又香又脆
(不過我都唔係好清楚北京填鴨嘅做法，係燒定烤🤭)配埋餅皮，滿口鴨油香又唔會太油膩喎！非常滿足
係個鴨肉略顯鴨騷味，同個切法會令到鴨肉無甘好吃，所以就減你兩粒星啦！小籠包嘅皮唔會太厚，就算凍咗都唔會硬曬呢個冷盤小食，甜甜地又幾過癮🤪山龍抄手同平時吃到嘅紅油抄手嘅醬汁大有不同！平時個d辣到我吃唔到😅呢個微微地辣好啱我
好淋大大粒，非常抵食！諗住四季豆最穩陣啦，點知意外地唔理想，無鍋氣個種香口爽脆，又淋又油
粗炒就不過不失啦。高力豆沙熱辣新鮮，紅豆內餡又唔會太甜，唔中意吃紅豆嘅我都覺得非常不錯啊…查看更多
小籠包真係一流，皮簿餡靚，唔可以咬開，一定要一大啖含住佢，如果唔係會爆湯汁口水雞口水雞唔錯，雞肉幾嫩滑，汁就不太辣，調味可以，如果嗜辣既可能會略嫌唔夠入味~一口炸臭豆腐個一口炸臭豆腐上台哥陣真係聞到一陣臭豆腐既味，豆腐炸得幾鬆脆，可以一啖食哂幾過隱~稻成炒飯稻成炒飯幾好味唔錯，幾足料，炒得好香，又唔會太油~ 二人份量來講足夠~總結有水準既中菜，最鐘意個籠小籠包，份量就適中。…查看更多
。之前嚟喺坐大堂，今次被安排晌坐入房（個房可以擺到兩圍），環境幽雅，感覺更靜侷，方便我哋重溫番旅行點滴。部份老友比我早到埗，已食緊啲前菜（$15 / 碟），趁未齊人，大家就研究吓有咩想食。上次都影過餐牌，目測都無乜點改，只喺調整過價錢而已，所以，今次就唔費時影多次。一般茗茶收$6位，但店長好好人，俾我哋試一試黑杞子茶
，小弟井底，都喺第一次飲，色澤藍藍哋，仲誤會以為喺蝶豆花，味道帶淡淡杞子清幽，講到食療功效就多囉，增強免疫力、抗疲勞、養肝明目……等等。雞絲拌粉皮 $52大路得嚟，又穩陣嘅冷盤，等大家可以食住等。雞絲、青瓜絲切得幼細而工整，跟粉皮、麻醬拌勻，食落口感豐富，有爽、有滑，芝麻味香濃又唔過於黏口。蘇式燻魚 $72燻魚喺另一款富特色嘅冷盤，肉質挺身而具咬口，咬落唔會一陣風咁，有嚼頭，而且，煙燻香極為突出，十分惹味，就算配碗白粥，都夠晒作為一餐呀！稻成黑松露小籠包（$78）、稻成小籠包（$42）有加黑松露當然幽香好多啦，但原味嘅本身都做得唔錯，摺紋清晰，外皮搓得薄，肉餡鬆化富肉汁，又無話溝咗好多肥豬肉。烤北京填鴨 $358（全份） / $208（半份）講起北京填鴨呢個經典菜式，又有人問，同片皮鴨有咩分別，顧名思義，片皮鴨主要喺片層鴨皮，而北京填鴨就片出皮連肉，唯「稻成」就唔興堂片，出到嚟就喺一整碟連皮鴨肉、配料及薄餅皮。幾片鴨肉，加上青瓜條、京蔥、甜鴨醬，捲起嚟一啖入口，既充滿油香，又帶有清爽感，真喺好味到一件駁一件。松子桂花魚 $258呢一味又喺一道經典菜，經典在於既花功夫，煮起嚟又要有手藝，否則，松子外型走晒樣，唔脆又唔好食。然而，依一尾就做得相當出色，一來賣相靚晒，二來個魚做到外脆內嫩，個汁底酸香唔嗆喉。蒜炒萵苣絲 $108咁多肉，點都要有碟蔬菜平衡吓，奶油津白、毛豆百頁食得比較多，今次就試吓炒萵苣絲，萵苣絲切得大小均一，入口爽爽哋，簡單蒜蓉炒，幾香口。肉蟹炒年糕 $666上海炒年糕、雪菜肉絲炒年糕食得多，店長推介呢一道肉蟹炒年糕，餐牌都無，喺近期推介俾客人嘅秘密菜式。既然個長旅行都使咗唔少錢，都唔志在豪少少食得高興啲，揀咗3隻大肉蟹嚟做，時價計，非常大份！以份量及有成3隻大肉蟹計，又唔算貴喎，啲蟹真喺堆到成座山咁，蟹肉就故然好鮮味，肉質爽甜，而啲年糕吸收咗蟹嘅精華，令到令件年糕充滿蟹香，口感柔韌，真喺無得輸。其中一位友人勁鍾意食蟹，所以，大讚呢道菜式。杞子桂花糕人多甜品就最好揀啲易分享嘅選擇，桂花糕就喺其一，不過，店長私人醒咗碟俾我哋，所以先會一客有7件咁多。桂花糕冰涼爽身，充滿桂花香，又加入好多杞子，清新有營。雪耳燉津梨部份人就多想試試埋燉雪梨（$38客），呢個都好好食，入口好清潤，雪梨好清甜，雪耳極之爽口，好啱女生享用，如果秋冬嚟食，感覺更加一流。高力豆沙大家怕豆沙窩餅熱氣，就改以高力豆沙，一客4個（$48客），但可以額外加配（+$14個），如果數口精嘅話，就會發現俾多幾蚊點兩客仲划算。每個做得漲卜卜，灑滿糖霜，外皮軟綿，內面放有唔少清甜嘅豆沙餡。今晚被安排坐晌房，加上隔離枱嘅客都食得快完，八點左右已鬆人，令到我哋可以更靜侷嚟傾偈，並重溫過多月前旅行嘅點滴及趣事。今晚餐飯，除咗菜式有水準，尤其條桂花魚及年糕，食得大家津津樂道，而且，服務又夠熨貼真喺值得小弟再翻兜！…查看更多
。果然上次所見嘅都唔喺偶然，今晚嚟到，同樣喺閒日，未夠7:30pm就已經有8、9乘滿，好在一早訂咗位啫。而地方原來頗大，入到去轉個彎仲有個大嘅用餐區
，裝修亦好「骨子」。近門口左邊，有啲卡位，特色在於有通花屏風間起晒，變相多咗少少私隱，減少受騷擾度，人唔多嘅話喺上佳靚位。睇餐牌面面嘅餐廳名，已標注咗「京川滬」，所以，食咩菜系唔使多講。原來，「稻成」喺四川西南邊嘅一個地方，有「香格里拉之魂」嘅稱號，仲話喺風光如畫、世外桃源添，有機會真喺要去吓
。翻一轉就知菜式選擇甚多，種類由涼菜、肉類、海鮮、豆腐蔬菜、招牌水煮、湯羹、點心、麵飯、甜品，以及飲品、酒類。太多選擇，唔知點揀好嘅人，簡單啲就不妨晌套餐度落手，佢哋有啲2、4、6人套餐。不過，最後我哋都喺散點，自主啲。前菜 $15先上嚟一小碟大豆芽，幾爽口，有少少辣勁。餐牌有注明，如果唔要前菜，喺可以向店員提出。順提一提，茗茶就每位收$6。雞絲拌粉皮 $48除咗啲前菜，都想點一客冷盤過吓口癮，雞絲、青瓜絲及粉皮均切得工整，跟麻醬拌勻，已經喺個好配搭，而且，芝麻醬好香濃，粉皮又軟滑，青瓜加添爽口感，好食。稻成小籠包 $42標準嘅一客4個，小籠包摺紋平均，外皮搓得夠晒薄，咬開就見，而肉饀鬆化唔帶肥肉，又富肉汁，確喺做得有水準。弄堂蔥油餅 $36蔥油餅食唔少啦，但無論賣相、做法，「稻成」嘅蔥油餅都甚有特色，做到成個環形，中間填有唔少香蔥。入口外皮頗為酥脆，蔥香滿溢，口感有別平常所食嘅滬式大大件蔥油餅。炸饅頭 $28好耐無食過炸饅頭喇，見平平哋廿零蚊一客，點一客過過口癮。啲饅頭一睇就知炸得金黃，一咬甘香十足，內裡好軟綿，沾少少煉奶，非常好食。孜然寸骨 $88親友喺無肉不歡一族，點都要有一客全肉俾佢。每支寸骨都大大件，沾滿孜然粉，燒得香，入口肉質好鬆化，食得一口孜然香味，不過，如果本身對孜然呢種香料味唔啱，就千祈唔好點，因為都幾重口味。雪菜毛豆百頁 $72喺幾傳統嘅上海蔬菜菜式，百頁喺啲豆製品，味道偏淡口，但加上雪菜嘅鹹香味，拍埋一齊就變得啱啱好，而且，有上湯墊底，整道菜一啲都唔寡。酸辣湯麵 $62麵飯都有好多選擇，呢道酸辣湯麵既有酸辣湯飲，又有上海拉麵食，前者酸辣度啱啱好，唔會太嗆喉，後者麵條拉得有韌勁。高力豆沙 $48最後，來一客高力豆沙作結，每個都做得漲卜卜，外層灑滿糖霜。雖然只有豆沙，但內裡填得滿滿，味道清甜不膩，外皮又鬆軟富彈力喎，讓今餐晚飯有個美味結束。因為我哋被安排晌卡位，餐後亦可以繼續無乜騷擾下傾偈，但店員都好醒目，都幫忙收拾好枱上用餐完嘅碗碟，整體服務都好貼心到位，食物有一定質素，定價又唔太高，值得翻兜再嚟。…查看更多
