駿景軒

營業中

休息中

🙋🏻‍♂️餓底探員去咗灣仔調查呢間中菜，餐廳係英皇駿景酒店嘅中菜廳，每道食物都有水準，非常高質，環境舒適有格調，店員態度友善，服務良好，設有獨立包廂，私隱度高🍖拔絲咕嚕肉 $268🙋🏻‍♂️表示個咕嚕肉外層酥脆，肉質鬆軟多汁，超強拔絲，味道香甜，做得好出色，店長極力推介👍🏻🦐瓦罉焗胡椒蝦 $468🙋🏻‍♂️表示原隻大蝦放入瓦罉以胡椒焗，打開蓋聞到香濃胡椒香氣，蝦肉鮮香爽彈，充滿胡椒辛香，驅寒暖胃🐤黑松露手撕雞 $318🙋🏻‍♂️表示將炸子雞撕成雞絲，加入黑松露做成手撕雞，再放入用炸粉絲做成嘅雀巢，擺盤精緻，雞皮炸得香脆，雞肉嫩滑，帶有濃厚黑松露香🥩醬油安格斯牛柳粒石窩炒飯 $238🙋🏻‍♂️表示炒飯用安格斯牛柳粒，雞蛋，洋蔥，香蔥炒成，放入石窩，面頭鋪滿木魚絲，炒飯粒粒分明，牛柳粒味道鮮香濃郁，食落香口好夠鑊氣🥣腐竹蓮子糖水🥥海底椰雪耳🙋🏻‍♂️表示最後仲有糖水奉送，腐竹蓮子糖水香軟綿密，海底椰雪耳膠質豐富，夠晒滋潤📈吃貨指數😋好味度 9/10🔙返啅度 9/10

同重要人物食飯，一定要好好揀餐廳🔍依間🏨英皇駿景酒店內既中菜餐廳🥢榮獲過多次米芝蓮一星🎖️野食質素 • 環境方面唔洗擔心😌而且店員們服務都好好💕(有禮貌 • 會因應我地嗌既食提供唔同既餐具 • 不斷主動幫我地加茶…)~•~•~•~•~•~•~•~•~•~•~•~•~•~•~•~•~•~•~• ▪瓦罉焗胡椒蝦 必食❣️上枱打開鍋蓋時，陣胡椒香味攻晒出黎💨有6隻🦐蝦肉爽口 • 有胡椒辣香🤍.▪拔絲咕嚕肉 咕嚕肉薄薄脆漿層💥外層酸酸甜甜糖醋汁份量岩岩好，真係做到拔絲效果，唔會硬左黏牙🧡配料仲有三色椒🫑 • 菠蘿🍍. ▪清香藤椒魚 魚片滑滑 • 大片厚身🐟。湯底唔會好油 • 微微辣🌶️仲有薯粉 • 木耳 • 大豆芽 • 䈑筍…🍲.▪百花炸釀松葉蟹鉗 比常見既大件，炸得金金黃黃✨(表面)脆卜卜 • (百花)彈彈彈牙😝.▪️甜品▫️海底椰雪耳 雪耳膠質出晒黎，甜度適中，潤一潤🧏🏻‍♀️▫️豆腐花🤍.~•~•~•~•~•~•~•~•~•~•~•~•~•~•~•~•~•~•~• 🔺需加𝟏𝟎% 服務費 ~•~•~•~•~•~•~•~•~•~•~•~•~•~•~•~•~•~•~•

認識「駿景軒」已經是它在跑馬地的時代，當時走高檔路線的川粵飯店不多，低調的「駿景軒」成老饗之聚地，更曾經獲米芝蓮一星。現在的「駿景軒」設置皇后大道中，依然寧靜高雅，水準保持，更這晚二人飯局，淺嘗幾款香口惹味菜式。瓦罉焗胡椒蝦 $468必點招牌瓦罉焗胡椒蝦，出菜時胡椒香氣四溢，蝦鮮肉彈，盡吸胡椒辛香，惹味鮮香，愈吃愈想吃，一客有六隻。百花炸釀松葉蟹鉗 $188金黃飽滿，酥香不膩，最重要是貨真價實，蟹肉夠多，不過是否松葉蟹我就冇能力分辨了。黑松露脆皮手撕雞半隻 $318意外驚喜，手撕雞肉完全與黑松露香混為一體，每口香氣四溢，不止於此，亮點更在放面的雞皮，燒至脆如薄片。一片皮配一口手撕雞，富層次味豐富。醬油安格斯牛肉石窩炒飯 $238石窩非常熱，炒飯夠火候，乾濕度剛好，米飯粒粒分明，味道不濃不淡，作為主食理想。白果腐竹糖水贈送的，煲得棉，甜度適中。人手充足，服務唔錯，環境舒適，設置不少貴賓房，但在大廳亦舒適。https://www.instagram.com/gourmet_ivy/ 

馬場附近找餐廳不容易，突然想起英皇駿景酒店的中菜口碑不錯，餐牌上菜式大多屬於四川及重慶口味，感覺醒胃。我們先點了兩款小食:川味口水雞及椒鹽九肚魚。雞肉嫩滑，麻辣醬油分開上，十分貼心。九肚魚外脆內軟，沾上香醋，十分香口。主菜我們選了大眾推介的瓦罉焗胡椒蝦，一上枱色香味俱全：大蝦肉質爽甜，胡椒香氣撲鼻，十分惹味。緊接上菜的是清香藤椒魚，份量十足，大碗內舖滿嫩滑的鮮魚片及萵筍，湯底清新，非常入味。最後是十分足料的水煮牛肉：鮮牛肉肉質軟滑，配菜有薯粉及青瓜，湯底香濃，整體十分出色。餐廳最後送上薏米腐竹糖水及陳皮紅豆沙，是一個完美的句號。

駿景軒屬於頂級中菜餐廳，曾經七年獲得米芝連一星，而家由跑馬地搬去灣仔，質素仍然出色。我地總共叫左三道菜，粵菜同川菜都有，包括瓦罉焗胡椒蝦、粟米鱈魚球同水煮鮮魚片😋- 瓦罉焗胡椒蝦胡椒味非常香，大蝦好入味，肉質鮮甜彈牙，蝦殼脆到可以連殼一齊食。- 粟米鱈魚球鱈魚一共有六件，肉身好厚，炸粉超級薄，完全無任何油膩感。粟米羹分開上，入面嘅粟米非常香甜，就咁飲都好正，對比平時餐廳食嘅粟米斑塊完全係另一個層次👍🏻- 水煮鮮魚片魚片數量好多，肉質滑身，完全唔油膩，湯底香麻，辣度適中。下面有大量煙韌彈牙既薯粉，而且吸收曬湯底精華非常惹味。甜品方面，餐廳提供免費紅豆沙同腐竹糖水👍🏻總結而言，以上三道菜式非常出色，職員服務好貼心，環境好舒服😌

今日同女友去咗英皇駿景酒店staycation，順便試咗酒店旗下曾經榮獲米芝蓮一星既中菜餐廳－駿景軒，以下幾道菜式無論係川菜或粵菜都好有驚喜👍🏻- 川味口水雞及椒鹽九肚魚口水雞嘅麻香好持久，雞肉隻合嫩滑、肥美、彈牙同滑溜於一身，真係啖啖肉🤩。至於椒鹽九肚魚炸得好脆口，口感好似椒鹽豆腐，完全唔使咀嚼已經落咗喉嚨🤣- 瓦罉焗胡椒蝦一打開蓋胡椒香味撲鼻而來，入面有六隻大蝦。肉質本身好鮮甜彈牙，最難得嘅係胡椒味道完全滲入左蝦肉入面，平時食其他類似菜式例如鹹蛋黃大蝦，鹹蛋黃味道同蝦係完全分開，但呢度菜式嘅大蝦同胡椒味完全融為一體😋- 水煮鮮魚片魚都切得好大塊，肉質非常嫩滑，果然係桂花魚，而且入口麻香中帶辣，味道充滿層次。配料包括豆芽、薯粉、青瓜都好入味，完全做到麻辣鮮香既味道。最後仲有甜品，餐廳提供紅豆沙同腐竹糖水，兩者都好好味🥰本身最想食嘅菜式係黑松露手撕雞，可惜已經賣晒，所以我一定會encore駿景軒食返黑松露手撕雞🥹

上星期係婆婆生日,老人家做生日,就最喜歡食中餐! 所以我上網做左好多功課,揀左一間出名既粵菜同婆婆做生日! 駿景軒 - 多年既米之蓮一星食府! 好早以前都聽過大名,原來近年搬左去皇后大道東果面!當晚我地book左7點,都幾多人,上到去見到裝修好有高級粵菜館既風格。門口見到尊典雅的白玉觀音像,背面有精緻木雕,右邊掛上"駿景軒"名牌,簡單得來好有格調!臺面既鋪陳好簡潔,望落餐具都好高級,好靚!呢餐生日飯,婆婆交比我發板叫餸,佢話想食d傳統+辣野! 既然係咁…當然先黎個廣式靚湯啦：杏汁白肺湯 - 相信白肺湯,係街外都買少見少,但就算係有,我都未必敢飲! 但婆婆近來有d咳,所以每人叫左碗黎飲! 個湯底煲到奶白色,好香,帶住絲絲既杏仁味,但唔會太搶! 重點係個白肺一d都唔騷,一定反覆洗左好多次先有咁既效果,食落好似食緊豬肚咁! 呢盅湯,無得頂啊!頭盤 - 飲完靚湯,當然要食下d頭盤啦! 我揀左個口水雞! 不同于出面,呢度既口水雞既汁係另上,怕辣既可以點少d汁! 實話講口水雞出面食得多,但呢度係唔同d! 雞皮滑兼彈牙,肉雖然唔多,但好有雞味,相信係用新鮮雞整先有咁既效果! 出面食到既口水雞雖然多肉

這間位於灣仔皇后大道東英皇駿景酒店1樓的「駿景軒」是連續多年蟬聯米芝蓮星級食府的餐廳，食物質素有保証內在環境舒適優雅，實在是和朋友食飯相聚的一個好地方。瓦罉焗胡椒蝦 $428瓦罉焗胡椒蝦以大量嘅胡椒去焗大蝦，上枱的時候聞到一陣陣的胡椒香味刺激醒神，在胡椒中把蝦取出，每一隻蝦都充滿胡椒香味，而且表面略帶微鹹，蝦肉新鮮爽脆胡椒完全沒有把他的鮮味搶去實在好味。泡椒蒸魚雲 $208泡椒蒸魚雲在新鮮的大魚頭上，鋪滿辣椒蓉和蔥粒紅紅綠綠顏色鮮艷令人食指大動，魚雲新鮮嫩滑加上泡椒非常嘢味。川味口水雞 $158川味口水雞，麻辣醬和雞是分開上的，雞肉新鮮香滑有雞味，雞皮爽脆不論是加麻辣醬或是雞肉淨食都一樣好味。杏汁燉白肺湯 $90 （位上）杏汁燉白肺湯材料豐富有瘦肉、菜膽、豬肺和雞腳味道濃郁厚身，每一口都有濃濃的杏汁味可惜一盅仔的份量實在太少了😋正宗四川擔擔麵 $48正宗四川擔擔麵濃郁突出的花生味加上肉碎和葱粒來調味，味道層次豐富，麵是幼身白麵煮的時間剛好麵身煙韌有彈性非常吸湯，每一口都非常滋味。

媽咪生日訂左位係英皇駿景酒店駿景軒食飯。平時都好少去酒店食晚飯，方唔太大，環境清幽，唔會好嘈。我地叫左杏汁白肺湯，比媽咪補一補。湯超級足料，一上菜已經聞到陣陣既杏仁香味，入面仲有豬肺同埋雞腳，超級滋補，非常值得一試。當然點左佢地名菜胡椒蝦，果然名不虛傳，呢道菜用左原粒白胡椒把蝦焗熟，每隻蝦都帶有胡椒香。特別在於餐廳用左瓦罉黎焗，好有風味，外殻脆卜卜其實可以食堆，食晒外殻胡椒味。黑醋珠蟹肉帶子炒鮮奶係我最鍾意既一款，餐廳將黑醋用顆粒既形式上，口感好特別，咬爆左粒黑醋珠就會同鮮奶結合。呢道菜其實好似”塞螃蟹”，每一啖都會食到佢大大件蟹肉，送飯一流。餐廳用左新鮮既菠蘿同埋三色椒去整呢個咕嚕肉，而且係肥瘦均勻既去骨豬肉，啖啖肉，鬆化唔會硬，價錢亦合理，性價比好高。上湯雲吞皮薄餡靚，味道濃稠，再加幾條青菜。好彩係最尾先上，一客有成6粒，食完一半已經飽哂。睇餐單仲有好多川菜，但媽咪唔食得辣冇叫到，期待下次再黎食辣野。

知道弟婦就黎生日，擇日不如撞日，做長輩嘅一於做東同佢慶生。請人食飯俾錢事少，唸去邊度食先至頭痛。唸起弟婦係四川人，嫁左細佬咁多年，口味仍在香港化ing ，仲係鍾意食辣椒🌶上網睇睇，駿景酒店嘅中菜廳出名川菜，已經連續七年獲選米之蓮一星美譽，而且喬遷灣仔不過數月，食評家李純恩、盧覓雪都推薦過，值得期待我們用餐嘅時段較早，客人並不多，令我們更加可以細味店內嘅優雅設計杏汁白肺湯⭐⭐⭐⭐⭐入口杏香滿溢，清潤順喉，大愛呀瓦罉焗胡椒蝦⭐⭐⭐⭐⭐海中蝦香脆彈牙，蝦殻完全沾滿了熱騰騰的胡椒香，我們都忘我地揮動十指，完全拼棄了桌面上嘅刀义川味口水雞精粹在於新鮮嘅雞以及多種配料混合嘅醬汁，麻、甜、酸、辣、重重味道互相交疊，分開醬料係方便客人自行調節口味麻辣水煮鮮魚片⭐⭐⭐⭐幾種不同的辣椒全都來自雲南貴州，再配以多種香料、花椒去浸泡輕輕灼熟的鮮魚片，貫徹地道嘅四川風味酸菜桂魚片⭐⭐⭐⭐為食貓再下一城，酸菜醒胃、桂魚嫰滑，正好調和剛剛麻辣左的味蕾霸王炒辣子雞⭐⭐⭐⭐油泡左嘅雞丁，夾雜著香脆嘅腰果，配合不同製法嘅辣椒🌶，惹味搶喉，吃得你熱力升溫，嗜辣控必點正宗四川擔擔麵⭐⭐⭐⭐濃厚的湯底充滿著花生、沙爹、芝麻醬嘅

今日Mummy 約左我話食餐好野，話係米之蓮🌟級餐廳，所以今日連下午茶都冇食，留肚等呢餐佢話呢間餐廳係連續七年攞到米之蓮星級美譽，實力一定唔簡單，新鮮及當造的食材，不加味精，香料及調味料亦由四川直送，呢一餐真係令人期待我哋準時去到，服務員有禮貌的招待我們坐下，環境係唔同啲，始終係酒店格局媽咪負責點菜，第一道菜就係呢個杏汁燉白肺湯，入口非常豐富的杏仁味，有豬肺，雞腳，白菜膽，真係好好飲，我超級超級鍾意跟住呢個瓦罉焗胡椒蝦，一上枱就香氣四溢，食慾大增，賣相又靚，聽講話連謝霆鋒都讚口不絕跟住呢個川味口水雞，用新鮮龍崗雞，我特登試一口原味，雞肉嫰滑及有豐富質感，然後再試佢嘅特製醬汁，味道層次豐富，又係另一種享受麻辣水煮先魚片，第一眼望落去真係嚇親我，仲以為好辣，但係當我食啲魚片嘅時候，嘩，真係好滑，我覺得「麻」的感覺好特別，原來麻辣係會特別帶出魚嘅鮮味，真係好佩服廚師點解可以咁叻咕嚕肉，呢個餸無論我去到邊度，我都一定order，呢度又真係整得零捨好食，特別係表面嘅脆漿，係五星水準霸王炒辣子雞，我個人就覺得辣左啲，但係媽咪就非常鍾意，見佢不斷攻擊，相信喜歡食辣嘅，一定會食得好滋味我哋另外試埋呢個

上星期帶了老爸吃四川菜, 老媽睇完啲相片之後, 也嚷着要吃…..老實說, 我又點會咁偏心呢? 一早已安排好帶她去一間榮獲多年米之蓮一星的中菜廳進餐, 唔好話我偏心啦! 希望為她帶來驚喜。餐館位於英皇駿景酒店, 一入門口便看到一塊金碧輝煌的店名招牌, 很有氣派。沿長長的樓梯上一樓, 內裏裝潢高貴雅緻, 有優雅的掛畫、時尚的吊燈、精緻的枱燈和高貴的餐具。分有兩個大廳, 設有多張四人至八人圓枱, 座位闊落, 坐得舒適, 還有數間大型貴賓房, 地方寬敞。一早來到不多人，環境寧靜；坐坐下便全場爆滿，好熱鬧！餐簿封面設計優雅, 內裏分門別類, 相當清晰。菜式有四川菜, 亦有粵菜, 分別有南北小食、魚翅、燕窩、鮑魚肚參、燉湯羹、海鮮、家禽、肉類、蔬菜、豆腐、素菜、小菜、麵點、主食、特飲等等, 還有四至八人套餐。其實除了小菜外, 還供應火鍋, 選擇不少。而我們今晚就被多款選材上乘的矜貴小菜吸引了, 故捨棄了火鍋……不知老媽看中了什麼?****************************一安坐，服務員便為我們安排茗茶 ($24/位)，有多款茶選擇，擇了一壺菊花茶。茶身清澈，味道很清香，入口幽香順口，

今晚朋友話帶我去一個神秘地方，原來帶左我黎英皇駿景酒店1樓，係酒店內的餐廳當然會有一定水準，無論在裝修擺設上或是食物上都很高評價而且還是米之蓮名銜，十分期待川味口水雞(小食) ($158) 辣汁分開上，方便不吃辣的朋友，雞件滑溜而醬汁也很醒胃，作為餐前小點也是不錯的小食。杏汁燉白肺湯 ($90/位)識得養生，燉湯點少得，今晚安排了杏汁燉白肺湯很滋潤，燉煮方式烹調能完全保留食材的原汁原味，味道十足。黑醋珠蟹肉帶子炒鮮奶 ($328)這道菜很考功夫，炒鮮奶不可過火，當黑醋珠咬開後再配以很滑的炒鮮奶，而醋亦調出了蟹肉和帶子的鮮味。瓦罉焗胡椒蝦 ($428)很有特色的菜，以瓦罉用以胡椒入味，一開蓋就香氣噗出，整隻蝦已被胡椒香氣包住，蝦很彈牙，而味道就熏入了胡椒味道在內很易入口上湯雲吞 ($98/位)清清的鮮湯配上大大粒雲吞，十分滿足的完結了這晚晚餐。