PHI Coffee & Pancake (卡佛大廈)

營業中

休息中

今日紅日1.1.2022新一年第一日就嚟到呢間新開嘅Cafe試吓裏面環境好寬躺，好多位，凳後面仲有啲乾花俾人打卡影下靚想呃下like聽講佢最出名係疏乎厘一坐低就即刻叫咗個白色聖誕車厘子疏乎厘口感超鬆軟，配搭埋佢嘅脆脆同朱古力一齊食，味道好夾同埋佢嘅青口煙肉意粉，青口都好大粒好足料估唔到佢仲有埋一蜆肉喺入邊，意粉醬有少少酸酸地嘅味道好開胃好好食另外再叫咗杯伯爵茶鮮奶咖啡，伯爵茶味好出咖啡味唔會太濃，好飲下次會再嚟食

原來中環新開咗呢間cafe，入面個環境勁靚㗎，去到影相打卡100分。好彩早咗少少到唔洗等位，見佢有啲聖誕節主題嘢食，都突登揀咗幾款試吓。特別揀咗佢嘅梳乎厘聽講好多人推介，我就揀咗個白色聖誕車厘子梳乎厘，超輕軟彈彈吓咁，入口棉棉咁蛋味都好香，車厘子果醬好甜太甜｡ﾟヽ(ﾟ´Д`)ﾉﾟ｡另外仲有個辣蕃茄蟹肉扁意粉，辣蕃茄嘅酸辣味扁意粉都吸收哂，幾開胃㗎。但有啲失望係嗰個肉桂白朱古力咖啡，奶泡打唔到，變咗好快沉咗🥲無人哋影嘅咁靚，但味道都係好好嘅

周末如常出外逛街覓食，走過士丹利街發現新開了一家咖啡餐廳 “PHI Coffee & Pancake”，已營業一星期，但是日好日方才正式開張，門外安置了拜神位，偶然有疑似老闆人物拜神。 店內花叢處處，石屎森林中的庭園之感頗寫意。 展示三款店子精選咖啡豆，看來有要求。 喜歡找特別的，所以看中白色聖誕系列。 白色聖誕車厘子疏乎厘聖誕老人的梳打 白色聖誕車厘子疏乎厘 $122送到面前已經看得出輕軟感，一客三大件配四粒車厘子及忌廉，以白朱古力碎營造白色聖誕的意境。 疏乎厘如期望中入口即化，甜度適中，非常輕巧蓬鬆，不會過膩，但始終是奶油產品比較飽肚，個人認為兩個人分享更好。 聖誕老人的梳打 $42以顏色營造氣氛，底層是車厘子的紅，底層是梳打水的白，味道甜美可口。  全日早餐 $108少不了我最喜愛的早餐，類似西多士的法式多士予我驚喜，多士質感如疏乎厘般蓬鬆，口感軟綿綿非常舒適，甜甜哋的。 其他配料亦有水準，香草香腸及煙肉預先輕輕煎香，煙肉是偏瘦的所以不肥膩；煙三文魚花球內有只半熟蛋，沒有可能不討好，伴以沙律菜平衡飲食，我認為組合非常理想。  手沖咖啡 $52Yirgacheffe Washed