HeySoNuts

營業中

休息中

終於食到呢間位於土瓜灣嘅HeySoNuts啦😋夜晚六點幾去到，餐廳已經全場滿座啦，果然係人氣高企啊～✨紅酒慢煮牛面頰配薯蓉慢煮牛面頰超軟腍，牛味濃郁！旁邊仲有紅酒汁可以點！薯蓉綿密幼滑，仲帶有淡淡嘅牛油香氣～✨松露油忌廉野菌汁貓耳朵意粉貓耳朵意粉每一粒都沾滿creamy嘅醬汁，口感彈牙！多種野菌令到整體口感更加豐富！松露油亦為成個意粉增添咗唔少嘅奢華感～✨窩夫配焦糖布甸及香草雪糕窩夫即叫即整，微熱鬆軟，點埋香草雪糕，一冷一熱嘅口感簡直係多重享受！焦糖布甸好動L，亦好重蛋香味，甜而不膩～✨茶漬橙朱古力慕絲千層酥茶漬橙結合咗清新嘅橙香同埋茶香，味道好特別！幼滑細膩嘅朱古力慕絲同酥脆嘅千層酥口感上可謂相得益彰～✨凍 牛奶朱古力牛奶同朱古力嘅比例恰到好處～餐廳嘅食物非常之有水準，價錢合理，環境亦悠閒舒適，唔怪之得咁深受大家歡迎啦😚

一開始選擇這間餐廳是因為甜品很吸引🤩所以就先介紹甜品： 第一款就係窩夫配焦糖布甸及香草雪糕窩夫口感很外脆內鬆軟， 配搭上cream和雪糕吃很美味， 令人一啖接住一啖。 另外， 焦糖布甸口感紮實，是我喜歡的味道。 推薦指數： 😋😋😋😋第二款甜品就是開心果茉莉口味的梳乎厘， 梳乎厘口感，我覺得就略嫌有少少遜色， 有點過軟，未感受到個口感就已經化了， 沒有太多蛋香味。 但開心果味係我喜歡的味道， 而且那個開心果醬不會令人覺得很膩， 呢樣十分加分。 推薦指數： 😋😋😋主食方面： 那個黑松露油野菌貓耳朵意粉就很好吃， 因為貓耳朵如果煮得唔入味，就會好似食緊一嚿粉團， that’s it !但這家餐廳做到煮得入味之餘仲要好食， 意粉面上有一啲合桃碎更加令到呢個主菜口感大增， 每一啖都食到濃濃我黑松露味。 推薦指數： 😋😋😋😋😋最後一樣就是香料牛油烤春雞伴印度香飯， 這個春雞很嫩滑，印度香飯的飯係偏幼身和比較硬， 香料味十分濃， 是很地道的口味，我自己個人就略嫌覺得不太適合自己， 但如果喜歡吃異國菜的歡迎一試， 別有一番風味。 推薦指數：😋😋😋