龜記茗茶 (新都會廣場)

營業中

休息中

今日黎到葵芳 朋友們話落雨天要飲手搖😗 知道新都會廣場有間台灣嘅手搖 龜記茗茶 出名健康茶底 一於去試試佢😌 睇睇餐牌 醇茶、鮮調茶、古早味、醇奶茶、鮮奶茶、鮮蜂蜜 好多選擇呀😍 諗左好一陣終於落單😆 柳丁翡翠叫左一分糖 新鮮嘅橙汁 加埋綠茶 依家呢啲濕漉漉嘅天氣飲 真係好fresh😌 三十三茶王奶茶果然係龜記推薦 烏龍茶底 茶味好香 叫左一分糖 茶味會淡少少 叫返少冰中和返😬 碎銀普洱珍珠鮮奶茶好少飲到手搖係有普洱茶葉 味道幾特別 唔係平時飲茶咁濃味同苦澀 佢係淡淡嘅普洱茶香 用上新鮮鮮奶 叫左無糖 珍珠少少甜 煙靭有咬口 加埋味道啱啱好😋 紅柚翡翠一分糖 滿滿嘅紅柚肉 配上清新綠茶 酸酸甜甜 越飲越開胃 大推😍 甘蔗四季春叫左一分糖 輕輕甘蔗嘅甜味 又唔會蓋過四季春嘅茶味 第一次試用甘蔗代替糖 又幾好味😬 整體來講 呢間 龜記茗茶 飲品種類眾多 店員服務態度好 見到佢仲有冬日暖飲 等冬天嘅時候一定要嚟試吓😌

🧋成日以為啲台式飲品店喺葵涌廣場，原來新都會都有啦。不過個位唔多近地鐵站。要認住佢隔離係Pizza Hut同埋大家樂🤭🤭佢都有好多款台式飲品選擇，水果茶好多！連秋冬限定款都有，眼花撩亂。我哋五個人，買四送一好抵💁🏻‍♀️：1️⃣紅柚翡翠 1分糖走冰 HKD39|紅柚｜茉莉綠茶｜全杯真材實料，有好多紅柚粒粒係杯，配埋個綠茶底，超fresh，微酸帶甜。唔鍾意酸嘅可以3分糖就夠晒。2️⃣🍊柳丁翡翠 3分糖走冰 HKD36｜橙｜茉莉綠茶｜呢個就係橙汁綠茶，橙汁味濃， 3分糖有啲多， 1分糖就Perfect了。3️⃣🎋甘蔗四季春 1分糖走冰 HKD32｜竹蔗｜綠茶｜呢個配搭好特別，出邊飲唔到。竹蔗茅根加綠茶味，消暑一流。4️⃣🍋檸檬蘆薈蜜 一分糖走冰 HKD40｜台灣蜂蜜｜檸檬｜蘆薈｜蜂蜜味道天然醇香，加埋檸檬，中和咗個甜度，仲有蘆薈添，好有口感。5️⃣🧋三十三茶王珍珠奶茶 正常 HKD34｜烏龍茶｜珍珠｜奶｜佢個奶茶都調配得好好，烏龍茶深焙，唔會俾個奶味遮蓋茶底，正常都唔係真係咁甜。珍珠好煙靭微甜。總結：煮茶速度好快，五杯嘢飲，用咗大概10分鐘就有，讚。仲有每杯嘢飲都各有特色，整體質素好高。之後行開葵芳都會揀佢👻👻

今日約咗成班朋友一齊去個friend屋企玩，聚會點少得手搖飲品，之前見依間台灣手搖飲品喺葵芳新都會開咗，一路都未有機會去試，趁今日呢個機會試吓係咪台灣嘅原味道門面好有台灣裝修風味，雖然我係小人物，都要享受一下生活，嘆番杯手搖我哋主要揀佢推介嘅飲品，價錢算係一般手搖飲品嘅價格1.茶王珍珠奶茶第一個一定要試一定係茶王奶茶，推介大家一定要加珍珠，佢啲珍珠唔係一般手搖飲品店嘅黑色珍珠，係透明，仲有少少粉色嘅珍珠，顏色吸引，咬落仲好煙韌份量好多，但最出色都係個茶底，茶味好重，好香濃，唔會俾奶冚咗浸茶味，果然係茶王2.三韻珍珠奶茶呢個係佢啱啱新推出，餐牌都未有加入去， 三韻即係蜂蜜珍珠奶茶，蜂蜜味道係好純正，唔係普通一般嘅蜜糖味，加入珍珠奶茶味道升級左一個層次，值得一試3.普洱珍珠鮮乳茶普洱珍珠鮮乳茶嘅奶味超濃郁，普洱茶嘅香味同鮮乳融合埋一齊，但傾向奶味較重小朋友都啱飲三款珍珠奶茶都各有優點，適合唔同口味嘅朋友，我哋都好欣賞唔同茶款有自己特色4.雷夢蘆薈蜜一開始唔知雷夢係乜嘢，仲怕會中伏，睇到推介先知原來係lime，見佢咁特別，所以我哋都試咗一杯，發現原來都唔錯，加上有蘆薈粒粒喺裏面，口感好清爽，

這間新開的台式飲品店來自台灣，於台灣擁有超過150家分店，首間海外分店位於葵芳的新都會廣場，主打古早味手搖飲。餐牌還原台灣的菜單選項，包括醇萃、奶茶、鮮調、鮮乳茶、鄉韻、蜜蜂工坊及珍珠系列，可加配配料，或選擇冰塊及甜度。蜂蜜三韻奶茶 - $36新推出產品，採用優質的三韻紅萱茶沖泡，有著濃郁的奶香之餘，又有喉韻茶香，又不失清新的蜂蜜香甜。茶王奶茶 - $34以三十三茶王作為基底，經三晝夜烘焙及三十日熟成，茶味回甘且尾韻細密，有溫潤順口的奶香，適合偏好濃茶系的奶茶控。桂圓翡翠 - $38桂圓比起龍眼更香甜，新鮮翡翠綠茶有獨特清新茶香，互相營造出一種清新香甜的口感。紅柚翡翠 - $42每日手挖限量的新鮮紅柚，每口也有著滿滿飽滿鮮豔的葡萄柚果肉。阿源楊桃紅茶 - $36楊桃甜酸清爽帶有微鹹，充滿古早味特色。

放假holiday mood, 我決左鬆一鬆，咁熱當然要去買杯野飲吓🥤。呢間台灣過江龍茶飲品牌—龜記，2017年創立，世界各地都有分店，香港首間分店進駐係葵芳，主打健康天然古早味。🍊紅柚翡翠🥤平時我對西柚零興趣，最怕食到d苦澀味，值得一讚，對西柚完全改觀，飲落啖啖果肉，甜甜酸酸味道👅，茶底用咗翡翠茶，係一種比茉香綠茶更清香，唔單止有茶感之外，好適合做手調飲品，西柚同佢match 到呢😙平時叫開：30%微冰，30%糖三分，味道啱啱好，正‼️自佢地開業後，我哋成日幫襯飲呢杯，要推薦俾大家。