Siam 28

營業中

休息中

這裡的泰菜有別於傳統菜式，保留泰式的味道，嘗試不同配搭，俾到新鮮感。價錢都相當經濟實惠，餐廳環境舒適，鄰近ＳＯＧＯ，閒來食下，銅鑼灣約人飯局都幾方便。帕能咖喱雞配薄餅 $119咖喱味道甜而不辣，充斥住南薑和香茅味，雞肉軟嫩，伴有西蘭花。薄餅酥脆要趁熱食，耐了硬身，咖喱汁好味配薄餅一流。蟹肉炒飯配原隻軟殼蟹 $119軟殼蟹鬆脆幾香口，炒飯唔錯，有絲絲蟹肉和蛋碎，沾上之前的帕能咖喱撈飯，正，滴汁都唔浪費。芒果煎糯米飯 $89糯米飯造法特別，加蛋漿煎香糯米表面，似食糯米糕口感煙韌，有著焦香和糯米香。芒果好香甜，椰漿味就鹹鹹地，鹹甜滋味對比強烈，幾欣賞。龍眼冰茶 $48自家煲龍眼水，份外清甜潤喉幾好飲。珍多冰 $48充滿椰奶香，甜甜地幾好飲。

放咗工打算出外吃完晚飯才回家，同事提議去食泰國菜醒神開胃，一洗工作嘅疲累。近SOGO 附近澳門逸園中心 找到這間「Siam28」 泰國餐廳，曾經光顧印象中食物非常有水準。一邊窗外望銅鑼灣鬧市，燈光柔和氣氛唔錯。有新款限定食品，亦有一系列泰北菜式。珍多冰可以order少甜，椰汁味道香濃！Siam28 小食層層架🦐 $148即叫即做，感受到炸物仍有油溫😋沙嗲雞肉串，甚有BBQ風味，蘸上秘製沙嗲醬汁泰味十足🤗泰式雞翼，切成單骨，令雞翼更加入味，鹹鹹地簡單用鹽已經非常香口惹味！芝士🧀蝦餅，不是誇張比乒乓波更加大！切開就見到澎湃嘅芝士流心~非常美味！蝦餅極厚，外皮炸得脆脆的，蝦餅亦夠彈牙！另外一款蝦餅沒有芝士餡料，一樣咁好食香口美味😋👍🏻炸春卷:最緊要外皮夠炸，內有蘿蔔絲和幼粉絲，味道豐富！泰式濕炒海鲜”停頓"麵 $122送上枱嘅時候真係笑咗😆，原來停頓係咁嘅意思！以為係食物dummy 😂從店員手中接過筷子後都唔知要點樣吃，索性將炸直咗嘅麵打橫放在碟上，再臨上秘製芡汁。😆麵條本身有啲似炸蝦🦐酥，卜卜脆好香口，可以當小食。😆 鍾意搞搞震嘅朋友期後竟可以把麵條放真，不用提起🌟 差啲忘記咗主角海鮮：

星期六喺SOGO 附近搵嘢食好快咁喺呢間餐廳食咗個lunch叫咗2個lunch set每個set都跟一個湯、一個main、一杯野飲我同朋友叫咗一個咖喱軟殼蟹薄餅同埋一個冬陰海鮮螺絲粉首先就嚟咗一碗冬陰功雜菜湯之後就上嘢飲咖喱軟殼蟹薄餅嘅咖喱正常、軟殼蟹炸得好脆，但薄餅太硬/太un 唔建議配薄餅配飯應該好食啲最好食係冬陰海鮮螺絲粉 非常推介！好惹味！！另外加$20可以揀兩款小食我揀咗炸蝦餅同埋豬頸肉屬正常水平 有興趣都可以加

時常full house 的Siam 28，今日6:30 一收工就衝去食。環境不大但也舒適。先上了五款自家醬汁 。珍多冰粉條蠻爽滑的，椰汁味道也夠濃郁鮮蝦柚子沙律柚子頗大一塊，大蝦爽口彈牙，味道酸甜，整體清新開胃。我最愛的炸蝦餅，新鮮即炸，非常彈牙，對不新鮮蝦有敏感的我吃完沒有出現過敏。泰式鳳爪（不辣）無骨鳳爪配上洋蔥、蕃茄、香芹，即使走了辣仍很惹味。炒鮮蝦金邊粉外面有層薄薄既蛋網，金邊粉炒得剛好不會糊成一片，整體酸、鹹、甜味和諧，出色！要提一提的是員工有禮勤快，會主動換碟和觀察吃飯進度上菜，出色！

今日同一班好朋友聚舊，平時成日食韓國日本野，今日決定食泰國野我地叫左生菜包、燒豬頸肉、半熟三文魚、炒通菜、咖哩豬肉同埋一客芒果糯米飯。一叫完食物，侍應首先放低一碟五種醬汁，由我地自己決定點咩醬，有酸有辣，我個人最喜歡係綠色嗰隻醬汁，酸酸甜甜，點燒豬頸肉可以消除左油膩感！之後有半熟三文魚。本身以為係煙三文魚咁樣，原來係好厚身嘅三文魚，外面係熟，但唔會熟到好un, 配上淋在上面的香料和醬汁，有少少微，但味道和口感非常好！係我認為今晚最好嘅一味餸之後有香茅雞，用香茅就一如往常嘅香，但令人驚喜嘅係雞肉好嫩滑。另外仲叫左雞翼，但半隻香茅雞完勝👍🏻👍🏻👍🏻到甜品，我地叫左芒果糯米飯。糯米飯係煎過嘅飯餅，新式嘅食法。不過我比較喜歡傳統的芒果糯米飯呢！適逢係朋友生日，今日我地都特別預備左蛋糕！員工都好貼心地為朋友送上祝福，又會好有耐性落單，成餐飯都同我地有講有笑有時一餐嘅時間，除左取決於食物質素，同時如果有好嘅服務同環境，就可以令食客更加享受了！

上個月媽咪同朋友黎過呢間食過後, 對呢度既野食同服務都讚口不絕~ 今晚媽咪建議再黎呢度,一家人食晚飯。傍晚時段入座, 店內未有食客, 一坐低, 待應先送上五色泰式同越式汁醬, 還先跟我地仔細介紹邊款食物配上哪一款醬汁味道最佳。我地點左幾款野食, 店員為我地調好上菜節奏, 免得一次過上菜, 令食物凍左而錯失最佳味道。【珍多冰】HK$48椰汁味幾重, 甜度剛剛好【炸蝦餅】HK$88即叫即炸, 熱辣辣上檯, 炸得金黃香脆, 蝦餅很鮮甜, 而且帶點彈牙【冬陰公】HK$108冬陰公本身已經夠熱就立即上檯, 還跟一個小火爐慢慢興住, 慢慢食唔會灘凍。味道酸酸辣辣, 愈食愈開胃, 入面更有四隻已脫殼既蝦同埋幾隻秀珍菇。隻蝦超級爽口...【炒鮮蝦金邊粉】HK$118本身自己唔太中意食金邊粉, 因為出面大多既金邊粉都被炒至一pat pat。但妹妹堅持要試一下, 所以都有order。薄薄既蛋網住金邊粉, 除左表層, 入面都有較多既蛋絲, 金邊粉粉質軟硬程度剛剛好, 整體蛋味幾濃。【蝦醬炒飯】HK$118炒飯為濕炒, 唔會太乾身, 炒飯粒粒分明。炒飯中有臘腸粒、蔥粒, 陣陣既蝦醬味慢慢散發, 幾香口。【沙爹