炯記餐室

營業中

休息中

炯記餐室 (長沙灣)📍長沙灣元州街303號元州商場地下G07號舖-炯記而家開左咁多間分店，背後都係一代接一代努力勇敢創新嘅成果！由原先係土瓜灣落山道嘅新光燒味到而家有好幾間手撕雞專門店，同長沙灣呢間modern 少少嘅餐室，都係太子仔同佢啲團隊創立嘅品牌。-為左試齊晒所有嘅馳名菜式，我地order左個2人滿足套餐$198 包湯同飲品😜😜-👩‍🍳 例牌麻辣手撕雞份量好多，麻辣醬汁有別於一般食到果種紅油嘅麻辣！辣得黎又帶有微甜，好惹味！手撕雞肉好嫩滑！部分帶有雞皮，平時買番屋企加餸都唔錯嘅選擇👍🏻-👩‍🍳 秘制醬皇豬手平時好少食豬手，因為有啲地方外皮嘅毛髮燒都唔乾淨，同會硬。佢地嘅豬手外樣滑溜，零毛髮！好入味之餘亦非常彈口膠質重！有豐富骨膠原呀！👍🏻👍🏻-👩‍🍳 酸辣蒜香雲耳雲耳大大朶爽口清新-👩‍🍳 麻辣雞腎雞腎極爽脆！相信都係用咗同一款麻辣醬，惹味！-👩‍🍳 郊外油菜食咗咁多肉，點都一定要有碟蔬菜平衡下嘅！-👩‍🍳 太子鵝油撈麵Number 1 招牌菜👍🏻👍🏻👍🏻佢哋製造撈粗嘅過程都非常之有原則！會經過多輪熱水同凍水「走鹼」處理，確保撈粗唔會有鹼水味！工序非常繁複，但係佢哋堅持都要保持

一直想試記的手撕雞牛角包，坐低看到豬手好吸引又想食，理所當然order這兩樣招牌吧，但打開餐牌，鵝油撈麵好像也應該一試，仲有all day breakfast…最後要了個二人餐，總算包括了大部分今天想吃的😋✿麻辣手撕雞 (例牌)手撕雞份量頗多，肉嫩滑，無骨，調味加上芝麻很惹味開胃✿秘制醬皇豬手 4隻豬手色澤光潤（無毛，好重要！），肉質軟腍非常入味，聽說豬手看似肥，但脂肪含量比肥肉低，感覺良好😋✿酸辣雲耳麻辣雞腎爽脆，酸辣開胃✿鵝油撈麵燒鵝油具油香但不算油膩，粗麵彈牙沒鹼水味，份量多✿二人餐$198，還有沒拍照的白灼生菜、例湯和飲品，份量和食物質素都令我們很滿意，只欠腩叉未試，下次再來吧！

屋企附近開左炯記喇！！ 因為之前想食鵝油撈麵唔係要去深水埗就係去太子或荃灣，而家落樓下行去唔使5分鐘就可以食到，而且長沙灣這間店先至有手撕雞牛角包，想試好耐了。 這店裝修以白色為主，給人一種好乾淨好清新好舒服既感覺，地方都幾寬落。 因之前係其他分店食過鵝油撈麵，今次就緊係試佢既手撕雞牛角包啦！ 我地叫左2個下午茶餐，分別係麻辣手撕雞腸粉，鹽焗手撕雞牛角包；另外叫多碟秘制醬皇豬手和白灼生菜；加$10 轉2杯特飲。麻辣手撕雞腸粉： 腸粉暖暖地岩岩好，食落口唔會燙親，又夠滑，配埋鼓油麻醬甜醬一齊食真係絕配，好香花生醬味；麻辣手撕雞夠麻又夠辣，好惹味，肉質嫩滑。鹽焗手撕雞牛角包： 手撕雞嫩滑有咸香，牛角包鬆軟，估唔到配牛角包咁好食咁夾；仲有少少沙律菜伴碟。秘制醬皇豬手： 豬皮超有豐富既骨膠原，煮得好淋好入味，唔太咸，肥而不膩，非常推介👍🏻白灼生菜： 生菜份量多，新鮮，配埋鵝油好香鵝油味。水蜜桃梳打(特飲) ： 淡香水蜜桃味，配梳打幾清新又解渴，岩晒天氣熱時飲。番石榴四季春烏龍茶(特飲) ： 番石榴味略淡，茶味唔夠濃，但都ok。