樂天大喜屋 (已結業)

小學同學聚餐，老人家食得唔多，有些又唔食生冷嘢，不過我們卻特別愛放題。尤其是樂天午市3小時任食，長者還有有88折，足夠時夠又傾又食。位處創興廣場2樓，位置方便易搵。座位、飲品區、熟食區各據一方，井然有序。熟食區主要是炸物、煮物和涼拌。炸雞、咖哩角、南乳豬手、蘿蔔牛腩、日式螺肉、涼拌青瓜……如果食曬都飽了吧？我反而被醃蕎頭驚喜了，好耐無食，食完胃口大開呢。飲品區大冰櫃放滿各式飲品，此外還有熱茶、咖啡、清酒等，相信這三小時每人都至少飲了3種或以上的飲品。先來個刺身盛：三文魚、油甘魚、鯛魚、北海道帶子、甜蝦和極品大赤蝦。全部都新鮮肥美。這兒的壽司很精致，款式又新。芝士鰻魚玉子燒壽司、黑松露蟹肉帶子壽司、魚籽拖羅塔壽司、蟹蒜醬燒紐西蘭青口壽司等等，吃得出新鮮即製，非常可口。燒香草羊鞍更是每枱必有一大碟。的確燒得軟硬適中又入味，老人家也咬到。想不到日式放題也吃到蟹粥、古法蒸海龍躉王、滋補花膠燉鮮奶和龍眼銀耳露，誰說老人家不適合食放題？樂天大喜屋旺角彌敦道593-601號創興廣場2樓

以前會黎創興廣場Neway唱k，然後就會好好奇呢間咁長龍既自助放題店係咩名堂。今次終於的起心肝，睇吓係咪真係咁好食。好彩嘅係，我同朋友可以趕係六點放工前嘅時間過嚟就即刻有位坐。餐廳環境搭電梯上左兩層，就到咗餐廳啦。直行幾步就到櫃檯，近櫃檯嘅有一個自助空間，俾你拎嘢食。餐廳都係全層嘅，而左手邊主要係廚房。六點準時到達嘅我哋，暫時冇乜人。座位與座位之間有好大嘅空間，唔會太迫。侍應仲俾咗張四人枱我哋兩個人坐，感覺更加舒服。​收費價錢主要係$238或者$258，分兩段時17:30-20:15或者20:15-23:15，亦都可以自選17:30-23:15內任何兩小時，如果可以19:30前離座或者21:15後入座仲有85折添。餐牌總共有13張紙可以任點，分左一本薄係A-F餐紙，全部係冷盤類，而一本薄就係G-M，全部熱食。自助區呢個自助食物區真係超多嘢食，有唔同類型嘅甜品，糖水，湯，仲有唔同嘅飲品，見佢啲嘢食fill 得好密，夾起身仲有微溫。嘢食有餃子，章魚小丸子，菠蘿芝士腸串，想補身嘅你，仲可以揀藥膳雞腳，雪櫃就有唔同口味嘅雪條，仲有豆腐花，乳酪，西式甜品，飲品方面有果汁，汽水，呢啲放題就必有㗎啦

次次去「創興廣場」，上到二樓都一定甩到一大堆人排緊隊等入座，由開業至今一直人氣高企從未間斷，每次經過都會同身邊同行既友人/另一半講一定要黎食，終於到左呢個日子！餐廳環境佔左「創興廣場」二樓一整層，但由於廣場地理位置問題，餐廳既設計係以四方型咁設計，座位分配分左兩邊，多人時排隊亦會係餐廳門口位置以蛇餅方式排，但安排都唔錯，加上好早到，避開繁忙時間，好快可以入座。收費時間：17:30-20:15星期一至三　$238/位 +10%星期四至日　$258/位 +10%時間：20:15-23:15星期一至三　$238/位 +10%星期四至日　$258/位 +10%自選時段星期一至三 　$238/位 +10%星期四至日　$258/位 +10%19:30前離座 或 21:15後入座有85折。餐牌有A-M即13張紙可任點，A-F係冷盤類(壽司、刺身、手卷)，而G-M就係熱食、串燒、炸物類。選擇眾多，而且二百幾蚊放題但係多貴價食物款式，例如有松葉蟹腳、燕窩三文魚腩、海膽手卷、鮑汁花膠、沖繩黑糖牛仔肉等等，花多眼亂，總有食物岩你胃口。自助區首先去左呢到既自助區，唔止得飲品同甜品，仲有前菜同埋小食！前菜有泡菜

今日朋友聚會 約起旺角唔洗諗 旺角放題最出名一於食放題啦🎊🎊今次選擇「樂天大喜屋」🍽一聽大喜屋就知係質素既保證👍🏻就算係平日 都超full 好多人😱第一件事 必定係點刺身刺身選擇勁多 款式多到令人花多眼亂 👍🏻必點三文魚 三文魚肥美 新鮮👍🏻帶子 十分鮮甜👍🏻赤貝 爽甜除左刺身 壽司亦都唔好錯過熱食方面呢 種類好多 唔食魚生既朋友 都唔需要擔心無選擇☺️必點之一「沖繩黑糖牛仔肉」牛肉超淋 嫩口 加埋黑糖 好夾👍🏻串燒 炸物 應該真係即叫即整 上枱時熱辣辣 保持到溫度熱辣辣 香噴噴 忍唔住叫多幾轉雞軟骨真係好正 好野味😋甜品亦都唔可以漏 唔可以放過🍧🍨🍰🎂甜品細細件 可以試多幾款👍🏻雖然係放題 但餐廳都設有自助餐區 有部份熱食 水果 雪條 雪糕俾大家揀都仲有好多熱食可以自己夾🍴飲品係自助形式 除左罐裝可樂 汽水 綠茶之外仲可以自己斟清酒 梅酒🍶

呢次係我朋友負責訂枱的, 訂了六點那一轉, 我地五點半已經到了門口, 但原來要有ref. no. 先可以編到枱的, 經了解係我朋友miss左個confirm booking call所以作放棄論, 我朋友話因為係3字頭電話號碼, 所以無接到電話! 甘唯有等已編枱號既客人先入, 我地就唯有等, 不過原來都有好幾位客人有類似我地既問題發生,大家都好無耐, 直到六點四個字左右, 已編枱既客人已入場開餐, 就開始處理我地無ref. no.既客人, 有客人已經等到發火同嘈安排混亂, 訂了枱又話要乜乜ref. no. 先可以食, 所以為勉搞大件事及造成更大既混亂, 經理先編枱給那個客人, 而其他客人就繼續默默等待安排, 我覺得甘既安排好唔公平!!終於入到去啦! 不嬲食放題我地都主攻食刺身為主的, 特別喜歡食蝦同帶子, 呢度既蝦都算大隻又好味, 而帶子都算厚身有口感! 好味呀!! 其他刺身就不過不失啦!!另一個我中意食既就係呢度既招牌極品磯煮鮮鮑魚, 上面配素翅, 食落好鮮味同夠彈牙, 推介!!平日放題絕不會點的手卷, 係呢度就一定要試下, 因呢度既海膽手卷出名正!! 的確名不虛傳, 海膽非常新鮮,

個人對日式放題並不算太熱衷，卻是各大放題的常客，只因身邊人太愛吃放題了。每當安排飯局，總是以放題為首選，而這已是我的第五次到訪大喜屋了。  為方便在佐敦上班的媽媽，選了旺角新張才半年的「樂天大喜屋」。稱之為「樂天」，不知會否跟「極尚」一樣有驚喜呢?  樂天大喜屋位處創興廣場2樓，跟尖沙咀店一樣方便。因事遲到15分鐘，侍應仍留位給我，抵讚! 由侍應帶領迅速入座，吃放題還是分秒必爭的好。放題分兩個時段，第一時段(6:00-8:30)及第二時段(8:45-11:15)，平日收費$228/位，假日$248/位，共兩個半小時，午市是$208/位，更暢吃三小時呢!  店面面積，是第一個驚喜。樂天該是大喜屋系列中面積最大的了，這兒的前身該是Jusco十元店，可想而知有多大。    左右兩邊都是食場，場的中央分設等候區(到過大喜屋的人該知道這是入座前的指定動作)和飲品區，空間感比其他大喜屋都要開揚，店面光潔而明亮。  雖然二人桌桌面依舊狹小，但出入比其他分店方便，亦因此衍生第二個驚喜，這兒的飲品和冰品是隨意自行任取的! 數個大冰櫃放滿飲品，各式汽水、啤酒、樂天系列飲品、紙包飲品、咸柑桔、果汁先生...

睇見openrice樂天大喜屋食評唔差，一早知道難訂枱，預早在上星期訂定今8:45場！大約8:30到達，眼已經人山人海等入閘……準時8:45已經可以坐低點嘢食！首先出場大刺身一盤！ meun上有極大赤虾，覺得好奇，so點一點試下先!超意想不到！同甜虾size相差成幾倍！味道亦不失，夠鮮味！真係驚有D食唔曬！ 其他刺身都新鮮， 數量十足！ 壽司方面有，很多壽司款式都從未在放題見過， 好似一些高當壽司店才會見到這些買相！ 熱食方面天婦羅送到時，咬落都係出哂煙，一定係即叫即炸，夠乾身！正 ， 燒物方面，大阪燒豬腸，甜甜地幾得意！ 燒海蝦食得出唔係雪藏蝦，有虾味,正， 燒牛舌，時間控制得好好，勁juice! 帆立貝小酥盒, 岩岩焗起勁熱辣辣！ 極品煮鮑魚鮑魚， 夠入味 ，夠口感，鲍魚底的蘿蔔吸收上湯的味道， 如果唔食呢舊蘿蔔真係曬哂！ 甜品及雪糕 方面也很出色，有很多西式甜品選擇，味道不錯，only係賣相都已經值100分 服務方面簡直一流，入場的時候氣勢帶有一種客人被重視的感覺！ 佢地雖然十分忙碌，走來走去， 但都不停更換我哋盛滿虾頭的碟！ keep住水凖,下次一定要再嚟!!

見到有新放題，外面睇人山人海應該唔錯，所以就試佢一試。在門口拎咗枱號入到去問待應枱在那裡，原全感覺到今時今日咁ge服務態度 走咗一圈揾到位，失望 好迫 ! 枱面甘本唔足夠位置放食物，我點了一個刺身盤同埋其他小食。份量唔多，但食物碟偏大，浪費了不少空間，放了刺身後，想擺放多一碟食物都有點困難。最後待應竟叫我用單手拎住一碟食物。講到食物，我點了多種刺身，三文魚、赤貝、鮑片、大蝦刺身味道合格，鮮味夠，種類也足夠，刺身盤裝飾得好有心思。刺身來的數量和等待時間都okay !小食方面點了鮑魚，味道比想像的鮮味，口感方面有鮑魚的咬水口，整體都算唔錯。惜甜品質素就差了一點，我點了幾個不同味道的甜品，有朱古力餅、木糠布甸和雪糕糯米糍。喜出望外的是有大腳八雪條。整體來刺身味道okay, 甜品和服務合格 

<大喜屋>呢個名係香港放題界中非常出名而個人非常鍾意去<大喜屋>食放題，原因係....眾多放題中，<大喜屋>的食物質素比較好，呢點...係非常之重要!!所以基本上同友人相約食放題必定揀選<大喜屋> 自認係<大喜屋>粉絲的我，先後去過不同地區既分店食過，甚至連有間高級版叫<極尚大喜屋>都食過，不過，最近係旺角創興廣場2樓就開左一間叫做<樂天大喜屋>~<大喜屋>粉絲的我一於同友人一起品嚐品嚐我們是即日打電話BOOK位，一行14人BOOK左食晚市第二輪既時間，我們8點40分到達，一去到同服務生講左一基本既BOOKING DETAILS，不用等到8點45分就入座長話短說，一於介紹下當晚我地14個人個個都對呢間<樂天大喜屋>讚不絕口既原因啦放題主打菜就梗係....刺身啦超大盤既刺身,非常之新鮮我地每款刺身都ORDER左20片/隻 當中有:三文魚、鱸魚、鰤魚、八爪魚、帶子、北寄貝、象拔蚌、鮑片、甜蝦、極大赤蝦樣樣野都好好食，主要真係即叫即整，好多時食到D炸