咖啡廳

十二月自助餐最後一擊就來到位於香港喜來登酒店的咖啡廳The Cafe，歡送2024迎接2025新一年。落地玻璃窗透進柔和的自然光，還可飽覽彌敦道的鬧市街景，是日臨近新年全場滿座，人多時亦坐得比較擠。今次於Openrice訂座環球海鮮嚐鮮盛宴自助午餐亦可享有預付優惠，星期六至日成人每位連加一只需$482.6，自助午餐於下午12:00-14:30供應，可以不追不趕地食足2.5小時。香港人吃buffet 最在意就是要吃到回本，冰鎮海鮮源源不絕地供應。refill 速度亦夠快，款式包括生蠔、蟹腳、大蝦、青口及螺。回本位又怎能缺少生蠔？！難得lunch buffet也可以瘋狂任食到盡興而歸。即切肉類有兩款，包括即切燒牛扒和烤火腿。熱盤款式夠多元化，集合韓式燒雞、燒三文魚配車厘茄沙沙、香煎牛仔骨伴黑椒汁、蟹肉茶碗蒸、清酒煮蜆、Pizza、粟米忌廉湯等等。中式熱葷有清蒸石斑、咕嚕肉、薑蔥霸王雞、燒鴨、叉燒、XO醬炒海鮮、杞子豬肉燒賣、小籠包、蓮子薏米黃瓜排骨湯、豬腳薑、清炒時菜...清蒸石斑大條又厚肉，魚肉鮮嫩，不會蒸得過了火候，高蛋白低脂肪，可說是老少皆宜的菜式，而且最原始簡單的做法原汁原味，反而能更突顯出食材本身的鮮味。熱騰騰的蟹肉茶碗蒸軟軟嫩嫩，猶如豆腐花般彷彿吹彈而破，混合了絲絲蟹肉和粒粒蟹籽，即時讓蒸蛋的鮮味再度昇華。炸物小食保持一定溫度，包羅泰式魚餅、炸蝦天婦羅、雜菜天婦羅和日式八爪魚丸。除了酒店自助餐常見的湯粉麵之外，另有即煮意粉檔，備有兩款醬汁自由選配：肉醬及黑松露忌廉。咖喱款式有印度烤雞和羊肉咖喱，可以沾上印式薄餅或印式洋蔥烤餅伴吃。魚生刺身有八爪魚、甜蝦、吞拿魚、三文魚和玉子，即叫即切。雜錦壽司亦有七款。凍肉提供巴馬火腿、精選凍肉拼盤、百麗芝士、精選芝士、英國藍芝士及煙三文魚，三文魚脂肪條紋清楚利落，魚肉鮮嫩而有彈性。沙律吧有多款已經拌好的沙律：蟹肉蟹籽青瓜沙律、泰式牛肉沙律、海蜇沙律、蕃茄芝士沙律、凱撒沙律和燒雜菜沙律，加上新鮮沙律菜和醬汁，可隨個人喜好自行混搭。甜品區提供海量款式，這天就有經典意大利芝士蛋糕、士多啤梨雲呢拿慕絲蛋糕、德式聖誕蛋糕、藍啤梨芝士蛋糕、粉紅番石榴蛋糕、焦糖燉蛋、黑森林蛋糕、朱古力班尼士、法式瑪德蓮蛋糕、意大利聖誕雜果麵包、蘋果白酒啫喱、馬卡龍、蛋撻，烤窩夫...其中一大特色可算是賣相精緻的原個蛋糕，外型呼應節日主題，更有過節氣氛。當中必吃的當然要數招牌巨型Tiramisu，做法正宗，融合了苦香可可和濃縮咖啡粉，可說是歷久彌新的經典美味。浸滿咖啡香的手指餅有如海綿蛋糕般鬆軟，保持細緻濕潤的質感，入口即化。焦糖燉蛋外殼香脆金黃，裏面配上滑嫩的綿柔燉蛋，形成強烈對比。另有多款麵包和生果。訂位時表明慶祝生日或週年紀念，就會送上蛋糕，是日款式為芒果慕絲蛋糕，還會點上蠟燭，讓節日添上滿滿儀式感。最後不要忘了任食Häagen-Dazs雪糕杯。節日限定自助餐每人可以任點紅酒、白酒或橙汁，還有咖啡機無限供應，可以隨時自斟自飲。…Read More

到香港喜來登酒店2樓的咖啡廳慶祝生日🤩， 中午自助餐都多選擇😚， 凍盤有幾款沙律、 火腿和芝士。凍海鮮有生蠔、龍蝦鉗、長腳蟹、凍蝦、 青口和螺。日式有刺身和壽司。 熟食有中式菜式、點心、薄餅、印度菜、越式紙米卷、牛扒、羊扒和粉麵。 甜品有多款蛋糕和雪糕， 另外每人有一杯餐茶。 各款凍海鮮都幾新鮮， 我最喜歡生蠔🦪和龍蝦鉗🦞， 但長腳蟹就比較幼細🤏🏻，日式刺身和壽司味道都是普通😉。 熟食我喜歡咕嚕肉， 酸甜甜幾好味， 還有薑醋蛋和牛腩麵🍜也不錯。 甜品最好味係tiramisu😋， 最後嘆杯咖啡☕， 滿足又好味的一餐🤞🏻。 好驚喜午市自助餐都有生蠔， 各方面質素都很平均， 加上食物補充得很快，推介可以一試😃。…Read More

今日 Lunch 去左 Sheraton The Cafe 食飯，本來諗住食 semi buffet ,但原來已變返full buffet,入座時間12:00 正 ，由頭座到尾入座率一半都好似唔夠，真係好少人，但嘢食來講 ，我覺得已交足功課，美國生蠔係即開的，好新鮮，其他冷盤有龍蝦沙律，刺身等，我都唔點食，反而想試吓其他嘢食，印度烤雞好正，至於甜品還可以接受，今日無我最鍾意嘅tiramisu ，有啲失望，haagen dazs ice cream 有六款口味，真係不錯，員工都好nice,佢都知我成日去食，經理都認得我，萬豪酒店bonvoy titanium 會員一至四有7折，二人埋單價600有找，算超值👍🏻🥂✌🏻🎉🦑🍍🍾️🦞🎊…Read More

同啲同事周不時四圍搵抵食優質buffet試，打電話去book時問清價錢、會唔會有信用卡優惠，接線的店員話而家有做優惠75折🙌🏼留意tea buffet 時間為3:00-5:30價錢為：$228 加一 再有75折=$194！打電話時問清楚，知道係無生蠔同龍蝦架喇，不過唔緊要，去試下野食掂唔掂啦？三點鐘有小許人龍登記入座，不過閒日人唔算多，大家都禮貌攞野食唔洗爭既。魚生，沙律都有，驚喜的是仲有青口，蝦🦐都有，中式點心小籠包，叉燒飽都有，即叫即煮的粉麵都有，野食種類都頗多👍🏻而且製作係有誠意既！有幾款野飲可以任攞，另外自助餐都仲會包一杯餐飲可order。總括來說是超抵食，同事們都很滿意☺️有機會會再來吃😋😋…Read More

舊年係"The Cafe"食lunch buffet慶祝生日, 感覺蠻好的！今年嘅母親節, "The Cafe"自自然成為媽咪嘅首選！一個月前落booking都full晒, 只剩下ballroom位！接線先生話食物一樣的, 位置轉移矣已！我地唔想坐ballroom, 商議後決定改book食dinner吧！是晚buffet 6點正開始, 一家七口準時開心入座, 今次餐廳安排嘅長型卡座位非常闊落, 我地自成一角, 感覺如坐VIP房呢！侍應先生提提大家, 夠鐘開飯喇……冷盤令人最期待嘅波士頓開邊龍蝦, 係dinner buffet先有㗎, 肉身較薄, 質感唔夠彈牙啊！食咗一隻之後, 再也提唔起興趣了！龍蝦鉗, 又靚又大隻, 可惜入口十分鹹！之前lunch buffet有嘅麵包蟹, 今晚竟然無, 太失望了！好彩有長腳蟹搭救, 肉質鮮甜！翡翠螺, 夠爽脆！蜆肉肥美, 大大隻！青口, 夠爽口！生蠔有兩款, 美國蠔較法國蠔肥美, 而dinner buffet先有嘅法國蠔則較美國蠔濃味！刺身+壽司是晚嘅刺身唔錯, 三文魚, 厚切肥美。北寄貝, 鮮甜爽口。北海道帶子, 肉厚味甜富彈性！厚玉子, 味道甜甜的, 口感綿密。吞拿魚、油甘魚, 甘香肥美。壽司款式都唔少, 可惜舊飯太黏實, 口感麻麻, 唯有齋食美味嘅腐皮及鰻魚了！熱盤首選必定係燒羊胺與牛扒, 前者肉汁澎湃, 口感嫩滑帶少許羊羶味, 蘸上燒汁、薄荷醬後更為味美。後者則肉味香濃細嫩, 加咗黑椒汁、芥辣醬後, 十分惹味。鐵板煎帶子, 食過刺身版後, 當然要試試鐵板燒喇！帶子燒至表面呈微焦才上碟, 口感外香內嫩。燒豬肋骨, 醬汁入味, 肉質有嚼勁。焗蟹餅, 有啖啖肉香。，德國腸, 肥美厚身, 大人細路都鐘意。韓式炒粉絲, 帶點甜味, 入口彈牙。煎餃子, 外型大大粒, 唔睇牌仔嘅話, 仲以為係帶子添？！入口滿滿嘅肉, 食一粒感覺巧膩滯。鵝肝, 大大件,入口即溶。蒸魚, 蒸得恰到好處又唔腥。Pizza, 薄脆又香口。 蝦餃燒賣, 好味道。煎魚柳, 啖啖肉。西洋菜湯, 好多西洋菜, 不過有啲鹹。花膠燉湯, 足料好飲。炆牛尾, 白蘿蔔及牛尾炆得香腍入味, 即時過淥麵檔淥碗淨麵加菜, 再加料牛尾蘿蔔, 簡直人間極品喇！搞到一心想試牛肝菌介子雲吞嘅我, 飽到上心口, 唯有放棄吧！其實仲有唔少嘢食未試, 如咖哩豬、印度烤雞、沙律、煙三文魚、芝士、海膽吞拿魚飯、蕎麥冷麵、泰式生蝦、中華沙律等等數之不盡！甜品至當然係芒果拿破崙, 鋪滿厚切芒果肉, 層層鬆化, 夾埋吉士忌廉, 層次豐富！日式芝士蛋糕, 香濃鬆軟。黑森林蛋糕, 可可味夠濃。朱古力卷蛋, 夠軟綿。麵包布甸, 軟熟適中, 不過唔係我杯茶。豆腐慕絲, 味道好淡。朱古力慕絲, 好濃嘅朱古力味, 質地夠滑。芒果布甸, 杯裝型, 好香滑。酥皮萄撻, 鬆化甜美。 蘋果批、草莓批, 酸酸甜甜嘅味道, 配上鬆化嘅餅底, 唔錯喎。餐廳特別造咗一座靚靚嘅白朱古力座嚟賀母親節, 又靚又吸睛, 呃like至!仲有其他味道嘅蛋糕、焦糖燉蛋、馬卡龍、大菜糕、朱古力、曲奇餅等等, 真係多到試唔晒㗎！生果有西瓜、菠蘿、蜜瓜、哈蜜瓜, 但呢四款都係切粒, 唔係切片, 仲要refill得嗰兩款(蜜瓜+哈蜜瓜), 予人感覺吝嗇！西瓜較甜, 菠蘿較酸, 其餘兩款唔甜架。另有原個香橙、青蘋果及雪梨。雪糕Haagen Dazs雪糕, 味道有牛奶拖肥、芒果雪葩、草莓、紅桑子、檸檬等等, 但就獨欠人人喜愛嘅朱古力味, 小朋友最失望！兩位小侄女唯有轉揀草莓雪糕喇。我就揀牛奶拖肥及芒果雪萉, 放係鬆軟而又富蛋香嘅窩夫之上, 加埋啲toppings, 口感豐富！餐飲兩位小侄女當然係揀熱朱古力喇。大人們就揀咗熱咖啡、熱凍蜜等。整體只屬一般, Lunch buffet嘅性價較高！…Read More

今天難得放假，所以就陪母后逛街及吃一餐下午茶buffet 尖沙咀閒日有下午茶buffet甚少！但今次試過這下午茶的品質及服務就算不錯食品款式也有不少，亞洲美食及精美點心甜點也頗多選擇還有信用咭折扣，真的很不錯！坐位也算闊落，但可能是平日時間，不會太多人及等位…Read More

為慶祝辛苦生完bb忍口多時, 在即將復工前緊係要食餐好慰勞自己同老公, 老公要求找一間有生蠔任食及咸ham的自助餐酒店, 最後給我找到這一家, 見過往食評不錯, 所以決定一試。先論食品, 生蠔沒令我們失望, 第一轉我們先吃生蠔，不用排隊或配給的感覺真好, 美國蠔新鮮, 入口有海水味不過咸不錯, 有些人話size細, 但我卻覺得剛剛好。而冷盤有龍蝦, 長腳蟹，面包蟹等等, 這些我興趣不大, 龍蝦吃了半隻, 肉爽, 但沒什麼味道, 可惜，我覺得龍蝦做冷盤常常失去了龍蝦的味道, 而長腳蟹不過不失, 因我只試了一隻，另冷盤還有煙三文, 煙鮫魚, 還有一款忘了，只吃了煙三文還不錯, 但煙燻的味道不算強。而日式刺身有北寄貝, 甜蝦, 三文魚, 甜蛋, 八爪魚, 帶子等，厚切帶子至得我喜愛, 其它就沒太突出, 另它們也有各類壽司及冷面, 有一款海膽飯用一小碗盛起, 海膽夠新鮮及它放在一個凍櫃要推門的夠哂衛生。而沙律菜我覺得比較少類型, 反而醬汁選擇多。熱盤方面, 各國美食都有, 但每款不算吸引, 唯一我覺好味是煎鵝肝配多士仔，他們即叫即整, 不是一堆整好, 抵贊! 另大路如蒸石班, 粉面檔, 印度咖哩, 印尼食品, 羊架牛架都有, 不過不失。而當晚湯類有羅宋湯及一款羹及中式桂元烏雞炖湯, 中式湯堅好飲, 想再飲不過胃冇空間。而甜品相信不是這酒店賣點, cake類不算出色, 一般果盤都有。特別食品有些不同味道朱古力，曲奇咁，可一試, 馬卡龍都有, 不過都係甜字一個, 因這款甜品本如此。講咁耐冇提咸ham, 有3款, 一款莎樂美腸, 一款ham忘了名, 我老公吃很多話好味, 反而我最欣賞那配Ham的melon超甜。最後我們以哈根帶雪糕作結，不過冇我喜歡的綠茶味, 失落。用恒X白金卡埋單有85折, 算ok抵平百幾蚊。  …Read More

偶然的機會下，試了這裏的自助午餐。冷盤食物與魚生置於同一位置，比較擠迫，有點不方便。魚生有三文魚，呑拿魚，八爪魚等，大路貨色，一般。生蠔並不是自己攞，需要每次order，次數及數量沒有限制，但每次落單後要等二十至三十分鐘，效率非常低，水準亦只是一般。燒牛肉普普通通，無特別印象。甜品反而有點小驚喜，有點水準，種類相對較多。這個豆腐慕絲好味，豆味香濃，不太甜。有Haagen-Dazs雪糕供應，當日亦有多種口味選擇，還好。整體一般，刺身及其他熱食有點小失望，但甜品算是出色，不過不失，有改善空間。…Read More