米線皇后 (已結業)

收工同老公lunch, 簡簡單單食碗米線, 唸住快啲食快啲返屋企, 見到li間米線店有好多食物panda紙袋, menu嘅辣湯底又吸引🤤.🍜皇后酸辣湯x薯粉 (HKD29+HKD9 滑雞片)原來8款湯底均有韮菜, 芽菜, 雲耳, 蓮藕片, 腐皮, 豆卜, 本身唔嗌配料其實都頗豐富. 小辣嘅酸辣湯酸味辣味balance, 勁多酸菜呢!!! 店家選用嘅薯粉係幼身嗰款, 軟硬適中好掛汁, 滑雞片都有好多件yummy.🍜川味麻辣湯x米線 (HKD29+HKD10 竹笙)BB辣, 小辣, 中辣, 大辣🌶🌶🌶🌶!!!唔係講笑的!!!初初見到湯底好似好稀, 以為小辣都無乜野, 最尾用左枱頭勁多紙巾抹汗🔥, 米線口感軟腍, 每啖都辣到....我揀左索湯度十粒星嘅竹笙食哂咁多條真係啖啖刺激, 四川嘅辣度唔係講笑, 尤其係切開嘅豆卜更加麻辣, 嗜辣之人必食.🍜麻辣大腸 (HKD32)佈滿辣椒油辣椒籽勁足料又厚切嘅肥腸配我地兩碗薯粉/米線係perfect的.🍜皇后水果茶 (HKD16)Li度嘅水果茶份量係平時我食開嘅米線鋪x2咁大杯🤩, 靚姐話係檸檬茶底, 仲有鮮果. 飲完再拮黎食, 驚喜唔係罐頭菠蘿🍍, 係新鮮ga! 士多啤梨🍓同藍莓都甜甜的, li個特飲正👍🏻.🍜柚子蜂蜜 (HKD18)…查看更多

米線皇后位於 九龍城福佬村道, 係恆生銀行後面, 如果搭巴士係太子道西落其實都幾方便,餐廳雖然唔係好大, 但裝修光鮮, 又坐得舒服, 最重要係價錢平民, 最平29蚊起就有交易, 我同朋友星期五7點幾入座, 唔洗好耐再入黎的人就已經要等位了~~今次叫左兩碗粉同少少小食。皇后酸辣湯薯粉配日式煎餃 魚腐 腩肉酸辣湯薯粉我地叫左最少的辣, 雖然已經入了秋, 但一整天下來還有30度時食就最醒胃。湯底用泡椒及多種香料煮成, 一食就知濃郁。腩肉肥瘦相間, 日式煎餃即叫即煎, 每一粒入面都好juicy~,魚腐夠大粒, 薯粉份量也很多, 而且每碗入面已經配有雲耳、腐皮、豆卜、豆芽、韮菜、蓮耦片等等, 大男人都夠食。另外一碗叫左招牌手工番茄湯配柱候牛腩 大腸 豬潤蕃茄湯以豬骨湯做base, 配上炒過的蕃茄, 使得湯底夠清新而滋味。柱候牛腩又淋又入味, 大腸味道鮮美，口齒留香而且米線的份量也很多, 差點吃不完呢。紅油抄手紅油的麻辣鹹香的平衡到位, 餛飩細膩滑嫩，肉餡多汁入味炸雲吞有3大隻, 脆卜卜, 熱辣辣皮蛋豆腐豆腐柔嫩, 皮蛋冰涼, 如果肉鬆及蔥花再多一點會更好吃皇后水果茶一大杯, 而且又唔會太甜, 仲有好多種生果, 檸檬西瓜菠蘿等等, 非常滿足好慶幸九龍城仲未有大連鎖米線店進駐, 唔會食黎食去都係同一隻味, 而且呢到性價比都算高, 下次係九龍城想食米線都會再番黎 :-D…查看更多

有時聽到或看到有人因那碗米線「重口味」而說它太咸，因那碗米線「淡口」而說它口味正宗，心中就會疑惑，香港人有那麼愛吃米線嗎？ 今次就去左九龍城試一間米線店舖，因為順便接埋朋友放工呢！【皇后米線】我本以為裝潢上偏中式...誰不知，是光光猛猛的環境再一點新潮的太空感覺...完全同我心裡的有點反差！哈哈！店員好有禮打個招呼後，便找個位置安排我地坐低。打開餐牌望望，見到選擇都幾多。主打米線有5款湯底可以揀：秘制辣湯、豬骨清雞湯、川味麻辣湯、酸辣湯、手工番茄湯。小食選擇亦不少。說上來，主食跟小食都挺吸引的。點菜時經過的員工說了叫試試佢地既照牌菜啦...那我們都聽了她的話好快就Order了。先來一個小吃，台式皮蛋豆腐 $22這個皮蛋豆腐賣相靚，及得上台灣夜市的味道！唯一是醬料既關係感覺上鹹了小小，但豆腐好滑，真心唔明點解咁滑既！雖然醬料鹹，但每一啖都可以令豆腐味道冇甘寡。推介！第二個小吃，就係好多人都推命既，吉列豬扒 $12一望就知道，吉烈粉漿不過厚，豬扒炸到金黃鬆化但並不油膩，不用鬆肉粉人手揼至肉塊軟腍！真係食完一塊都覺得唔夠。外脆內軟！十分低食！係網上見到句...「正所謂: 吉列豬扒一口過, 香脆美味無甩拖」...很好笑呢！主菜黎啦...酸辣薯粉兩餸 $45這裡的酸辣是有不同的辣度可選,點了小辣！辣度對我而言剛剛好！兩餸就是生腸，豆卜，這個配搭也不錯！生腸有肥脂，食落都名香濃！而且米線裡頭本身有芽菜酸菜，再加上小酸辣湯底確實惹味！但酸多過辣！另外他們的薯粉跟出面不一樣，因為咬落去不會覺得太Q彈，口感非常適中，不太腍身又不會太硬因爲平時出面的都覺得太難去咬斷。但呢度又冇這一種能覺！鍾意食薯粉既朋友仔...值得推介俾你👍🏽份量剛好，好開胃！另一配是的朋友的...麻辣薯粉兩餸 $44他們的麵是29蚊碗，餸菜就每款另計!...因為見佢寫話秘制辣湯以20多種辣椒及香料泡制而成，辣中有味，一試難忘，所以就選了！朋友吃這碗是BB辣，如果不是好吃得辣的BB辣都以經夠了。兩餸就是腸仔，豆卜!我倆都好喜歡豆卜呢！入而都係有芽菜酸菜，腸仔，豆卜就正正常常，沒有失望！唔知點解最後兩碗都係點了薯粉...可能係薯粉彈牙度硬適中又夠滑，極富口感吧！食完這試酸辣同廣辣薯粉後，一定要杯好爽既飲品啦皇后水果茶 $24他們的水果茶既水果真係可以形容「迫爆杯🍹」水果味十足呀！生果仲舊舊大又大杯，不過都係第一次見水果茶入邊係有西瓜嘅！好得意，有咁多生果好抵飲！入面有...西瓜、藍梅、菠蘿...等等...水果茶做得頗出色！茶的味道不會太濃又唔會太甜！好喜歡！喜歡水果茶朋友值得一試。茶的味道不會太濃，水果茶做得頗出色！物超所值！爽啊！估唔到一間小小的【皇后米線】估唔到咁細心，當我手機忙著拍照時，已經並不多沒電了，但竟然被我看到有得叉電...真係設想周到又貼心，仲有wifi提供，運即用即棄圍裙都有提供...太誇了吧！:)雖然味道不能稱得上超好味，但的確是非常經濟之選，環境唔迫又舒服！店裡食物質素又唔錯！絕對多左個去九龍城開飯既理由啦！…查看更多

去到九龍城，除左食特色泰國嘢，潮州嘢，都會幫襯下茶記，偶然機會見到呢間米線皇后，被門口水果茶招牌吸引了，便入内試試，我們一行4人，細枱已坐滿，伙記叫我們上樓上雅座，一上到去，好似去左太空，樓下裝潢以白色為主，樓上牆壁以藍色星空設計，好特別。米線好大碗，蕃茄湯底唔酸，皇后水果茶好大杯，兩個人都夠飲，嗰支匙羹义真係好特別，夠長可拮水果食，服務員殷勤有禮，我們本來每人叫一杯皇后水果茶，但服務员話可叫2杯share, 咁為顧客，下次會再來。…查看更多