BEP Vietnamese Kitchen 越灶 (已結業)

因為K11有食$200平$150嘅coupon,今日花家全家出動試呢間越南餐廳。一行4人叫咗超多嘢食，每人一碗湯粉再加生蝦，柚子沙律，炸春卷，兩杯滴漏咖啡同埋一個椰青。食咗咁多嘢減埋coupon先$400。今日商場個app冧檔攪到有d混亂，個個staff都好忙但佢哋嘅超有禮貌，服務一流一定會再encore

Bep Vietnamese kitchen 在k11 musea ，真係值得一試，今日二人食左一個一人餐 set lunch,另外叫咗柚子大蝦沙律 同埋生蝦，講到set lunch 無咩特別，叫河内湯河雙拼，即是牛丸和牛肉，食左一定夠飽肚，我就中意生蝦，個汁撈得好好味，一碟有20隻，都係100左右👍🏻👍🏻👍🏻，柚子沙律都好好食，份量十足，青檸梳打太多青瓜，好多草青味👎👎👎但成間餐廳最唔好就係只限你座75分鐘就要走，仲有啲二人位都唔係座得咁舒服，想傾多陣計咪使指意。

有一日去左呢度食飯，因為有人同女朋友講話好食。兩個人去食，要人齊先入得，由於K11上電梯比較迂迴，所以錯過左幾張枱，都等左一陣。生蝦，印象最深刻，因為98元有好多，都真係多，食極都有。你都知平時去泰國舖係一條蝦一條菜，卡啦卡啦只有幾條。呢度量大贏左，果道亦ok。米紙卷，冇乜特別，正常，普通，冇乜記憶。豬頸肉串燒，好食，肥嘟嘟，彈彈地，可以試下。如果你睇圖見到有個好似好特別，一個煎餅包住果個，你係咪都好想試？我就係睇餐牌見到好似好好食就叫左。結果係，伏左，應該只係唔岩我口味。個煎餅不好食，好粉，冇味。煎餅好似包住啲嘢，只係放喺面度，裏面有一些餸，例如芽菜、海鮮，但係完全好似白烚咁，冇味，我好後悔。榴連沙冰，好好飲，因為好重榴槤味，但飲飲下先發現，原來一啲冰都冇，所以唔好期望係沙冰，佢只係一杯榴連汁。不過，係值得叫的。啤酒，係好正常，增加晚餐的開心度。下次如果諗唔到食乜嘢，都會有興趣再食。

今日出尖沙咀k11musea睇戲，睇完睇下有咩食先，2大2細食咩好，試下間越南粉先，佢啲越南粉不過不失，唔算太特出，個雞絲河粉個洗幾好，但個蟹河真係有隻蟹係度，但我唔太鐘意，個牛肉沙律甜甜地酸酸地，幾開胃，仲叫左個串燒雞，佢個串燒雞比較大件，好有口感，唔似出面1啖就無哂，另外個豬油渣撈飯幾特別，出面唔多見，仲叫左杯凍咖啡，個人覺得越式既咖啡係唔錯，仲有個生蝦，勁大碟，無殼但味道唔錯，埋單600幾，尖咀黎計算係噤