東方小祇園菜館

小編相信大家如果去大澳多數可能喺大澳入邊嘅市中心食海鮮啦其實都有幾間係專門食海鮮嘢既餐廳中餐館，而我相信都有唔少人識得搵好嘢食，但係呢好可惜呢個就唔包括我自己喇小編我其實就唔係好識得搵好嘢食嘅，好多時候都係上網睇or朋友推介多，咁好彩比識到一個好朋友既同事，原來呢位同事嘅爹哋媽咪嘅親戚就係喺大澳入邊開餐館嘅，如果唔係因為呢個同事或者係我啲朋友識🉐️去食我應該冇為意有呢間嘢，因為佢為咗幾偏僻，就係喺大澳車站嘅向左手邊向住嗰個水壩方向行過去嘅（左手邊）咁變咗其實佢同本身我哋落車去大澳然後我哋通常轉右入市中心去行嘅位置係完全相反，同埋如果第一次去可能真係唔會為意左手邊嗰邊原來係有兩間嘅素菜館嘅。講到素菜館呢兩個字呢我開頭聽我朋友講呢我都卻步既雖然小編我係唔食豬牛雞嘅，咁但係呢我係食海鮮，而我不嬲都唔鍾意喺出面街食齋or素菜辣，因為覺得出面煮得好油膩又多化學嘢咁，特別係d大x然素食，真係怕怕😱咁當朋友同我講起話我地入大澳可以食東方小祇園我就即刻諗起灣仔嗰間東方小x園，咁我就問係咪食齋，如果係既我就唔去啦但係我朋友話非常之好食，同埋可以唔使食齋喎，佢話嗰度本身間餐館係有雞食嘅，咁另外我哋都可以買海鮮入去叫師傅煮佢哋蝦我極力推薦佢話非常之好食咁好啦一於信佢哋啦，所以呢我哋趁復活節假嘅最尾嘅兩日，諗住冇咁多人入大澳，因為朋友個同事爹哋媽咪關係啦咁所以就算冇booking都搵到張枱比我地，真係非常好彩。目測好多遊客係冇book枱然後跟住都係問有冇位當然失望而回啦，好多人食閉門羹，所以小編奉勸大家呢係必須要book枱咁我有問過負責人就話如果我下次入大澳我應該係要提前幾多日book呢？咁佢地就話預早幾日都👌🏽既。不過留意番佢地逢星期六係唔開架，逢星期六休息咁如果平日呢佢地都會開嘅，通常呢佢就開12啦，大約收6點，而呢幾日假期實在太多人所以都會開夜少少但唔會遲過8點㗎啦。大澳人都係早訓既講番啲食物質素先，我哋首先走咗去買海鮮、因為天氣問題啊（天陰）所以呢一兩日海鮮嘅產量就非常之少，我哋只可以o係艇家度買到半斤嘅賴尿蝦另外o係海鮮檔買咗兩隻肉蟹啦同埋買咗少少魷魚咁，比師傅整椒鹽鮮魷、薑蔥肉蟹同埋椒瀨尿蝦佢哋個招牌菜香芋酥卷拼菠蘿脆卷係非常之好食，而海鮮就真係好一般，唔係煮🉐️唔好，但本身海鮮質素一般，蟹好少肉，但味道係唔錯既，食🉐️出師傅已經盡全力救架啦真係始終個質素係麻麻哋，嗰個賴尿蝦比較瘦唔肥美，同啲齋相比呢海鮮明顯係遜色嘅我個人極度推薦呢個嘅荔芋酥卷拼菠蘿脆卷，非常非常之好食一啲都唔油膩，炸🉐️好乾身，其他餸菜呢都係唔油膩，我哋食完飯仲去咗行山咁都唔會話覺得唔舒服啊，個肚好飽好滯咁，同埋唔會口渴，大家都係非常之滿意呢一餐👍🏼同埋佢價錢非常之實惠我哋四個人食呢餐飯只係$500姐（連埋嗰啲整海鮮既加工費）而我哋買海鮮嘅費用係$420咁即係total四個人$920嘅海鮮加素菜餐，每人only夾$240就得啦真係非常之抵嘅咁我相信下次even以後每一次入大澳我都只係會食呢間東方小祇園備注：呢間餐館同出面灣仔嗰間有冇關係呢大家都係咪想知呢？經小編維基解密過之後，發現佢哋係有親戚關係不過灣仔嗰間呢小編我就不予置評啦大家如果入大澳一定一定一定要試呢間絕對唔會失望一定100%回頭…查看更多

幾星期前已約定家人在平安夜當天去大澳走走，順道看看咸蛋黃的日落美景。之前打算去海韻，但見到食評話服務態度麻麻，雖不知近排有沒有改善，又不想家人吃得不順心，諗來諗去，終於俾我記起呢度有東方小祇園。我記得2年前行完山去食，食物質素及態度也不錯，一於翻炒。打定電話 book 定檯，咁就萬無一失~~琴日坐巴士入到大澳，見到大澳長廊建好了，於是我們走這條長廊直去恬靜既村落。在烈日當空下走長廊，當然幾熱，不過看到右邊既海，左邊既灌木及1、2隻白鷺，又幾正~~走到長廊盡頭已見到前方石牆上已漏色既“東方小祇園”5隻大字。我們向左走，不消幾分鐘已到達。我們被安排坐在室內，裡面已坐了8成客人。我們靠窗坐，清風吹入來，又望住前方綠油油既樹木，真係好想小睡一下，哈~~接待的女士很 nice，連落單及派碗筷的員工 (我估係家族成員吧) 全部都友善又殷勤。我們一行5大人2小童點了6個餸，不敢點太多，諗住一陣去大澳市集掃街嘛~~1. 荔茸酥卷 : 有芋茸味道，腐皮捲得不厚，不錯!!!2. 五柳素魚 : 叫咗小 size，上檯係一條脹卜卜既芋頭魚。如愛好勁芋頭味，呢條魚就勁啱~~3. 鹽焗雞 (半隻) : 雞無乜肥膏，但又5鞋，佢地仲落了些蔥花焗，真係好好食!!!! 不愧為店員推介!!!4. 紅燒豆腐 : 豆腐真係好滑，茨汁打得好!!!5. xx草菇 : 5多記得全名。呢個有驚喜，無諗過新鮮草菇會煮得咁入味，加上西芹，我地大勺大勺地食。6. 菠蘿生炒骨 : 仍舊這麼好味，酸甜適中。不論食材及環境，大家都食得很滿意又開心，我今次選擇正確今餐埋單 $593…查看更多

大澳位于香港新界大嶼山西部，是香港現存最著名的漁村，村落部分位處大澳島上。大澳的水鄉風情獨特，故有“香港威尼斯”之譽。我覺得一點不為過。由東涌到大澳，交通工具有纜車、巴士，基於大澳乃是禁區，故此私家車出入必須備有禁區紙，否則難免白走一趟，我們趁纜車停使保養之前，前來感受一下坐纜車進入大澳的滋味，纜車入大澳必須在昂平轉接巴士。當你進入大澳，仿佛來到另一個國度，海風吹拂，海浪歌奏，居民簡樸的漁村風情。令你忘憂，生活上、工作中、感情的煩憂像被風吹散，一切那麼自然，那麼飄逸⋯如此別樹一格的地方不但吸引各方遊客前來，也是香港人假期好去處。這里沒有煩憂，只有快樂…大澳文物酒店，前身為大澳警署。由1902年興建，至今已超過一百年歷史，忽然瑕想如果可以小住一晚，他朝必成大器。可惜今次行程沒有安排，始終還是緣慳一面。大澳為人所熟悉的還有街頭小食，包括拳頭般大的魚蛋、粗壯威風的魷魚、火焰紅唇般的魚春等。特產還有名貴花膠、香濃蝦膏、飄香咸魚、水晶蝦米…各式魚產，應有盡有，可供送禮自用皆宜。除了食，還可以坐當地居民的游艇出海用眼睛捕獲野生中華白海豚。海豚不時在海上遊憩追逐，仿佛在招呼遠方來的朋友，在海面若即若離，把你弄得神昏顛倒。或者你也可以悠閒地到處參觀居民獨特的棚屋，每一間都各有特色，獨立而自豪地佇立在海旁，不怕風吹雨打，依然堅強如故。大澳小小漁村，內容卻是豐富多彩，不論你是誰，只要你踏足大澳，包你有意外驚喜，各式特色令你盡興而歸，不能忘懷…東方小衹園，位於大澳南涌，依戀在綠綠園林。古色古香。經大澳村民介紹，我們經過村路進入果林再轉往小路來到這里，優靜的環境中頓見一白板紅字的門牌，門牌下是一幅飽經風霜的雕花鐵閘。與這里的環境相依相容，都是那麼安靜而不渲嘩。推門而進，望眼是一條彎彎的樓梯，優然自在地坐在那里，等待你走進她懷抱，然後輕輕送你拾級而上，感覺親切又神秘。 好吧！一齊跟我行上去揭開它的神秘面紗⋯⋯早已訂好的10人套餐，淡定的餐廳員工把我們安定在靠窗的位子，不久就開始一一呈上精選佳餚：竹笙素翅，竹笙和菇菌均勻溶入湯羮，看似一幅仙境畫面。菇菌味濃，加點小醋之後更加惹人喜愛，酸酸的口感頓時令人胃口大開，首道湯羹已在告訴你是該期待下一道菜。雜錦拼盤，有4種食物拼成一碟，味道各有不同，乾豆腐是甜味的，附皮卷又香又脆，餃子餡有菇菌和芽菜很爽滑，粟米仔淸甜爽口。四種不同口感味道不同交織起來，上演她們的精采神奇。羅漢上素，顏色豐富多彩，食物層次複雜多變，有爽、有滑、有淋、有嚼勁的、一次滿足你的不同口感。每食一啖都在變化，從變化中找到無限樂趣。菠蘿脆卷，其實沒有菠蘿，只係它圈起來炸成金黃外表，看起來似菠蘿。這是我最喜歡吃的菜式，因為除了香脆，更是香脆。最重要是脆而不油，食完絕對可以讓你回味無窮。五柳鮮班，其實係芋頭魚，外面炸粉又香又脆，芋頭蓉在里面也不甘示弱，發揮她的魅力，芋泥香與炸粉香配搭起來，無懈可擊，一啖一件，你會吃完又再想食，因為真係好好食。腰果雜錦，各種食材爭鮮鬥麗，得益的是我們同台的喝酒朋友，腰果香脆又有嚼勁，一邊食一邊幫朋友添上美酒，朋友押上一口小酒，詩興大作，瀟遙自樂，夫復何求？北菰發菜，發菜屬藻類，珍貴非常，北菰含多種胺基酸及多種酵素，保健又防癌。很健康的一道菜，北菰在這里完全發揮了她獨有的清香鮮美。最佳的配搭是葷素中的名菜，食素必選之一。四寶時菜，由四種不同的菇菌鋪在生菜上，廚師精心調製的獻汁仿佛為菜式注上生命力，顯得栩栩如生，特別惹人喜歡。紅燒豆腐，豆腐像女星的胸前潛建物，搖搖欲墜，青菜拌碟作為點綴，雖然是普通菜色，但那種金黃翠綠仍然再一次吸引你的食慾，足見廚師的一番心意。可能因為葷素主健康，所以大部分菜式是偏向淡味，雖有美中不足之處，但身處這片充滿漁村風情的地方，我們每個人都食得很快樂很滿足，臉上帶著歡樂的笑容…繁忙都市人放假想讓平時工作壓力得以釋懷，想出去走走的話，大澳確是一個好去處。來到大澳食一下葷素，讓你的腸胃也藉此放個假。…查看更多

早兩日買了幾件茶果回家，勾起了米飯班主去大澳食茶果的興致～ 所以今個星期日，我們這一家就到大澳遊玩一番啦～ 懶床的關係，差不多兩點才到達大澳，肚餓得很呀！快快走到一家之煮推介的東方小祇園，她說它的豆腐非常美味呀！從車站走到東方小祇園有一段路程，不過一路都有指示，所以也不怕迷路～雖然我們只有四人，我們都被安排到一張大枱，因為餐廳沒有細枱，只有大枱呀～餐牌走懷舊風，分類亦很清晰，料理以素菜為主，亦有小量葷菜～ 難得到來，倒不如來個Green Sunday，試試它的素菜吧～值得一讚的是，店員很好！一向眼闊肚窄的我們，總喜歡點一大堆餸菜，經常食到飽飽的，今次當然亦不例外，一不小心又想點很多啦！但店員很好的一直提醒我們不要點那麼多，不然我們又食得撐撐的啦～上菜速度也蠻快的~ 才坐了一會，雜錦拼盤 ($130) 就上桌啦~ 雜錦拼盤很豐富，有腐皮卷、素鵝、酸齋、咖哩齋以及粟米芯~ 首推腐皮卷，外層煎得香脆香脆的，餡兒用了芽菜、蘿蔔、木耳、冬菇、椰菜等，爽脆清新，這個素食絕不比葷菜失遜色~ 其他素食的質素也不錯呀!紅燒豆腐 ($55) 完全令我們喜出望外呀!!豆腐嫩滑得很，就像豆腐花一樣，而且豆味濃郁，絕頂美味!! 稍稍煎炸過的豆腐，亦無損它的嫩滑~~ 十分推介!!羅漢薺炒麵 ($55) 用上不少齋菜如木耳、筍子、雜菌、蘿蔔等，加上麵餅炸得香脆可口，很惹味呀!!炸雙拼 ($90) 可以從餐牌中的炸物隨意選兩款，所以我們就選了荔芋卷及菠蘿卷~ 荔芋卷以腐皮卷著芋蓉香炸而成，腐皮層鬆化香脆，芋蓉綿密幼滑，美味可口~菠蘿卷很特別，酥炸外層包著甜甜酸酸的菠蘿餡兒，很開胃呀! 雖然是炸物，難得它一點也不油膩，用上酸咪咪的菠蘿及清爽的素菜，令炸物的熱氣感大大減低，不錯不錯!!四道菜的水準都不錯，而且不用四百大洋已食得飽飽的，絕對可以再Encore呀!!! 下次要試試它的名物鹽焗雞!!…查看更多