老厝邊

家下星期五放工唔會講TGIF，而係問「出去夜繽紛呀？」一放監隨即過海，好多餐廳都坐滿人呢間台灣餐廳都唔例外，等一等都入到去嘅:)平時食台灣麵，都係揀紅燒牛肉麵，今次就揀牛筋麵一碗有勁多嚿牛筋，仲要好大嚿好彈牙，麵又多又夠彈雞肉配滷肉嘅配搭都幾得意，滷肉肥瘦剛好，雞肉烚得夠嫩，便當仲配有2款配菜、半隻滷蛋同1款涼菜，大量蔬菜夠晒健康芝士蛋餅經常都食，但配皮蛋真係好獵奇，但雙蛋合璧又ok喎，皮蛋又多又唔押芝士一啲都唔吝嗇，滿足至極食台灣餐又點會冇手搖飲品呢？呢間嘅手搖飲品有好多選擇檸檬愛玉好足料，啖啖都有，蜂蜜檸檬味好清新…查看更多

之前食過大角咀老厝邊，原來銅鑼灣都開左間老厝邊，今晚收工就黎試試。餐廳門面好光猛吸引眼球。老厝邊係做古早味台灣菜，餐牌有牛肉麵，便當類，粉麵類，飯類，蛋餅類，炸物類，拼盤類，涼菜同小食類，價錢平民。飲品都勁多選擇，有花巧，珍珠，鮮奶，古早味，爽口，蜂蜜，鮮奶茶同果汁。無加一。眷村牛筋麵 $68眷村牛筋麵有牛筋5件，整得超稔滑，入口即化咁滯，好正，滿滿骨膠原。麵可選不同口味湯麵或者拌麵，我揀左蔥油乾拌麵，麵條係少少幼身個種，個汁好味道，甜甜地又夠味。伴有小棠菜兩大棵，仲有白蘿蔔一大舊，灑上蔥花，鹹菜另上，放係匙羹等你自己加。滋補藥燉排骨湯 $52滋補藥燉排骨湯大大碗，熱辣辣上枱，個湯藥材味濃帶少少甜味，好飲，感覺養生。排骨4大條，都炆得夠淋，有d肉食。個湯有唔少杞子同兩粒大紅棗。塔香鹹酥雞 $40塔香鹹酥雞一客有10件左右，分量好多，而且每件都唔細舊。鹹酥雞炸得酥脆，而入面雞肉肉質都好嫩口。味道唔會太鹹，味道調得啱啱好。起司肉鬆蛋餅 $40起司肉鬆蛋餅一客六件已經切好，入面有勁多肉鬆同芝士，芝士仲會拉絲添！薄薄嘅外皮煎得薄脆，入面有層薄薄雞蛋，加上拉絲芝士同甜甜地既肉鬆，口感層次豐富。點另上嘅醬汁提味之後更加好味！總括而言，味道好好，而價錢非常實惠，食飽飽都係人均$100。小店用餐時間60分鐘，平日晚市生意都好唔錯。…查看更多