川滿居 (京都廣場)

金湯酸菜魚 $188超多魚片，又嫰又滑，配料都好精彩，除酸菜薯粉配菜外，仲有大量菖筍、冬菇、白玉菇同鮑魚菇，個鮑魚菇炸過嘅，好好食💯糖醋蝦球 $128蝦超大隻勁彈牙，酸酸甜甜嘅醬汁開胃唔膩👍鮮椒田雞 $138田雞唔算多，不過炸得夠乾身。花菜炒腩片午餐$58午餐套餐由11:30到18:00，跟飯跟飲品，花菜炒得好入味，份量唔算細，超抵💯味道都幾正宗，好味又抵食👍QR Code 落單，大部分菜式可自選辣度，仲有得揀咸，酸，麻，濃淡度，讚👍…查看更多

因為太鍾意食川菜😋今晚又約左朋友去發掘好食川菜。見到呢間餐廳有好多好評，一定吾錯👍🏻餐廳裝修好有特色，一出lift就見到中國風的磚牆，餐廳入面掛滿’川滿居’的燈籠, 一面牆掛滿紅色紙扇，好有四川風彩🎭涼拌花甲$78第一次凍食花甲，好好食😋粒粒花甲都好飽滿冇沙，粒粒都開晒口。川式風味加左芫茜辣椒，小小辣，超級惹味開胃。京葱牛肉(配6張麼麼皮)$88呢個超級好食😍牛肉大大片幾厚身，重牛味，幾淋。京葱份量好多，加埋一齊炒得好有鑊氣🤤再用麼麽皮包住一齊食，可以解左少少油膩感，個皮煙煙韌韌，好有口感。6塊吾夠食，可以另外再叫，都係$10有6張👍🏻糖醋蝦球$128呢個蝦球一食好驚歎，好彈牙！而且好大隻，炸粉好薄，好似有成8，9隻。個汁吾會太杰，酸酸甜甜，剛剛好。配菜都多，因為好鐘意食洋蔥，感覺好滿足🤤金湯酸菜魚$188 餐廳招牌菜之一，果然令人好滿意😍好大碟，性價比好高。魚片大大片，厚身好滑，份量好夠。金湯好好飲，好多香料，飲完吾會好頸渴。配菜份量超級多！有萵苣，白菇，炸左的雞脾菇片，酸菜，薯粉。薯粉好滑好掛汁，但實在太多，食吾晒🤣桃之夭夭$36 金柑檸檬茶$28 桃之夭夭個名好盞鬼🤪好好飲，係桃汁加無糖梳打，好清甜解渴。金柑檸檬茶都好解渴，但對我黎講甜左d。總括黎講，呢間餐廳食物好出色👍🏻值得一贊仲有兩樣野1: 每樣菜色都有好多選項，我全部有揀少咸少油少鹽，而且真係會做到，感覺食得好健康。2:餐廳職員態度十分有善！好親切。職員的態度絕對會令普通的食物加分，更何況呢間餐廳的食物真心好食。…查看更多

朋友帶我來依間食，入去見到食客坐滿都好旺場呀。地方尚算乾淨，食店通風唔錯，唔會好大陣川辣味。店員相當殷勤有禮，一按鐘仔速速現身。食物都好多選擇，除了香鍋，仲有酸菜魚和好多小炒都好吸引。今次食住香鍋先，留下次再來。見價錢都好經濟，食物都好足料，味道啱我口味，唔錯唔錯。招牌香鍋 (9款配料) $330香鍋至少要選5料配料，見到有好多心儀選擇，結果揀下揀下就揀了9款。入選佳麗分別有鯛魚片、花甲、魷魚鬚、墨魚餅、蓮藕、腐竹、黑木耳、白玉菇和薯粉，原來每款配料份量都好多下，所以加加埋埋成座小山咁，見到勁大鍋，真係驚驚食唔晒。朋友不太吃辣，醬料方面就揀了醬香就就佢。醬香味道濃郁，鮮香微辣帶點甜，而且好有鑊氣，食落都好惹味，款款配料都好入味。當中薯粉最索汁，粉條幼身軟彈口感，好美味。其次是腐竹好掛汁好嚼口。魷魚鬚就滋味爽口。蓮藕薄片爽脆。花甲鮮味不過肉唔多呢。白玉菇脆嫩鲜滑。鯛魚片肉質細嫩鮮美兼無骨，口感爽滑無腥味。墨魚餅大件鮮味彈牙。黑木耳爽口Ｑ彈都好大塊。糖醋蝦球 $128蝦球大件啖啖肉口感，外層炸粉唔厚但就好酥脆，內裡蝦肉鮮嫩爽口彈牙，加上糖醋汁酸甜可口，愈食愈開胃。酸梅湯 $18酸甜開胃，味道唔算好濃，多飲都唔覺好甜，好順喉解渴的。金桔檸檬茶 $28好多金桔片檸檬片，味道甜甜酸酸幾好。…查看更多

為食朋友推介這樓上川菜館，今次路過正好走訪一次😘佈置簡约，但十分開揚，一邊落地玻璃透光度極高😎已到下午茶時間，菜單亦有好多優惠套餐，及免收加一，但在侍應大力推薦下决定一嘗正價招牌菜😗先上金湯酸菜魚(例牌)，份量亦足，上桌時香氣撲鼻，白亮魚片配古雅盛器好吸睛，湯底酸辣味濃，味蕾大考驗，薄切魚塊鮮滑嫩，粉底有口感😋😋👏👏京蔥牛肉(配六隻嬷嬷皮)，爆炒火候足，肉香味好，用嬷嬷皮包著入口，京蔥脆嫩，牛肉爽滑，嬷嬷皮有咬感😋😋👏👏意猶未盡，捨主食而來了一道糖醋蝦球，炸得香脆的大蝦球上面淋了糖醋芡， 酸甜有道，入口爽脆😋😋☝️👏👏有驚喜的一次川菜餐食👍🏼👍🏼…查看更多