金豪酒家 (已結業)

又係海鮮蒸氣鍋，今個暑假到而家已經食左N次，老實講好悶，不過生活喺呢個城市，早已習慣左一熱起上嚟，就成街都係，鬼叫我地都係無創意嘅香港人咩！對於任何新S坑，我覺得第一次可以食貴少少，再嚟的話就會揾性價比高啲啦！最近朋友帶我去北角的金豪酒家食蒸氣火鍋，老實講幾相宜，而且啲海鮮真係幾有生命力！一如前言，坊間也有不少地方供應蒸氣火鍋，而這裡的優點，有大大的海鮮站，放著新鮮的食材，不介意的話可以摸摸它們，不過我呢啲港女平日都唔行街市，都係叫經理搞掂佢啦！呢度除左蒸下蝦，魚，竟然有大閘蟹呀！呢度係用草帽式的蒸氣鍋，温度高達380度，好處是透氣度高，而食材就可以更快蒸熟了，以保留海鮮的鮮味！先把生米及排骨粥底料加到火鍋的底層！因為人不多，叫有肉的粥底會比較好一點，阿媽教落煲粥要落少少肉先好味呀！放好粥底，就把火鍋料逐一蒸熟，值得一提，呢度啲服務員姐姐哥哥都是一眼關七，我們是沒有機會自己開蓋！人少少點了蒸氣火鍋海鮮套餐，包的食材種類也不少，啱晒人少少但又心多多的朋友，份量價錢都以人頭計！以下為一人份量：大花甲2隻，海蝦2隻，多寶肉丸，蒜蓉蒸絲瓜4件前文說過要有點肉食才可帶出甜味，所以套餐也包括了肉類

朋友話最近好流行清蒸火鍋，除了九層蒸鍋外，還有這個騰帽蒸鍋，相當特別。先有專人幫我們把湯料放入鍋中，有雞腳、青木瓜、豬𦟌、紅棗、乾搖柱，重點是只放湯料，並沒有放水，因為會有蒸氣，最後便能成為湯，很酷的idea 。先來蒸花蛤皇，大小適中，隻隻厚肉，即使沒沾任何醬料，只是鮮味都已經很足夠，蒸的時間很短，時間抓得很好，剛開口即食。之後是粉絲大元貝，大大隻元貝，光看都覺得非常肥美，雖然厚肉但蒸起來不會韌，而且很鮮甜，加上有生熟蒜很香口，粉絲當然是吸收了精華，粉絲連汁吃，鮮味十足，好想再encore .食海鮮一定不少得蠔，肥美的美國石蠔，蒸完都不乾身也不縮水，一口咬下，蠔汁充滿整個口腔，放了薑蔥一點也不會腥，美味可口。還有蒸琵琶蝦，我是第一次吃這個品種， 開邊蒸，方便進食，蝦肉蒸好很容易離殼，適合我這懶開殼的人，蝦肉實但彈牙，很有咬口，清甜鮮味。雖然我們都是海鮮迷，但都愛吃菜，來一個蒸蒜茸勝瓜，一大盆勝瓜放在蒸籠裡，原汁原味，軟身又清甜，水份很多，瓜菜類還是清蒸最原味！