栢檔極品海南雞飯

以前返工附近有呢間栢檔極品海南雞飯，經常都會食。今晚老公話好耐無食海南雞，於是即刻唸起呢間餐廳。餐廳榮獲好多獎項栢檔極品去骨海南雞 (半隻)   $86餐廳招牌叫得極品海南雞，梗係要食海南雞啦。呢度海南雞真係整得好出色，皮爽肉質嫰滑，仲去晒骨，食落啖啖肉。配上自家制3款醬汁，每種都有不同風味。秘方滷燒豬頸肉飯 $56豬頸肉份量頗多，燒得啱啱好，唔會乾噌噌、鞋颯颯。肉質均勻，食落彈牙有肉汁，不錯。滷水元蹄飯 $56豬手大大件，滷得好入味，完全無油膩感。咬落好腍，感覺充滿骨膠原。…查看更多

🐓栢檔極品去骨海南雞半隻半隻雞份量，無骨雞啖啖肉。雞皮爽滑，雖然連皮食好罪惡，但口感唔肥膩，淡淡油香，令雞味更濃郁。半隻雞每part都好滑，就連雞胸都係，而雞髀位就更加嫩滑。配合甜豉油，薑蓉，泰式甜辣醬，一雞三味。🐽秘方滷燒豬頸肉飯豬頸肉用滷燒令油脂減少，食落香口，做到外脆內軟淋，估唔到豬頸肉都有入口有即溶嘅感覺。🐖 滷水元蹄飯元蹄啖啖肉，滷水令豬皮香軟入味，食落完全沒有油膩感，反而係滿滿嘅彈性，膠原蛋白。豬皮連元蹄肉一齊食，咬落膠質豐富，令元蹄肉更嫩。套餐都配了薑黃油飯，飯質一粒粒清夾，啖啖油香豐富。…查看更多