Espuma (M88)

朋友同我多次推介呢間餐廳，終於係上星期同幾個朋友一齊抽空去試。入到去比我第一個感覺係佈置得浪漫之餘又寬敞，幾舒服。入到去就點左幾款甜品，好食既同時亦幾有心思。首先要推介我最中意既甜品日式抹茶麻糬窩夫配雪糕。令我好surprise既係原來麻糬同窩夫夾埋一齊既感覺好新，好特別，口感同一般食開既窩夫有好大分別。呢個係我暫時食過最中意既waffle!佢地既甜之夢想曲亦係重點推介。食具設計既用心已經不在話下，六款甜品分量不多，但勝在variety夠多！可以幾個朋友share食，一次過食到六款不同既甜品，實在係加分原因之一！( 小分享：蜜桃白酒啫喱既酒味實在唔重，即使唔飲得既朋友亦可一試！)…Read More

行過中環，個fd話不如今次食好啲，就一行五個人上左espuma到食，咁岩嗰陣唔算多人，好快就有得入去。嗰到環境好舒服，燈光好柔和，係一個好岩傾計relax既地方！今次食左炸魚薯條，麻辣香腸pizza，傳統西班牙奄列，烤美國西冷牛扒，甜之夢想曲，酥點拼盤炸魚柳配厚切薯條魚比想像中大塊，而且炸得好脆，即使同朋友傾完一輪再繼續食都唔會變淋哂，仲keep到開頭咁脆，食落又唔會成口粉good! 而個薯條入面啲薯仔都咸咸地，加埋佢比個醬好夾，對於中意食炸野既我覺得好滿足而且好抵麻辣香腸pizza呢個pizza好有驚喜，同平時食開既唔同，因為佢係麻辣的，係有四川嗰隻麻，如果中意食辣既人應該會好中意，第一次食麻既pizza，好特別傳統西班牙奄列賣相唔錯！好有飽肚感，裏面有薯仔同洋蔥，因為好淋所以同個蛋都幾match，但好似有dd淡。幾個人叫一個都夠食，因為都幾飽的烤美國西冷牛扒伴薯蓉當牛扒上枱既時候已經好香，比起其他西餐廳塊牛扒都算大，個汁同牛扒好襯，好有牛味，煮得岩岩好，唔會好韌仲好juicy。而且個配菜都見到有花到心機，尤其是個蕃茄，佢有烤下個面，所以連配菜都有食埋haha甜之夢想曲係我幾期待既一個甜品，個樣好靚，po ig facebook 呃like必備 因為佢有好多款唔同既味道，可以一次過食曬中意既，唔洗驚樣樣都想食啲但又食唔囇既女仔，檸檬菠蘿同green tea mousse with brownie都好好食！酥點拼盤食得飽飽地又想食下小食呢個就最岩，佢總共有7款唔同既食物，咁岩我同朋友們口味唔同，所以大家就揀中意既食物泥食。Rose Bavarian好靚而且唔會太甜，個英式鬆餅唔會好硬，裏面既羗粒mix埋鬆餅出奇地match唔會蓋過左鬆餅既味呢到個環境好好 對於中環泥講價錢唔算貴 行完街同朋友上泥坐下傾下計真係唔錯 …Read More

唔知幾時開始興起All Day Breakfast依樣嘢，其實，All Day High Tea又唔知實際上有無呢 ？晌尖沙咀做出成績嘅Espuma，年初晌中環再下一城，開其第一間分店，直至近日先到訪，喺因為見到佢哋推出一個Sweet Deluxe套餐，猶如兩人份嘅高茶，只限星期六、日供應，不過，由朝到晚都可以食到，變相成為一個All Day High Tea Set。跟尖沙咀店比較，中環店裝修帶點復古典雅，並以原木木枱為主，部份牆身依舊有唔少馬賽克及手繪壁畫作裝飾，一邊落地大玻璃可以睇到中環夜景，不過，雖然景致唔叫得好正，但感覺開揚，相信日頭嚟享受吓春日陽光，心情都會開朗啲 。而餐廳尾有兩張馬蹄形大梳化，亦成為餐廳焦點之一，此外，一列貨架有自家產品出售，如Novell咖啡粉、咖啡杯、小擺設，不妨睇睇有咩啱心水可以即時買走。 Sweet Deluxe $358個套餐基本上喺兩個組合：包括鹹甜點嘅「酥點拼盤」及主打甜品嘅「甜之夢想曲」，仲跟兩款特色果茶或咖啡，單以份量而言，豈止二人份量，三至四個女生都夠食，尤其點果茶嘅話，一壺足夠兩個人享用啦 ！ 酥點拼盤 酥點拼盤嘅組合有鹹有甜，但以鹹點居多，7款食物包括：玫瑰巴巴露絲、黑松露榛子拿破崙千層酥、蜜餞薑粒朱古力英式鬆餅、無花果窩夫、牛油果醬煙三文魚、西班牙黑毛豬火腿及鮮士多啤梨，賣相精緻雅麗，作為下午茶喺幾唔錯之選。由於喺二人份嘅關係，如果千層酥及鬆餅安排為各兩件份量，咁就最理想不過嘞 。賣相攞足分，味道又如何？- 玫瑰巴巴露絲，究竟喺乜？查實喺玫瑰慕絲蛋糕，餅面亦以兩片糖玫瑰花瓣作裝飾，插晌蛋糕上嘅唧筒裝有玫瑰糖漿，味道幾幽香，慕絲亦都做得幼滑；- 黑松露榛子拿破崙千層酥，黑松露味道好強勁，嚟得有少少霸道，千層酥未夠酥脆，個人覺得雖然放上原粒榛子的確夠晒好睇，不過，夾唔到一齊食，如果以榛子碎加入黑松露忌廉中，唔知效果又如何；- 蜜餞薑粒朱古力英式鬆餅（配鮮忌廉），個鬆餅倒有啲驚喜，因為薑味突出，又滲出半點清甜，而鬆餅又唔太乾 ；- 無花果窩夫，新鮮無花果夠香甜，窩夫亦都鬆脆，只喺略嫌兩者間嘅吉士太多；- 牛油果醬煙三文魚，牛油果醬打得太稀，牛油果味好薄，夾煙三文魚唔喺好得我歡心啫 ；- 西班牙黑毛豬火腿，雖然已經捲住啲九芽菜，但仍覺得頗鹹，唔介意老套啲，捲番條哈蜜瓜條應該平衡啲；- 鮮士多啤梨，其實唔止鮮士多啤梨，仲有啲藍莓。 甜之夢想曲 跟酥點拼盤一樣，賣相先行，以香檳杯形盛載6款唔同口味嘅甜品，擺成一束鮮花形態，可以講得喺瑰麗登場，吸引唔少女生注視。6款甜品包括：石榴白朱古力慕絲、蘋果金寶、抹茶慕絲伴朱古力布朗尼、咖啡慕絲伴奧利朱古力、酒香白桃果凍及檸檬菠蘿粒粒。除咗靚，配搭更喺見心思 。- 石榴白朱古力慕絲，石榴慕絲嘅石榴味非常突出而清香，不過，就唔知白朱古力部份晌邊，面層都只喺鮮忌廉嚟；- 蘋果金寶，喺法式紅酒梨嘅蘋果金寶版，蘋果沾上酒香，又混上唔少金寶碎，真喺有驚喜 ；- 抹茶慕絲伴朱古力布朗尼，跟預期差不多，就即喺抹茶慕絲夾朱古力布朗尼，平穩而已；- 咖啡慕絲伴奧利朱古力，咖啡慕絲既香且滑，放入原粒迷你奧利朱古力餅，底下亦有幾粒朱古力布朗尼，變得口感豐富咗；- 酒香白桃果凍，雖然唔喺白桃，只喺用上蜜桃，但配合白酒做嘅果凍，冰涼好食；- 檸檬菠蘿粒粒，其實喺菠蘿粒浸在香茅糖漿中，有淡淡香茅味，幾得意，不過，中文名稱有必要改一改，相反，英文名（lemon grass）又用啱喎 。 招牌水果茶 $42（單點參考價） Sweet Deluxe套餐包兩款飲品，招牌水果茶以透明玻璃壺上枱，最欣賞佢壺咀有個「隔」，可隔住啲水果唔會倒出嚟。向朋友討一小杯試試，茶底喺茉莉花茶，茶香幽幽，不過水果只有紅蘋果、青蘋果及火龍果，果味較淡。 鮮奶咖啡 $36（單點參考價） 多組心形拉花，圖案細膩，斟到滿滿而一滴都無瀉，拉花嘅「收尾」對準杯身餐廳嘅標誌，足見專業。咖啡入口醇香細滑，平衡且帶有微甘餘韻，好睇又好飲。 伯爵茶瑪奇朵 $38 其中一位友人好奇之下試了一杯伯爵茶瑪奇朵，佢話冰凍嘅伯爵茶溝勻奶泡之後，感覺幾特別，口感好幼滑，又唔喺港式奶茶嗰種，而茶味較為芳香，唔太濃。作為晚餐嘅正餐，只食個Sweet Deluxe當然無可能夠啦，我哋本身仲食咗幾樣嘢，不過，既然第一次到中環店，睇落印象上又好似跟尖沙咀店唔同，所以，都略略介紹吓個餐牌。湖水藍嘅餐牌，大嘅喺主餐牌，細嘅喺飲品餐牌。打開主餐牌一眼睇晒，唔使揭嚟揭去，分為Tapas、Mains、Asian Delight、Sweet Talkin’、Waffle及Moffles。據知Asian Delight及Moffles都喺新加入嘅款式，而Moffles都好似幾特別，喺麻糬（Mochi）加窩夫（Waffle）嘅配對，雖然今次因為個「甜之夢想曲」香檳杯甜品而無試，有機會都想試試喺點。飲品餐牌方面，對照番之前個食評，跟尖沙咀店應該無分別，都喺分為Tea Time!、Fruity Tea、Espuccino、Café Everyday及Macchiato Macizo。 黑白芝麻吞拿魚卷 $98 吞拿魚仍然保持刺身狀態，只喺外層輕輕煎封過，再沾滿黑白芝麻，所以，食落既有魚鮮味，口感嫩滑無渣，又有芝麻香氣，互相融和，作為餐前冷盤喺一個開胃前奏 。 傳統西班牙奄列 $68 上次試過佢哋嘅西班牙火腿菠菜奄列，今次試個清減版，一切開蛋漿湧流，煎蛋餅皮薄薄一層清晰可見，內裡填滿不少洋葱，豐富好味一口蛋香，簡單都可以做得好好味。 麻辣香腸薄餅 $108 既然Asian Delight喺新款式，一口氣連試兩款「亞洲風味」。見唔少人點依款麻辣香腸薄餅，小弟都想好奇一試，以薄批為餅底，口感有半點似餅乾，配以香濃鮮活嘅蕃茄醬及軟綿絲絲嘅莫沙里拉芝士，而主角喺帶有麻辣嘅香腸，咪講笑，個辣度真喺有番咁上下，而食落就覺得連個醬汁底都加入咗辛辣嘅元素，都算幾特別，喺有種越食越鹹嘅感覺 。 馬來喇沙湯海鮮米線 $98 而另一款「亞洲風味」喺馬來喇沙湯海鮮米線，嘩，碗喇沙米線非常大碗，3-4個人分享都絕無問題，而且，好足料，有青口、魚餅、鮮蝦，都幾新鮮，特別鍾意啲魚餅，爽口魚味濃 ；橙黃色嘅喇沙湯睇嚟幾對辦，但個人嚟講辣得嚟卻喺未夠香 ，整體而言，仍有進步空間。題外話講講，雖然個「Sweet Deluxe」要星期六、日供應，不過，後尾發現當中嘅「甜之夢想曲」晌平日2:30pm後已經有供應，每份賣$198，但每日限量供應，預訂就最穩陣。所以，計落要晒成個套餐就最抵，俾多$160，就多一份「酥點拼盤」及兩款飲品。到酒樓飲夜茶都唔喺咩特別之事，但晌晚間嚟食高茶，就真喺第一次 。…Read More

還記得之前12月的時間去位於尖沙咀吃人生第一次的西班牙菜 (ﾟ∀ﾟ*)沒想到那家餐廳在中環開了分店 (有點近蘭桂坊w)那麼當然是要找1天~來和朋友們試試吧 ♥大大的廣告燈箱 ( ´◔ w◔‘) 不用擔心找不到走到比較入的那間升降機按17字樓就ok的喔~升降機門打開也見到大大的Logo相比之下，我更喜歡這裡的格調 (●' 0 '●)ﾉ♥推門走進去，餐廳的裝修讓我一眼便愛上了這裡落地玻璃讓外邊的光透進店內~配合內裡有點復古味道的裝修 (〃ｖ〃) 更增添1份情調看到熟悉印花圖案的濕紙巾。「噫? 但為什麼多了對筷子的呢?」開餐前先點飲品 (・ε・') 以下這兩款覺得不錯的招牌水果茶 ($46) - 好多水果！！！喜歡這個樽~ФωФ聽說這家餐廳的西班牙咖啡是融合了60年頂尖烘焙工藝，喜歡咖啡的我當然不會錯過吧！手搖咖啡 ($40) - 咖啡除了「滴」出來~還可以「搖」出來。就像雞尾酒的做法差不多，這樣咖啡的甜、濃度更恰到好處～加上面層的泡泡更幼滑點好餐之後，環顧餐廳的時候發現有不少的擺設 (°ω° ) 原來這些都可以買回家的呢(´×ω×') 其實很吸引啊...但買了回家以後怎樣找位置放也是一大難題吧所以還是乖乖放棄，去吃今晚這頓晚餐好了 (笑w)西班牙黑毛豬火腿配西班牙番茄醬 & 多士 ($188)黑毛豬火腿卷了沙律菜，減低了單吃的鹽味比較少吃多士跟番茄醬的吃法，原來配起來也頗有趣 (´•௰•')麻辣香腸薄餅 ($108) - 並沒像名字寫得那麼辣，配上滿滿的芝士超惹味Pizza 餅底軟軟的但香口~不會焗到燶脆 (๑•̀ᴗ•́๑)۶這款- 炸魚柳配厚切薯條 上次在尖沙咀分店吃過炸魚柳明顯的比那邊的店細件了，但相反味道方面這裡的比較好吃、香脆在看餐牌時發現除了西班牙菜，還混了其他國家的菜式 |ωФ)/充滿好奇的試了- 馬來喇沙湯海鮮米線豐富的材料，吃下去有淡淡的椰香味，但不算濃~而且米線有些還未煮得夠熟，有點硬。也點了 - 烤美國西冷牛扒伴薯蓉老實說肉質不夠嫩，感覺一般般 (๑°⌓°๑) 但很欣賞這裡的薯蓉竟然是用紫薯！！最後來到這間餐廳又怎可以錯過甜品呢?別看輕女生們的戰鬥力啊！黑松露榛子拿破崙千層酥 - 有濃厚黑松露味道，反倒榛子味道變得沒頂企?另外相比我吃開的拿破崙千層酥~口感上像比較偏向餅乾的感覺而且吃的時間比較麻煩，如果可以做到一啖一件的尺寸就好了 ﾍ(ﾟ∀ﾟ*)ﾉ甜之夢想曲 ($198) - 為了上次沒吃到的抹茶再點了這個吃得很滿足 (〃ω〃)σ 三五知己一起分享和談天，為這晚劃上完滿的休止符…Read More

啱啱過咗中國新年, 友人都喺外國返晒黎, 容易約齊人飯食聚下, 佢地提出食呢間西班牙餐廳, 尖沙咀分店開業以黎, 好評都好多, 價錢又唔貴, 一真都想試吓, 因為太受歡迎怕要排好耐而卻步, 難得大家都一致贊成, 就黎食啦!  好彩公司五點半就放工, 朋友約食飯嘅時候可以早啲到, 影下環境影相, 介紹下先! 落近地玻璃, 一排餐檯多以二至四人組成, 亦有固定的大枱最多可以坐十個人, 室外空間唔係用餐區, 淨係用黎放鬆, 對住水吧有一直排座位, 可以欣賞廚師製作甜品, 另一面亦有一排大梳化加幾張圓枱仔, 係到享受日光一定好寫意 特別鐘意呢排梳化卡位, 平時我地女仔傾計最怕隔離檯眼望望, 呢到大家可以坐得親密啲! 包保無人聽到, 嘿嘿Earl Grey Tea Macchiato $38 (3/5)絕對唔會放過所有用伯爵茶做嘅嘢! 先黎杯凍飲解解渴, 泡沫伯爵茶, 為咗唔想溝淡茶味, 凍飲無加冰, 懶係豪邁嘅我將茶當成啤酒咁飲, 第一口就試到奶泡好豐盈香濃! 可能加咗糖水, 令味道偏甜, 影響咗少少, 建議可點少甜 玫瑰烏龍茶 $38朋人嘅玫瑰烏龍茶, 用一貫女士們喜愛嘅玻璃茶壺盛上, 幽暗嘅環境配蠟燭燈光, 令氣氛生色不少, 茶葉原片來自台灣, 配合多款水果花茶口味!西班牙黑毛豬火腿配西班牙蕃茄醬多士$188 (3.5/5)將沙律菜轉卷喺風乾24個月嘅黑毛豬火腿中, 賣相精緻, 火腿香之餘, 蔬菜又可以一去油膩感, 個人鍾意分開茄醬同火腿食, 可以試清楚兩種來自西班牙嘅食材, 開胃小食 拿破崙酥黑松露榛子千層酥$88 (5/5)酥皮嘅牛油味不會喧賓奪主, 反而提升了黑松露嘅香味, 而且放耐咗亦同樣鬆脆, 忍唔住食多塊, 幸好友人都唔介意, 第二日仲有幻覺, 覺得松露仲留係口腔, 睇黎實在係太掛住嗰陣獨特嘅味道 黑白芝麻吞拿魚卷$98 (4/5)用黑白芝麻包住吞拿魚, 用低溫慢烤, 令味道滲入魚身, 簡單咁食已經好香傳統西班牙奄列 $68 (3.5/5)曾經睇飲食節目專訪一位香港女藝人嫁到西班牙後嘅生活, 佢即場用當地傳統廚具, 煮出同呢個一樣嘅蛋餅, 廚具就係將兩個細易潔鑊合併, 好似整雞蛋仔個模咁, 方便上下反轉, 煮嘅時候可以得心應手, 將炒香嘅薯仔同其他餡料加入蛋漿, 慢火煎成, 食嘅時候中間軟熟, 面頭帶點脆, 加少少七味粉做點綴, 真係唔捨得切落去!麻辣香腸薄餅 $108 (4/5)同尖沙咀分店比, 呢間分店特別在有亞洲菜式, 令外國客人都可以試下啲特色菜我同友人都無辣不歡, 揀pizza時明顯心有靈犀, 一齊指住個麻辣薄餅, 哈哈睇相可見芝士份量超多!!!!! 我地就諗會唔會有連絲效果? 薄餅預先切好, 好戲開始有圖有真相, 芝士效果好似大瀑布咁一匹布, 有友人們出動各款相機拍照, 我都唔執輸影幾張先, 咁精彩嘅畫面真係好少有  辣肉腸好濃味真是有麻辣感覺, 辣度都唔錯, 加入中國口味呢個嘗試真係唔錯, 如果加梅菜扣肉唔知會點呢? 嘿嘿甜之夢想曲$198 (4.5/5)有以下六款用香檳杯裝甜品, 用一個大嘅玻璃瓶再放甜品杯, 感覺好似一束花 咖啡慕斯配Oreo, 抹茶慕斯本朱古力布朗尼, 檸檬菠蘿粒粒都讓友人食, 我就試咗以下三款 石榴白朱古力慕絲- (4.5/5)做冷盤或甜品嘅生果一定要選夠熟的, 香味會更突出, 而呢個甜品用了肉質粉紅色嘅台湾番石榴, 好清香, 蘋果金寶- (4/5)唔同平時用大量牛油做嘅蘋果金寶, 裏面嘅蘋果好似用紅酒煮過, 味道有啲似紅酒燴啤梨, 上面加啲曲奇碎, 一去油膩感酒香白桃果凍-(5/5) 酒精加上生果味嘅甜味, 令我一試就愛上用白酒做嘅果凍, 白桃好香, 食一杯真係唔夠 Waffle會為應唔同嘅日子供應唔同囗味! 星期一五, 係焦糕脆面香蕉窩夫,星期二六, 係焦糖蜜桃金寶窩夫, 星期三六, 鮮果麻糬窩夫, 而星期四就係玫瑰櫻桃酒香草莓窩夫, 仲未揀到? Daily會有Oreo朱古力布郎尼窩夫, 如果人少可以點半份($78) 玫瑰櫻桃酒香草莓窩夫配雪糕$118 (4/5)未試過呢種窩夫都唔知可以咁脆!!!!窩夫面有一層吉士醬, 加大量鮮果, 士多啤梨藍莓黑桑子等, 配上用杏仁脆片做嘅小熊, 坐係雪糕上面, 過黎準備比幾位姐姐食啦 呢個造型已經係呢間餐廳嘅一大賣點, 相機食完後, 講到甜品真係唔客氣啦!! 可惜加咗太多糖漿係面, 唔太適合食慣淡香嘅我 雪糕窩夫賣相都值4分 小結 推介此餐廳 4.5/5 甜品唔單止係晚餐最後一道菜式, 更係生活中滿足嘅來源, 一整完滿嘅覺感, 今晚大家試咗8款甜品, 每樣都好精緻, 有多款選擇, 亦迎合大眾口味, 一餐好嘅晚飯, 令我忘記返工有幾忙, 同時又可以同朋友一齊享受, 呢間餐廳服務環境都滿分, 裝修以工業風格為主, 環境幽暗, 鎢絲燈帶來浪漫感覺輕鬆自在! 食物有0.5分嘅再進步空間, 餐廳可以為生日嘅客人甜品碟寫上祝福字句, 只要打黎book枱時講就可以(加十蚊, 朋友試過, 保密程度都okay!)平均消費$190, 7個人, 3個頭盤+4個主食+7杯飲品+2個甜品 Espuma星期一至星期日 11:30-23:00中環威靈頓街2-8號威靈頓廣場M88 17樓Tel: 2973 6088店員話最好早3-4日枱book比較好, 因為都幾full分店-> 尖沙咀, 灣仔將於3月尾開張…Read More

唔好以為去M88就=去蒲這夜就來到 ＥＳＰＵＭＡ 參與試食活動店內裝修挺別致 Like!開飯喇傻條另外request 左佢俾black truffle mayo 點真係好 like 傻條點black truffle mayo 呀!!!講到呢度... 其實這店真的頗有特式 多國菜是也.......呢乜原來西班牙菜同馬拉菜是friend 來的!!!點解又會有喇沙嘅呢?!!!  奇怪本身對呢個pizza有點期望, 其實食落都唔錯, 可惜辣味cover 左pizza 應有的味道一上枱, 就知唔好食, 煎的時候個鑊肯定燒得唔夠熱, 鎖唔住肉汁, 硬硬地此餐廳用了紫薯, 又肯定佢冇用牛油整啦 .... 太乾了還是等待試試甜品好似一紮花咁靚有6款口味, 我最喜歡抹茶紅豆, 抹茶mousse 的口感滑度適中其次是oreo那款, 也是不錯~其他有肉桂、波蘿、白桃、Brownie~丫丫丫!!!  仲有一款石榴白朱古力一定要介紹下呢隻真係unique ! 唔係度度都食到~ LIKE 石榴 的朋友要試試這個!咦 ?？?？　ｈａｍ唔係甜的都放在這裡？？？　Ｒ頭中。。。都話呢度好有特式架啦!!! LOL不過這盤東東都算是幾特別嘅~ 值得一讚右上: 玫瑰巴巴露絲, 用了玫瑰花瓣<---鋪滿了糖... 太甜了吧... 上面有支好似正在打針的玫瑰味的水, 注入cake 裡面, 好得意呢XDDDD 玫瑰味的水淡淡的, 好得意呢XDDDD以無花果配 waffle , 又OK 啵!!!Black truffle nuts mille feuille >>>> I LIKE !!!不過有D 漏~ 但味道真係好正! 最後還有一個抹茶麻糬waffle, 又是心形的, 再配一球士多啤梨雪榚 YUMMYYYYYYYY粒雪榚好襟攞, 好耐都唔溶~ 讚呀!真係好豐富的一頓!!! 多謝晒 …Read More

身處於一刻都不能慢下來的香港,每分每秒都感到壓力及擠迫, 要懂得找尋一個喘息空間, 倦了蘭桂芳的空虛漂無, 也是由畢打街行上,轉個街口來到中環的Espuma充電。在中環黃金娛樂地段，潛意式差點想向bar 臺走點杯cocktail了。有bar 臺及露天小樓台，小露台望出對街的高聳大廈，夜裡仍亮著耀眼燈光的不夜城，心想大廈中還困著一群年薪百萬的金融法律專才吧！冬天天氣適宜站在露台一面談天一面放眼欣賞金融界的繁華，窮風流如我應更開心。擺設在木架上的杯及咖啡豆通通可以買回家，講返espuma,是由西班牙咖啡豆商novel合資，而novel 是西班牙第3大咖啡生產商之一，所以同時在店內買到novel 出產的咖啡機同capsule .睇返食物價位在中環地般可以用非常合理來形容,人均消$250~300。黑白芝麻吞拿魚卷吞拿魚外層沽滿了黑白芝麻再入爐焗， 快速焗完維持8成生，如火灸刺身壽司，中間刺身質地而芝麻加熱會散出香味及呈脆身，伴wasabi味dressing， 綿綿魚肉香口軟滑。西班牙黑毛豬火腿配西班牙蕃茄醬及多士24個月黑毛豬parma ham, 風乾時間24個月是嬰兒程度，淡淡宜人的沒太鹹，配香草麵包兩種味都不會搶過大家風頭。麻辣香腸薄餅salami pizza 食得多，四川辣肉腸pizza的組合又如果，結論是創新定古怪?就由我把口告訴你吧！舖到大量芝士，拿起拉絲湧出，愛芝士香的我已被芝士牽住走，去了一個 萬劫不復的狀況吃了3片(一個pizza 才6片)。嘴同舌會麻一刻，肉腸那份油脂像蠟鴨面那層油封味，整體還好，是因芝士令我愛上，雖然賣相一般，但以芝士愛好者角度出發還值得一試.以窩夫在開業初期已打出一片熱潮，來到中環店本想再order, 眼光被一份精緻的甜品帶走了注意力，美得過份的甜品set，那有少女能抵住甜品魅力。$358 定價內已包2杯飲品吊大家胃口我先不介紹高腳玻璃杯甜品，酥點拼盤pastry platter, 7款鹹甜點，還是以甜食做軸心。鹹食有牛油果煙三文魚，大量大油過蓉沒欺場。也有頭盤已嚐過的黑毛豬。無花果窩夫把espuma經典施小計雪糕轉無花果，同樣有custard 伴吃，再三回味窩夫之美味。蜜 餞薑味朱古力鬆餅，帶薑味scone頭一次吃到，口應沒英式afternoon tea 的scone 乾身，英式會抹大量果醬同cream, 此款中間水高丁點，單吃亦不會卡在喉嚨中。黑松露榛子拿破崙千層酥是個大膽之作，黑松露性格霸道很易把其他食材味蓋過，我曾吃過黑松露雪糕，應該就是不協 調，黑松露無疑很特出，濃郁香味四射，但個人不太欣賞就是了。如太空館那件粉紅蛋糕叫玫瑰巴巴露絲， 插在蛋糕上的是用玫瑰花瓣精煉成的糖漿，按喜好擠誰蛋糕，朱古力蛋糕中有些脆脆片， 而cream同玫瑰融合後就添了些玫瑰香，但厭玫瑰香未夠強同分明，蛋糕層又因自己貪心擠太多糖漿呈濕軟。鮮berries意在用其酸味平均甜度，飽滿多汁。甜之夢想曲，6款不同散開如花束， 3月14 white day 帶同女友送上食的6款花束浪漫不過，食下肚的甜品花實際又飽肚，也是女生拍完照上戴社交網炫耀的大好機會，借今天全女班也可以試呢！我並沒有試足6款，只描述吃話數款的感覺。石榴白朱古力mousse ，粉紅石榴郁香，濃烈石榴果香中帶有花香，讓平日少與mousse沾上關係的我也愛上。apple crumbe乃是當中最發，蘋果肉煮到焦糖化，甜品上升果香更明顯，灑上如消化餅的牛油餅碎，食完沒有滯意。酒香白桃果凍， 香檳味jelly, 讓給懂品酒之人吧!紅豆 抹茶慕絲伴朱古力布朗尼，綠茶mousse 甘香，搭brownie使朱古力中添上茶甘，有吃到紅豆蓉，出奇夾不錯吃。把oreo ，brownie 同蛋糕塊一起填入杯中，這款也沒嚐到。檸檬菠蘿粒粒沒吃 但看上去似結成冰的菠蘿，就是小學時那種零食。用鮮水果打成雜果沙冰，碎冰中看到青紅蘋果皮碎，點綴了飲品色彩。 由雪至冰點的菠蘿味，蘋果同橙打出來的，味道側重菠蘿味， 切成大大片的青紅蘋果肉，倒進杯中夠剎食，2人可分享一杯。吃完走過那熟悉的路到地鐵站回家，時間尚早看不到醉娃，蘭桂坊的輕浮令柴娃娃看透世間荒唐，現在寧靜地吃美食喝咖啡，就是我的生活態度。…Read More

朋友在港島區上班，為了遷就他就選了在港島區用餐，上次到過尖沙咀的ESPUMA感覺良好，今次決定到中環店。裝修格局跟尖沙咀店非常不同，這兒比較有情調，燈光比較昏暗。最欣賞這兒有劃分不同的區域，有適合大班朋友的長餐桌，也有長梳化讓你跟朋友放鬆的。餐廳也有擺放由Espuma和Novell 出品的咖啡機和咖啡，如果讓客人喜歡的話可以買一部回家隨時隨地享受咖啡的樂趣。另外我喜歡這塊WELCOME的小石頭，很有家的感覺。黑白芝麻呑拿魚半熟的呑拿魚呈現出浪漫的粉紅色，呑拿魚的外圍輕輕煎過，所以外脆內嫩，再配上芝麻及蕃茄，帶出清新的感覺。適逄餐廳推出了$688 二位的情人套餐，雖然我倆不是情侶但也點了來試試。黑松露醬蘑菇煙三文魚心形薄餅煙韌的薄餅中佈滿了蘑菇和煙三文魚，上面的芝士以半溶狀的形式呈現，再配上黑松露醬，加上心形的薄餅，外形正好有如一支穿心的愛神之箭。烤美國肉眼扒牛排肉質豐腴，而且軟嫩，不過牛肉味一般，幸好份量十足，男士們都不用怕不夠吃，外形正好有如一對翅膀，比翼相飛。玫瑰麻糬窩夫伴雪糕心形的麻糬窩夫染上浪漫的粉紅色，經烘焗後表層香脆，而內裡的麻糬帶點軟糯，煙煙韌韌的，再加上士多啤梨雪糕，配上情人節必備的玫瑰花，女士一定一試愛上。甜之夢想曲在門口當眼的位置看到了這外型有如六支花的甜品，我告訴朋友今晚無論如何飽嚐幾多美食但這個還是非點不可。六枝不同的甜品，分別有檸檬菠蘿粒粒，石榴朱古力慕絲，蘋果金寶，咖啡慕絲伴朱古力，抺茶慕絲朱古力布朗尼和酒香白桃果凍。我個人最愛抺茶慕絲朱古力布朗尼，香濃布朗尼十分結實，面層香脆，再加上慕絲的綠茶味甘香，整體味道非常配合。朋友則說酒香白桃果凍非常清新，他最喜歡。情人節有時不一定要送花的，若果改為以花瓶盛載的甜品，相信也可得到女士們的芳心。最後趁著情人節送上楊千嬅的花與愛麗斯，祝大家情人節快樂。「寧願信這世界始終都好佔多數善良人　花花的宇宙　留童真但說真　要你我歡歡喜喜閒來其實只要氹　有意去送人玫瑰便有心」…Read More

在港首推新品種麻糬窩夫的Espuma最近於中環設立分店，而且聽說食物品種都較尖沙咀店多元化，心動不如行動，就決定與友人一起「實地考察」！是次中環分店同樣為樓上店，不過位置上比較便利，由地鐵站至食店路程都大約只需五分鐘左右。店內燈光柔和偏昏黃，加上皮製梳化椅、舒情音樂，坐下來不久就自然放輕鬆。店的裡頭又有一堆如展覽館般展示各種小物的木架，包括杯、碟、咖啡等等......餐牌很簡單就只有這裡的，雖然圖質不高但還是可見食物種類比起尖沙咀的確多元化得多，例如會多了亞洲風的咖哩與米線，都是有點意想不到之物。招牌水果茶 $42 (8/10)要了壺熱水果茶，份量多，用上小燭台保溫助熱，混合多款水果如蘋果、菠蘿等等，用上甜度高之水果做成果茶，茶甘中和過量的果甜，甜度適中，散發自然水果香甜，清新宜人。麻辣香腸薄餅 $108 (6/10)餅底薄身，質感有點像餅乾，口感札實帶韌性與麵粉香，邊位硬脆，塗上餡料位置相對較濕軟。對西班牙料理認識淺薄，在網上搜了搜，原來西班牙式披薩底都是這種有點像餅乾般的批底，與一般常吃的有點不相同。由芝士、茄醬、辣肉腸組成。整體味道比較溫和無太大特別之處，不過微辣但辣味相當明顯，但吃著還是不錯吃的。份量不大，就大約六吋左右，一人吃一整個都基本不成問題。很快進入甜品環節，皆因上次吃過鹹食，此行就來點新的甜吃試試看！黑松露榛子拿破崙千層酥 $88 (6/10)甚少甜吃用上松露入饌，這客甜品賣相精緻，味道上卻意外不違和。面上疊上榛子碎粒與金箔點綴，用上忌廉作黏合劑把松露醬黏合於酥皮內，要讚是酥皮鬆脆富牛油香氣，而其松露醬保持一貫鹹香惹味水準，不像甜點的甜點，只是略嫌忌廉與松露醬相加起來有點太膩。甜之夢想曲 $198 (7/10)是次前來的重點來到了，這客極度吸睛的甜品以花瓶盛載，六支裝有六款不同甜品的高身玻璃杯如花似四散，絕對是情人節送花的好選擇！六款大多以質地較挺實而滑的慕絲為主，從左手邊起味道分別為：1、石榴白巧克力慕絲石榴清新，白巧克力不過甜，整體配合出色。2、蘋果金寶牛油脆脆與大顆醃漬果肉，配搭穩健但未見特色。3、酒香白桃果凍透明果凍帶點彈性，不會太軟爛和硬膠，中間夾有桃肉，桃甜而帶微酒氣。4、檸檬菠蘿粒粒菠蘿果肉與水，老實說這支也太隨便了吧？5、抹茶慕絲配巧克力布朗尼上方一小撮紅豆泥與金箔、中層抹茶慕絲底層布朗尼。抹茶味是綠茶非抹茶味，有茶味卻少了份甘與茶香，不過味道濃郁自然；布朗尼較硬質，但巧克力味同樣偏濃而不甜膩。6、咖啡慕絲伴奧利巧克力咖啡香濃不過份量有點少，大塊oreo放入高身杯內比較難以掏出來吃，變相容易各有各吃。窩夫有分兩種：香脆普通窩夫(半份$78/全份$118)與煙韌麻糬窩夫(半份$88)。而款式亦如尖沙咀店有分日子供應，每客都附上一球Movenpick雪糕，普通窩夫一如既往好評，做到外層香脆，內層柔軟濕潤富蛋香，加上甜度適中的卡士達醬更加甜美好吃。日式香芋麻糬窩夫伴香芋忌廉配雪糕 $88 (7/10)純白麻糬窩夫摻雜薰衣草紫的香芋，造型浪漫醉人，雪糕球上都附帶一塊小熊杏仁瓦餅。麻糬質感煙煙韌韌，有點微黏牙，芋味自然，淋上質感較稀水的香芋醬汁，提升甜度亦使味道更為突出。…Read More

上次在尖沙咀的Espuma吃過後，說深深吸引就有點誇張，但確實是值得再次光顧的，知道中環店的食物比尖沙咀店來得要多，也就去試一下吧。中環店的位置和蘭桂坊很接近，假如你有本事的話，可以選擇找西班牙妹陪你吃西班牙菜，或者食完西班牙菜食西班牙妹，個人希望是後者（請自重）。這裡可能因應中環地段關係，感覺上比較高級，同樣的食物價錢也會高一點。聽說這個櫃的擺設是能夠出售的，詳細就要問店員了。中環店和尖沙咀的菜式會有點不同，最大分別是加了亞洲菜系，據知咖喱和喇沙都是由印尼廚師主理的，夠地道吧。西班牙菜當然少不了吃火腿，就來一道西班牙黑毛豬火腿配西班牙蓄茄醬及多士（名字超長），火腿是用廿四個月的，個人對廿四個月的火腿最有好感，鹹味最適中。多士不能算厚但也不薄，外表略金黃帶微脆，伴著清新的蕃茄醬和鹹香的火腿味道很平衡。四川麻辣香腸薄餅聽名字很特別，畢竟薄餅是西式的卻配上四川麻辣。看樣子和一般的薄餅沒甚麼分別，就是平常的辣肉腸變成像臘腸的東西。這款薄餅不像上次那樣可以拉絲，不過芝士並不少而且鋪得很靚仔。第一口咬下很清脆，不覺怎麼辣，慢慢地麻辣的感覺就會出來了，可是辣度不高不用太擔心，而看起來很像臘腸的東西，味道還真的很像臘腸，但就多了些辣味，整個薄餅也挺醒胃的。 馬來喇沙湯海鮮米線的湯底一般來說是濃郁的，不過這裡的出品比起預期中來得清香，香茅味道最為突出，個人是挺喜歡的。海鮮的份量也不少，青口鮮蝦蝦餅等也佔了半壁江山，另一邊就全是芽菜，賣相不壞。米線可能因拍照的時間略久，變得有點軟軟的，自己也有責任就是了。 看到身後有咖啡機就想喝喝咖啡，反正我已經透過人體鍊成成功將自己改良到喝完咖啡可以快速入睡…假的。從幾款咖啡中挑了最特別的手搖咖啡來喝，手搖咖啡的泡沫很幼細，黑咖啡味道亦很甘香，清新中餘韻帶點微酸，相當滿意。 甜品當然是不可取締的一環，上次吃過了兩款窩夫後被深深吸引，今次則是吃香芋麻糬窩夫伴香芋忌廉配雪糕，個人可是對香芋有大愛的。因為是麻糬窩夫關係，老樣子還是要盡快起筷，否則會變得煙韌欲斷難斷，窩夫有一部份呈紫色似乎是芋蓉來的，煙韌的麻糬中有一些顆粒，似乎沒猜錯了。香芋雪糕和糖漿顏色雖然有點假，但其香芋味很實在不化學，不像鳥巢牌香芋雪糕超級假。 上次看到的甜之夢想曲在中環店也出場了，六枝長腳版香檳杯放在玻璃瓶中，模仿鮮花與花瓶，正宗冧死女之作。自己分得了綠茶慕絲布朗尼，面頭加上了紅豆蓉和金箔，慕絲夠細滑而綠茶味可再加強一點，布朗尼的朱古力味濃郁，而且焗至乾身做到脆口的感覺，做得不錯。 用黑松露作為甜品的材料偶有所聞，但吃這類的甜品還是第一次，這個黑松露榛子拿破崙千層酥體積小巧，可以一口一件夠方便。這千層酥做得很好，外表金黃，酥皮又薄又脆仿如薯片，入口除了有著蛋黃的鹹香外，黑松露味亦會隨之襲來，最後則是幼滑榛子醬的香甜，層次相當分明。吉士醬拿破崙吃膩了？換成這版本肯定能給你新鮮感。 情人節快到，相關套餐剛好能先賭為快，為了配合情人節的浪漫氣氛，造型也有特別處理，其中的頭盤是心形黑松露三文魚薄餅。主菜則是肉眼扒，雖然不是很像心形但配菜也切成心形，不過把心切開不是Heart broken嗎？（笑） 甜品雖然還是麻糬窩夫，但用上了真正的玫瑰花瓣做材料，花瓣和糖一起煮過後再冷藏，就做成這個玫瑰脆片了（我改的），偷偷的拿了一些來吃，味道有點像糖冬瓜頗甜，因為夠薄身所以入口即溶，但就沒有吃到玫瑰的香氣，不過只要賺得女伴一句好漂亮好浪漫便已足夠。雖然是主打西班牙菜，但亞洲菜系意外地不錯，更難得是甜品亦比一般的出色，能夠不用轉場就吃到高質素甜品，你的女神就不會跟你詐型了，前提是你有這個勇氣去約她，哈。…Read More