迷客夏 (如心廣場二期)

因為本人唔鐘意飲Earl Grey 所以買左珍珠高峰烏龍拿鐵 本來諗緊29蚊真係貴貴地 但聽講迷客夏係台灣十分出名 所以點都試下杯野一拎到上手感覺唔太大杯 叫左少冰 但覺得放得耐左d冰一融會令茶底嘅味道淡左 所以要盡快飲完 :(烏龍好似唔係依到嘅主打 但無諗過佢茶底又香又濃 溝左鮮奶都無令佢嘅香味褪色 真係令我一試難忘 有種執到寶既感覺除左茶底出色之外 白珍珠好似係佢依間野嘅特色 佢珍珠又圓又大 好有咬口 味道方面同平時黑色嘅珍珠差唔多 但香d又無咁死甜 我諗係用蜂蜜整嘅 配住香濃既烏龍拿鐵真係一流唯一覺得唔好嘅位就係 對我依個飲開手搖飲嘅肥婆黎講 佢size太細 依個價我覺得雖然值 但都想有大杯啲飲 希望以後會出jumbo size揀 …Read More