越北牛肉粉

營業中

休息中

趕時間又見其他鋪要等位所以入去快速食一餐叫左個一人餐$88 包一個主食、小食同飲品豬頸肉一人份量，唔算入味，亦都冇醬料提供，跟住上嘅醃菜味道普通。不過豬頸肉雖然烤過但唔會乾，外皮香脆，加返少少分。但整體嚟講唔太值得試。生牛肉河粉賣相普通，一團糟。不過落單嗰陣可以揀走蔥、走芽菜、走蒜、甚至走金不換，幾貼心。青檸同辣椒跟住上，但我個青檸乾到一滴汁都擠唔到出嚟，索性成個檸檬掉落去。湯底普通，牛骨味唔重不過有香料味，我幾鍾意佢有蔥絲同時有埋蔥粒，多啲口感亦都多啲蔥香味。牛肉算有牛味，大概係凍肉舖$58-78磅嘅質素。朋友嗰碗生牛肉河賣相好啲，而且啲牛夠生，呢樣好重要。整體嚟講不過不失，唔會專登去食。

今天來荃灣行街，竟然有我最鍾意的越南菜，有段時間冇食更加想念⭐️生牛肉河粉河粉熟度剛剛好，帶點彈牙，牛肉淋上熱湯瞬間熟透卻又不老，香而不騷，配上香濃的湯頭令人食慾大增。⭐️烤豬頸肉豬頸肉口感很紮實帶點煙韌，鹹中帶甜，香而不膩，配上河粉或是白飯都好食。⭐️軟殼蟹米紙卷軟殼蟹炸的酥酥脆脆，紙米卷中包住米粉，軟中帶脆，口感、層次完全被帶出來。⭐️炒通菜馬拉盞味道香濃，通菜又很新鮮，且口感超爽脆，大大一盤可兩人吃呀。⭐️桂圓紅棗茶除咗桂圓同紅棗外還加入菊花玫瑰，另味道更有層次，估唔到竟然是微甜的飲料，真係好難得呀⭐️青檸椰青水平時都單飲椰青，這次睇到加上青檸當然要試下先，椰青本身係好清涼加上青檸有種很清新的味道，好適合搭配越南菜。