Ann Mamma Thai kitchen by 張秀玲

營業中

休息中

Ann Mamma係一間位於荃灣嘅泰國餐廳🇹🇭 佢哋嘅裝修好靚，唔睇menu嘅話真係唔知係一間泰國餐廳，比較似一間以植物同熱帶風情為主題嘅Cafe🌿🪴 佢哋嘅食物價錢算係中價位，不過大部分食物啲份量都幾大碟㗎🤣 味道嚟講就好似同平時嘅泰菜有啲啲唔同，感覺好似有少少港式，唔夠正宗🤭•🥢 大蝦炒金邊粉 $108呢個炒金邊粉同平時食開嘅有啲唔同，平時食嘅泰式炒金邊粉都係偏橙色，但呢個就偏啡色 ，食落唔太酸，豉油味比較出，朋友直頭形容佢似港式嘅「乾炒牛河」🙈 不過佢面頭有好多花生碎同炸乾蔥碎，炒得好乾身，好香口，又有返啲泰式嘅感覺•🥢 冬蔭公 $108未上枱都已經聞到超香，然後就望到有3隻好大嘅大頭蝦，好誇張🤣 啲大頭蝦有蝦膏，食落好香 ，而且肉質彈牙，係好新鮮嘅😋 冬蔭公湯入面仲有好多菇，飲落味道偏酸、唔辣，而且椰香味同番茄味都幾濃🤤•🥢 生菜肉碎包(豬肉) $98呢個生菜肉碎包真係食過嘅泰菜入面最大份🤩 肉碎份量好多，生菜嘅份量都足夠～ 肉碎嘅味道微辣，酸味比較出，但又唔算好酸，食落幾易入口同開胃～但稍嫌炒得唔夠香，同埋肉碎無乜口感，比較淋～ •🥢 椰汁芒果糯米飯 $48呢個係全晚最細份嘅

我覺得作為泰國菜粉絲一定要來試吓張秀玲，菜式選擇多而且味道都好唔錯！泰國餐廳必點生菜肉碎包，佢地呢到嘅嘅肉碎炒得好出色，冇食到肥豬肉，鹹淡適中！加埋紫洋蔥炒仲有淡淡的甜味，而且份量好多，超級抵食！炸墨魚餅非常有驚喜，不嬲去泰國餐廳食都係炸蝦餅，見到有其他選擇貪得意試吓，點知墨魚餅非常有咬口入口好彈牙，每件墨魚餅都好大舊，擺入口啖啖墨魚味好鬼滿足！個人覺得點唔點醬都咁好食蟹肉炒飯我覺得好難好食，但係呢度竟然炒得好有鑊氣！仲要蟹肉好多，每啖飯都有蟹肉咁濟！味道方面我覺得落埋青檸有不一樣的感覺，更加fresh，完全唔會有包濟感。如果落埋魚露我覺得有少少偏鹹，就咁食我覺得已經好足夠，食到蟹味同埋炒飯嘅香味食味道偏濃嘅野又點少得嘢飲！呢杯荔枝特飲簡直飲落去完全refresh左個人，唔會好甜，可能係因為擺咗少少香茅，平衡左成杯嘢飲嘅味道，仲要好醒神！仲要有咁大粒荔枝肉！推介要試下

係荃灣行行下街上網揾到附近有間食泰菜好似唔錯咁，就拉埋朋友一齊去食下😍😍  😍泰式燒豬頸肉😍 豬頸肉黎講，泰式呢種真係冇得輸，好似基本上去親泰式餐廳食都唔會伏，好好食😍肉質好爽口彈牙，仲有個泰式辣醬比你點黎食，正丫😚😚😚  😋生菜肉碎包😋 如果想冇咁熱氣推薦叫呢個，有d菜食落冇咁滯同膩😌佢d肉碎比得好多，我諗一次要包好多肉先包得哂😎生菜好新鮮爽脆，肉碎調味好香😚😚 😌大蝦炒金邊粉😌 有次同fd食發現佢原來唔識點食金邊粉，等我黎個小教學先🤣側邊既檸檬可以榨d汁落去，之後就加d花生碎落去撈勻佢，咁既金邊粉就會食落酸酸甜甜，同更有口感喇佢上個陣係啱啱炒起，噴哂煙架😋😋  食左咁多，食到好飽都係人均$152，裝修都幾文青，環境都坐得舒服，想悠閒咁坐低食飯呢度都係唔錯既選擇😎😎😎 

之前行經見到門面幾靚 已經好想試 今次去食 發現餐廳樓高兩層 地下既裝修似cafe多過似平時既泰國菜餐廳 而樓上既裝修就較為簡約 走工業風太即慶無book位 星期五6點半黎到 7半就要還枱 本身仲以為未必夠時間食 但係上菜速度又幾快▪️黃咖喱 $88黃咖喱有牛腩同雞肉 兩款肉類供選擇泰式咖喱偏水狀 食落濃椰香 帶小小辣味 惹味得黎又幾容易接受 幾適合淨係食到小小辣既人雞肉嫩滑 份量還可接受 食落無睇落咁少咖喱當中加左超多蔬菜！有西蘭花 椰菜花 南瓜 茄子 爽口豆角 份量多到完全掩蓋左啲雞肉 有一刻以為我地嗌錯左雜菜咖喱 蔬菜真係超索汁 食落仲惹味過舊雞肉 不過略嫌南瓜煮得唔夠軟冧▪️烤薄餅 $48烤薄餅薄薄一塊 單食微脆 口感有啲似粉糰 個人就唔太鍾意 不過吸咖喱汁確實一流▪️椰子開心果沙冰 $48沙冰不得了 打卡真心正飲落好重冰感 淡淡椰香 有粒粒開心果碎 開心果味偏低調 不過就增加左唔少口感 當椰子沙冰黎飲都幾唔錯▪️生菜肉碎包 $98有豬肉鴨肉 兩款肉類供選擇豬肉完全唔柴唔韌 口感一流調味同平時既有啲唔同 好鍾意佢既肉碎帶酸味 配埋新鮮爽口生菜 幾清新開胃⁣⁣⁣⁣⁣⁣⁣⁣⁣⁣⁣⁣⁣⁣⁣⠀

放工行開荃灣吉x島買聖誕禮物,一定食完晚飯先回家，在香車街街市附近找晚餐，今晚我們都想吃泰國菜，在這一條短短的街道上，看到這間鋪頭燈火通明，而且裝修很新穎，店舖是樓高兩層的，我們被簡約白色的門牌及燈光吸引著，看看餐牌原來是新潮的泰國菜館，單看餐廳的裝修絕對想不到這是一間泰國餐館，也找不到服務員穿着任何泰國傳統服飾，很有文清Cafe的感覺，所以我們決定試試吧！生菜肉碎包$98，特別之處，有鴨肉選擇，在出邊餐廳找不到，不吃辣的朋友，會覺得辣，食物味道新頴，好像吃北京片皮鴨兩食的炒片感覺，好得意，中泰合璧，推介推介青咖喱雞$88，椰香香濃，香濃撲鼻，雞件嫩滑，配上烤薄餅$48一流，絕配選擇，烤餅好香牛油味，烤得香脆，而且外型吸引得意，細細粒，一口一件，有八粒，正泰式炒飯$88味道適中，炒到粒粒飯，份量大碟泰式凍奶茶$28絕對擁有泰國本土奶茶的味道，而且還喝得出有豆奶的香味，份量也是大杯來的總括而言，菜式外貌新穎，價錢合理，份量大，環境裝修走年輕路線，有別於一般傳統泰國菜館，座位寬闊舒適，年輕的服務員很親切，上菜速度很快很快，而且價值比高，下次可以試其他菜式，係聚餐一個好選擇

最近要黎荃灣做野，發現周圍都幾多野食。其中見到呢間食泰國菜嘅餐廳，由於門面好多植物，一種賞心悅目嘅感覺，吸引我地入去一試。餐廳入面空間闊落，有2層高，絢麗嘅泰國抱枕帶有民族特色，加上溫和嘅燈光搭配實用簡潔嘅實木傢俱，帶俾人一種東南亞風雅嘅氣息，環境舒適。餐牌設計好靚，喜歡呢種風格素材插圖，食物都好多種類，而飲品方面絕不單調，梳打，沙冰，紅茶，special drinks,款式多多好吸引。我地order左泰式小食拼盤，泰式燒豬頸肉，生菜肉碎包， 泰式蟹肉炒飯，一杯青檸梳打同一杯西柚梳打。先黎2杯梳打，賣相吸引，味道酸酸甜甜又夠汽，西柚冇苦澀味；而青檸梳打更有有少少椰青水味，非常香甜。生菜肉碎包，開胃嘅小菜，新鮮嘅生菜包住肉碎，裏面混有辣椒，紅蔥頭，仲有清新嘅檸檬同埋魚露嘅香味，先食到一陣酸味，然後辣椒發出佢嘅功用，慢慢滲透出黎，非常惹味。泰式小食拼盤有三款小食，蝦餅，春卷同雞棗。每一樣都炸得香脆，豬最鍾意春卷入面嘅餡料有大量蔬菜，口感豐富又唔膩。雞棗當中加入的香茅令味道提升。而蝦餅入面真係搵到蝦肉，材料足，肉質彈牙。泰式燒豬頸肉會令人一口一口食過不停，燒得香口的豬頸肉，肉質juicy唔會