稻八日式火鍋炸物放題

開心食放題，不開心也食放題，放題係治癒心情的最佳良藥。稻八日式火鍋炸物放題位於荃灣千色匯附近，地點方便，搭地鐵又得搭西鐵又得。店內環境設計好開揚，座位與座位之間好寬闊，給人簡潔舒服的感覺。稻八的放題是可以在任何時間入座計用餐2小時，足夠我們輕輕鬆鬆慢慢食。放題套餐有平有貴，由HK$158的美國自然豚肉片放題，到HK$368的日本國產黑毛和牛盛合放題亦有。我們選了HK$298的嚴選澳洲M6和牛盛合套餐。這裏的火鍋湯底選擇好多，我選擇了北海道3.7牛乳牛骨湯底。湯底送上時已經有數件牛骨，應該真的是用牛骨熬製而成，湯底入口除了有豐富濃郁的牛鮮味道之外，還有香滑香濃的牛乳味道，用來涮牛肉，簡直是相輔相成。先來的是M6澳洲和牛胸肉、M6澳洲和牛舌、M6澳洲和牛下腹腩肉、M6澳洲和牛牛肩胛肉盛合，整個盛合又睇得又食得，和牛油花、紋理都好平均，牛脂不膩，入口香滑即溶。我們食完忍不住叫完再叫，而這店舖亦非常抵讚，以我們加了幾次M6澳洲和牛來說，碟碟紋理口感也同樣出色，唔會好似其他店舖般越食越唔靚，食多幾碟已經回本。極上安格斯牛小排，切得好像手切牛般厚身，口感爽滑，牛味道比較香濃，配上牛骨湯，滋味倍加。羊肉鮮嫩唔膻、美國自然豚肉片爽滑、日本北海道雞片入口JUICY、牛柳粒牛肉味香濃。海鮮盛合好豐富，尤其是北寄貝及象拔蚌好爽脆、蠔煮過沒有縮水而且好厚肉。還有刺身都是任點任食，刺身新鮮，片片都是立立令的。馬刀貝及北寄貝爽脆、劍魚及三文魚及油甘魚肥美、帶子及甜蝦及櫻花魷魚都好鮮甜好爽滑。這裏好特別，有得自己動手炸天婦羅，唔駛驚自己唔識炸，因為佢有電視教學，跟住佢做，好容易就學會，真係有得玩有得食。炸完之後，仲有好多好好味的調味粉，加埋我至愛的孜然粉同地獄辣粉，整成我自己獨一無二的天婦羅，估唔到連自己炸都可以炸得好有水準。最正的是炸芝士蛋及炸芝士丸，炸完之後芝士流心，外脆內軟。還有一大個位置擺放了自助食物，例如: 飲品(不同罐裝、紙包、自製果茶等)、甜品、冷盤(例如八爪魚、螺肉、沙律菜等) 、蔬菜、丸類等等。總之就各式其式，食物種類之多，實在要好多個胃先可以款款試勻。…查看更多

-今次約朋友去荃灣就食日式火鍋放題, 價錢唔算太費。餐廳環境幾闊落，不錯👍-依間餐廳有6個不同價錢嘅放題可以揀，今次就揀左 $238 極上安格斯牛小排放題，而湯底就揀左蕃茄湯底。$238 極上安格斯牛小排放題1. 任點 刺身（每款刺身好新鮮，好鮮甜，好高質👍🏻不停點刺身食，必食刺身！）2. 特級美國穀飼牛（肉質嫩滑，睇落好新鮮, 牛味濃郁☺️）3. 手切牛肉（手切牛肉係厚切，牛味十分濃郁❤️4. 羊肉（羊肉嘅騷味比較重）5. 美國自然豚肉片（豚肉好新鮮，味道一流😘）6. 日本北海道雞片（雞肉十分嫩滑，好好味😍）7. 牛白肉 8. 牛柳粒（牛肉味香濃，肉質軟彈牙，味道不錯😋）9. 墨魚滑，蝦滑，花膠（墨魚滑同蝦滑都好彈牙，而花膠都好滑😆）仲有好多蔬菜，肉丸類，菇類選擇😍-飲品是自取，有各款汽水，烏龍茶可以飲😋-甜品區有雪米糍，雪糕三文治，雪條🤤（P.S 埋單前有Haagen-Dazs雪糕 或者 movenpick 食）-每人大約$238 就食到咁高質嘅食物，真係好抵食😎…查看更多

友人相約荃灣晚飯，交通四通八達都幾方便今晚食日式火鍋，向德華公園附近「稻八日式火鍋炸物放題」美肌膠原湯底，有海螺條、兩條原隻花膠，幾足料食 $368 日本國產黑毛和牛放題，有好多款牛俾我地揀，國產黑毛和牛、澳洲 M6和牛、極上安格斯牛排、特級美國穀飼牛肉，其中黑毛和牛肩肉便是我至喜歡的，牛肉質地夠嫩口，淥幾秒就食得，很香和牛味還有豚肉片，質素唔錯還有海鮮拼盤，青口、扇貝、墨魚、蝦、生蠔還有天婦羅俾大家揀選自行製作使用時要「小心」甜品區有韓國雪個、迷你雪米糍，滿足大家的第二個胃多款飲品任意選擇…查看更多

話說 好耐無約過女朋友撐枱腳😅😅就打電話 book定位 約返工附近既出名日式邊爐 同女朋友食🍴🍴氹下佢開心🤗打邊爐前 大家一齊寫張許願咭Sweet sweet下❤️餐廳仲有一大特色就係可以自制炸物👏🏻👏🏻圖文並茂 教大家點整 少少安全指引 提醒大家整得小心之餘 仲要注意安全⚠️Step one炸物已經一串串整好 自己揀返心儀食物就可以👍🏻Step two左面:炸醬右邊:米糠先沾上炸醬 再沾米糠Step three將炸物放入爐內 旁邊有計時器俾大家用好貼心😘Step four將炸物拎起加入自己喜歡既調味同女朋友玩得好開心炸物又好食一舉兩得😆邊爐亦都係主打🍲湯底好濃鰹魚味 好甜 用黎打邊爐 一流👍🏻👍🏻甜品方面 好多選擇好吸引侍應服務態度亦十分好 加湯 收碗 refill速度好快😆…查看更多

今時今日打邊爐沒有季節之分，有冷氣下隨時火鍋癮起都可以去大快朵頤。最近聽說荃灣有間火鍋放題店可以自己落手炸食物，的確十分吸引。雖然地點對住在九龍的草根來說有點遠，但為了吃無論如何都要試一試!到達後發現原來裝修充滿日式味道餐廳的空間感很大，面積不少，桌子間留有一定位置，讓人坐得很舒適。餐廳有不同的套餐可供選擇，由最實惠的豚肉片雞肉套餐 ($158)到最豪華的和牛盛合 ($368)，豐儉由人。這次草根就先點上中價的極上安格斯小排放題 ($238) - U.S Superme Beef Short Rib現時點$238以上套餐更可獲贈牛胸白肉片，聽說此部位十分珍貴，每隻牛就只有胸前一小塊白色的肉呢!套餐內包括牛肉片、羊肉片、豚肉片、雞肉、安格斯牛肉粒、炸物及刺身。以上所有食物都可以不斷追加，另外餐廳餐提供各式丸類、蔬菜、沙律、麵食、甜品和飲品可以讓食客自由選取。選好套選後，首先要從8款湯底中選取一款。草根妹妹一早已鎖定北海道3.7牛乳牛骨湯，感覺吃完後皮膚會變美呢~然後草根馬上在刺身紙上點選魚生。刺身完全沒有漏單的情況，甚至比我們點的都要來的多呢!刺身片厚切，而且十分新鮮，三文魚、吞拿魚及油甘魚口感柔軟， 特別是三文魚夠肥美，象拔蚌也十分爽囗；可惜北寄貝及甜蝦未算鮮甜，整體屬合格之列。而且刺物也是可以追加的啊!肉類方面，雞肉淥熟後肉質粗糙。 羊肉選材偏瘦，故口感不夠滑身，不過羊肉帶羊騷味，味道都不錯。 豬肉入囗柔軟，脂肪分佈平均，肉軟滑油份十足，完全冇豬肉腥味。 牛肉都不錯，肉質柔軟，雪花分佈均勻，肥美而且鮮嫩。安格斯牛肉粒不過不失。而送的牛胸白肉片對我們而言真的太油膩，吃不慣。草根姐妹為以上肉類做了個排行榜，第一名：牛肉； 其次是豬肉； 第三名：羊肉； 之後是安格斯牛肉粒，最後是雞肉及牛胸白肉片。不過重點當然是若然大家吃完第一輪仍未滿足，可以無限次追加各種肉類，直至你再吃不下為止！ 現場還有大量蔬菜、丸類、沙律、麵食，可自由選取，這方面質素正常，與平日打邊爐的選擇無異，故不在此特別介紹。火鍋途中店員看到湯底所剩無幾都會主動來添加，而且還會添加相應湯底，而不是加白開水，所以湯底到最後都不會變淡呢!我們嚐了口湯底，還真是有明顯牛肉的味道呢!當日的甜品有士多啤梨忌廉泡芺和日式和菓子。想不到此兩款甜點也不錯，和菓子選有兩款口味，黑糖紅豆及抹茶味，前者的味道令人驚喜，不但外層十分煙韌，黑糖味也很突出，很好吃呢所以草根後來很飽也再追加了。此外，甜品餐有2軟口味的Dreyer's D-collection雪糕杯及6-7款口味的雪米糍。因為Dreyer's 每晚的數量有限，被人取光後就不會再補充，所以草根建議大家可以一開始或者中段先去吃一杯自己喜歡的口味，當日草根就選了抹茶黃糖味，其實抹茶味不太突出，但Dreyer's雪糕本身的質素就不錯，當然不會太差。同時，飲品也可以讓食客自由選取，款式選擇很多，一定能夠找到合口味的飲料。愛飲啤酒的顧客更可加$20享用Asahi任飲的優惠，價錢很實惠呢!重點之一當然是餐廳獨有的自助炸物！！！大家一次過可以選擇3-4種材料，有蝦、午餐肉、秋葵、蕃薯、芝士魚餅等等。選好食材後先沾上炸醬，然後再灑上麵包槺就可以放於炸物機內炸數分鐘，製成品最終炸得如何就要看看各位的功力了草根就自覺炸得完美，特別推介特創意為最好吃的年糕魚片，中間的年糕炸後十分煙韌，好好吃啊。這個自助炸物環節的確玩味十足，而且味道也不錯呢!這夜飲飽吃足，還享受到不錯的服務，我們要添加肉類時店員都很快就送上追加的項目呢。或許下次可以來試試價錢更貴的和牛套餐了!…查看更多