碧儷苑·精點粵菜 (擺花街)

🔸懷舊虎蝦多士 ($68/pcs) 😋4/5薄又脆的表面，虎蝦大隻而肉結實，配甜酸將醬十分開胃惹味。🔸龍哥招牌炒飯 ($188) 😋3/5有蝦有叉燒，汁少少甜，松子加添口感。不過不失，不算特別。🔸冰凝小企鵝 ($25/pcs) 😋4/5見到這麼可愛的造型怎可不叫，陳皮紅豆感覺養生，作為甜品少些罪惡感。🔸蹦蹦跳小虎 ($26/pcs) 😋3/5可能因為有乾冰在下，出菜時是冷的，覺得奶皇餡還是熱食較好。🔸紅袍荔枝 ($22/pcs) 😋5/5都是奶皇餡有猶豫點不點，最後衝著造型還是點了。熱的，有荔枝肉，有驚喜。 ✴️總結：在中上環地段有點小貴，但衝著可愛造型點心值得一試，宜多人一起試更多道菜。…Read More

端午前夕剛好為契姨媽壽辰，難得可以小聚晚膳，知己小群專登揀咗間零負評嘅「碧儷苑」搞咗個小型生日會。位於中環核心地帶嘅中菜廳佔用一樓全層，面積寬廣，牆上掛出嘅立體藝術品中國風得黎好有時代感。為咗要更多私人空間，八人飯局安排於廂房內進行，鬆動舒適，而且好夠衛生。做足功課嘅XO仔早已知悉最抵消費額為$5,000，所以亦預先寫埋菜單。派對原本共有九人，抗疫期間要分兩張枱嘅，後因有長輩臨時不能出席，食物不能取消，八人卻剛好一張枱坐哂，第九份就交由體貼嘅服務生代為打包。每位席上擺有齊備嘅自用及公用餐具。如欲自攜佳釀，開瓶費為合理嘅$200/樽。飯局全程由經理Lxxx姐跟進，用餐途中仲親自幫忙換碟加酒，相當落力。小肥本以為成幅畫咁靚嘅菜單係佢嘅傑作啦，細問下先知如此秀麗嘅筆跡乃出自其上司Bxx哥嘅手筆，誠意盡在不言中！窩貼金蠔伴櫻花蝦蜜餞柚皮：為晚宴打響頭炮嘅窩貼金蠔上下兩層都一樣咁金黃吸睛。頂面嘅金蠔每件都係連埋白雪雪嘅墨魚膠孖住黎炸嘅，墊底嘅黃金鍋巴則於炸煮前預先輕輕黏上咸蛋黃。好似多士咁夾埋一齊食，菜式口感好有層次，咬落鬆化脆巧嘅同時食得出墨魚膠極之爽彈:)，當中嘅清甜與咸香產生嘅中和作用意外地好夾。另上嘅櫻花蝦蜜餞柚皮外表橙黃鮮美，講真細佬冇諗過柚皮可以炸黎食囉，師傅嘅創作力量同幻想都令長輩們嚇咗一跳！炸柚皮外脆內軟潤，巧妙地於外層塗上香蜜即可減輕膩感同熱氣，而且又可以自然地黐上細小嘅櫻花蝦，新穎嘅配搭鬆脆甜美，十分討好。蟹肉灌湯餃：大大隻、脹卜卜嘅灌湯餃傳統地以皮包湯並乾蒸而成，席上嘅隱世廚神仲留意到餃皮工整細緻嘅摺紋，讚嘆師傅手藝好，少啲功夫都好容易穿，每天限量造出都絕對有理，想食就記得要預訂哦！正當大家都係喺碗中先整爛塊餃皮黎食時，嘻嘻，XO仔卻為找尋童年回憶，好唔正宗地一口咬咗落去！灌湯餃皮層巧薄軟身得黎仍保持有一定嘅韌度，咬破餃皮後，皮下嘅高湯餡心隨即湧冒而出，熱辣辣嘅高湯鮮濃而不俗，細嚼當中嘅豬肉粒、蝦粒、菇粒及蟹肉絲，懷舊點心清甜香潤，堅！七頭花膠扒扣玉掌：壽星女最期待嘅鵝掌每人都有一大隻，花膠扒則叫咗兩件黎分，分前當然係要騷一騷quali啦！如相所示，兩者嘅體積同契妹隻玉掌有得比，震撼非常！七頭花膠扒不單有厚度，咬落滑溜有膠質得黎極富彈性，滑嘟嘟嘅鵝掌則肉厚香潤，芡汁鮮濃甜美，最重要係兩款養顏珍饈都炆得好夠腍，大肥形容得好貼切，確真冇牙都食得，眼見淑女們都不理儀態地吮腳趾，美味程度不言而喻！豉油皇煎虎蝦伴腸粉：同樣一人一隻嘅豉油皇煎虎蝦爽脆彈牙，墊底嘅腸粉柔潤軟彈，因索盡虎蝦嘅精華而變得香甜惹味。最難得就係當個個都話飽嘅時候竟然都可以清碟，証明堅過石堅呀！蘭度油泡鮮斑球：配角蘭度就脆卜卜，炒至微微金黃嘅油泡斑球則爽嫩中帶點鑊氣，蕃薯uncle大讚厚潤煙韌嘅魚皮好夠膠，只係略嫌斑球走油偏乾，如果可以多返少少油脂效果應更佳。手淋脆皮炸子雞：餸名用得「手淋」兩個字已道明廚房以傳統做法慢慢用手淋上滾油生炸雞雞，淨係諗佢要淋幾多次油隻雞先會熟都知係超考手力同耐性嘅功夫菜！「碧儷苑」隻炸子雞肉質白滑柔嫩，連雞胸都鎖有肉汁，帶有油光嘅雞皮更加係脆薄酥化，入口即半溶於舌上，名菜最矜貴就係此塊極品雞皮，不吃炸子雞皮者即浪費師傅嘅心機同工藝，好在大小雙肥懂得惜材，絕對唔容許嘥料嘅。薑蔥花菇撈麵：薑蔥長壽麵爽幼甜脆，伴配嘅花菇亦厚潤芳香，簡單可口。見大家都食到讚不絕口，Lxxx姐仲請大家食粽添，一咸一甜，以答謝大家初次光臨，順便應吓節咁話，認真客氣！紅袍荔枝拼奶皇小虎包：因為訂咗蛋糕，甜品就憑食評家上載嘅靚相中揀咗兩款菂薂可愛嘅紅袍荔枝同小虎包。細佬刻意地未有提及過甜品會有咩就係想睇各人嘅反應，結果當紅袍荔枝上枱時，啲長輩居然問點解啲荔枝只有五粒咁少嘅，即代表荔枝甜點嘅造型逼真到令佢地誤會咗係消暑生果啦，呵呵呵！紅袍荔枝紅色嘅皮層脆中帶煙韌，入面嘅奶黃餡心微甜香軟，十分輕盈。黃皮老虎仔以冰陣騰雲駕霧出場，特顯虎年虎虎生威，碟邊加多兩隻小白兔點綴襯托，即倍添生動趣緻。由於賣相已贏盡口碑，包品好唔好食已屬其次，幸好奶皇包外鬆彈內軟綿，潤甜得黎唔溜，小弟預咗每人起碼有半隻嘅份量剛剛好！中環粵菜廳「碧儷苑」寬廣開揚，服務生及師傅們上下一心、誠懇周到。菜餚色香味俱全，無論係經典功夫菜又或者係新潮創作嘅用材一樣咁高質，價格經濟實惠，而且驚喜不斷，可以稱得上為一個奇趣美食樂園，大人細佬都啱玩！肥肥家族已規劃好下次去飲茶食點心，用實際行動以示支持。…Read More

部門聚餐 免費吃到吐這次來到了最近很出名的精緻點心餐廳大家都是為了小企鵝來的來當然是必點冰凝小企鵝小企鵝超可愛下面還有乾冰外型真的是100分但小企鵝的內餡是紅豆沙就跟台灣版的紅豆沙的壽包一樣老實說有點失落另外一個出名餐點是紅袍荔枝當看到他上桌時我一時之間以為自己來到了分子料理餐廳這電光火石之間 我真的是來不急反應過來外型100分 內餡是奶黃 葉子是用薄荷葉做的這道菜真的做得非常像蟹黃小籠包也是必點的項目黑白蝦餃的賣像也是非常吸睛大家看到都是先夾黑色的那個這家外型精緻的粵菜推薦大家來嘗試看看…Read More

今晚因開OT太累唔想煮飯，就隨意找地方搞掂。豈料來個驚喜我們去了間中菜食館，其食物質素高外；每道菜都很有心思地烹調的。櫻花蝦蜜餞柚皮柚皮真的要用時間去炆才能得到又淋又入味的效果，再加上蜜餞提升味道。最後又洒上脆卜卜的櫻花蝦令口感加強。杏汁白肺湯這湯需要花很多時間作預備， 名副其實係一個手工湯。材料豐富有大量豬肺和粉腸，洗得很乾淨；雞腳煲得好淋好厚肉，充滿骨膠原。整個湯味道濃郁而且有強烈的杏仁味，確實滋潤養顏。👍豉油王虎蝦腸粉豉油王腸粉做菜都是新配搭，煎得很香很熱；腸粉好滑有口感。兩大隻虎蝦啖啖肉，鮮甜彈牙；蝦頭還有很多膏添。濃雞湯鮮班球浸柚皮廚師別出心裁的以柚皮和海鮮烹調另一欵菜式，味道比較清淡和提鮮。班球肉質結實鮮甜，吸收左D雞湯非常美味。麻辣鮑魚掌翼煲末打開煲蓋都已嗅到濃烈麻辣味，可想其惹味程度。鮑魚雖然細細隻但好彈牙；掌翼味道唔錯佐酒流。生炒臘味糯米飯糯米飯一粒粒炒得爽口甘香，食時煙煙靭靭毫無黏口感覺。採用D臘味道適中不會太鹹，完全發揮到其精髓。紅袍荔枝荔枝造形非常精緻，外表鬆脆內裹奶黃餡料。味帶微微荔枝清香和不會太甜。黑糖蜂蜜糕以蔗糖做成蜜蜂在蜂巢上採蜜的糕點，選料健康；買相生鬼可愛。…Read More

呢間餐廳由入行超過40年，前鴻星集團副行政總裁布基師傅創辦👨🏻‍🍳將古典與現代、創新與繼承呈現係精緻點心同傳統粵菜上🥢💗太極蝦餃($52/ 4隻)概念取自太極陰陽圖，其中一款加入墨魚汁搓皮☯️餃皮煙韌薄身，蝦肉餡爽口飽滿，配上爽脆筍粒🦐💗和牛野菌卷($45)米網春卷炸至鬆脆而不膩🍤入口滿滿和牛粒同野菌粒，醬汁香濃入味🐂💗企鵝小王子 ($50/ 2隻)麵包質感軟熟輕柔，入面嘅荳沙蓉幼滑甜美，帶陣陣醇香回甘嘅陳皮味，餡料可以略為多番d🐧💗XO醬豉油皇煎腸粉 ($68)腸粉質感軟滑彈牙，以XO醬同豉油爆炒，味道濃郁惹味，配以甜醬同花生醬🥜💗窩貼金蠔 ($88/ 4件)嚴選流浮山金蠔，味道甘香鮮美🦪用爽彈嘅墨魚膠包住一齊炸🐙配以香脆嘅金沙窩貼，食落鹹蛋黃香同米香突出🥚整體口感非常豐富💗生煎蘿蔔餅 ($88)概念取自潮州烙餅，餅底煎至邊位焦脆，內𥚃韌糯🫓餡料有清甜嘅白蘿蔔絲、鹹香嘅臘味粒同芫茜，味道清淡簡樸🥕💗龍哥招牌炒飯 ($168)炒飯加入叉燒粒🐖﹑ 蝦仁🦐、冬菇粒🍄、沙葛粒、松子仁🌾、蔥花同蛋花🍳食落乾爽焦香，鑊氣十足，飯粒分明之餘配料豐富🍚💗紅袍荔枝 ($44/ 2件)煎堆外皮由糯米製成，口感香脆軟糯，內𥚃包住軟滑嘅奶皇餡同爽甜嘅鮮荔枝🔴💗伯爵茶奶涷($38)奶凍口感滑溜Q彈，奶香濃厚🍮帶清幽芳香嘅伯爵茶味，甜而不膩🫖 …Read More

週末找地方和朋友聚聚，見這家新開，就抱著試試的心態，想不到竟然有驚喜！地方不大，但坐得闊落，有足夠位置放BB車。子薑皮蛋，作為開胃菜真的適合不過。很久沒在外食過流心皮蛋。配合子薑帶點酸的味道，提升整個人的食慾。焦點來了，企鵝包一上場在座女士小朋友都大叫好得意😆 包餡是陳皮紅豆蓉，有醒胃的作用，也算是足料。焦鹽豆腐。沒話說，連討厭食豆腐的我都食了兩塊，外脆內軟。四川辣肉餃，麻香重，辣味有畫龍點晶之用，怕辣人士都可以接受的程度。和牛野箘卷，炸得乾脆，入口完全沒有油膩的感覺，一邊吃一邊談，放久了外皮都沒有變軟變冧，師傅炸工了得。椒鹽魷魚鬚, 不用點醬汁都夠味, 又要誇師傅多一次, 炸點上桌時真的完全沒有流油，吃到最後都沒有冧身的情況出現。芋頭糕，像藝術品。黑糖蜂密糕，其中一隻小蜜峰飛出來了。伯爵茶奶凍, 對我來說有點太甜了紅袍荔枝，裡面滿滿荔枝肉和奶皇饀，驚喜連連！…Read More