堤岸酒吧及餐廳

母親大人生日咁啱見OpenRice上面有優惠即刻買左3位順帶一提食飯係有泊車優惠嘅不過當日我哋就因為唔識路所以冇泊到係個度餐廳嘅門面做得非常之靚裝修非常豪華作為生日飯嘅地方真係相當體面今次嘅餐牌有三款同四款選擇唔鍾意食甜品嘅朋友可以揀三款而我哋買咗套票嘅梗係食四款啦店內嘅環境亦都相當好有個海景之餘環境亦都夠寛敞舒適有個咁好嘅環境梗係要開枝酒啦唔飲得嘅朋友可以好似我哋咁樣選擇半枝黎過下口癮享受左一陣美酒🍷靚景之後頭盤就黎啦珍寶帶子三重奏呢個係又由底食返上頂每一層都係用不同的烹調方法帶子亦相當鮮甜真係一次過滿足你3個願望⭐️⭐️⭐️⭐️⭐️（5⭐️滿分）之後係湯堤岸龍蝦濃湯配香煎蟹肉餅龍蝦湯非常濃厚配上蟹肉餅口感非常豐富唯一缺點係咸左少少⭐️⭐️⭐️⭐️接住黎嘅係主菜我地有一位選擇咗火炙鱈魚柳配牛油燴大蒜魚柳處理得相當好肉質嫩滑，外皮酥脆魚的油脂香味在口內久久不散非常美味⭐️⭐️⭐️⭐️⭐️而另外兩位就加左$60，選擇香烤28天乾式熟成西冷扒配原隻大虎蝦牛扒方面其實真係相當唔錯牛味香濃火侯亦都做得幾好但係個虎蝦就真係有d失望唔新鮮，無味，口感亦都似橡筋要加$60真係唔算值但淨係食塊牛扒係OK嘅⭐️⭐️⭐️到最後係甜品因為屋企人生日一早已經預訂左個生日牌仔甜品係香橙甜酒疏乎厘配薑味雪糕甜品比想像中大份薑味雪糕夠晒特別味道不錯配上疏乎厘感覺像食薑汁撞奶而疏乎厘口感鬆軟綿密不過個人唔特別鍾意食甜覺得個甜品甜左少少⭐️⭐️⭐️⭐️店內環境服務食物質素都不錯食物賣相亦夠精緻人頭$500左右能夠在酒店內享用海景晚餐性價比真係相當高有興趣嘅朋友記得係OpenRice度買優惠卷…查看更多

大半年前嚟過「堤岸」試試其下午茶，無論環境、食物、招呼都有水準，印象頗深，所以，今晚同朋友再嚟一試其晚餐，加上聽講轉咗新套餐，咁就更加期待啦。一於醉人之夜，開心星期五！「堤岸」定位喺酒吧 + 餐廳，不過，兩者並唔喺晌埋一齊，酒吧晌平台層，有啲室外露天位，可以睇到日落美景。餐廳則晌上一層，需要繞道經一經酒店大堂再上一層先到達餐廳入口，而餐廳入口就打造得富麗堂皇，金光閃閃。甫入到去，非常之有氣氛，如果，安排到對海一排窗邊嘅揀手位，附送埋180°嘅維港美景。雖然我哋坐咗晌另一邊角落，都睇到少少海照架，但幽靜嘅位置讓我哋更方便傾偈，而亳無騷擾。雖然樓底唔高，但座位編排闊落，故此，都唔會有咩侷促感。枱上早早擺放好竹蓆餐墊、餐巾、刀叉，樣樣都乾淨整潔，尤其啲餐巾，非常雪白，唔好睇少呢環，好大程度影響個印象分架。朋友因堵路遲到，小弟就先點咗一杯番石榴汁（$62），好清甜，味道自然，一邊飲，一邊先研究吓個餐牌。據店長介紹，依家所做嘅「嚐鮮• 海鮮」晚市套餐已經推出咗成個月，都幾受歡迎。由於「堤岸」主打澳洲菜，所以，有唔少海鮮菜式，至於呢個套餐分為三道菜 ($398) 及四道菜 ($428)，包咗頭盤、餐湯、主菜及甜品，言下之意，四道菜就即喺包埋個甜品，不過，溫馨提示一下，就唔包飲品嘅。食套餐一向計落喺划算啲，但萬一套餐真喺有啲嘢唔啱食，佢哋嘅散點餐牌都有好多選擇，由前菜、濃湯、意式飯麵、香烤美饌、主菜、伴菜，到甜品，都一應俱全，選擇唔少。麵包籃餐前，先送嚟一大份麵包籃，長法包外皮脆口得嚟好煙韌，包心軟綿；另一款小圓包，雖然唔喺話好有特色，但極之鬆軟，且有麵粉香，搽啲牛油已覺得好好食。如果喜歡橄欖油同黑醋，亦可以向店員提出。前菜有兩款選擇，兩款嘅配搭都非常之特別，無乜理由唔試晒架。珍寶帶子三重奏呢道前菜嘅賣相絕對喺意料之外，無論喺食材嘅配搭，抑或所用嘅器皿，均非常有心思，以三層玻璃「杯」裝起3種不同做法嘅帶子菜式，淨喺食手工都值回票價啦。此外，擺設亦唔喺隨意，店家嘅建議次序喺由上而下咁食。蘋果木煙燻帶子雖然一打開杯蓋，啲煙就散晒，煙燻嘅效果好似唔明顯，但一口咬落粒帶子度，煙燻嘅味道就好突出，而且，既然叫得珍寶帶子，真喺夠大粒，又爽彈，襯上少少黑魚籽，令味道更多層次。香煎煙肉帶子柑橘油醋汁第二道帶子，以煙肉包住嚟煎，令粒帶子帶有微微鹹香，而且，更油潤，配以柑橘油醋汁，食落喺完無油膩感，好得。鮮帶子他他配三文魚籽依個就以刺身嘅食法，帶子喺亳無烹煮過，刴成他他，撈埋啲三文魚籽，完全喺鮮味大爆發，帶子好鮮甜，三文魚籽就引出鹹鮮，實在感覺美妙，不愧為用上北海道嘅鮮帶子。蟹肉沙律配香辣牛油果、柚子、蜜糖鬆餅食咩都好，逢喺有蟹肉嘅菜式，我大多數都會揀佢，因為鍾意蟹肉嘅鮮甜，但就怕要落手落腳拆蟹，麻煩嘛。而呢一道蟹肉沙律，喺堅多蟹肉，並且好有鮮味，配搭上香辣牛油果、柚子肉，味道十分特別；至於啲蜜糖鬆餅，大可以跟蟹肉作配對，亦都好有驚喜。堤岸龍蝦濃湯、香煎蟹肉餅餐湯無得揀，只供應一款招牌龍蝦濃湯，除非你好唔鍾意蝦，或對蝦有食物敏感，否則就真喺唔好錯過。每啖湯，都喺龍蝦嘅精華，入口蝦味鮮活，濃郁到不得了，而且，打得柔滑細緻。所以，我連一滴都唔嘥，以餐包嚟刮乾刮淨。正所謂驚喜連連，湯中放有一小件香煎蟹肉餅，一咬就知好足料，因為，食得出絲絲蟹肉，十分有蟹肉鮮味，叫人大滿足。主菜方面，一共有4款選擇，包括鱈魚、海鮮、羊架及西冷，稍提一下，唯西冷需額外補上$60，但喺以28日熟成嘅西冷嚟講，絕對值得，有食過熟成牛扒嘅朋友都知，成本絕不便宜。順帶一提啲服務，真喺有酒店級嘅專業水平，尤其上每一類別嘅菜式，都喺做到同步，而且，上菜速度合宜。火炙鱈魚柳、牛油燴大蒜賣相好精緻，鱈魚柳煎得好誘人，尤其面層嘅魚皮，真喺金光閃閃。友人切咗一小件俾我試試，果然，外皮香脆可口，魚肉嫩滑到不行，牛油燴大蒜汁，仲加咗少少麵豉，鹹香味完全可以吊起魚嘅鮮甜味，一絕。慢煮羊架、威士忌羊肉汁4款主菜中，羊架同西冷都喺首選，既然友人鍾情西冷，小弟就揀羊架，等大家都可以試到唔同菜式。一客有3支羊架，疊起嚟，再伴上野菜、紫薯蓉，簡單卻又好睇。要上5分熟嘅羊架，煎得恰到好處，外層有少少焦脆感，又由於經慢煮處理，所以，啲肉質軟腍細緻，中度嘅羊羶香，完全喺小弟杯茶，沾上威士忌羊肉汁，甚有畫龍點睛之效，喜歡食羊嘅朋友，真喺唔可以錯過呢一道主菜。香烤28天乾式熟成西冷扒（160克）及原隻大虎蝦 +$60貫徹之前嘅頭盤、主菜，呢一道西冷嘅擺盤都好靚，西冷煎得焦香，虎蝦比坊間常見嘅大大隻，好有睇頭，配上唔同色彩而多元嘅蔬菜，絕對喺惹人垂涎。西冷試咗一小口，果然不同凡響，既腍滑，又濃肉味，堅好食；再試一小口虎蝦，蝦味濃，極之爽口，就算唔沾醬汁，都夠晒好食，更喺食出原味。香橙甜酒梳乎厘配薑味雪糕個梳乎厘上到枱，就明白點解有3道菜或4道菜嘅選擇，因為，個梳乎厘比預期大好多，兩個人共享一客都OK喎。無論梳乎理，抑或雪糕，口味都喺好特別，先試一口梳乎理，質感超鬆軟，比綿花糖更軟綿綿，微微橙味，又帶點酒香，加入雲呢嗱汁，非常好食；一啖梳乎理，襯一啖雪糕就最好，因為雪糕嘅薑味好突出，甚有清清味蕾之效。大家都非常滿意今晚嘅晚餐，但始終唔喺平，就問問店家有無做午市，因為午市點都會比較平一截。原來，「午市精選」喺半自助套餐形式，分為兩道菜（$168）或三道菜（$188），前者就喺前菜及沙律任食，後者則連甜品都任食，並包是日餐湯及餐飲，而主菜則6揀1，不過，需留意部份主菜要額外加錢。呢個價絕對抵食，唯可惜，只限星期一至五供應。優雅嘅環境，驚喜嘅食物，雖然無點到酒品，一樣喺醉人之夜，傾吓傾吓，結果坐咗幾個鐘，喺近期難得一次可以暢聚到咁夜嘅飯局。…查看更多

一講Friday，第一時間就諗起「Happy Friday」，兩個字成為了最佳組合。無錯！長命工夫長命做，好不容易才到星期五，特別是放完長假後返這第一個星期，感覺更漫長，所以當友人約今晚吃飯聊天，我就馬上、即時、立刻應承。相約在堤岸餐廳，環境舒適優雅，透過大型落地玻璃窗可看到一望無際的大海，還有閃爍的夜空，到八時正也可看到幻彩詠香江，美得很，感覺很舒服。地方寬敞闊落，枱與枱之間有一定距離，好適合跟朋友暢談。設有多張四至六人枱，配上闊落的高椅子，坐得舒適。詳閱menu，可選三道菜（$398）或四道菜（$428）。唔駛講，對自己好啲就係食得豐富啲，當然要齊頭盤、餐湯、主菜和甜品共四道菜（$428）。************************先上一碟餐前麵包，共有兩款，配備牛油。圓餐包非常軟熟，滿有牛油香；法包就相當香脆，兩者同樣熱烘烘。個人較喜歡前者，不用塗上牛油已很美味。************************頭盤有兩款選擇，我倆都看中珍寶帶子三重奏 Pier jumbo sea scallop trio，貪佢可一次過試齊三種製作。賣相很特別，以一個半透明的三角椎體器皿盛載，充滿神祕感。要由底層吃起，就一層一層逐一揭開。一打開蓋，煙霧瀰漫，煙燻味直湧鼻子，原來頂層是蘋果木煙燻帶子；中間是香煎煙肉帶子柑橘油醋汁；底層就是鮮帶子他他配三文魚籽，各具特色，單單賣相已令人喜悅。先嚐鮮帶子他他配三文魚籽 Tartar with salmon roe，柔軟鮮甜，配上晶瑩剔透的三文魚籽和清爽的紅黃椒碎，進一步提鮮。繼而是香煎煙肉帶子柑橘油醋汁 Seared bacon wrapped with citrus vinaigrette，以一塊又嫩薄又油潤的煙肉捲着帶子，為鮮甜的帶子添上鹹香，鹹鮮有至，原來兩者好夾，再選了拌入柑橘油醋汁，有助中和油膩感，很有心思的配搭。最後是蘋果木煙燻帶子 Applewood smoked flavour，散發着煙燻香，有新意又有睇頭。又肥又厚的帶子柔軟鮮味，帶點煙燻味道，而它就換上配鹹鮮的黑魚子，睇落更矜貴之餘，亦添鹹鮮，配搭美味。************************餐湯是堤岸龍蝦濃湯、香煎蟹肉餅 Pierside marine lobster bisque, pan-fried crab cake，配搭一流! 熱辣辣上枱，湯身呈鮮橙色，輕輕舀起一羹，香濃的鮮味隨煙熱四散，不禁垂涎。趁熱呷一口，湯身稀稠度適中， 入口極之順滑，味道相當濃郁，必定落足料炮製。也很喜歡那件浸在湯中的迷你蟹肉餅，啖啖鮮香的蟹肉，再吸收了濃郁的龍蝦湯，更加鮮香，正!************************有四款主菜選擇，不用多問，我必點火炙鱈魚柳、牛油燴大蒜 Broiled miso Atlantic cod fillet, butter glazed leek，單單賣相已令我雙眼發亮。日式西京燒就常見，以味噌煮鱈魚柳作為一道西菜就少見。鱈魚柳大小中等，但極之厚身，由於經過火炙，表面和周邊都金黃，還帶一份焦香味，更加吸引！雪白的魚肉片片分明，並不散爛，肉質不止嫩滑咁簡單，仲有微爽的口感，優質！味噌的味道甜甜地，調味剛好，不失魚的鮮香，真的不禁邊食邊讚。最愛是那塊金黃的魚皮，帶份焦香，亦存有甘香油潤的魚油脂，啖啖教人回味。************************友人跟我一樣喜歡海鮮，她揀了以一個耐熱的透明膠紙包裹上枱的紙包煮海鮮米型麵 Seafood Carta Fata with orzo pasta，賣相與眾不同。服務員在客人面前剪開膠紙，隨即散出熱煙，陣陣香氣。内有帶子、青口、鮮蝦、蜆和海鱸，半浸湯中，下面當然不少得米型麵。先試一啖海鮮湯，除以眾多新鮮的海鮮炮製之外，還配了蕃茄、洋蔥等配料，味道酸咪咪，亦很鮮味，清新開胃，好喝！米型麵扁身細小，外型幾似瓜子，又似翠肉瓜的核子，有趣！口感滑身，伴着鮮酸的海鮮湯同吃，不錯！************************最後就是甜品出場，香橙甜酒梳乎里配薑味雪糕 Grand mariner soufflé, ginger ice cream 比相像更有份量，還配些雜莓，令人吃得滿足！聞到陣陣香甜的味道，的確熱辣辣香噴噴，還是趁它未塌下，在最佳狀態時快快把它吃掉。梳乎里焗得高而挺身，面頭金黃，色澤均勻，灑上糖霜，既帶焦香亦香甜。外層稍稍柔韌，內裏則輕而蓬鬆，輕盈得來又有適當的濕潤度，口感一流！帶微微的橙香，同時亦嚐到蛋奶香，雖配有甜美的雲尼拿醬汁，但其實不作添加已很美味。還有那球薑味雪糕，薑味十足，相當香滑，很討我歡喜，真的唔夠喉，哈！------------------------------對着迷人的夜景，在舒適環境吃着色香味俱全的美食，有講有笑，談談美食，又談談旅遊，也談談工作，一起過了一個放鬆享受的晚上，真真正正的Happy Friday，期待下個 Friday再來這裏齊齊Happy。…查看更多