友義氣‧酸菜魚

營業中

休息中

水煮魚午餐唔知係咪嗌咗BB辣，水煮魚咁淡色㗎咩？出來嘅味道都好似係蒜香魚。魚片上撒了芝麻，都有啲香，好腍，夠滑，但冇咩味。紅薯粉放喺一碗味精湯入邊，環境： ★★☆☆☆ 食物： ★★☆☆☆ 推介度： ★★☆☆☆

去銅鑼灣行街，突然想食酸菜魚，見到金百利廣場有人派傳單，就去左樓上嘅「友義氣‧酸菜魚」～😏原來唔止酸菜魚，仲有其他招牌菜如水煮魚、小龍蝦、毛血旺，另有其他川式小食及小菜，如口水雞、辣子雞、紅糖糍粑等。兩個人以上可以考慮下叫套餐，因為套餐抵食啲！二人套餐$438起，包一款小食、一款小菜、一款招牌菜、兩杯梳打或乳酸、兩碗白飯或紅薯粉，可以一次過試晒呢到嘅招牌菜。☺️我地兩個人叫左個套餐，仲另外加左個川菜必食嘅紅糖糍粑。川味口水雞例牌份量都幾足，仲比左雞翼位我地，雞件肉質厚實，淋上秘製醬汁，夠晒香辣惹味！😋⭐️推薦❗友義氣酸菜魚（標準原價$238）採用海鱸魚🐟，肉質結實得黎，又嫩滑，多肉少骨，啱晒我地呢啲唔識吐骨😂。湯果然名副其實好惹味，酸辣鮮香，配菜仲有大豆芽菜和寬粉，份量足料！最欣賞嘅寬粉係正宗火鍋粉，口感超煙韌！👍🏻我地兩個都揀左紅薯粉，配酸菜魚perfect match！避風塘軟殼蟹（原價$115）即叫即炸，上枱新鮮熱辣脆卜卜！😎雖然軟殼蟹唔係好大隻，不過就滲透出香濃嘅辣椒🌶️香，惹味可口！☺️飲品分別叫左草莓🍓乳酸和荔枝梳打，解辣或清都清味蕾都不錯。紅糖糍粑份量都幾多，外層炸得金黃香脆，

最近天氣熱辣辣，口痕痕，想食下辣野，朋友又想食川菜，咁就搵下邊度有得食，最後發現銅鑼灣金百利廣場開咗間新店「友義氣·酸菜魚」，細問之下先知開左兩個月，唔怪之得店內裝潢咁新啦！睇菜牌發現好多辣的菜式，啱晒我哋，不過店員話如果驚太辣，可以幫我哋調教到小辣，真係好細心呀！川味毛血旺 $160有牛肚、豬紅、午餐肉、豬肚、芽菜、金菇菜、雲耳，睇落紅當當以為好辣，但食落辣度又剛剛好，辣得惹味又唔會食唔到，辣味道好入味，必點菜👍🏻四川辣子雞丁$108有雞件和雞丁選擇，我選雞丁的原因是貪佢冇雞骨，好方便食。而味道沒有令我失望，非常香口，外脆內軟，雞肉完全非常軟滑，附帶一些紫菜，增加香脆口感，正！👍🏻蒜蓉炒唐生菜$75蒜味香濃，生菜非常新鮮，非常細心切開一半來炒的，容易啲食，讚！紅薯粉 $18非常煙韌又唔易斷，對於喜歡吃紅薯粉的我覺得可一可再，可以encore!芒果乳酸 $26芒果和乳酸的味道非常之夾，香甜的味道，酸酸地提升食慾，好好飲😋藍妹啤酒$35夠凍！