣凍就特別想打邊爐，自己食過好幾次牛大人，所以想帶呀媽黎食😋 好彩預先book 位，7點去到已經話8點半之後先有位，仲要係平日時間🤣 叫左個最貴嘅極上和牛，因為記憶中佢個和牛值得瘋狂食回本🤭因為叫左台灣鳳梨雞鍋，雞鍋免費送雞子，我唔食，但呀媽食，話進寶😂，所以叫左，d 雞子超大粒！呢個澳洲M9和牛牛丸超好食，牛肉味濃郁，而且咬落去充滿肉汁，次次都想再食，不過再叫要加錢🙈 另外未有得食之前，當然要叫d 台灣小食食下先，推介皮蛋豆腐同埋台灣腸😋 佢個豆腐幾時都咁滑溜！ 然後就開始食瘋狂食牛 主要有兩種推介，最嫩口就一定食澳洲M5 和牛牛肩卷！encore 左最多，美國SRF 黑牛口感就比較厚實，有一邊都係脂肪～都有叫下安格斯牛小排同埋手切風門柳，不過最愛都係澳洲和牛🤭 另外我都好鍾意呢度嘅脆肉鯇～ 鯇魚片同埋鯇魚腩都新鮮，有再encore！同埋d 蝦都好新鮮，沙白都大隻！水蓮都係特別，其他地方少有，打邊爐浸哂湯底，好入味！仲有紐西蘭羊卷都重羊味！最後當然要食王子麵，放落濃郁雞湯，加埋好煙韌嘅王子麵，好滿足😋

每次想去任食邊爐都會諗起牛大人，因爲真係好食、有水準得來性價比高嘅任食邊爐。為左可以食得盡興D，同朋友點了極上和牛吃到飽套餐（$328）-2小時放題。呢個套餐不單止有好多款牛，仲可以食到 比較高水凖嘅款式！鍋底點了台中蒜頭鍋雞鍋，係真材實料原隻雞，仲有超多蒜頭、蟲草花，煲到最後蒜頭淋香幾好食。必食之選：🐟台灣鱸魚片-鱸魚白雪雪，鮮甜香嫩，還有層滑香嘅皮，真係不斷encore 🐷豬雪花肉片-呢款係我嘅all time fav，肉質唔算好肥，有嚼勁之餘，超級嫩香juicy！🐷北海道十勝豚- 豬肉味重，肉質有嚼勁😋的確高水準🌟脆肉鯇魚腩-係厚切的，魚肉鮮甜，外層脆口🌟紐西蘭羊卷肉-食落去好香口而且肉質有嚼勁，難得嘅係唔會好肥🌟沙白蜆-無expect任點嘅蜆肉都大大隻，而且味道好鮮甜，好有水準。🌟美人花膠-真係煲到好淋香，幾好口感。除左落order嘅野食外，仲可以係出面攞各款菜類，飲品款都多！因爲果日太興奮，決定同朋友加錢啤啤佢！

每次一想食台灣火鍋就會諗到牛大人🤩，今晚到旺角分店，位於旺角彌敦道628號瓊華中心9樓。 大約七點到達， 店內已經坐滿客人。 今次我們點澳洲極上和牛吃到飽套餐$328、撥雲霧見蓬萊仙島$68/杯、湯底就叫了期間限定的醍醐蕃茄酸辣鍋。 🔴醍醐蕃茄酸辣鍋🫕 ～ 真係揀得好✌🏻， 酸酸辣辣非常適合我口味，蕃茄味香濃， 湯底越食越辣，惹味又開胃。 🔴澳洲M5和牛牛丸 ～ 套餐每人有兩粒和牛牛丸🤤， 入口彈牙，牛肉味香濃。 🔴火鍋配料 ～ 我食了澳洲M5和牛牛肩卷、美國PRIME極級肩里肌、 SRF美國黑牛後腿肉、 安格斯特選牛板腱、 上腹牛五花、 手切封門柳、紐西蘭羊卷肉、 北海道十勝豚、 章魚珍珠漿、干貝鮮魚漿、蟹籽墨汁漿、海蝦、沙白、鯇魚片、台式蝦餃、水蓮和皇帝菜等等， 款式好多😆，多到食唔曬啊！推介幾款我特別喜歡的火鍋配料😋，澳洲M5和牛牛肩卷🥩， 肉味濃郁又嫩滑， 油花分佈平均， 打邊爐一啖一塊， 食得特別爽👍🏻！ 海蝦🦐甜美， 肉質夠鮮。蟹籽墨汁漿很新鮮🤤，嫩滑又Q彈。水蓮更是每次必點的， 口感脆爽👏🏻。 🔴熟食 ～ 私房鴨血、真豬小香腸和即炸午餐肉， 最喜歡鴨血，口感豐厚又滑嫩。

香港人壓力大、工時長，令人透不過氣來，偶爾騰出120分鐘放任一下，不需要多加思索，只需要盡情率性地吃過飽，簡簡單單已經可以令沉悶的生活增添樂趣！牛大人台灣火鍋吃到飽，店如其名，去吃火鍋的客人都可以盡情放任地吃過飽。餐廳提供三款120分鐘吃到飽套餐，有自助火鍋配料吧、自助無酒精飲品、肉類無限量供應等。價錢由$168 -$298，視乎時段價錢有所不同，另外星期六日假期及前夕+$10， 特別日子+$20。我們選擇了澳洲極上和牛套餐，19:30 前離座只需$248，餐牌上除了酒精類飲品和少部份收費食物外，基本上所有食物都可以仼點任食。澳洲極上和牛套餐（HK$248)湯底有九款選擇，鴛鴦湯底另加$50，我們選擇了牛大人紅燒牛骨鍋，湯底經過慢燉細熬，散發出濃郁的燒牛骨香味，同時帶點藥材的香氣。牛肉類有每位贈送兩粒澳洲M9和牛牛丸、另外必吃澳洲和牛M5牛肩肉、還可以選擇美國SRF極黑牛下肩胛、安格斯牛板腱、牛小排等等。牛肉味道濃厚、放在湯底裡淥幾秒即可品嚐到美味的肉質。紐西蘭羊卷肉，嫩滑無渣，帶有羊肉應有的淡淡羊羶味。海鮮類選擇了海鮮、河鮮各兩款，有鮮甜的海蝦、新鮮飽滿的沙白、還有脆肉鯇魚腩和鯇魚片