百芳池上便當 (V City)

抵食台灣便當🍱百芳池上便當喺香港有好多分店，港九新界都有，好方便👍 V City都有！食台灣嘢就梗係要試佢嘅百芳豬扒便當啦！😋😋 便當會配埋三個配菜同埋半隻滷水蛋🥚覺得佢啲配菜好特別，尤其鍾意啲粉絲😊 套餐可以包一杯嘢飲，可以揀阿蕯姆紅茶、茉香綠茶或者碳焙烏龍茶🧋除咗豬扒便當之外都會推介佢嘅滷雞扒肉燥乾拌麵🍝 醬汁整得唔錯，好開胃！份量都好足夠👍 下一次一定會試埋佢嘅牛肉麵👍相信一定都好好食😋…查看更多

便當系列有包三款配菜、一隻滷蛋同一杯紅/綠/烏龍茶。1️⃣百芳豬扒便當 $61 豬扒熱辣辣又大大份，味道有啲似鹽酥雞嘅調味，少少鹹香。雖說係煎炸但唔會太油膩，配埋飯同配菜一齊食啱啱好👍🏻好滿足嘅一個台式便當2️⃣滷肉飯便當 $55 滷肉份量比較少，出到嚟就只有面頭幾塊😢同埋佢嘅滷汁再加埋配菜嘅汁，令到下面嘅飯濕晒，食落成個便當口感單調。都幾矛盾，份量想多返少少但又會整濕嗰飯😢不過，不得不說滷肉好有台灣食到嘅味道，唔係其他台式餐廳嗰種好統一又鹹又甜嘅滷肉👍🏻✴️整體而言，食物味道唔錯，份量多又夠晒飽肚，仲有熱/凍嘅茶飲，係一間會再回頭嘅台式餐廳。餐牌選擇又多，唔食便當都可以嗌湯麵/拌麵！仲有啲經典台式小食(皮蛋豆腐...)，其他飲品(奶蓋茶/黑糖珍珠飲品...)又可以另外加錢嗌，鍾意台灣食物嘅不妨試一試👍🏻不過餐廳地方唔大但都幾多人去食，所以要預返啲時間等位。THANKS FOR WATCHING❤️…查看更多

今日叫左個百芳豬扒便當，絕對係我喺香港食過最好食既台式便當！先講主角，因為外賣，個豬扒唔係好脆但都有少少香口感覺，相片都睇得出佢似係半煎炸咁整，唔會厚厚一層脆漿咁，亦都唔會好油膩，加上豬扒好入味，食多多都唔會覺得好漏。呢個便當食每一啖都好有驚喜，因為佢既配料好豐富，有爽口既菜脯、香辣炒粉絲、粟米肉碎、炒紹菜同埋半隻蛋，好欣賞佢有肉有菜、營養均衡，好食得黎又有營養講埋杯跟餐既阿薩姆紅茶（少甜少冰），可以自行選冰度同甜度，紅茶好香又解膩，係普通台式茶飲店既質素，唔錯！份量方面，對正常女仔黎講偏大，男仔食就應該剛剛好。至於價錢，$61有飯有野飲，加上喺地鐵上蓋既商場入面，呢個價錢合理！如果經過絕對要黎食～～…查看更多