日悅極尚日式放題

今次第一次食呢間放題店，特別嘅地方就係環境寬敞，而且都幾貼心，例如有專畀小朋友玩嘅區域。餐廳位於尖東麼地道，位於二樓，平日嚟到，啱啱有位。刺身 (⭐⭐⭐⭐💢)刺身嘅款式都唔少。我哋點咗三文魚、甜蝦、泰式生蝦、帶子等等。刺身體積肥大，食落鮮甜新鮮，係放題嘅重點。薄切牛肉 (⭐⭐⭐⭐⭐)薄切牛肉由於薄身，所以食落非常有咬感，一啲都唔煙韌，幾乎入口即溶，而且份量都唔少。芝麻雞翼 (⭐⭐⭐⭐⭐)另一款推介就係芝麻雞翼，肉質都幾鮮美，有啲汁流出嚟，再加埋芝麻，一共都食咗幾多件。壽司 (⭐⭐⭐⭐⭐)推介鵝肝帶子壽司，鵝肝細細粒，不過帶子就好大件，一啖咬落後真係好正。另外仲有海膽軍艦，雖然我麻麻地海膽，但朋友話好正。雪糕甜品 (⭐⭐⭐⭐⭐)呢間嘢啲雪糕甜品款式非常多。甜品有馬豆糕、焦糖布丁、大菜糕、木糠蛋糕等。雪糕仲正，有名牌子，分別有雲呢拿、朱古力、士多啤梨同埋咖啡味。飲品款式都好多，除咗普通罐裝或者樽裝嘢飲之外，仲有酒精飲品。另外好餐廳仲有一個室溫飲料區，非常貼心。埋單三百蚊之內，同普通放題店差唔多價錢，但係寬敞同豐富食物，幾滿足。~~~~~~~~~~~~~~~~~~~~~~~~ 日悅極尚日式放題 尖沙咀麼地道67號半島中心2樓推介菜式：芝麻雞翼、薄切牛肉👍🏻座位舒適👍🏻貼心服務👍🏻多款甜品…查看更多

之前睇過呢間放題的報道，一直都話想黎食，但因為要夾朋友放工的時間，所以一直都未黎!今天終於都可以約到大家黎試下。呢間放題比起平時食過的地方大好多，而且闊落好多，這裡除了座位舒適，都能照顧到家長們，因為這裡有小朋友的玩樂的地方。而且這裡除了有平時用點餐紙點的食物外，還有甜品、湯品、沙律、凍食等可自助到出面的位置拎，飲品、雪糕都可以自己任拎!不過酒類就要自己寫點餐紙啦!另外每逢晚上7點45分左右就會有店員打鈴，提食客可以到出面bar枱拎乳豬食!我們當天去到時間剛剛好，可以拎到!乳豬皮都燒得幾脆，而且都算多肉，唔係冇肉的!放題當然有刺身食，選擇都算幾多，而且都幾新鮮厚切!壽司款式都幾多，也點了幾款試下!正正常常，都唔差的!燒物、串燒當然唔少得，這裡的芝麻雞翼味道都不錯，羊架都算多肉，另外帆立貝北海燒都幾特別!燒菠蘿亦是每次食放題必點的食物!這裡的沒有落蜜糖燒，原汁原味!鍋物類我們點了牛肉壽喜燒和清酒煮蜆，這裡的蜆是用上大蜆，所以很鮮甜!這裡的雪糕是Movenpick同埋哈根達斯，所以好受歡迎呢!總括黎講，呢個價錢可以有2個半鐘任食，仲要坐得舒服，食物種類都算多，值得再黎!…查看更多

日式菜系一向深受港人歡迎，而近年興起的日式放題，更是開得成行成市，皆因一個定價已能享用刺身、壽司、燒物、炸物等等日系不同菜式，比起在日式食店單獨點菜來得化算，而筆者最近就造訪了尖沙咀半島中心一間日式放題餐廳，店內環境寬敞舒適，比起一般的日式放題小店坐得舒服自在，而鄰近入口處更設有自助取餐區，放有不同的前菜、飲品和甜品，種類選擇頗多，就像是酒店的自助餐一般，蠻有氣派的。細看點菜紙，原來食物的類別也不少，基本的刺身、壽司、燒物、炸物、一品料理和主食等都一應俱全。先點來刺身，以放題來說賣相還算精緻，魚生排列整齊，伴上乾冰添上煙霧效果，非常吸睛。刺身都是一般大路選擇，甜蝦、赤貝、帶子、蠑螺、馬刀貝、劍魚腩、三文魚、吞拿魚和希靈魚......全都頗為鮮美，而最特别是有松葉蟹腳供應，肉質結實鮮味，海水味濃厚，質素平均。而壽司的選擇也頗多，除了三文魚、赤貝、帶子和魷魚等一般款式外，還有花之戀、海膽魷魚和黑松露油甘魚等創意壽司，而火炙壽司如左口魚和鵝肝帶子也不錯，入口半溶，油香滿瀉。其他如香芒大蝦卷、牛油果軟殼蟹卷和海膽軍艦也是不錯，唯壽司飯調味和軟彈度有待改善，影響了口感。而熟食方面表現還算平穩，辣酒煮蜆細細隻鮮甜無沙，和牛薄燒濃香軟嫩，燒牛舌爽脆軟彈，蒜片牛柳粒蒜香惹味，牛味濃郁。烤羊架鬆軟入味，香而不羶；吉列蠔香脆爆汁，天婦羅皮薄酥脆，脆皮貓山王飄香軟糯，榴蓮迷必要一試。另外這裡的飲品選擇也頗多，除了之前提到在自助區的清酒、梅酒、花果茶外，當然還有衆多罐裝飲料，一點也不馬虎，而啤酒更有日本麥啤供應，實在有驚喜！而甜品的款式也不少，最吸引當然是任食Haagen-dazs杯裝雪糕，一般放題只會送一杯，而這店卻是任取任食，有夠大氣。此店的放題以酒店自助餐形式定位，環境寬敞舒適，店員亦招呼有禮，而且同時設置了兒童遊玩區及大型獨立嬰孩護理室，照顧到一家大小的需要。雖然部份出品有著改善的空間，但以放題的質素來說也算平均，二百多元一位有這麽多的菜式選擇已算很不错，當然是否合口味始終見仁見智，但也不妨一試。…查看更多

位於半島中心2樓的日式放題，環境很寬鬆完全沒壓迫感！其實這裡還很適合一家大細來的，因為餐廳設有小朋友的玩樂空間！所以即使帶著小朋友去也不怕他們太悶而扭計喔！壽喜和刺身類的落單紙至少有5張～連熟食的選擇也不少，而且還有鹽燒牛舌（我的最愛）·除了下單的壽司和熟食外，還有沙律、甜品和前菜像是芝麻八爪魚、螺肉和墨魚仔等等⋯仙氣十足的自點刺身併盤我特別喜燒鮮蝦和帶子，好新鮮啊！簡直正到要一叫再叫6位以上還贈送活魚薄切一份喔魚生切到超薄片，入口即溶～鹽燒牛舌可以說是我所吃過所有放題店中燒得最好味的牛舌上圖：蒜片牛柳粒，多汁肉嫩下圖：薄牛片，牛肉味濃燒物類超級推介 — 芝麻雞翼，既香口又惹味限量供應也要不容錯過喔！職員會在限定時間用搖鈴來通知有限量食品推出今晚剛好是我喜歡的松葉蟹腳茶碗蒸和燒肉茶碗蒸的蒸蛋超～嫩～滑～*** 每人只可以拎一碟 ***甜品類也很窩心，有中式綠豆沙和西式蛋糕當然少了雪糕～而且還是MOVENPICK和Haagen Dazs 不過照顧得最全面的絕對是酒吧分別提供了清酒、梅酒等等⋯當然必須要年滿18歲才可以飲啦！…查看更多

傳統幾間放題都已經食過, 今次就試試這間新放題。 個人覺得餐廳位置有點偏離鬧市, 附近都很少人流, 很寧靜。 餐廳環境很令人驚喜, 因為面積好大好寬敞, 所有通道都很寬闊, 有別於傳統放題店的格局, 這兒即使是二人檯也不會擠迫, 檯與檯間距離都好合適, 私隱度不錯! 食放題如此舒適實屬難得餐廳設自助區, 甜品, 前菜和飲品雪糕都可以自取。 甜品有曲奇, 紅豆糕, 芝麻糕, 馬荳糕和西式蛋糕, 款式不少, 除了紅豆糕和曲奇外, 其他味道都麻麻。前菜有芝麻八爪魚, 螺肉, 墨魚仔和泡菜等, 還有湯品, 整體味道一般, 建議主攻點菜紙的食物。刺身有三文魚, 希靈魚, 帶子, 八爪魚和北寄貝等, 質素不俗, 特別是三文魚, 厚切又新鮮, 味道很鮮! 而且每次柯打都能保持穩定質素, 不會有皮北寄貝很爽很鮮, 帶子亦同樣新鮮, 不過就略嫌不夠鮮甜。 但整體而言, 刺身有一定水準!壽司卷物款式很多, 基本的花之戀, 三文魚, 鰻魚, 帶子, 火脊蟹棒, 炸蝦卷, 牛油果軟殼蟹卷和海膽等基本款式都有, 而仿間的創作壽司, 這兒幾乎沒有, 雖少了噱頭, 但卻多了一份穩定水準。它的壽司飯絕不馬虎, 無論飯的大小, 味道和軟硬度都合適, 壽司飯是一口大小, 不會很易飽。 特別推介鰻魚, 火脊芝士蟹棒, 牛油果軟殼蛋和帶子壽司 炸物有炸蠔, 芝麻雞翼, 紫薯餅, 蝦天婦羅, 蕃薯天婦羅, 南瓜天婦羅和榴槤炸彈等, 炸得乾身, 不會太油膩。炸蠔比較細小, 不夠肉感, 略為失望。天婦羅炸粉不會太厚, 整體水準穩定。今次特別推介紫薯餅, 外層香脆, 紫薯散發出淡淡甜味, 味道天然, 好味!榴槤炸彈外脆內軟, 啖啖榴槤香, 同樣不錯燒物有燒翠肉瓜, 菠蘿, 牛舌, 海蝦, 羊鞍, 醬燒帆立貝和雞軟骨等。海蝦肉爽口味鮮, 菠蘿沒渣, 不錯! 燒帆立貝就一般般, 雖然沙律醬味道剛好, 沒出現過酸或過甜的情況, 不過呢, 帆立貝還是跟外間一樣的細小, 而且沒什麼味道, 還是要靠醬汁提味呢！除此之外, 還有經典菜式如蒜片牛柳粒, 薄燒牛肉, 牛肉壽喜鍋, 帆立貝炒雜菇和辣酒煮蜆等。壽喜鍋湯底味道麻麻, 不夠甜, 未能突出牛肉味道, 而且只有幾片, 但菜蔬就一大堆, 其實店方可以考慮使用較小的容器盛載, 縮小菜蔬份量, 可以減少浪費哦！帆立貝炒雜菇幾乎是整晚唯一稱得上"伏"的菜式, 賣相對辦, 但完全沒味的, 懷疑沒加調味料, 每人吃了一粒帆立貝後都牛肉鍋水準麻麻, 但薄燒牛肉和蒜片牛柳粒卻令人驚喜! 牛柳粒肉質本身不錯, 肉厚又juicy, 而且很焾, 亦富牛味, 配上燒汁和蒜片, 放題能有此水準, 實屬難得! 薄燒牛肉片的肥油比例恰當, 不會只有厚厚肥油, 真正有肉喔!!! 同樣配上燒汁, 味道很濃, 好好味!!主食就有蝦蟹粥, 豚骨湯烏冬, 胡麻冷烏冬和冷蕎麥麵等。蝦蟹粥特別令人印象深刻, 粥底富海鮮鮮味, 蝦蟹粥, 果然真正有蟹件和蝦在肉, 放題來就已很不錯, 很足料!!在晚餐接近尾聲時, 突然聽到響鈴聲, 原來是有特別環節-派燒乳豬, 取了幾件嚐嚐, 不得了!!! 沒想到它的乳豬水準很好!! 外皮香脆且薄, 皮下脂肪亦只有薄薄一層, 再配上厚薄適中的肉層, 吃起來不會覺得油膩, 亦不失香脆和juicy口感 極度推薦!!最後以一杯M牌意式奶凍雪糕作結, 很完美!!整體來說, 以放題來說, 它伏位實在很少, 雖然款式沒其他店的創新, 但勝在有質素和穩定, 而且環境好舒適, 座位亦見寬敞。服務方面, 侍應態度良好有禮, 上菜和收碟速度尚算快, 整體令人滿意。有機會一定再來!!…查看更多