街坊Cafe

最近見呢間街坊cafe做網上宣傳，心血來潮試一試佢🤩指定時段用OpenRice訂座，指定食品可享高達50% off💁🏻‍♀️❌ 龍蝦湯無龍蝦肉 而且偏鹹🦞❌ 鐵板令扒好易過熟 扒既質素一般 賣相同餐牌不符 並無一般西餐廳咁好睇😩反而西式炒河粉有驚喜✅ 卡邦尼汁做得唔錯 同河粉都唔違和 可惜部份煙肉焦黑 影響外觀同味道🥓👅Taste：3/5💰CP值：3/5🙋🏻‍♂️Service：3/5👁‍🗨Stylishness：3.5/5…查看更多

是日經openrice訂左位，正價菜單有85折，去到唔洗等，直接入得。間鋪裝修得幾靚，有港式壁畫，好特別。食物方面除左一般西餐外，都有啲fusion，加左港式元素係入邊，幾特別。因為想食下fusion野，我點左皇牌卡邦拿拉沙河粉，一開始以為上錯左，點知原來同網上睇到既有啲唔同，問店員先知係岩既。佢擺盤都好西式，其實佢煮法都係好西式，估唔到卡邦尼同河粉甘夾，不過佢有改良到，冇話好重芝士味，係白汁黎，啲菇同青紅椒都好好食。河粉好掛汁，甘煮原來好夾好好食。朋友點左黑松露雞肉意大利飯，我試左啖，有驚喜呀，估唔到會甘高質。果飯好香松露味，好creamy，好食。點左杯特飲叫我的宣言，即係白桃玫瑰藍碟花凍飲，賣相好靚，搞完之後杯野係粉紫色都好靚。睇得之餘仲飲得，玫瑰味好香，而且唔會太甜，正。小食叫左蒜香牛油脆香雞翼，蒜味好香，啲雞翼好脆，唔會話啲汁整到淋哂。最後仲叫左果士多啤梨荷蘭班戟伴雪糕，第一次食荷蘭班戟，原來係有啲厚啲既蛋餅，但比起一般班戟薄既。果雪糕係曲奇雪糕。最中意佢有啲焦糖爆谷，果班㦸軟得黎邊位有啲脆，爆谷令到成個甜品有啲口感，脆脆地焦糖甜甜地好加分。成個班㦸即整，果鍋都仲係熱既，好好食。整體黎講，店員服務ok，應客同落單果啲都好快。食物質素都超乎我預期，好好食，推介。…查看更多

星期六下午用openrice 即時訂枱都有位訂枱6折感覺好抵2點半入座，餐廳三四成滿座牆壁滿是香港特色的背景畫，貼近街坊主題餐牌中特色飲品以廣東歌名名，餐廳中播上80 90後及近來大熱新歌，感覺親切，自覺與店員年紀相若友人推介卡邦尼..河粉，我心裡覺得河粉有點奇怪但吃起來完全沒有違和感河粉不是闊身白色河粉，而是較幼半透明好香雞蛋黃味好多配料，creamy度剛好吃了先到的卡邦尼，明太子意粉被比下去了味道較淡，不是太香濃，很愛明太子的我有點失望了喝口水再食，仍是淡淡的甜品賣相加分值得注意的是雞蛋仔下暗藏...棉花糖整個甜品感覺好豐富，有吉士、雪糕、脆脆雞蛋仔、生果、半溶棉花糖我們還加了＄28碗仔翅及飲品，沒有什麼特別大家要留意甜品及轉餐的收費沒有6折，只有主餐牌內的主菜才有店員或會忘了提起甜品沒折…查看更多

👁‍🗨 皇牌卡邦拿拉沙河粉（7.5/10）💲88呢個係招牌既fusion菜式之一，平時卡邦尼多數會配意粉，配河粉都真係第一次食，感覺幾有特色😳食落好creamy，連埋煙肉同蘑菇個卡邦尼味都幾出，仲有好滑既河粉，不過略嫌啲河粉碎左少少🥓👁‍🗨 大蝦墨魚汁意大利飯（6/10）💲98見到好似每檯都有叫呢個飯，佢既墨魚汁都幾重，食到啲牙黑得好緊要😹但係個人認為個飯太過濕，甚至可以用水汪汪黎形容，無左飯應有既粒粒口感🤧而且大蝦既蝦肉唔夠爽口🦐整體黎講有點兒失望🔛 整體評分（7/10）…查看更多

今天又要去探望媽媽，來到旺角，想起上次的街坊的食物都可以，想再試試其他。原來兩點後用Openrice 訂位，可以半價，適用散叫，不能用於套餐。我們要了黑醋汁蕃茄上級牛肉沙律($98)，皇牌卡邦拿拉沙河粉($88)，凍意大利泡沫咖啡($42)，我的宣言($48)。意大利泡沫咖啡，咖啡味道都幾濃，泡沫豐富，幾好味。我的宣言，係白桃溝玫瑰，玫瑰味重過桃味，如果桃味重D仲好。皇牌卡邦拿拉沙河粉，沙河粉好煙靱，卡邦拿拉汁好多，味道好香好正，好多磨菇和煙肉，我推介這個👍👍👍黑醋汁蕃茄上級牛肉沙律，牛肉淋身有肉味，黑醋汁份量比較少，如果多些會更好味。飲品份量比較多，而食物份量比較少，希望增加些食物份量。…查看更多

是日收工晚餐就黎到開左冇耐既街坊cafe~環境就唔多似cafe喇，少少茶餐廳feel🤣先黎個碗仔翅，都足料既但錯手落多左醋🤦🏻‍♀️Carbonara沙河粉？！港式意粉都幾有創意，叫完仲驚驚地有啲古怪，意想不到地咁夾喎！咁煮啲河粉油膩感冇咁勁，但又可以吸左忌廉汁既精華。比左好多煙肉🤦🏻‍♀️🤦🏻‍♀️🤦🏻‍♀️望落去好似好dry，但係食落又係幾好味，帶子啖啖肉。朱古力，雕埋熊仔🤗…查看更多

旺角通處是餐廳, 中午時段跟友人完成工作後便走到女人街兩旁尋找食物, 最後被街坊cafe及吉士雞蛋仔招牌吸引, 門外亦擺放了食物餐牌, 價錢合理便來這裡吃午餐午餐餐牌到6時, 總有一款合心意不過雞蛋仔甜品要2:30pm才供應Lunch set連餐湯, 茶餐廳多數是羅宋湯或忌廉湯, 但這裡是餐湯是碗仔翅, 充滿香港特式碗仔翅內有肉絲/冬菇絲/木耳絲及蛋花, 餐桌上已擺放了紅醋及胡椒粉, 味道跟街外的分別不大, 反而街外單買的也要十多元跟友人點了兩份粉麵share肉醬溫泉蛋意大利粉, 上檯時忍不住說一聲很大窩, 用上黃色的小窩盛著, 滿滿的, 中間的溫泉蛋輕輕一碰, 蛋汁便慢慢流出, 非常誘人, 肉醬份量多且濃郁, 攪拌後, 每一條意大利麵均沾上蕃茄肉醬另外要讚的是意大利粉粗度適中, 口感熟度控制得剛剛好, 雖然款式簡單, 但廚師確實是煮得非常出色友人點的是皇牌卡邦拿拉沙河粉, 混合中西合璧的元素, 河粉相信大部分人都愛吃, 每一條河粉跟口感creamy的醬汁連繫着, 味道令人出乎意料的好飲品+$8 可以轉為藍碟花飲品, cafe的飲品很特別, 我的宣言(白桃玫瑰藍碟花凍飲), 陣陣玫瑰香, 很特別藍碟花就是蝶豆花, 用花瓣泡水後, 水會變成藍色, 加入其他酸性物質, 會變成紫色, 所以飲品俘虜了少女心Cafe以藍白色為主, 簡潔, 坐得舒服…查看更多

放工嚟食個晚飯，宜家周圍都好多人，所以都會揀啲有得book位嘅餐廳，呢度仲有得OpenRice booking 添鋪頭裝修得幾有風格 香港「街坊」都會對牆上啲相有歸屬感嘅晚餐嚟講都唔算貴Dinner set 有個碗仔翅 真係好有香港嘅味道！個碗仔翅都好足料，落埋醋同糊椒粉 夠熱又好味！餐個main 我叫咗黑魚子帶子忌廉汁沙河粉見到餐牌時都抱住試吓嘅心態㗎咋 唔知咁嘅fusion 得唔得佢一嚟到就冇後悔喇 望落好好味咁！啲忌廉汁好濃厚creamy但又唔溜喎，啲帶子都鮮甜 配上黑魚于好有口感！最緊要係佢夠曬熱！朋友都係個吃貨 一見餐牌寫「皇牌」卡邦拿拉沙河粉就要叫嚟試我哋share 試 佢呢個都係類似忌廉汁 但就再濃味啲 同埋有煙肉所以咸啲 我覺得咸啲好食啲！仲有好多煙肉 meat lover 一定鍾意跟餐加12$ 叫咗個熱朱古力佢奶味好濃 啱曬我口味朱古力都好有誠意拉咗隻熊仔俾我 咁得意 飲都飲得開心啲埋單唔算貴啊順帶一提 我哋六點半嚟唔太多人 但十五分鐘後就坐滿！好彩有訂位…查看更多

※本文以用餐當日的環境、服務和食物質素為準，口味亦因人而異，文章只作參考之用。-香港既餐廳真係多元化，耐不耐又會有新餐廳勾起小妹去潮聖既意慾。今次就去左間比較地道既Cafe，餐廳位於旺角通菜街（近女人街）兩旁的地鋪，餐廳有融合到香港地道風味x西式既新派菜，網上風評普遍都唔錯，使用網上訂位仲有主餐79折優惠。餐廳環境整潔，周邊也有不同的裝飾和擺設；餐廳有多張二至四人枱，也設有梳化位。六點多去到時雖然未坐滿，近八時已坐滿八成，人流不斷。餐牌上的選擇可多了，單點的有湯、全日早餐、鐵板烤扒、意粉/意大利飯、拉麵/稻庭烏冬、皇牌沙河粉、小食等；甜品有港式雞蛋仔、法式西多士同德國班戟，相片望落都吸引，散叫餐牌價錢算是大眾化，訂位後叫主菜仲有79折，抵！（甜品係無折扣的）另外都有做晚餐鐵板烤扒套餐同河粉套餐，不過估唔到連日本A3黑毛和牛都有得食$5xx，唔平，不過呢個價錢老實說我會寧願叫其他食物。(餐牌太多放在文末)烏龍拿鐵 $38望望餐牌竟然有烏龍拿鐵，二話不說點黎試下。味道方面是飲到茶味的，但就唔算明顯，反而佢偏重咖啡苦。唔...唔太岩我飲。一加一 （套餐+$12）其實係芒果菠蘿藍蝶花凍飲，藍蝶花本身無味，飲落係芒果x菠蘿糖漿既味道，靚之餘都幾解渴。碗仔翅 （套餐）餐牌除左食材配搭上新穎，連餐湯都一律轉為做港式風味既「碗仔翅」真係幾有諗頭。跟餐細細碗，望落都算多料，味道正常，仲好細心有埋紅醋比你加。見到單點大鍋既碗仔翅，入面仲有跟原隻素鮑魚同海參，好盞鬼。皇牌卡邦拿拉沙河粉 $88轉程黎就係為左呢款變奏版卡邦尼，老闆將平時用開既意粉轉做河粉，估唔到一點違和感都無。食落河粉質感幼滑，掛汁程度又比想像中來得多，卡邦尼的味道調得恰到好處，不鹹不膩，加埋煙肉同菇片，好食！烤西班牙黑毛豬配松露汁 $92烙上網紋的黑毛豬，伴菜有味道不錯的薯格、烤茄子和車厘茄。講返黑毛豬，質素比想像的來得好，雖然塊黑毛豬扒一百蚊都唔使，但係你會食到帶爽既肉質，仲有烤過的微焦香，咀嚼中也嚐到肉香。喜歡的更可以蘸上松露汁，黑松露味道不算太明顯，所以不用擔心會擔了味道。紫薯吉士雞蛋仔伴雪糕 $58幾鐘意佢地既雞蛋仔既配搭，賣相又靚，用既小鐵鍋又靚。除左紫薯仲有阿華田、Tiramisu同抹茶味可以揀。雞蛋仔上放左吉士醬，仲有紫薯茸，旁邊係一球香芋雪糕、半溶棉花糖同少少鮮果。如果你係好期望雞蛋仔充滿蛋味既話會勸你叫其他甜品，因為基本上呢個雞蛋仔係無蛋香，要靠吉士醬同紫薯先有味；質感似雞蛋仔形窩夫，咬落帶點煙韌口感，不過全部配料加埋一齊食都唔差！餐牌部份…查看更多