名館 (黃埔天地)

今日同小朋友去完冒險樂園玩，就緊係要揾野食，見到呢間好似唔錯，所以去試一試私房金黃球泡飯中間球體係炸飯，所以變成飯焦橋底混醬豬粉腸其實同普通腸粉無分別，可以唔洗試黑金蒜扣豬手我覺得比較甜，而且價錢偏貴，不過豬手夠軟，有入口即溶感覺鮮蝦野菜春卷幾好食，好脆，感覺到即刻炸完就上台…查看更多

今日舅父突然來探訪，於是臨時臨急揾到這間餐廳－家人食飯，貪佢有點心又有小菜，而且食評都很高分。餐廳環境不算太大，但都有卡位，坐得舒適不會有壓迫感。茶位8蚊，另收加一服務費！我地點了:海綿叉燒包 - 第一眼看到覺得好特別，外層不是普通的中式包，也不是西式餐包，是中式蛋糕外層，裡面包著滿滿的叉燒，咬落軟綿綿，同叉燒味道份外合配，我第一次食已經俘虜了我的看得出是手工點心 鵪鶉蛋燒賣 - 大大粒的燒賣，裡面包著滿滿的蝦膠同豬肉，口感豐富，好味私房金黃球泡飯 - 賣相吸引器皿又靚！有一粒大大個炸過的飯球浸於湯裡，好特別！湯裡也有些雜菜粒，泡著飯一齊食不錯，但食到最尾略嫌咸了點。厚切叉燒皇 - 真的是厚切，叉燒肥瘦適中，咬落啖啖肉，醬汁甜甜的不會太咸銀湖天鵝酥 - 賣相吸引酥皮鬆化，紫薯香甜，但略嫌油了點。天麻川芎白芷浸大魚頭 - 這個是為長輩而點。藥材味香濃，湯味濃郁，魚頭新鮮，除了魚頭食哂，連個湯都飲光石鍋鮑魚雞粒炒飯 - 熱辣辣飯裡有好多細細粒鮑魚，炒飯好惹味青瓜藕尖炒螺片 - 好特別的藕尖，形狀長長尖尖的，橫切面好似蓮藕，味道有點辛辣。螺片不會炒得過靭，整體炒得不錯各人都食得好滿意果然名不虛傳！…查看更多

之前其實經已同女朋友黎過呢到食一次，發現呢到好多中菜配搭都好新鮮，功夫好好，所以今次帶多左家人一齊黎呢到食晚餐！第一道係冷盤，係一個蓮藕中間釀左糯米等，對於平時唔食蓮藕既我黎講都容易接受，同時表面甜絲絲咁幾開胃。之後係厚切叉燒皇，望落好似好瘦，開頭都怕佢好乾，但原來食落好淋滑，表面既醬汁唔會太甜，重點係厚切到，口感十足，鍾意叉燒既朋友可以一試。秋葵好多時都唔係人人岩食，呢到用蒸既方式，每條出到黎都係好靚既翠綠色，欖角都好多，怕太咸可以夾走少少欖角，一樣好食。呢款係我最推薦既呢到招牌菜，蜂蜜柚子蝦球，蝦球好大隻，炸醬又唔會厚，仲有酸酸甜甜既醬汁，食完一舊好想再食第二舊。另一道都好推薦既菜式係呢個私房黃金球，整個飯團表面充滿飯焦，浸係上湯入面就算浸左好一段時間都依然好有口感，上湯飲落都好鮮味，唔會太咸！酸菜魚，雖然價錢上係今晚比較貴既一道菜，但同一時間份量都好多，每塊魚片都剛好熟透，好滑，加入左炸蒜去令成道菜更香口，酸菜清爽👍🏻黑金流沙包，上次食完今次都要再叫，比佢個麵包吸引左，唔會有平時茶樓食既咁乾同埋好煙煙靱靱，今次由於等女朋友到有啲耐，個包放耐左，但中間依然係流沙，一啲硬塊都冇，值得一讚！浸白菜，上湯鮮甜，係唔錯既蔬菜選擇！春卷外皮好酥脆，入面好多不同款既蔬菜，食落好甜，蔬菜增加左好多口感！蝦餃，我覺得由於呢到用既都係好爽脆既大蝦球所以係好好食既，另外皮都好薄，睇到點心師傅既功夫。蒸飯開頭以為好細個但其實深不見底，用左好多去骨雞肉，個飯都好入味！最後上既係棋子酥，成粒其實都係用唔同蕃薯做成，中間有少少椰漿，冇另外加糖係佢既重點，口味好健康。總結呢間名館大部分菜式都係中上級別，份量大件，今次平日晚飯時間黎都唔算多人，點心有保證，樓面員工都充足，服務唔錯！另外值得一提係佢既麥茶好好飲呀！…查看更多

放工特地去黃埔吃晚飯(吃完可以去海傍散步嘛!)內裡的空間感挺大坐得舒服我一坐下來就決定了要吃這道蜂蜜柚子蝦球($78)這個決定果然沒錯!柚子醬份量十分多，甜而不黏牙配上熱辣辣又外脆內軟的蝦球，實在令我齒頰留香再上來的是私房金黃球泡飯($68)本身還在找一遍到底泡飯在哪誰知原來泡飯就在金黃球的內裡放在金黃球的泡飯沒有在湯中沉得太久，所以仍能保持住飯的口感小菜和麻醬雞絲粉皮($58)小菜加了少許辣醬，配上花生醬來吃十分惹味兩個人吃得飽飽的時候，最後才上了鮮蝦野菜春卷($38)春卷價錢相對便宜，裡頭摻加了不少蔬菜感覺好健康，但是味道方面就差了一點點總體而言，這間店的菜色都十分不口，色香味俱全下次再來…查看更多

今次的ғᴀᴍɪʟʏ ᴅᴀʏ既晚餐到我話事，就簡左間我想食好耐的中菜館🤭所以我就戴屋企人到黃埔行下ᴀᴇᴏɴ之後就黎到新天地美食坊入面既⊰名館⊱🤓入座之後店員就馬送上一壺茶，媽媽👸🏼對這個茶讚不絕口還問我這是什麼茶❓我飲一飲先...原來係蕎麥茶🍵首先黎到既係最期待的金薯棋子酥（半）$68，賣相吸引有💯喔～有6粒象棋子♗放在棋盤上，看看那條楚河漢界把2隻味清楚地分隔了。黃色是黃金番薯味，紫色就是紫薯味🍠 食落有啲似月餅，咬到中間就有白朱古力流出黎，記住要趁熱食呀✨因為凍左食白朱古力會凝固咗，就食唔到流心嘅效果。前菜就係食和麻醬雞絲粉皮 $58 ，開開胃先！青瓜和雞絲切得好幼細，加了Ｄ蒽花，整體擺放得好精美粉皮好煙靭。水蜜桃咕嚕肉 $58這也是酸酸甜甜的菜式，這次配搭咕嚕肉的生果是水蜜桃🍑咕嚕肉很嫩滑爽口欖角肉崧蒸秋葵 $58身邊有好多朋友對秋葵麻麻地，怕很黏黏的感覺。不過，我和家人都很喜歡食秋葵的！秋葵一開二切食落口感爽脆，加埋食落鹹鹹地欖角醬，兩者好配合古罈酸菜滑魚片 $168好吃辣的小胖子十分喜食這個喔❗️面頭有勁多的炸蒜和辣椒🌶️，這個辣唔會令你覺得辣到食唔落，辣辣地再加上酸菜會愈食愈開胃😆差不多是我食得最多😂✌🏼魚既份量有好多，沒有魚骨而且又好滑🤩最仲有薯粉喔，夠曬入味私房金黃球泡飯 $78 大大又圓轆轆的金黃色波波球🤩把飯形成到一個圓形，外層好似飯焦咁，不過呢媽媽覺得外層可以做得更脆就會更好...湯內有豆豆粒、香蔥、肉碎、冬菇、番茄🍅同粟米等網紅小白兔 $38 呢個既吸睛指數爆曬燈呀～～兔兔真的好可愛喔😍眼睛👀做得好精靈，而且每個部位耳朵、嘴唇及身型都非常完美地呈現❗️❗️入面是紅豆溶，兔兔🐰是用糯米造成咬落煙煙靭靭，好有口感~…查看更多

今日約左老友去黃埔搵左呢間名館食餐飯聚一聚，食物質素唔錯，到而家都好回味🤭🤭我地首先叫左個和麻醬雞絲粉皮，都幾開胃😂跟住我地再叫多個鮮蝦野菜春卷，呢個真心正，好香口，同埋夾埋d菜幾爽脆唔油膩👍🏻食完春卷跟住就上左道金銀蒜蒸娃娃菜。呢道菜幾特別，娃娃菜鮮甜唔再講啦，蒜味香濃之餘再配上一條條既白飯魚，非常惹味叫埋個幾清新既蜂蜜柚子蝦球，比酸酸甜甜既蜂蜜柚子醬包住既炸蝦球真係好好味🤤最後上左個私房金黃球泡飯佢係個炸到外皮酥脆既飯糰 浸係香濃既上湯入面，食落去脆口之餘連埋湯飲，感覺幾特別👍🏻…查看更多

老婆近排好鍾意食中菜, 尤其係環境, 裝修同食物賣相都比較講究嘅新派中菜店, 當中我地去得最多嘅就係名館, 因為名館3間分店嘅食物都好精緻, 裝修有特色, 環境又舒適, 最重要係價錢貼地, 我地每次食每位都唔駛$200, 同一般酒樓價錢差唔多。😙今晚係北角接老婆放工之後就直接搭船去黃埔呢間名館開餐, 我地去到嘅時候雖然仲未到7點, 不過已經有唔少食客, 去到19:30左右就開始多人。餐廳裝修以木色為主, 半開放式廚房, 配以雲石餐枱, 非常有格調。😍我地因為太肚餓, 又有好多野想食, 結果叫到成枱都係, 好彩我地係坐4人方枱所以先放得落。😆姬松茸燉花膠 $58老婆好鍾意食花膠, 呢款姬松茸燉花膠味道鮮甜, 花膠大大件材料又多, 兩個人share都好夠飲。👍和麻醬雞絲粉皮 $58估唔到和麻醬帶有少少辣味, 同我地平時食嘅日式麻醬有d唔同, 味道更有層次, 非常配合滑溜嘅雞絲粉皮。 😋鮮蝦野菜春卷 $38春卷超大件, 外層香脆, 餡料有野菜同爽口嘅鮮蝦肉, 口感非常好。蜂蜜柚子蝦球 $78呢款$78嘅蝦球份量非常多, 外層薄脆, 醬汁帶有濃濃柚子味, 味道清新自然。👍私房金黃球泡飯 $68金黃球泡飯好有造型, 而且仲有火一直溫熱, 泡飯湯底微酸, 幾醒胃。😙金銀蒜蒸娃娃菜 $58同老婆開餐必定要點一份菜, 呢個娃娃菜配上金銀蒜, 非常惹味。金薯棋子酥 $68最後食埋呢個賣相吸引嘅棋子酥, 埋單每位都只係$200幾, 性價比好高。👍餐牌…查看更多

兩個人想食啲小菜就嚟咗呢度，貪佢多款式，叫咗5個餸樣樣有啲以為差唔多，點知飽到反艇依家啲天氣成日都想飲啖湯，私房金黃球泡飯（HKD68）就啱晒，有少少飯焦口感唔錯。最正係湯清甜又多蔬菜。小菜就揀咗蜂蜜柚子蝦球（HKD78），蝦肉爽口又唔會有肥膏。特別嘅係柚子醬有青檸味中和返，冇咁甜添。和麻醬雞絲粉皮（HKD58）個醬有啲辣都唔錯，最鍾意佢有大大把花生碎，好足料。粉皮有啲似薯粉，幾掛汁添。蔬菜係必需食嘅，金銀蒜蒸勝瓜金菇（HKD58）有蒸扇貝咁嘅大堆蒜蓉提味，重口味得嚟又清清哋。黑金流沙包（HKD48）作為甜品嚟講好飽肚，但佢嘅流沙真係好出色，就算擺耐咗都一樣流得到㗎！唔怪得呢個係招牌甜品呀！埋單覺得貴咗少少，因為叫多咗，呢度夠3個人食囉。…查看更多

向來都幾喜歡食中菜的，特別係有特色既新派中菜餐廳！係 Facebook 冇意中見到名館既專訪，見到菜式都好特別，加上價錢又大眾化，就係甘即刻係group 吹雞黎試下！加上分店位置都好方便，一行四人就黎到黃埔啦...私房金黃球泡飯 HK$68原來所見的黃金球散開就是泡飯，外層係香脆飯焦，入面米飯不會太黏又有咬口！加上清甜雜菜湯底，我地連一滴汁也沒有放過...蜂蜜柚子蝦球 HK$78蝦球用上蜂蜜同柚子製作，入口酸酸甜甜，加上蝦球肉質鮮嫩，食落又開胃又爽口，不錯不錯！沸騰水煮滑魚片 HK$168估不到竟然有水煮魚食！魚片超滑又冇骨，辣度又啱啱好，值得推薦呀！銀湖天鵝酥 HK$58呢個天鵝酥賣相都幾吸晴，未食前先同佢影返張合照先！哈哈！原來入面係紫薯黎，食落甜甜地又不會太滯～ 黑金流沙包 HK$48呢個流沙包堅好食呀！包又夠軟身，蛋黃又夠滋味，好食到我想自己一個食晒成籠流沙包呀！鮮肉一口小籠包 HK$58小籠包皮夠薄，肉夠嫩，汁夠鮮，一口一個好正呀～紅燒嫩滑BB鴿 HK$58呢度d 乳鴿堅係採用BB鴿，因為肉質真的特別嫰，加上骨都同樣特別脆弱，真正皮脆肉嫩呀！五仁口水雞 HK$68呢碟口水雞除左雞肉嫩滑之外，旁邊既五仁都非常之有咬口，令整體加了不少分呀～金銀蒜蒸娃娃菜 HK$58金銀蒜令本身淡味既娃娃菜味道提鮮，絕對值得一讚呀！雪梅娘 HK$38呢個甜品難以用文字來形容，薄薄既皮入面包住d cream 同士多啤梨，食落好似食緊棉花糖甘，口感好特別呀！名館值得再來呀…查看更多

午餐食得太多西餐有啲厭，晚餐決定同朋友食中菜，平時既中菜份量兩個人好難就，但名館出奇地岩岩好，可能 target 左小型家庭既市場。一坐低就上左壺茶，食到最後都唔使 refill, 幾大壺，茶既味道好特別，似係有炒香過。晚市都可以揀點心好驚喜，而且呢個流沙包夠流沙之餘又唔太甜，包既口感鬆軟唔痴牙，係近期食過好正既流沙包。蜂蜜柚子蝦球，蝦球既粉槳唔厚，炸得香脆，柚子蜜加柑桔令整體少份油膩而多份清新。欖角肉鬆蒸秋葵，估唔到秋葵可以蒸黎食，同啲醬既夾，完全冇青味。五仁口水雞， 有花生同松子仁等， 連埋雞一齊食好香口， 底部墊有青瓜。 私房金黃球泡飯，飯煎香左，個湯有豬肉，粟米，蕃茄，都幾濃郁但咸淡適中。呢度晚市好特別，點心，粉麵，海鮮，蒸飯，小菜，燉湯等都有得食，岩晒唔同口味既人。而且發現晚市套餐好抵食，下次一定要試下。…查看更多

朋友就嚟生日，要諗去邊度食飯？ 呢個朋友係鍾意食中菜，就選嚟呢間名館，精緻又有特色，味道都相當不錯！陳醋珊瑚紅海蜇頭海蜇頭肉厚，用來做涼拌菜式口感很爽脆可口，以陳醋為主來調醬汁，特別醒胃惹味，很不錯的開胃前菜！名館蝦餃皇叫得名館蝦餃皇，應該都係招牌點心吧~~！蝦餃皮薄不厚，吃到扎實的蝦肉，食完一粒想再食多一粒，可以說係皮薄餡靚！鮮蝦野菜春卷春卷嘅餡料好健康，除咗有蝦之外，有好多蔬菜喺入面，幾新鮮！私房金黃球泡飯一大個金黃色的波波？我們在鍋裡看看，說好的泡飯呢？朋友八卦就話，不如看看波裡是什麼！原來這個金黃色的波波，就是飯。外層金黃的飯焦，有點香脆，又有咬口，加上清甜湯底，更值加分。蝦球蟹子銀絲煲蝦肉爽口彈牙，粉絲也炒得乾身，很入味，不會覺得很油膩。加上蟹籽脆卜卜，口感更豐富。蜂蜜柚子蝦球有蜂蜜、又有柚子味，酸酸甜甜，夠晒清新！蝦球很爽口彈牙，喺大熱天時食，好開胃！…查看更多

小妹屋企附近好多人都話好多野食，所以帶埋啊媽去樓下既”名館”食餐好既！呢到環境都幾舒服，7點鐘入座率都高，應該好多都係街坊朋友糖心黑蒜燉響螺 ＄58估唔到呢到都有幾款燉湯，今次叫咗特別少少既糖心黑蒜燉響螺。以為＄58 一定好少材料或者無味？咁就錯喇，喜出望外仲好飲過好多湯水舖，因為呢到真係原盎燉而且材料好豐富。味道好鮮甜，有切開既螺頭、黑蒜、豬肉等等，真材實料要比Like五仁口水雞 ＄68雞件都幾滑，五仁有炒香過味道好濃而且好脆口。口水雞就愈食愈辣，辣得幾過癮同坊間既口水雞相比呢到既辣可以話係雙倍。2-3人當前菜食都岩岩好，味道唔錯金銀娃娃菜 ＄58蒜蓉十分之多，用了點心蒸籠既方式呈獻，娃娃菜都幾甜。不過娃娃菜同蒜蓉一向都係最佳配搭，點煮都咁好味。不過小妹覺得蒜蓉就落得有點多，減少蒜蓉應該會更好私房金黃球泡飯 ＄68見到好多人叫，一個鼎加上微微的火保溫，效果幾特別。金黃球飯係將D米飯整成球狀再微煎焗定形，再放入湯。食之前要將球飯整碎加埋湯就係泡飯喇！湯味道唔算濃但加上栗米、蕃茄、青豆，感覺健康而且大人小朋友都食得蜜椒土豆安格斯牛柳粒 ＄88上枱時熱辣辣，岩岩炸起的薯仔加埋好香甜，炸粉又唔會好厚，口感唔錯。牛柳粒煮得仲好Juicy，一D都唔會乾。底部仲炒過既有三色椒可以減少油膩感總括，小妹覺的菜色好多選擇每樣菜色看似簡單但會用唔同方式或者材料配搭，都算有心思。由於咁近屋企，下次有機會都會再黎，因為小妹見到有水煮系列啊…查看更多

究竟香港有幾多間中菜同上海菜既餐廳? 呢樣野就真係唔清楚，我淨係知道每開一間，我都好有興趣去試一試，「名館」出名有好多特色小菜，亦有一些精緻點心，咁岩今日經過黃埔美食坊，就豪不猶疑選擇了這間餐廳。黃埔美食坊就在巴士總站上蓋，非常近地鐵站，上到一樓，「名館」就在這層的最入位置！門面非常闊落，有如一個招待每個食客的一個高尚的「館」一樣。格局跟同類型餐廳相近，如：南小館、樂天經典、上海婆婆1980等等...但這第三分店就比較更舒適及開揚！晚飯時間人頭湧湧，等了個五分鐘就可以入座！餐牌是一張兩面A但4Size的紙，看到小菜十分精緻，樣樣都好像都蠻有特色，款式多到好難選擇，最後決定了幾樣..上至燉湯,下至甜品，通通叫齊！十分期待喔。茶位每人$8，是蕎麥茶來的！非常喜歡，因為香醇原始，飲後回甘又可以解膩。蕎麥茶仲可以降低膽固醇呢！好多好既功效架！糖心黑蒜燉響螺 $58這個廣東式的燉湯先上場，煲湯成日都會飲到，但燉湯真的相對較少。黑蒜的甜配上響螺的甜，味道甜中帶清，真係超多料所以口感非常豐富。湯料又好食！完全可以滋陰補腎，清肝潤肺！不錯厚切叉燒皇 $78重頭戲呀！因為係我最喜歡的叉燒，但黎到既時候賣相不算太吸引！叉燒樣子是帶磚紅色！表面微焦又帶點香脆，食落十分有驚喜...為什麼？因為叉燒入口即溶，鬆軟又嫩滑...蜜汁烹調得剛剛好一點也不會過咸，肉質同油脂非常均勻，所以每一件都夠晒軟腍！真切感受到吃厚切大嚿叉燒那種歡喜！絕對稱得上「皇」，超級推介！鮮蝦薯仔薄餅 $48來一款點心，整體類似平時的中式煎薄餅，薄薄的，邊皮香脆，沒有太多蝦肉！但味道不錯！對比其他既話就較為普通！私房金黃球泡飯 $68呢個認真有特色呀！推介！因為無論價錢、賣相、味道都是性價比高！一小火鍋上枱，下面有爐火溫熱住，入面有蕃茄粒、香蔥、粟米、冬菇粒、肉碎、蠶豆等等，中間有一個黃金球狀！湯喺魚湯，夠鮮甜！黃金球狀原來就係一個米通飯團，食落外脆內軟，因為入面係白飯，如果件伴著湯吃好清甜，吸晒湯汁好似湯飯，配埋配料一齊食，其實好飽肚但真係好好味。成個都唔驚凍晒！慢慢食都可以熱辣辣！真係新穎又創新！沸騰水煮滑魚片 $168沸騰水煮滑魚片，呢個真係唔食得辣唔好叫啊！麻辣香味四溢！呢個都係底下有一個爐下面有爐火溫熱住，整鍋都是滿滿的！滿滿是指一大堆辣椒，完美地覆蓋入面所有食材，翻開一大堆辣椒入面配料不少呢。豬紅、木耳、金菇、薯粉、午餐肉、水煮魚好大盤既水煮魚食極都食唔完，有點似中菜式既「部隊鍋」但薯粉同魚片真係最入味，味道不遜色，兩樣同樣嫩滑又分量多！整體我倆讚不絕口呢！金薯棋子酥(半) $68最後一定要甜品作結，棋子酥第一次聽，上枱既時候容器係棋盤啊！好特吃！半份共有6顆棋子，夠晒我地兩個食！紫色棋子的是紫薯，黃色棋子則是金薯。質感似月餅，食落酥皮沒有味道，而味道則是棋子內帶出的，中間是白朱古力流心餡，呢個都係店員話我地先知，因為唔似白朱古力味呢！呢個棋子酥唔太甜，皮同餡都沒有粉粒，值得一試，因為出面食唔到呢！總括感受：【環境】：我們兩人是坐梳化座位，非常舒服，店子裝潢優雅，光猛又整潔！【服務】：店員非常熱心，常常加茶，又會講解下食物的製法，但每個員工好像都面帶疲累沒有太多的表情或笑容，可能人流太多，應付不來。【食物】：新潮路線的上海中菜，外面吃不了之餘又啱港人胃口，新鮮感十足！高質素啊！今晚選擇了美食坊內的「名館」與家人享用晚餐是一件非常愉快的事情喔！…查看更多

住喺紅磡黃埔呢頭都冇為意原來新開咗呢間食店喺黃埔美食坊上面🤔今日同媽媽經開嘅時候見到好似幾平又好似幾抵食，一於上嚟試下佢先🤤今日係平日嘅時間，門口陸陸續開始有人等，有人被安排入座，睇嚟生意都幾好😎而且佢地既茶係蕎麥茶， 飲落好香嘅麥味一啲都唔淡❤️首先呢一客小食係涼拌貓耳朵，酸酸辣辣零舍開胃，非常之惹味🤤一咬落去啲湯汁流曬出嚟，仲好鮮甜。而且肉質非常啲鮮嫩，一啲都唔油膩😀皮薄餡靚黎形容最適合不過😎甜甜地嘅柚子蜂蜜加上小小酸酸嘅青檸，又係另一道嘅開胃菜❤️而且佢哋啲蝦非常之大隻，一d雪藏味都冇🤤加上炸到個皮好似張紙咁薄。蝦肉爽口，香脆嘅外層，同甜甜酸酸嘅醬汁，正😙唔好以為佢好咸呀，佢一啲都唔鹹，淡淡嘅蒜蓉香味加上清新嘅蔥花，幾好味嫁❤️而且啲娃娃菜亦都唔會好大份，非常之容易入口😜呢個係泡飯黎嘅，可能大家都會好奇點解有個波波係呢度，原來呢個炸波波係舊飯嚟㗎。首先師傅將飯既表面炸香，脆有啲位置仲有少少飯焦嘅香味，泡耐d佢就會散開。。。😎😎散開之後大家見唔見到啲飯粒粒粒分明，亦都唔會話淋到一pat嘢💖而且呢個湯係用豬骨煲加上啲豆，番茄，粟米，鮮肉煲，寧舍甜零舍香😎呢個甜品都幾出色，佢表層真係整到一層層，而且一啲都唔油膩😍😍而入面就係紫薯餡嚟嘅，唔會死甜，淡淡既紫薯幾清新㗎😋…查看更多

自從港鐵黃埔站開通後, 又多一個覓食景點, 今日黎到黃埔新天地美食坊 (發現google又帶錯路), 其實地點就係巴士總站上層, 唔難搵。雖然只係平日晚7點左右, 但店內人流佔一半, 8點左右門外更要等位, 為自己打左支強心針, 起碼唔會中伏。呢度主打中菜, 有燉湯、點心、主食等...先黎一個冷盤【胡麻貢菜鮮合桃】HK$48鮮合桃爽脆, 沾上胡麻醬, 既香口又清新【黑松露小籠包】HK$78皮薄, 一咬開, 入面仲keep到鮮甜湯汁, 豬肉鮮甜, 黑松露味亦很突出【私房金黃球泡飯】HK$68以一小火鍋興住上檯, 這款菜式賣相很有特色, 一黃金球狀看起來好像金黃色米通, 個湯好清甜, 加入左蕃茄粒同埋香蔥, 更增加賣相吸引度, 夾開球狀"米通", 果然係一個飯團, 雖然脆卜卜浸至湯中, 但唔會一pat pat, 外表依然略脆, 個飯索左個湯, 啖啖清甜, 正!【霸黃辣子雞丁】HK$128同行朋友一致認同為搵笨菜式, 辣椒粒比例比雞粒多, 好似尋寶咁都唔緊要, 意為d雞粒係啖啖肉, 點知每粒切到好細粒而且帶碎骨, 當中有2成係"仿雞粒", 入口先知係炸漿既脆, 唔係雞粒, 而且雞粒表面唔太脆, 失望!【台式塔香茄子】HK$68茄子可以一啖一粒, 茄子入味得黎亦唔會過林一pat pat, 汁味道似蠔油茨, 少少鹹。【上湯手打魚蛋】HK$68手打魚蛋略帶彈牙, 帶鮮甜味, 份量都幾多【糖心黑蒜燉響螺】HK$58個湯非常足料!!響螺亦唔會太硬, 個湯滋補又清甜呢間餐廳菜式偏向新潮路線既中菜, 岩哂新一代既我地對中菜抱新鮮感。…查看更多