飲茶‧私房菜 (南豐大廈)

前幾日同同事去「飲茶‧私房菜」食LUNCH, 見到呢度已經新推出咗大閘蟹menu, 等咗成年, 今晚放工同同事率先品嚐2022年第一隻大閘蟹。呢間餐廳主打點心、中菜, 不過晚市都冇茶芥收費 (只收加一), 大部份座位都為長檯setting, 有別於傳統酒樓。早前睇新聞報導今年大閘蟹未算豐收, 而呢度嘅大閘蟹約4-5兩, 定價HK$168/隻 【清蒸大閘蟹配薑茶】即蒸上檯熱辣辣, 蟹身有滿滿嘅金黃蟹膏, 甘香鮮味creamy, 食得滋味。還送上熱辣辣薑茶, 辣到喉嚨著火。【蟹粉蝦多士】HK$168蝦多士表面偏油咗d, 原隻蝦爽口有鮮甜味, 蝦身還沾上密密嘅芝麻, 加上墊底嘅脆多士, 很香口。 配上蟹粉醬, 鮮味再升呢。【臘味芋頭煲】HK$138湯汁有如忌廉湯般滑滑口感, 味道偏鹹, 送飯較為適合。芋頭好林, 沒預期中好粉狀嘅質感, 臘味有好林索咗湯汁嘅臘腸、東菇片。【睇住流奶】HK$34/兩件係流心奶黃包, 包質超軟熟, 餡料流心, 奶黃有淡淡蛋黃香, 唔會過甜, 唔錯。…查看更多

想吃點心☺️友人介紹下來到這家玩味中菜館 ʙᴏᴏᴋᴊᴏʀ枱週六12:15 餐廳好闊落座位之間都有足夠分隔 當日人流都多 客人年齡層蠻廣的剛好坐我哋附近係一個外國家庭 小朋友都有空間活動🧒🏻👧🏻 · ┈┈┈┈┈┈ · ꕥ · ┈┈┈┈┈┈ · ✿ 白桃烏龍 (茶位 $𝟏𝟑)：除咗有一般茶樓嘅選擇 佢仲有啲花茶提供 迎合唔同年齡層嘅口味 茶包來的 唔知中式茶係咪用返茶葉沖呢 ✿ 紅粉蝦餃 $𝟓𝟗：打卡專用💖皮唔會太厚 蝦肉足料 ✿ 睇住流奶 $𝟒𝟗：見人篤完會流 我篤咗2下都無😂最後手動解剖這個流心奶黃包 變咗個木咀人😗熱乎乎好吃💛 ✿ 紅油抄手 $𝟓𝟗：見到人推介話呢道唔錯 跟著點 無失望🫣皮薄餡足 仲有5大舊 相對起其他點心 性價比算高 ✿ 皮蛋豆腐 $𝟒𝟗：不要被它鋪滿豆腐的表面產生錯覺 以為好多 原來勁薄 中間係皮蛋碎 旁邊係芝麻醬 豆腐都算係低成本食材🫢份量可以ᴅᴇᴄᴇɴᴛ少少 不過咁樣嘅組合幾好食的 ✿ 羅宋湯鮮竹卷 $𝟓𝟗：驚唔夠飽加多呢樣 正常發揮喔 羅宋湯味吃不出 · ┈┈┈┈┈┈ · ꕥ · ┈┈┈┈┈┈ · 食飽飽坐到3ᴘᴍ先結帳幾鍾意佢唔用枱布 用上硬櫈感覺較衛生 一定無傳統茶樓咁抵食 但係喜歡嚐鮮嘅朋友仔都可以ᴛʀʏ ᴛʀʏ👅人均💲𝟏𝟔𝟎 …查看更多

長輩喜愛飲茶又愛試新事物。上次吃完水炊鍋後被我發現隔離有一間造型點心的餐廳🥰放假當然帶她試試😽-餐廳門口有別於一般中式菜館, 這裏放了一架貨櫃車來做裝飾,非常港式的味道！大鐵筒來做接待處,好有粗曠的感覺。餐廳內利用金色鳥籠及吊燈,柔和的燈光,通透落地玻璃 加上樓底高帶出強烈的空間感及華麗的感覺！意想不到的是不羈配上高貴是天作之合！-這裏最出名是造型點心,剛剛十月尾是萬聖節,餐廳做了幾款應節造型的點心。長輩看見好有趣,忍不住點了幾款吃🤣-HK$59蝦靈入眼(蝦餃）~晶瑩剔透的眼球,外皮口感柔韌,內裡是非常彈牙又鮮味十足的蝦仁。一口咬下去鮮味可口；-HK$59木乃伊腸（臘腸卷）~天氣開始有點冷,當然要吃熱辣臘腸卷, 軟熟的麵包內裏捲著豐腴的油脂又濃濃的臘肉香味的臘腸, 臘腸份量足,滿足了食肉；-HK$59中指叉燒（叉燒酥）~長輩一咬下去,馬上大讚叉燒酥非常鬆化,叉燒肉質軟熟,蜜汁味濃而不膩,口味飽滿；-HK$59蝙蝠雲吞（炸雲吞）~上枱的時候,蝙蝠是有一縷縷煙🤣金黃色的外皮,入口香脆,肉汁飽滿,蝦肉彈牙,爽口,令人忍不住一口接一口。-HK$ 49睇住流奶（流沙奶黃包）~包皮平滑,吃起來鬆軟。雙手輕輕一搣,內裏的流沙奶皇傾巢而出,濃香蛋黃味甜而不膩,不怕擔心糖份太高！-萬聖節造型點心非常逼真,連長輩也手機食先😝在上環地區一邊吃著新派點心一邊看著上世紀興建的大廈, 新舊交替,必有一番風味…查看更多

記得呢間餐廳定時定候就會賣好多廣告，真係就算未食過都聽過佢個名今日甘岩黎開呢頭，就預先BOOK左位先，一去到就入得啦呢到有別傳統既茶樓，某D傳統既茶好似鐵觀音係無既，反而有紅茶，綠茶，同有普洱。茶介每位$13蚊1️⃣ 有色蝦餃呢個完全無嘜特別，剩係個皮上面加左D顏色，打卡的確係幾靚，但係內涵就有D欠奉索價$59一籠既蝦餃，但D蝦唔夠彈牙，同個皮都好普通，出面有D酒樓既水準比佢高，所以都有D失望2️⃣ 紅油抄手呢個幾好食，佢同平時食開既有D唔一樣，係味道上偏甜D。但個汁調得唔錯，咸度同酸度都岩岩好。加埋D乾蒜粒一齊食，成件事好融洽，同埋雲吞個皮都好薄，可以一試3️⃣ 芝士蝦春卷春卷入面包左滿滿既芝士，食個陣仲有拉絲添，但一定要襯熱食，凍左既話D芝士會變左一舊一舊，無甘好食唯一不足既係，春卷略油，如果可以再吸一吸D油先上枱會更好4️⃣ 醬香鳳爪呢款點心最好之處係D醬汁唔多唔少，分量岩岩好。出面既酒樓大多數都係落過多醬，一入口個陣好似食緊醬多過食緊隻鳳爪同埋隻鳳爪既皮比出面食到既爽口D。最好食既一定係墊係底既芋頭粒，索哂醬汁D味5️⃣ 蒜蓉排骨D排骨又係比出面爽口D，都好有蒜香味，但大部分排骨痴埋一舊，而唔係分開一粒粒食個陣要用筷子逐粒分返開佢先得6️⃣ 睇住流奶即係流心奶皇包，呢個係必叫ITEM。同埋一定一定要襯熱食!!好多餡，食個陣要小心"辣"親個口，終於有一樣野係睇得之如又好食7️⃣ 櫻花蝦飯一上枱就已經聞到好香，飯入面加左D蟹籽一齊去炒，所以食個陣口感都唔錯可惜咸左少少，如果落鹽個陣輕手返少少，呢個飯會好高分。蝦都幾多，同埋D飯都炒得好乾身整體黎講，環境坐得好舒服，員工都會主動黎幫你加水同堆雖然話一個鐘要還枱，但只要未坐爆，佢地都唔會趕你走，非常好體驗過算係唔錯，但價錢始終偏高，所以CP值唔算太高，試過一次就夠啦…查看更多

半年前，經過中環南豐大廈，見到商場外的廣告牌，才得知 <飲茶> 推出外賣飯盒！外賣飯盒包括：小食、流沙包、主菜、飯...等！既特色又豐富！ 由 $78~$80，以份量來說，價錢合理！外賣飯盒 $78小食：呷醋木耳 (含青芥辣)細片柔軟的木耳酸香醒胃略帶微辣！主菜：紅酒牛尾牛尾肉質軟腍又入味；還有，蓮藕、紅蘿蔔...等配菜！飯：櫻花蝦飯炒飯散發香氣，炒得幾乾身，加入香口的炒蛋、蟹籽、爽口的蝦、口感微脆的櫻花蝦，令人開胃！流沙包：睇住流奶這款招牌流沙包有對眼仔相當可愛趣緻！只要用筷子輕輕篤鬆軟的包身，便會甜美的流沙餡緩緩地流出來！燉湯：椰子粟米湯椰子與粟米是清香甜美的配搭！…查看更多

女人呢 👧🏻對於Kawaii 的東西總是有點難以抗拒今晚又再來品嚐可愛點心❤️-太多得意點心想試啦今次叫左「睇住流奶」個名幾搞鬼流心奶黃熱辣辣幾香滑又唔會偏甜包包很軟熟-川醬皮蛋由細到大都鍾意食蛋（測驗考試唔會棒蛋架）特別鍾意皮蛋既甘甜配埋醬汁又幾惹味唔錯唔錯-🦀珍寶蟹鉗上次見隔離台個男人食得好滋味今次我又叫黎試下到我滋味一下先果然冇改錯名 都幾珍寶蟹肉都幾爽，幾彈口唔會「梅林林」仲要皮薄，幾香脆值得一試-⛅️木糠綠茶棉花雲見佢個樣好鬼靚咪叫黎試下囉用黎影下相呃下like 都好賣相係幾得意既但估唔到咁難食囉🤢🤢🤢🤢🤢冇綠茶味，仲要好甜加埋木糠，但一d 香味都冇下次唔食依款🙈-不過其他整體都唔錯既😝…查看更多

This is my second visit to the restaurant as I wanted to take my family to try something different from the average dim sum restaurant. We ordered 5 types of dimsum and 3 dishes, which was enough for 4 adults. My fave was the steamed vegetable dumpling with truffle (透明波波), we ordered 2 of these. Allow the dumpling to just cool slightly before consuming as the skin then tends to have a little more bite (like glutinous rice). Do not expect to really taste the chopped vegetable filling as the truffle taste was quite strong, though not considered overpowering.The presentation of the pineapple pastry (鴿吞鳳梨) was nice, coming to the table in a little birdcage, but it looked better than it tasted. The pastry was nice and crumbly, but the pineapple jam filling was overly sweet and tasted as if pineapple essence or flavoring was used. This is not something I will order again.Buns in this restaurant come in cute little designs. The barbequed pork bun (一籠八戒) came in the shape of a white piggy face whilst the molten custard bun (睇住流奶) were little orange buns with eyes.  Both had nice soft buns and the custard cream was not overly sweet with a slightly saltiness to it.The shrimp dumplings (有色蝦餃) had a generous portion of prawns and tasted fine, but was unspectacular. I will prefer if they had left out the coloring and gold leaf which added nothing to the flavor of the dumplings.I did not taste the spicy turnip cake (乾媽蘿蔔), but it was one of a handful of turnip cakes from dimsum restaurants that my mom found acceptable. One of the pluses is that it did not come to the table doused in oil.The fried squid tentacles (椒鹽鬍鬚) was thankfully not overcooked, but the batter was unfortunately more oily than crispy during consumption.Their version of the fried french beans (金四季豆) came with a little twist - it was coated in salted egg yolk. This was another favorite, as the beans were not soft but just cooked enough to lose the raw taste. The only fault may be that it was just a smidge over-salted, but that was to be expected with salted egg. Service was friendly and fairly attentive. Making a reservation is recommended as they seemed quite packed on the weekends. This is a place I will consider bringing visiting friends, to experience the fun of dimsum.…查看更多

YUM CHA的Cute cute點心吸引左我好耐，今日一試，有幾個推介……然而一坐低，男同事開始把玩呢個……讓男同事莫名興奮的物件。「呢位先生，麻煩你冷靜d，呢包只係濕紙巾……同埋請不要丟向我，多謝！」讓我勸止激動的男同事先。言歸正傳，呢間的點心可謂色香味俱全。首先是這個鴿吞鳳梨(3件)($59)非常精緻的雀仔和雀籠，瞬間擄獲我的心。底部有些椰絲。鬆脆的表皮一碰就會粉碎。咬完其實是鳳梨酥啊！不過口感很鬆化，而且溫度頗高，很少吃到新鮮、熱的鳳梨酥，很香的酥皮和鳳梨餡。不算太甜。好吃！跟手是「嘔奶系列」吉川奶子(3件)($49)一副冏樣「吉川」後嘔出的是綠茶。茶味香濃，中間頗有綠茶粉感，包的皮亦帶有綠茶味，小小甜，幸而綠茶感覺尚算是自然，不太有人造色素「青BB」的感覺。而且個人覺得這款嘔奶嘔得較為順暢，好食又好玩。然後是這裡的招牌作睇住流奶(3件)($49)這個一看就知道是奶黃包了吧。然而從籠裡拿出已輕易地撕破了包面……拿筷子截一下，奶黃餡流得不算多。不過撕開來，中間是滿滿的餡。而且奶黃餡很熱很香，絲毫沒有凝固食落有小小膩，屬於飽肚系列。一籠八戒(3件)($49)這個小豬很可愛用了兩粒芝麻扮眼中間是叉燒但餡不算很飽滿相對黎講冇嘔奶系列好吃。胭脂玫瑰(3件)($49)然後選了這個花花包揀了粉紅色來吃面頭撒了些玫瑰花瓣，食落有陣陣花香……然而中間的餡只有一線的豆沙，其他全部只是染色的饅頭三杯醉雞(例)($69)這是我覺得比較失望的菜色其實是醉雞卷吧不過肉質鬆散，一夾就散掉令人很氣餒。味道還可以，酒味濃，味道香中帶甜不過大有改進空間雞絲粉皮($59)另一道我覺得相當一般的菜式首先是醬汁不足然後粉皮很碎很乾，同時由於碟細，很難撈，建議換一個碗狀器皿。安格牛河($119)百幾蚊的牛河味道如何我會話係唔太好味首先冇鑊氣然後牛肉有點韌,河粉濕軟皮蛋豆腐($49)相比之下，我覺得這個豆腐還比較有驚喜切薄片的豆腐，伴為皮蛋和芝麻醬感覺清涼，味啖而清新夏天吃，非常好！最後講一講環境地方闊落，坐位舒適衛生就扣分，一坐下發現上面有呢張附有食物殘渣的傳單。總結來YUM CHA食飯都是歡樂的，淨係截穿包包都玩了好一陣子。然而它的熱菜和冷盤遠不及點心出色。來的話，集中吃點心就好。…查看更多

遠在澳洲的親友帶孩子回港辧簽証，雖然留港日子不長，行程緊湊之下還是要晚飯一聚。雖是在澳洲土生土長的華人，對中菜還是有着與生俱來的依戀。總是因着臉書上的食照而羨慕不已，這次回港便為他圓願好了。親友表示想飲茶，也就帶他到「YUM CHA」好了。YUM CHA是近年冒起的新派粵菜館，除了破格卡通造型點心之外，另一賣點是傳統正宗粵菜。月前剛嘗過中環龍麵館的出品，多少對同集團的飲茶多了份信心。也許是客路不同的關係，飲茶無論是定價或是氣氛，都比龍麵館親民得多，除了中外遊客，定位上也很適合本地的家庭客人。首嚐卡通點心是在鴻星酒家，以前總覺得這種新派點心是哄哄老外的噱頭而已，及後由YUM CHA將卡通點心發揚光大，令卡通點心「睇得又食得」，掀起了飲食新風潮。時值新春關係，餐牌上多了新春意頭菜可選，中國人過年愛講意頭，也就不作它選了，選菜幾乎盡是意頭菜式，當然卡通點心也是少不了的。如魚得水($99/2件)置放在玻璃盤上，真箇是「如魚得水」的意境。漲鼓鼓的金魚以餃皮搓成，魚鱗紋理清晰可見，抹上淡淡的金粉，細緻度高。以匙子舀起，金魚靈動得很，很唯美。如此美態自是顧此失彼，外層餃皮略顯乾身，幸而漲滿的餡料令口感豐盈，肉餡當中有海蝦、斑肉、甘筍粒，並以香芹、莞茜提升香氣，頗得我心。眾多的通點心當中，要數這對小金魚最維肖維妙。鴿吞鳳梨($59/3件)同是以造型取勝。台灣鳳梨酥的變奏，三隻小小小小鳥，置於在鳥籠當中是何等的趣致，不過尺寸上是的骰了點，是能一口吞掉的迷你程度。上桌時仍是暖暖的，咬下鬆化而不酥膩，鳳梨餡清甜而軟綿，跟台灣的鳳梨酥有異曲同功之妙。招財進寶($69/3件)是鮑魚酥，外層以牛油酥皮造成金元寶的形態。還以為內餡是會原隻鮑魚，其實是鮑魚粒、豬肉碎和蝦米。味道不差，只是無論在造型或味道都沒有很特別，可以不點。睇住流奶($49/3件)是飲茶的經典款式，嚐過點心代表的同款點心，造型上還是較鍾情此一版本，只因它那副楚楚可憐的模樣！但相信沒有一位食客會對它憐香惜玉的，用筷子戳破外皮，奶黃餡便徐徐流出，那稠度調配得恰到好處，既保留奶黃的甜而不膩，又能營造到流奶效果，屬易做難精的新派點心。胭脂玫瑰($49/3件)屬玫瑰造型的包點，包身軟熟得很，不過面層的玫瑰花瓣似是點綴居多。掰開包子一看，豆沙餡不多，味道偏向寡淡，純為拍照呃Like之作。新年意頭菜首選當然是橫財就手($189)，這陣子也嚐過不少元蹄菜式呢！原隻元蹄配以小棠菜、煙燻蛋，上桌前侍應在元蹄上澆酒點火，轉瞬即逝的火光是有點多此一舉了。從外表看元蹄是酥膩之物，其實當中有不少是骨膠原。豬手炆得酥軟入味，是綿稔化骨的程度，元蹄豬皮酥軟，骨膠滑滑的，肉質入口即化，肉香滿溢，是膠質還是肥脂已是分不清了。鯉躍龍門($239)以原條鱸魚呈上，足有二斤重極有份量，上桌時甚具霸氣。香炸過的鱸魚魚皮酥脆香口，魚肉鮮嫩但魚味稍欠。原條酥炸起件的關係，厚身的魚柳啖啖肉的，配酸酸甜甜的石榴子和香檳汁同吃，感覺十分開胃滋味，連不愛吃魚的小孩也吃得津津有味。在中式酒樓餐牌上出現西式Cocktail的選項，這種突兀感更能挑起眾人的好奇心。Creme Brulee($99)以Baileys作基調，面層薄薄的焦糖層，配合Baileys的濃濃酒意，再嚐一口燒綿花糖，若然飯後不想喝茶，喝杯小酒也是快事。常說卡通點心是為老外而設，似有貶低新派點心之嫌。其實要令卡通點心內外兼備是頗考功夫的，既要具備紥實的傳統技藝，也要在造型與美感上花心思，這對傳統的點心師傅來說是極大考驗。現今東施效顰者眾，而能登大雅之堂的，暫時就只有飲茶、唐宮兩家之爭了。…查看更多

潮流興食趣怪點心，最近XO仔都試咗兩間，並於互聯網上載咗唔少靚相，不少親友睇到都流哂口水。最愛夢遊o既愛麗絲於中環工作，區內都新開咗幾間有得意點心食o既餐廳，上個禮拜終於忍唔住話「想去試飲茶」，仲叫細佬負責訂埋位添。點知到咗約會當日，愛麗絲一家四口遲遲未見，電話一到方才發現大家溝通上有好大o既誤解，佢口中「想去試飲茶」其實係唔記得咗餐廳「X宮小聚」個名，而唔係細佬有意一訪真係叫「飲茶」o既餐店，真係夠哂烏龍，好彩兩間食肆夠近，唔係都唔知點算好。門外o既易拉架所示，「飲茶」除咗有茶飲之外，店內亦設有酒吧區域，歡樂時光傍晚六點至八點更可享買一送一優惠。店名玩味十足，室內o既裝潢都一樣花下不少心思。正門極受小朋友歡迎o既大貨車以「YUM CHA」作牌，車身既為門面，又是廚房，透明度極高。因車門未有上鎖，食客可隨意上車大玩自拍。樓底高高o既店子間格開揚通爽，中午時份雖座無虛席，但聲浪都唔算好嘈吵。點心紙上印有部份菜式o既插圖，不過可能客路比較國際化，餐廳特別為所有餸菜製出精美o既圖冊，令點菜更為容易之餘，等待食物時仲可以慢慢欣賞靚相添！襯托美食o既餐碟上有隻栩栩如生o既立體小錦鯉，確真可愛極！鴿吞鳳梨（$59/三隻）：第一道上枱o既係超靚o既雀籠鳳梨酥。小魔童見狀，以為籠入面三隻雀仔係真o既小動物，一手就伸咗入去想攞黎玩，當知道雀仔喺假o既時候就放返落隻碟度，認真搞笑。鳳梨酥層小雀外皮乾巧脆身，個鳳梨心則煙韌微甜，好睇又好食。小食併盤之雞絲粉皮（$59/單點；119/併盤）：雞絲粉皮本身軟韌惹味，加埋面層o既青瓜絲食即增添爽脆。小食併盤之青瓜皮蝦（$69/單點；119/併盤）：小食一客四件，小肥為怕敏感發作，故未有一試。小食併盤之寶石蘭度（$59/單點；119/併盤）：切成薄片o既蘭度青翠清脆，伴上酸甜o既神石榴粒，效果清新又醒胃。乾媽蘿蔔（$59）：少辣o既蘿蔔糕厚潤唔油膩，炒得好有水準。小弟才疏學淺，只係唔明個餸名，估計唔會係粗口掛。。。鳳梨咕嚕（$89）：小魔童最愛o既咕嚕肉香脆帶爽，菠蘿亦鮮甜多汁。咕嚕肉連同菠蘿炒製就見得多，大家都係首次見配菜菠蘿會連皮上，好有新鮮感。布拉蝦腸（$59）：師傅一反傳統地將原條蝦腸砌成一朵花咁，巧妙得黎好有特色。白雪雪o既布拉蝦腸外軟滑內爽脆，黏上甜豉油食已夠可口。透明波波（含黑松露；$49）：透明波波其實即係雜菌餃。透明o既雜菌餃皮層軟薄，帶有松露香o既餡心芬芳嫩脆，菇迷必吃。有色蝦餃（$59/三隻）：蝦餃唔止有色，面層塗上金箔更顯矜貴。彩色蝦餃爽厚潤甜，一啲都唔失禮。狗不理腸（$59/兩件）：臘腸狗造型搞鬼，美中不足係味道偏咸咗少少。一籠八戒（$49/三隻）：叉燒包外表絕對比豬八戒可愛。由於包身鬆軟，一開二真係話都冇咁易。個人只係略嫌包中o既叉燒餡唔夠豐厚，睇黎小豬肥膏多過肉喎！睇住流奶（$49/三隻）：橙黃色o既奶皇包眼神搞笑，一開當真立即流奶，菜名很是貼切。奶皇包熱辣軟綿，香滑而不溜滯，超！皺皮雲吞（$59/六件）：以鐵皮錦盒承載o既炸雲吞外表金黃，質感更是乾脆利落，爽嫩滋味。近墨者黑（海鮮＋蛋白；$109）：意外地，黑墨墨o既墨魚汁海鮮蛋白炒飯潤澤得黎完全唔膩滯，飯粒飽滿彈牙，極其鮮美，證明「近墨者黑」只係外觀，有時真係要深入了解過先懂得欣賞人家o既內在美。食完多款咸點小菜後，友善好客o既靚姐姐先換上幾款印有動物解剖圖o既餐碟。眼見甜品以併盤點選比單點更為抵食，六口子就揀咗三款黎併。嘩，真係估唔到甜品併盤居然會大噴煙霧咁震撼！脆爆甜心、可可麻球（$49/單點有三件；89/併盤有兩件）：紅心朱古力及炸朱古力麻球一西一中，均甜脆討好。楊枝甘露＋棉花雲（$49/單點；89/併盤）：楊枝甘露甜滑清涼，粉藍色o既波子汽水味棉花糖亦甜而清新，化於口中，實在美妙！埋單一刻，姐姐仔隨單附送金袋一個，大家唔好心邪，金袋入面只係一張濕紙巾。全日都有點心食o既「飲茶」面積寬廣，服務生態度良好，潮格食品生動趣緻，大多亦美味易入口，大人細路都啱食。用餐短短兩小時，愛麗絲慣於仙境夢遊o既家人亦深覺驚喜不斷，實在難得！…查看更多

今日同屋企人去，冇咩人，一去到就有位坐，估5到有驚喜。睇openrice嘅食評都見到呢間野好多好評，叫得「Yum Cha」,茶當然係特色，有3種茶俾你揀，我叫左紅棗紅袍茶，好好飲點心當然係重點，論賣相，佢嘅點心真係好正，鴿吞鳳梨係鳳梨酥，不過仲要係熱辣辣，餡料足，必食睇住流奶，流沙奶黃包，果然好「流」，食嘅時候不妨用筷子督一個小洞，用筷子壓一壓佢，就可以睇住奶黃流出黎，奶黃味道5錯，食落口冇稀嘅感覺，推介一籠八戒，係叉燒包，味道5錯，不過料5算足櫻花蝦炒飯，料都幾豐富，有蝦粒，炒得好乾身，食落去仲有一粒粒嘅感覺，正手抓蔥餅，5記得影，不過好好食，食落口有d似印度薄餅，推介俾大家試下鳳梨星米，一兜用挖空左嘅菠蘿裝嘅星洲炒米，裏面冇菠蘿，不過有d提子乾，叉燒絲，仲有3，4隻蝦，都算足料，炒得乾身，有少少辣味，食落口幾好食🖒蟹籽燒賣，真係從來未食過咁足料嘅燒賣，咬落口啖啖肉，好結實，冇肥肉個種成口肥膩感，值得一試陳皮燉梨，預先落左桂花蜜同埋杞子，雪梨燉得好淋，不過略嫌太甜，桂花蜜如果分開上俾自己落會好D舖頭嘅員工都幾有禮貌，服務態度都幾好，好多外藉人士都專程黎食，果然冇失禮…查看更多

《YUMCHA》- selling point當然係點心,  呢間餐廳嘅點心出名好卡哇兒, 有著天使的面孔, 至於身材(饀料)夠唔夠誘引,  就要試過先知了...是日我倆11點3左右到達《YUMCHA》, 明明11點半先營業, 但咁快就有几位食客坐咗係度了! 餐廳設計獨特, 門口擺咗架VAN仔, 仲有隻萬聖節哇鬼做裝飾, 最估唔到嘅係...隻哇鬼識郁架!甫坐低, 就發覺呢度嘅格局佈置似曾相識, 越諗就越似《唐宮》, 唔知係咪同一集團呢?!連隻碗都同出一轍, 《YUMCHA》碗裡有鯉魚, 而《唐宮》碗裡則有螞蟻。叫咗壼菊花茶,  花香茶味清淡。12點半要埋單, 拿拿臨click點心先1. 鴿吞鳳梨: 有靚靚雀籠喎, 唔理好醜(好無食), 勢必點嚟呃like! 三隻雀仔, 造型可愛極了, 係入口鬆化,小小香甜嘅鳳梨酥!2. 睇住流奶 : 呢籠點心嗰名好盞鬼, 我忍唔住都要篤篤佢, 好玩又好食! 熱騰騰嘅包, 金黃嘅奶黃流沙的確唔小,  太美味啦!3. 蝦兵蟹醬餃: 呢籠點心係靚女侍應推介畀我哋嘅, 話好好食, 咁就即管試試啦~又真係好好食,完全無介紹錯呢! 咬落去即時感受到豐滿嘅蟹黃蟹粉, 以及蟹蝦肉都好好味! 餃皮色又靚又薄, very good!4. 鬼頭蝦餃:  隻蝦餃咁鬼馬應節, 點可以唔click呢?! 殊不知一click即中伏! 蝦餃皮超厚, 口感差勁! 早知揀七彩蝦餃啦...5. 蟹籽燒賣: 綠色燒賣皮好養眼, 口感彈牙!6. 透明波波: 波波皮薄通透, 黑松露味好濃好香, 饀料爽口 yummy!7.手抓煎餅: 外皮酥脆香口, 內層柔軟, 令人回味無窮!8.大雞春卷: 咬落去熱辣辣脆卜卜, 饀料又豐富, 令人感覺好滿足!叫埋個甜品就差不多了~9. 楊枝甘露+棉花雲:  粉藍色好美呀~正正是天空中的一片浮雲! 不過呢塊棉花糖有啲點, 啱晒小朋友+嗜甜嘅我囉! 楊枝甘露布甸夠滑夠味又夠足料!今餐夠晒大滿足, 下場去海洋公園哈囉喂嘞!…查看更多

是日同朋友仔食生日午餐，友人揀咗南豐中心嘅飲茶，小女子我當然無意見（因為我係個group到一直潛水，sorry）其實我真係對依啲食物咁精緻盞鬼嘅新派茶樓無咩興趣，當然食物名係噱頭，例如：睇住流奶，污糟拌麵（點咗，細細碟，上菜時就有啲：下，就係咁，普通簡單都唔想post）；而味道當然都佔大半；所以今日純屬諗住唔好味番公司就食幾塊餅乾頂肚。朋友訂咗枱，所以都係等咗陣就有位，裝潢設計都幾潮，陽光光猛，位同位之間都唔會太近，坐都坐得舒服。容許我無對依個睇住流奶點樣，我知好多人鍾意吉個窿係前面或後面黎營造唔同效果，但，我真係做唔出🙈，我就正正常常一開二，同朋友share。個飽都算係咁，係流「奶」，但就欠缺奶黃/奶味，即係食緊個流汁嘅飽（明啦）而個對眼就係棉花糖做嘅，第一次試食～還可以啦！中環區，比起其他新派飲茶，依間價錢味道裝潢絕對合理，所以成日都好爆，可以的話就最好打電話訂枱先；同埋記住小心傾計呀，事關價錢/位置/味道都令依間餐廳成為人氣之選，真係好容易撞到公司同事（我就撞到😒）…查看更多

中午落大雨，近近地去公司附近飲茶!3個女仔叫左個2人set ($429),諗住唔夠再嗌埋佢個鳥籠鳳梨穌，點知個set已經夠晒飽!最鍾意佢個紅棗茶，好香好好味!2人set包括2個湯(好大碗)、2款小食(揀左雞絲粉皮同埋鴨)、睇住流奶(流沙包)同一籠八戒(又燒包)、仲有櫻花蝦炒飯同上海油菜!飲完湯後，就上頭盤雞絲粉皮，呢個粉皮好正，配上濃郁麻醬，成碟清晒!之後係鴨件，辣辣地味道唔錯，不過就油左啲。。最可愛係2籠包，賣相精緻，奶黃包真係會流奶! 好cutie!…查看更多

友人移民加國多年，雖然，從聯網接觸唔少香港嘅訊息，不過，間接嘅民生嘢就知得少，好似飲飲食食，佢腦海中嘅飲茶就仲停留晌晨朝早去嘆一盅兩件，「夜茶」一詞喺新事物，為佢洗塵，就相約埋幾個朋友嚟到上環嘅「飲茶」嚟飲夜茶 。揀「飲茶」除咗位置上就到所以有人之外，主要貪佢無論冷盤，抑或點心，都頗有心思；又遇正匯豐做緊優惠，有個4人餐賣$689（或6人亡餐）已包括涼菜、潤湯、點心、小炒、飯麵、甜品，正所謂樣樣有啲，就啱啱好合晒我哋心意。（註：個套餐另收番每位茶芥及加一，優惠期至30/6，晚市只限上環店供應）。店內空間算得上寬敞，皆因樓底夠高，一邊又喺落地大玻璃。裝潢走年輕、型格路線，簡約嘅配搭，開放式廚房，一一都令到整體更感闊落、舒服 。甫坐下，餐碗亦喺亮點之一，碗底瓷雕咗一條小魚，襯晌湖水藍嘅餐碗內，甚有如魚得水嘅感覺。雖然我哋早已定好食嗰個匯豐四人餐，不過，照影低張點菜紙俾大家參考吓。種類選項包裝前菜冷盤、湯品、點心、小炒、主食、蔬菜、甜點……等等，茶芥$13位，另收加一服務費！不得不佩服店家，所有菜式名都喺得4個字，改名都唔喺一件易事嚟 。 雞絲拉皮 亦即喺經常晌滬菜出現嘅雞絲粉皮，比一般特別嘅喺將粉皮做成卷條狀，當然，口感無乜兩樣，口感還算軟滑；雞絲有點粗嚡，但拌上青瓜絲、甘筍絲，沾上芝麻醬，味道都還可以及。 七彩茄子 唔知「七彩」意義何在，唔通喺好食到七彩？其實，喺下點醬油、灑點葱花及紅椒碎嘅涼拌茄子而已。茄子質感軟腍，味道穩打穩紮咁啦。 橙棍冬瓜 3道涼菜，應以依一碟冬瓜最有特色、最有驚喜。冬瓜裁成棍條狀，堆成層層疊，入口軟腍中卻有半分清爽，淡淡橙香味滲出，味道清新，叫人大開胃口。 沙薑蔥雞 依一道亦喺涼菜之一，所以，份量唔會好多，但大概都有1/4隻雞左右。雞件比預期中嫩滑，外皮頗為爽口，簡單以沙薑同蔥作佐料，惹味好食。 龍皇金湯 湯品以位上，「龍皇」以蝦仁為膽，「金」就喺金瓜，即喺南瓜湯，有別西湯，應該無加忌廉，但個湯打得都夠滑溜甜潤， 配以少少爽口嘅蝦仁，感覺不俗。 睇住流奶 唔使多介紹，喺店中招牌點心，雖然只喺普普通通嘅流沙包，但搞吓啲賣相，效果果然好唔同。撇除搞鬼嘅賣相，個流沙包確喺做得有水準，包身軟熟唔黏牙，流沙餡鹹香柔滑！ 皺皮雲吞 即喺常食嘅炸雲吞，雲吞細粒，饀料亦少，幸而夠脆，沾一點酸醬中和一吓油膩，整體而言，只可以講喺一般一般。 一籠八戒 店中另一招牌點心，賣相可愛至極，叫佢做八戒，實在冤枉呀！查實佢喺蠔皇叉燒包，包身鬆軟，叉燒餡香濃，卻食落無乜肥肉。雖然同出面經常食到嘅叉燒包分別唔太大，但賣萌嘅造型自然令佢加分。 舉手雞花 睇名好難估佢喺乜，其實以雞鎚反起雞肉，再以蜜糖搭黑醋所做嘅菜式，依道菜我幾鍾意，黑醋純香得嚟，唔會太嗆喉，又有蜜糖嘅甜香，雞肉入口唔嚡；配搭兩大串燒菠蘿，又喺對啱小弟胃口。 麥皮塘蝦 我哋唔要辣蟻粉絲，另+$60轉麥皮塘蝦，嚟到唔多熱，感覺已打咗啲折扣。選取較大隻嘅大蝦，入口可謂大啖肉，肉質稱得上彈牙，帶微辣，麥皮就脆口，不過，喺欠牛油香啫。 上湯唐菜 簡單一道小唐菜拼鮮百合嘅素菜菜式，啲菜夠新鮮，簡單上湯浸都可以好好食，而啲鮮百合亦好鮮甜。 櫻花蝦飯 嚟到飯麵，其實3款都好吸引，最後揀個櫻花蝦飯，因為覺得佢無咁油，叫做相對健康啲。炒飯以小鐵盛載，卻喺載到滿一滿，飯面加有櫻花蝦及蟹籽，撈勻食確喺惹味，又有啲卜卜脆嘅口感，好味。 糖不甩丸 套餐仲包有一客中式甜點，細個食糖不甩喺無餡嘅，主要喺撈啲綠豆粉或芝麻嚟食，今回就加有麻蓉，外層嘅糯米糰軟綿黏糯，沾滿沙糖及白芝麻，香甜好味。菜式既有創意，又好食，食得大家都好滿意，毫無疑問值得俾個笑佢。不過，服務真喺差到不得了。事緣我哋訂咗7:00pm並準時入座，當時客人唔多，大概只有兩乘幾滿，所以，我哋一落單，相隔唔夠5分鐘，佢哋就黐晒線咁將成個套餐嘅嘢（除咗個飯）送上枱 ，張4人枱又唔喺話好大，佢哋上完涼菜、潤湯、點心成一枱都喺嘢，我即時叫佢哋停，唔好再出菜，點知個男侍應夠膽死繼續捧埋啲小炒堆晌枱上玩層層疊，仲話廚房已經煮咗，唔可以退 。我話咁你幫我拍多張枱得唔得先，佢無視我嘅問題，最後，有個女店長埋嚟了解完情況，二話不說即時收走晒所有菜式，只剩低涼菜，之後都逐樣逐樣菜式上枱，叫做合理啲。不過，被我哋發現點心都喺之前送嚟嗰籠 ，因為隻豬眼一認就被我哋認出，而碟麥皮塘蝦上枱時又唔熱，明顯就喺之前煮好嗰一碟拎番俾我哋 。故此，個喊樣完全喺俾個服務嘅，因為自問唔喺要你哋俾啲咩特別服務，但佢哋連基本都做唔到囉，仲話收加一服務費 ，管理層實在有需要進行服務大檢查。…查看更多