神虎麺商店

營業中

休息中

📍神虎麵商店 𝑲𝒂𝒎𝒊𝒕𝒐𝒓𝒂 𝑻𝒐𝒏𝒌𝒐𝒕𝒔𝒖🧭 灣仔大王東街6-16號安東大廈地舖💰人均消費: HKD117繼續拉麵癮起，今次試下 #神虎麵商店 @kamitora_tonkotsu ⭐️ 神虎 $103 𝑲𝒂𝒎𝒊𝒕𝒐𝒓𝒂 𝑹𝒂𝒎𝒐𝒏 湯底唔算超濃，少少厚，食得出熬左好耐，十分掛湯，加埋洋蔥絲同蔥好好味！麵好香，口感好好，同個湯好夾！流心蛋好好味，蛋黃醬勁香甜，叉燒可以，但唔算太特別！豚肉丸麻麻地，口感散！木耳同筍都好爽，如果覺得膩，食啲木耳好解膩整體唔錯，下次再試其他 ✅#MFJ灣仔 #MFJ日本菜 #mfoodjournal #foodie #hkfoodie #foodblog #hkfoodblog #japanesefood #japanesecuisine #ramen #noodles #japanesenoodles #相機食先 #灣仔美食 #日本菜 #拉麵

灣仔真係有唔少出名嘅日式拉麵店🍜 呢間「神虎麵商店」同之前食過嘅「一虎」只係一街之隔，連個名都好似～ 但係「神虎」就有提供沾麵，拉麵嘅款式同小食嘅選擇都多啲～ 而且神虎每月都會有唔同嘅限定拉麵，例如我4月去食嘅時候就有蠔湯拉麵，不過我同朋友都對蠔無太大興趣，所以就無試到喇～而且「神虎」唔做外賣，所以上次去嘅時候，午市好似有更多人排隊，但上菜都幾快，所以都唔算等好耐就有位～ •🥢 神虎沾麵 $122神虎沾麵嘅麵量可選200g/300g同埋選冷/熱麵，我當日就揀咗300g嘅冷麵～ 沾麵汁只有一種口味，飲咗一啖覺得魚介味好濃郁，但唔會過鹹😋 而且沾麵汁比較濃稠，加埋麵條比較粗身，好輕易就可以沾到好多汁🤤 加上個沾麵汁係用一個小石鍋上嘅，所以就算配冷麵都唔會好快凍晒～ 再加埋麵條口感煙韌，真係幾正😛 而配料就有薄叉燒、溏心蛋同豆苗，同埋沾麵汁入面有啲叉燒粒～ 不過呢間嘅叉燒都比較普通～ •🥢 神虎 $103神虎係「原味」嘅豬骨湯底，豬骨湯都幾濃～ 所配嘅麵條比較幼，配湯食係幾夾嘅～ 而配料方面都豐富嘅，除咗有薄叉燒，仲有溏心蛋、木耳，蔥花、紫洋蔥、味付荀，同埋第一次喺拉麵到見到嘅豚肉丸～ 豚肉

好日都唔經過灣仔，所以唔知有咩好西食，上openrice尋覓下就見到呢間過江龍拉麵，一試之下，果然係有啲料到😎叫左兩款拉麵，拉麵嘅份量唔係特別多，肚餓黎食嘅話，可能要加個底先夠飽。男朋友個碗叫左神虎，有隻溏心蛋蛋，兩粒肉丸。最值得欣賞嘅係佢個湯底，一睇就知好濃郁，但佢濃而不膩，男朋友成碗湯飲哂咁濟。拉麵好彈牙，唔會煮到好淋一pat野咁。我呢碗叫左海老虎。一上枱就聞到好大陣櫻花蝦味，多左啲櫻花蝦就少左隻溏心蛋蛋，不過個陣咁勁嘅蝦味就補番數。第一啖飲左個湯底先，一個字：鮮！但飲左幾啖就有啲重味，食哂個拉麵覺得有少少頸渴🙈但佢個湯底係真係值得一試咁好味🤤叫左兩個小食：炸雞塊同埋神虎餃子真心講，呢個炸雞可以話係我食過咁多炸雞入面最好食！熱辣辣食嘅時候勁juicy勁香，雞肉唔嚡口，非常之滑。每舊炸雞都有番咁上下大舊，我嘅1/3隻手掌嘅size。$45呢個價錢有4舊呢隻size嘅炸雞，真係值回票價。呢個餃子多汁juicy，皮薄肉多。餃子皮煎得夠脆身，一咬啲汁就湧出黎，好似人地食小籠包咁🤣 啲餃子都ok大隻，好食😋三百蚊左右埋單，灣仔食晚飯呢個價錢，有番咁上下嘅食物質素，十分ok😌

灣仔區食拉麵嘅地方多的是，唯獨呢間係我嘅心頭好，午餐想食拉麵一定嚟呢度，不過最近中午等位要等好耐，天氣又熱，企響條街度等真係好辛苦。每次我都係食佢地嘅招牌麵神虎拉麵，麵𥚃有糖心蛋，叉燒一片，肉丸兩粒，配料有洋蔥、蔥，木耳，湯底係豬骨湯，奶白色有D黏口，我覺得個湯底做得不錯，面質彈牙掛湯呢度係open kitchen食客會見到自己碗麵嘅製作過程，煮麵嘅師傅係日本人感覺正宗。店員服務態度非常好環境方面，整潔又唔會坐得好迫夾，食得安心又放心。

我諗每個人對「過江龍」呢三個字都有啲情意結，我都係一樣🤪所以當我聽到呢間位於灣仔嘅《神虎麺商店》係嚟自大阪嘅過江龍之後，就決心要嚟試下🤪天寒地凍，食碗熱辣辣嘅拉麵就最適合不過啦！同其他拉麵店一樣，神虎麺商店裝修都係走簡約風，環境光猛；設開放式拉麵廚房，有一排吧檯，亦有少量二人枱。服務好貼心，賓至如歸，用餐experience相當好🥰舖頭有日本籍師傅坐鎮，主打豚骨湯底拉麵。提供嘅五款拉麵包括：元虎、神虎、黑虎、赤虎同海老虎。另外每個星期佢哋都會有一款沾麵，呢個禮拜嘅係蟹沾麵🦀湯底、麵條、配搭，全部都係師傅自己精心設計嘅，非常有心；而且都十分有水準。海老虎精選 ($136)呢到嘅豬採用嚟自西班牙嘅豬肉，有質素保證💯 最值得一提係佢嘅豚腩肉，厚身得黎又唔韌，亦都好有肉汁。舊豬肉之所以咁入味，聽侍應講原來係因為佢地既日本主廚花咗好多個鐘去醃同煮，講到呢度真係覺得佢地好有心機同好用心❤️湯底加入櫻花蝦同蝦油，蝦味相當濃郁，飲落去好滑口，但油膩感又唔重，相當出色。除咗豚腩肉，呢款精選仲包咗豚肩肉、豚肉丸、溏心蛋、味付筍、紫菜、木耳、青蔥、紫洋蔥，非常非常豐富，大胃王嚟挑戰下啦！🤪神虎 ($98)呢一

食嘅係神虎，湯好味，麵係半透明嗰種（唔係一瘋糖嗰種），蔥同洋蔥份量提味啱啱好，嗰兩粒肉丸真材實料不多粉，叉燒偏淋有少少少少焦香味👍🏻仲有粒蛋夠蛋香應是日本蛋，醃得亦夠入味，係會再想去食嘅店。最後提提店員想跟足日本店做法找錢時要交到客人手上而唔係放喺個兜比客人自己執😉

在日本大阪有五間分店的神虎拉麵店，早在數年前曾落户香港，成為它們海外的第一家分店，最近回歸香港，座落於灣仔大王東街，並由日籍師傅駐埸。吃日本拉麵，湯頭當然是重點，從一幅由大阪總店送給香港分店的文字中，看到神虎的湯底用豚骨、野菜和魚介等，並以猛火熬上十二小時而成，把博多豬骨湯和関西上湯兩種文化融合成為神虎獨一無二的湯底。神虎($98）👍👍👍👍👍奶白色的豬骨湯底, 濃厚得來又帶點清甜的野菜味道。配料方面有原隻溏心蛋、西班牙豚腩肉、雲耳、蔥粒和紫洋蔥絲，最特別是加入了兩粒手打肉丸，令拉麵的配料更豐富。溏心蛋做到流心狀態，入口軟綿，蛋味香濃；豚腩肉肥瘦比例適中，肥肉入口即化。肉丸是師傅每天手製，用豬肉加入蓮藕粒做成，爽彈有致。麵條爽口帶點煙靭，跟香濃的豬骨湯底一起放入口，就完全凸顯出湯底的美味。黑虎($93）👍👍👍👍黑虎的湯底，就是豬骨湯底加入黑蒜油，蒜油令濃厚的豬骨湯底増添蒜香，如果喜歡蒜味的朋友，這個湯底就最適合他們了。配料方面除了少咗一隻溏心蛋外，其餘都與神虎一樣。配料有豚腩肉、雲耳、蔥粒、紫洋蔥絲和兩粒手打肉丸。豚腩肉肥瘦比例適中，肥肉入口即化。肉丸是師傅每天新鮮手製，用豬肉加入蓮藕粒

本來，今日係想去佢旁邊既麵包店既，但實在太多人排隊了，預計都要排最少一個鐘所以就去到旁邊新開張的神虎醫肚仔先新開張的關係，店內十分熱鬧😄應該有一半都店主的朋友，店内有日本師父主理的開放式廚房新開張的關係，食物上枱的速度係要耐少少既黎到新既拉麵店，當然要試下個原味湯先個湯底好甜，唔會太咸看得出湯底加了一粒粒好碎的豬脂這解釋咗點解個湯底咁香但又唔會好肥好油飲咗幾啖湯，就食下佢個麵個麵硬度適中，都算吸湯，入面仲有2粒肉丸同一片叉燒肉丸味道一般叉燒ok提提大家要加錢$12要隻溏心蛋因為佢既溏心蛋整得好食，呢個係海老虎係櫻花蝦拉麵試咗個湯，多了一重鮮味佢亦附上一小碟辣櫻花蝦可讓你自行加添神虎餃子以呢個價錢得5隻有些貴不過都算煮得ok餃子🥟本身淡味，點完個醬汁剛剛好整體黎講都可一試既