No Milkshake No Life (白田街)

呢間餐廳極力推薦！店入面的環境設計好外國好潮好型，嘢食嘢飲更加係好味好正。焦糖花生醬脆煙肉奶昔經典無加extra toppings, 最初覺得個combination好怪，但佢就係正在個鹹甜味加埋其他toppings層次應該更豐富。烤芝士治配香辣薯條唔知點解可以整得咁好食，個包少少煙韌，好似旱過咁但又唔會太硬，配埋個滑蛋，配味同口感一流。薯條唔用說，熱辣辣超好味。期間限定肉丸好扎實的肉，裏面唔會好乾，點埋出面的醬同蕃茄仔酸酸地，可以中和返舊肉。…查看更多

睇之前記住記住星期一二唔開⚠️平時最遲開到6點唔好諗住嚟食晚餐‼️呢間No Milkshake No Life 嘅短寫係NMNL唔知係咪刻意想令人聯想到啲咩呢(｀∀´)Ψ原來佢地而家total已經有3間分店好受歡迎～每次嚟仲會有special menu俾啲新鮮感大家✧ 蘑菇芝士治配薯條（$89）Sourdough上面鋪咗啲木魚絲aka腳皮個餡除咗蘑菇同芝士之外🍄🧀仲食到浸酸酸地嘅醬🫕朋友話欣賞佢哋嘗試做到日系嘅感覺而薯條我哋加咗$3轉shake shake薯條今次個shake粉係咖喱味🍟但佢地會shake埋先上碟冇得好似老麥咁自己玩本豬同朋友都覺得咖喱味呢個更好食✧ 和牛芝士太陽蛋漢堡配薯條（$138）大家望下呢個太陽蛋٩(♡ε♡ )۶個蛋黃搖搖欲墜咁等住本豬啜佢💋一大啖咬落去實在係大滿足～再之後就係牛肉 味道偏啖但勝在夠厚肉🥩同埋個bun唔太夠牛油香/烘過嘅脆🍔另外亦都有重手重手落嘅洋蔥🧅而薯條方面呢個應該係落七味粉原來冇加$3都自動有味粉keke✧ 皇者焦糖花生醬真脆煙肉（$69）唔知大家有冇試過Five Guys嘅煙肉奶昔呢🥤呢款嘅材料blend得好順滑即係煙肉已經變到一點點咁🥓撈埋個milkshake飲落去好creamy提提大家扮健康人士可以走whipped cream㗎如果喜歡咬脆煙肉碎嘅就會鐘意五條友多啲～…查看更多

呀妹好介紹，知我減肥都帶我黎，呢次大鑊因為真係好好好食！喂呀！『蕉糖花手醬芝士脆煙肉奶式』可以話係我做左幾十年人最好飲既奶式，今次好大鑊！好彩佢位置唔就腳，如果開晌我樓下肯定為左呢杯野肥十磅。脆煙肉真係神來之筆，原來好夾花生醬。至於個三文治就當係配角吧，唔洗食只睇相片只要你鍾意芝士都知道幾好食啦。hahaha果日星期六見到多數係一pair pair文青情侶黎拍拖，目測無人超過三十歲，我呢個大叔在場顯得有d另類。不過講翻個價錢又唔算平，一杯野飲加一個三文治要$150。…查看更多

黐線芝士黐住芝士治 #呢個仲唔係細個要考急口令嗰啲郵差叔叔送信純熟迅速嗰啲 行出去嗌嘢食嗰陣時講到一半都俾Staff話得啦😂呢個招牌三文治超級邪惡有幾種芝士，見到個包血淋淋有啲嚇親原來係加咗好有益嘅紅菜頭包，食落甜甜地又鹹鹹地仲食到有自家製pesto sauce。芝士味都幾濃，新鮮滾熱辣食個包好脆！既然嚟到呢度即管試吓個招牌milkshake谷下個肥仔波，超人氣第一位皇者焦糖花生醬真脆煙肉！杯奶昔質地極級杰身，飲頭嗰幾啖勁重花生味飲唔到有焦糖味。到飲到後尾真係食到啲脆嘅煙肉，奇就奇在花生醬同脆煙肉係好夾！就咁飲呢杯野都已經夠飽，食埋個三文治就真係好頂胃間野中文名實在太好笑 #沒奶沒命晨早人龍 個名改得好沒奶沒命都係小弟嘅宗旨#黃絲餐廳 #黃色經濟圈 #支持小店…查看更多

🧸嘩嘩嘩，樹熊生日大日子喎！🎂🎉🎀🎏🎈🎁📌本身熊妹說好跟樹熊一齊開開心心掃街去，樹熊又突然提出話想試呢間位於石硤尾美荷樓的《Nomilkshakenolife 》的招牌芝士治🥙，其實係樹熊知道熊妹想試好耐，而且又就腳🚶‍♀️，熊妹當然奉陪到底！🥰📌位於美荷樓的《Nomilkshakenolife 》其實係西環過海分店，新開張不久。🎊📌下午茶時份4點幾黎到，人流都唔少，開放式餐枱餐椅，進店隨便坐。📌一間小小的小食咖啡室，主要係以芝士治大響名堂。📌另外，仲加入了炸雞、炸魚、薯條、蛋糕等小食，食物無咁單一。📌有自助水吧，提供水💦、茄汁🥫同餐具餐碟🍽。黐線芝士黐住芝士治，$78📌熊妹樹熊一心黎到當然係試呢個招牌菜喇。賣相真係幾吸引，紅色的三文治多士磚頭🧱同金黃的芝士🧀相映，絕對係視覺上的吸引。👀厚厚的芝士澎湃地從三文治中間湧出，真係唔食得都睇得。熱溶溶的芝士味香香♨️，可惜做唔到拉絲效果，有少少失望。紅檔檔的三文治多士無咩特別味，而且焗得好乾，放涼了係變成硬，确實有點意外。📌話明《Nomilkshakenolife 》，飲品主題點少得milkshake 呢？📌大路的orea、經典朱古力、雜莓、香蕉朱古力、香芋都有，另外仲有啲特別款式，好似阿華田、花生醬朱古力同招牌的皇者焦糖花生醬真脆煙肉，坊間認真少有，價錢$59-$69，都不算便宜。💰皇者焦糖花生醬真脆煙肉，$69📌熊妹一心黎到當然一次過試哂皇牌菜式喇。好大一杯，花生醬味超濃，溝奶變奶昔絕對超夾，啖啖都係香濃的花生醬奶味，真係好正。飲飲下會吸到啲脆卜卜的物體，就係脆煙肉粒，真係放左啲炸過的真煙肉入去，咸咸地更提升花生醬咸甜的味道。📌呢杯奶昔真係幾特別，果然係皇牌推介，不過價錢略貴了點。📌慕名而來的皇牌菜式，芝士治加花生醬煙肉奶昔加多杯可樂慶樹熊生日，總共$160，話平唔平，話貴就睇好唔好食喇。📌最緊要都係樹熊，生日快樂呀！…查看更多